საქართველოდან უკრაინაში გზავნილები გასამმაგებულია

საქართველოდან უკრაინაში გზავნილები გასამმაგებულია

access_time2022-08-02 17:00:18

2022 წლის პირველ ნახევარში საქართველოში ფულადი გზავნილების სახით 1.78 მილიარდი გადმოირიცხა, რაც წინა წელთან შედარებით 65%-ით მეტია. ქვეყნებს შორის გზავნილებით პირველ ადგილზე არის რუსეთის ფედერაცია, საიდანაც ეროვნული ბანკის მონაცემებით, 750 მილიონი დოლარი შემოვიდა. მეორე პოზიციას იკავებს იტალია, საიდანაც 35.6 მილიონი დოლარი შემოვიდა, რაც წლიურად 12%-ით არის გაზრდილი. 27.7 მილიონით მესამე პოზიციაზეა აშშ, საბერძნეთი კი 18.8 მილიონით მეოთხე პოზიციას იკავებს.


არამარტო რუსეთიდან, არამედ ევროპის ქვეყნებიდან ფულადი გზავნილების მზარდ ტენდენციაზე „კომერსანტთან“ საუბრობს ფულადი გზავნილების ქართული კომპანია ინტელიექსპრესის ბიზნესის განვითარების დეპარტამენტის ხელმძღვანელი ლევან თავართქილაძე. მისი თქმით, ევროპის ქვეყნებიდან ინტელიექსპრესის საშუალებით გზავნილების მოცულობა მეორე კვარტალში 15%-ით გაიზარდა.


„ივნისი და ფაქტობრივად მთლიანად მეორე კვარტალი, 2021 წლის მეორე კვარტალთან შედარებით, ფულადი გზავნილების ჭრილში გაორმაგებულია. ამის მიზეზი რუსეთიდან გზავნილების მნიშვნელოვანი ზრდაა, წინა კვარტალთან შედარებით გზავნილები 6-ჯერაა გაზრდილი. თუმცა ვფიქრობთ, რომ ეს უფრო ერთჯერადი ეფექტია და უკვე შეინიშნება დასტაბილურების ტენდენცია. რაც შეეხება უშუალოდ ინტელიექსპრესს, ვინაიდან ჩვენი სისტემის სტრატეგიული განვითარების გეგმაში ძირითადად ევროპის ქვეყნებია, ცხადია მსგავსად არ გაორმაგებულა ბრუნვა, თუმცა წინა წლის მეორე კვარტალთან შედარებით 15%-იანი ზრდა გვქონდა და ჯამში გზავნილების მოცულობამ 88 მლნ დოლარი შეადგინა.



ინტელიექსპრესის სისტემით საქართველოში ფულის გამოსაგზავნად წელს უკვე 40-ზე მეტ ქვეყანაში ისარგებლეს ქართველმა ემიგრანტებმა. გზავნილების ზრდა შეინიშნება: ისრაელიდან, თურქეთიდან, იტალიიდან, ესპანეთიდან, სომხეთიდან და შვედეთიდან. ასევე აღსანიშნავია უკრაინა. გასულ წელს სისტემის ბრუნვის დაახლოებით 20% უკრაინაზე მოდიოდა, სადაც ინტელიექსპრესს მნიშვნელოვანი საგადახდო სისტემის სტატუსი აქვს და თანამშრომლობს 20-მდე ბანკთან. რუსეთ - უკრაინის ომის დაწყების შემდეგ უკრაინის ეროვნულმა ბანკმა, ქვეყნიდან თანხების გადინების თავიდან ასაცილებლად, აკრძალა უკრაინიდან ფულადი გზავნილების გაგზავნა. ამიტომ ბუნებრივია სრულიად შეწყდა უკრიანიდან - საქართველოში ფულადი გზავნილები. თუმცა სიტუაციის დასტაბილურებასთან ერთად ველოდებით ნაკადების ეტაპობრივ აღდგენას უკრაინიდანაც“,  აღნიშნა თავართქილაძემ.


ინტელიექსპრესის ბიზნესის განვითარების დეპარტამენტის ხელმძღვანელი „კომერსანტთან“ საქართველოდან უცხოეთში ფულადი გადარიცხვების ზრდაზეც საუბრობს და განმარტავს, რომ უკრაინის მიმართულებით გადარიცხვები გასამმაგებულია.


„ამ წლის II კვარტალში, წინა წლის ანალოგიურ პერიოდთან შედარებით, ინტელიექსპრესით საქართველოდან უცხოეთში გაგზავნები გაორმაგებულია. მათ შორის საგრძნობლადაა გაზრდილი გზავნილები უკრაინაში, რომელი მიმართულებითაც, წინა წლის იგივე პერიოდთან შედარებით, ფაქტობრივად გასამმაგებულია ჩვენი სისტემის ბრუნვა საქართველოდან. რაც განპირობებულია არა მხოლოდ უკრაინიდან ვიზიტორების რაოდენობის მატებით, არამედ საქართველოდან დახმარების მიზნით განხორციელებული გადარიცხვებით. ინტელიექსპრესმა ომის დაწყების პირველივე დღეებში გააუქმა გზავნილების და საბანკო გადარიცხვების საკომისიო 6 ქვეყნიდან, მათ შორის საქართველოდან უკრაინის მიმართულებით და ნებისმიერი გადარიცხვის ყველა ხარჯი საკუთარ თავზე აიღო, რასაც ასევე უკავშირდება ზრდა. ამასთანავე აღსანიშნავია, რომ გაიზარდა გზავნილები საქართველოდან საბერძნეთის, სომხეთის, ისრაელისა და თურქეთის მიმართულებით“, -ამბობს ლევან თავართქილაძე.





