საქართველოდან სომხეთში ბუნებრივი აირის ტრანზიტი 2018 წელს 60 მლნ კუბური მეტრით შემცირდა

საქართველოდან სომხეთში ბუნებრივი აირის ტრანზიტი 2018 წელს 60 მლნ კუბური მეტრით შემცირდა

access_time2019-02-11 16:29:21

2018 წლის განმავლობაში საქართველოს მაგისტრალური მილსადენის გავლით, სომხეთს 1.93 მილიარდი მეტრ კუბი ბუნებრივი აირი მიეწოდა.


ამის შესახებ გაზისა და ნავთობის კორპორაციის მიერ გამოქვეყნებული სტატისტიკიდან გახდა ცნობილი. გაზის ეს მოცულობა 2017 წელთან შედარებით 60 მილიონი მეტრ კუბით ნაკლებია.


საქართველოსა და “გაზპრომ ექსპორტს” შორის ბუნებრივი აირის ტრანზიტზე განახლებული ხელშეკრულება ჯერ არ გაფორმებულა, რის გამოც, უკვე 42 დღეა სომხეთს ბუნებრივი აირი იურიდიული სტატუსის გარეშე მიეწოდება.


საქართველოს ეკონომიკის მინისტრის გიორგი ქობულიას განცხადებით, მიმდინარეობს მუშაობა, რომ სატრანზიტო ხელშეკრულების პირობები გაუმჯობესდეს. კონტრაქტის საიდუმლო სტატუსიდან გამომდინარე, ინფორმაცია იმის შესახებ თუ რა შეიცვლება მასში, სავარაუდოდ ასევე საიდუმლოდ დარჩება.



შეგახსენებთ, რომ 2017 წლიდან საქართველო სატრანზიტო ბუნებრივი აირის 10%-ის ნაცვლად ფულად ანაზრაურებას იღებს. როგორც ცნობილია, თანხობრივად ეს ანაზღაურება უფრო ნაკლებია, ვიდრე იმ ბუნებრივი აირის ღირებულება, რასაც ქვეყანა უფასოდ იღებდა.


ამასთანავე, კრემლმა სომხეთისთვის ბუნებრივი აირის ღირებულების გაძვირების პოლიტიკური გადაწყვეტილება მიიღო. პირველი იანვრიდან გაზპრომი სომხეთს 1000 კუბურ მეტრ ბუნებრივ აირს $150-ის ნაცვლად, $165-ად აწვდის.


სომხეთი “გაზპრომისთვის” ერთ-ერთი ყველაზე მცირე საექსპორტო ბაზარია და ის რუსული ექსპორტის 1%-ზე ნაკლებს შეადგენს. 2017 წელს “გაზპრომ ექსპორტმა” 194 მილიარდი კუბური მეტრი ბუნებრივი აირი გაყიდა.


საქართველოდან თურქეთის მიმართულებით გატარებული ბუნებრივი აირის მოცულობა კი, მზარდია. 2018 წელს შაჰ-დენიზის მილსადენის მეორე ხაზის გახსნის შედეგად, საქართველოზე გატარებული სატრანზიტო გაზის მოცულობა 1 მილიარდი მეტრ კუბით გაიზარდა. მთლიანობაში მილსანდენის დატვირთვამ 7.13 მილიარდი მეტრ კუბი შეადგინა.


მას შემდეგ, რაც TANAP-ის პროექტის გაგრძელება, ტრანსადრეატიკული მილსადენი (TAP) აშენდება, საქართველოზე 22 მილიარდი მეტრ კუბი ბუნებრივი აირი გაივლის.


bm.ge






პრობლემა არა საგარეო-სავაჭრო ბალანსის დეფიციტია, არამედ მისი სიდიდე - გიორგი ცუცქირიძე

 პრობლემა არა საგარეო-სავაჭრო ბალანსის დეფიციტია, არამედ მისი სიდიდე - გიორგი ცუცქირიძე
access_time2019-07-18 18:30:47
“პრობლემა არა საგარეო-სავაჭრო ბალანსის დეფიციტია, არამედ მისი სიდიდე!”, – ამ სათაურით აქვეყნებს პოსტს საბანკო-საფინანსო საქმის ექსპერტი, პროფესორი გიორგი ცუცქირიძე სოციალურ ქსელში. პოსტს კომერსანტი უცვლელად გთავაზობთ: “პრობლემა არა საგარეო-სავაჭრო ბალანსის დეფიციტია, არამედ მისი სიდიდე! აღსანიშნავია, რომ ბოლო წლებში საგარეო სავაჭრო ბრუნვის ზრდასთან ერთად, იზრდებოდა წმინდა ექსპორტი და...

