საქართველო რეალურად გახდება რეგიონული ჰაბი - „ნატოს“ მეხუთე მუხლის ეკონომიკური შედეგი

საქართველო რეალურად გახდება რეგიონული ჰაბი - „ნატოს“ მეხუთე მუხლის ეკონომიკური შედეგი

access_time2019-09-11 20:00:01

„ერთი ყველასათვის და ყველა ერთისათვის“.

ეს ჩრდილოატლანტიკური ხელშეკრულების ორგანიზაციის (ნატო) მთავარი პრინციპია, რომელიც ოფიციალურადაც დამტკიცებულია და ცნობილია როგორც კანონის მე-5 მუხლი.

მარტივად რომ ითქვას  NATO-ს  წევრი 29 ქვეყანა ერთიანდება ერთისთვის და იბრძვის მისი უსაფრთხოებისთვის. ზუსტად ამ პუნქტმა გამოიწვია საზოგადოებაში აზრთა სხვადასხვაობა. მეტიც, დაპირისპირება. კერძოდ:


“ვფიქრობ, უნდა დაიწყოთ დისკუსიები, მისაღები იქნება თუ არა საქართველოსთვის, შეუერთდეს ნატო-ს ისე, რომ მეხუთე მუხლი არ გავრცელდეს აფხაზეთისა და სამხრეთ ოსეთის ტერიტორიაზე,” - ნატოს ყოფილი გენერალური მდივნის, ანდერს ფოგ რასმუსენის ამ განცხადების შემდეგ არ წყდება მსჯელობა, რამდენად რელევანტური და სწორი გადაწყვეტილება იქნება ამ შემოთავაზებაზე დათანხმება.


ამჯერად „კომერსანტი“ შეეცდება NATO-ში ამგვარად გაწევირიანების ეკონომიკური ასპექტები მიმოიხილოს და კონკრეტული მაგალითების საფუძველზე, სავარაუდო პერსპექტივები  გაგაცნოთ.


„მეხუთე მუხლი გულისხმობს კოლექტიურ თავდაცვას, ანუ თუ ვინმე ხელყოფს საქართველოს ტერიტორიულ მთლიანობას, ეს აღიქმება როგორც ყველა დანარჩენის ტერიტორიებზე ხელყოფა. შესაბამისად პასუხის გაცემა მოხდება  სამხედრო ძალით.

იმ შემთხვევაში, თუ საქართველო NATO-ში გაწევრიანდა და მე-5 მუხლი არ გავრცელდა ოკუპირებულ ტერიტორიებზე, ეს ნიშნავს რომ დანარჩენი არეალი იქნება დაცული ნებისმიერი სამხედრო შემოტევისგან. ესე იგი, პრაქტიკულად, საქართველო ნულამდე შეამცირებს იმის შანსს, რომ რუსეთმა მასზე სამხედრო თავდასხმა განახორციელოს“, -განმარტავს ატლანტიკური საბჭოს ვიცე პრეზიდენტი ბათუ ქუთელია.


მყარი თავდაცვის პირობებში  ქვეყნის პოლიტიკური, ეკონომიკური, სოციალური და დემოგრაფიული მდგომარეობაც ავტომატურად სტაბილური და დაბალანსებული გახდება. ზუსტად ამგვარ გარემოში კი აუცილებლად გაიზრდება ინვესტიციების მოცულობა; შეიქმნება ჯანსაღი ბიზნესგარემო და დაცული იქნება საკუთრების უფლება. მსგავს პირობებში კი დაჩქარდება ოკუპაციის პრობლემის მოგვარება და ტერიტორიული მთლიანობის აღდგენის რეალური შესაძლებლობებიც გაჩნდება.



ბათუ ქუთელიას თქმით, NATO-ში გაწევრიანებას და საქართველოზე სამხედრო ალიანსის ხელშეკრულების მე-5 მუხლის ამოქმედება მხოლოდ დადებითი ეკონომიკური სარგებლის მოტანა შეუძლია და არც ერთი უარყოფითის:


„ცალსახაა, რომ რუსეთს ძალიან გაუჭირდება რაიმე შემაკავებელი ქმედების განხორციელება, რადგან მისთვის მსგავსი ბერკეტი სამხედრო პოტენციალია, ამას კი ფიზიკურად ვეღარ განახორციელებს. ამიტომ, საქართველოში მყისიერად დაიწყება ეკონომიკური  განვითარდება. მაგალითად, შედარებისთვის ბალტიის ქვეყნებში (უფრო მეტად თანაბარზომიერი ლოკაციები), ალიანსში გაწევრიანებისთანავე 2-ნახევარჯერ ან 3-ჯერ გაიზარდა ინვესტიციების მოცულობა. ასევე  პირველივე ხუთ წელიწადში  სიცოცხლის ხანგრძლივობა საშუალოდ  3-დან 5 წლამდე გაიზარდა. ეს იმიტომ, რომ ინვესტიეცებიდან გამომდინარე, ქვეყანას უსაფრთხო ქოლგის ქვეშ, მეტი რესურსი გაუჩნდა ჯანდაცვისა და სოციალურ საჭიროებაზე. ასევე გაიზარდა ახალი ბიზნესებისა და სტარტაპების რაოდენობაც, რადგან უსაფრთხო ქვეყანაში ფინანსური შესაძლებლობები ბევრად დიდია, ანუ ყველა ინდიკატორი მყისიერად გაიზარდა და ასე იქნება საქართველოშიც“.