ლარის კურსი დოლართან 0.78 თეთრით გამყარდა, ევროსთან კი 2.72 თეთრით გაუფასურდა

ლარის კურსი დოლართან 0.78 თეთრით გამყარდა, ევროსთან კი 2.72 თეთრით გაუფასურდა
access_time2022-10-04 17:00:26
4 ოქტომბერის ვაჭრობის შედეგად, საქართველოს ეროვნული ვალუტა აშშ დოლართან მიმართებით 0.78 თეთრით გამყარდა, შედეგად ერთი დოლარის ოფიციალური ღირებულება 2.8150 ლარი გახდა. სებ-ის ცნობით, ეროვნული ვალუტა ევროსთან მიმართებით 2.72 თეთრით გაუფასურდა, შედეგად ერთი ევროს ოფიციალური ღირებულება 2.7860 ლარი გახდა. Bloomberg-ის სავაჭრო სისტემაში კი ლარით და რეგიონალური ვალუტებით ვაჭრობა დღის განმავლობაში მცირედი ცვლილებებით გამოირჩეოდა. ქართული ლარის კურსი Bloomberg-ზე კი დილიდან...

ფიზიკის დარგში ნობელის პრემიის ლაურეატები გამოვლინდნენ

ფიზიკის დარგში ნობელის პრემიის ლაურეატები გამოვლინდნენ
access_time2022-10-04 15:36:57
ნობელის კომიტეტმა 4 ოქტომბერს გამოაცხადა 2022 წლის ლაურეატები ფიზიკის დარგში. ისინი არიან ფრანგი ალენ ასპე, ამერიკელი ჯონ კლაუერი და ავსტრიელი ანტონ ცაილინგერი. მათ ნობელის პრემია მიენიჭათ ჩახლართული ფოტონების სფეროში ექსპერიმენტებისთვის, ბელის უტოლობის დარღვევის კვლევისთვის და ნაშრომებისთვის კვანტურ ინფორმატიკაში.   მეცნიერებმა ნოვატორული ექსპერიმენტების ჩატარება შეძლეს ჩახლართული კვანტური მდგომარეობებით, როცა ორი ნაწილაკი იქცევა როგორც ერთი მთელი, მაშინაც კი, როცა...

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში
access_time2022-10-04 15:00:18
2021 წელს, 2020 წელთან შედარებით, სატელევიზიო სარეკლამო ბაზარი 7.8 მლნ ლარით გაიზარდა (10.4%) და 83.1 მლნ ლარი შეადგინა. ამის შესახებ, საერთაშორისო გამჭვირვალობა საქართველო ახალ ანგარიშს აქვეყნებს. 2021 წლის სატელევიზიო სარეკლამო ბაზრის ანგარიშის მიხედვით, 2021 წელს ყველაზე მეტი რეკლამა, ტრადიციულად „იმედის“ ჰოლდინგმა მიიღო. მისმა შემოსავალმა 2021 წელს 31.1 მლნ ლარი (სარეკლამო ბაზრის 37.4%) შეადგინა. მეორე ადგილზე ტელეკომპანია „რუსთავი 2“ „მთავარმა არხმა“ ჩაანაცვლა...

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა
access_time2022-10-04 14:45:32
დეპუტატმა და ხალხის ძალის“ წევრმა ვიქტორ ჯაფარიძემ ტელეკომპანია POS TV -ის წილების 52% შეიძინა. სიახლის შესახებ დღეს უ,რავლესობიდან წასული დეპუტატებიდან ერთ-ერთმა, სოზარ სუბარმა მოძრაობის ახალი წევრების წარდგენაზე ისაუბრა. გარიგების საფასური 520 000 ლარია. ახლა პოსტვ“-ის მეწილეების სია ასე გამოიყურება: ვიქტორ ჯაფარიძე - 52%;შალვა რამიშვილი -24%;თემურ ჭარელაშვილი - 24%.

2023 წლიდან საჯარო სექტორში საბაზო თანამდებობრივი სარგო იზრდება

 2023 წლიდან საჯარო სექტორში საბაზო თანამდებობრივი სარგო იზრდება
access_time2022-10-04 16:00:54
მთავრობა საჯარო სექტორის ხელფასის არასახელმწიფო სექტორის ხელფასებთან დაახლოებას ცდილობს. ამიტომ 2023 წლიდან საბაზო თანამდებობრივი სარგო იზრდება. „საჯარო დაწესებულებაში შრომის ანაზღაურების შესახებ“ საქართველოს კანონში შესატანი ცვლილებები საკანონმდებლო ორგანოში უკვე ინიცირებულია. ხელისუფლებაში მიაჩნიათ, რომ სახელმწიფო სექტორში საშუალო ხელფასი არასდროს არ უნდა უსწრებდეს არასახელმწიფო სექტორში საშუალო ხელფასს, თუმცა მათ შორის დიდი განსხვავებაც...


მსგავსი სიახლეები

up