ჯიპიაი-მ ლოიალობის პროგრამა ეკოისტი დაიწყო

ჯიპიაი-მ  ლოიალობის პროგრამა ეკოისტი დაიწყო
access_time2019-07-18 16:00:27
მათთვის ვისაც ჯანსაღი ცხოვრების წესის დაწყება სურს „ჯიპიაი ჰოლდინგი“ მასშტაბურ ლოალობის პროგრამას იწყებს, სახელწოდებით „ეკოისტი“. პროგრამა მოიცავს განსაკუთრებულ პირობებს, როგორც დაზღვეულებისთვის, ისე ნებისმიერი სხვა მსურველისთვის.  რა არის ეკომონეტა? ამ მოძრაობაში მთავარი ადგილი უჭირავს „ეკომონეტას“, რომელსაც კომპაინიაში ჯანსაღი ცხოვრების ახალი ვალუტად მოიხსენიებენ. ჯანსაღი ცხოვრებისთვის დამახასიათებელი ქმედებების სანაცვლოდ...

უკრაინის ინფრასტრუქტურის მინისტრი: ჩინეთი არ იყენებს აბრეშუმის გზას

უკრაინის ინფრასტრუქტურის მინისტრი: ჩინეთი არ იყენებს აბრეშუმის გზას
access_time2019-07-18 19:00:28
რუსეთის მიერ შემოღებული სატრანზიტო შეზღუდვების გამო უკრაინული ექსპორტი 3 წლის მანძილზე ცენტრალურ აზიაში 10-ჯერ  შემცირდა. ჩინეთი არ იყენებს დიდი აბრეშუმის გზას და ძირითადად ახორციელებს სატვირთო გადაზიდვებს ყაზახეთის, რუსეთისა და ბელორუსიის გავლით - განაცხადა უკრაინის ინფრასტრუქტურის მინისტრმა ვიქტორ დოვგამა. „ჩინელებთან მიმდინარე მუდმივი მოლაპარაკებების მიუხედავად, ახალი აბრეშუმის გზა ჯერჯერობით არ მუშაობს. ამ ეტაპზე ის რჩება...

„ბორჯომი“ იწყებს რებრენდინგს

„ბორჯომი“ იწყებს რებრენდინგს
access_time2019-07-18 17:30:46
IDS Borjomi Russia-მ წარადგინა ბრენდ „ბორჯომი“-ს ინოვაციური რებრენდინგი. 100-წლიან ისტორიის მქონე მინერალური წყალი ალუმინის ქილაში გამოჩნდა, რაც ბრენდისთვის რევოლუციის ტოლფასია. ამით „ბორჯომმა“ დაიპყრო ახალგაზრდა აქტიური აუდიტორია. ამჟამად მოვიდა დრო კიდევ ერთი თამამი ნაბიჯისთვის - ბრენდის განუმეორებელი და თამამი ხასიათი გამოიხატება ორიგინალურ გაფორმებაში. ყველასთვის ნაცნობმა შეფუთვამ მიიღო ახალი დიზაინი, შეიცვალა ეტიკეტის ფორმა და...

სანაპიროზე, რესტორანი „არაგვის“ ნაცვლად, $100- მილიონიანი ახალი მრავალფუნქციური კომპლექსის კონცეფცია მუშავდება

სანაპიროზე, რესტორანი „არაგვის“ ნაცვლად,  $100- მილიონიანი ახალი მრავალფუნქციური კომპლექსის კონცეფცია მუშავდება
access_time2019-07-18 16:30:34
სანაპიროზე, რესტორანი „არაგვის“ ნაცვლად, ახალი მრავალფუნქციური კომპლექსის კონცეფცია შეიძლება შეიცვალოს. ამის შესახებ „კომერსანტს“ პროექტის განმახორციელებელი კომპანია „ლოიალ კაპიტალ გრუპის“ ვიცე-პრეზიდენტმა მინდია გადაევმა განუცხადა. მისი ინფორმაციით, ამ დროისთვის მიმდინარეობს ტერიტორიის კონცეპტუალური მასტერპლანის, კონცეფციის მომზადება, რომელზეც არქიტექტურული კომპანია spectrum-ი მუშაობს. „კონცეფცია რამდენიმე თვის წინ...


მსგავსი სიახლეები

up