მმართველი ძალა უკვე წლებია ამბობს, რომ საქართველოს აქვს  სხვადასხვა მიმართულებით რეგიონულ ჰაბად ჩამოყალიბების პერსპექტივა. მათ შორის, სატრანსპორტო, ლოგისტიკური, ფინანსური, საგანმანათლებლო და ა.შ. თუმცა რეალობაში ვითარება სხვაგვარადაა - პრობლემებია ყველა სფეროში. როგორც ბათუ ქუთელია ამბობს, სინამდვილეში ყველა პრობლების სათავეც და მისი მოგვარების გზაც, პირველ რიგში, სწორედ უსაფრთხოებაა. ამიტომ  სამხედრო ალიანსის წევრობა ამ საკითხს საბოლოოდ გადაწყვეტს.


„როდესაც საუბარია ქვეყნის რეგიონულ ჰაბად ჩამოყალიბებაზე, რა თქმა უნდა, ჯერ ამას უსაფრთხოება სჭირდება. თავისთავად, როცა შენს გვერდითაა 29 ქვეყანა, ბევრად ძლიერი და მყარი ხარ. თუმცა, აქვე იმასაც აღვნიშნავ რომ აუცილებელია ხელისუფლების ხელშეწყობა, ანუ პოლიტიკური ნება და ცოდნა. საქმე იმაშია, რომ NATO- წევრი ქვეყნები დემოკრატიულია და საქართველოც ასეთი უნდა იყოს. რუსეთს კი აქვს ორი ბერკეტი, რომ ხელი შეგვიშალოს სამხედრო ალიანსში გაწევრიანებაში. ერთი, ოკუპირებული ტერიტორიები და მეორე დემოკრატიული იმიჯის დაზიანება. რასმუსენის განცხადებები პირველს ხელს ვერ უშლის და დარჩა მეორე ვარიანტი (დემოკრატიული იმიჯი), რაშიც სამწუხაროდ მოკავშირედ ჰყავს „ქართული ოცნება“,-ამბობს ბათუ ქუთელია.


შეგახსენებთ, ჩრდილოატლანტიკური ხელშეკრულების ორგანიზაციის მე-5 მუხლი ადგენს, რომ თავდასხმა ნატოს ერთ რომელიმე წევრ სახელმწიფოზე ნიშნავს თავდასხმას ყველა მოკავშირეზე და ითვალისწინებს კოლექტიური თავდაცვის ზომების ამოქმედებას. მეხუთე მუხლში ასევე ხაზგასმულია, რომ კოლექტიური თავდაცვის ზომების, მათ შორის ”სამხედრო ძალების” გამოყენება უნდა მოხდეს მხოლოდ აუცილებლობის შემთხვევაში.


როგორც ნატოს ყოფილმა გენერალურმა მდივანმა, ანდერს ფოგ რასმუსენმა მედიასთან განმარტა, NATO-ში გაწევრიანება ისე, რომ მე-5 მუხლი არ გავრცელდა კონკრეტულ ტერიტორიებზე უკვე გამოცდილი მეთოდია, თანაც წარმატებული:


„გერმანია ნატო-ში 1955 წელს გაწევრიანდა, თუმცა მხოლოდ მისი დასავლეთ ნაწილი. ნატოს წესდება არ ვრცელდებოდა აღმოსავლეთ გერმანიაზე. თუმცა, 1991 წელს, გერმანიის გაერთიანების შემდეგ, ნატოს წესდება აღმოსავლეთ გერმანიაზეც გავრცელდა. პრინციპში, ანალოგიური მექანიზმი შესაძლოა, შემუშავდეს საქართველოსთვისაც. რა თქმა უნდა, ეს არის სადავო და უნდა განიხილებოდეს, როგორც საქართველოში, ისე ნატო-ში. თუმცა ვფიქრობ, ჩვენ უნდა დავადასტუროთ ის, რადგან წინააღმდეგ შემთხვევაში, პრეზიდენტ პუტინს მივცემთ დეფაქტო ვეტოს უფლებას, რომ მუდმივად შეძლოს საქართველოს, უკრაინის ან სხვა მეზობელი ქვეყნის ნატო-ში გაწევრიანების დაბრკოლება ანალოგიური კონფლიქტების წარმოქმნით“, – განაცხადა რასმუსენმა.




სალომე ლემონჯავა






ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა

ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა
access_time2020-02-19 17:05:52
1 აშშ დოლარის ოფიციალური ღირებულება 2.8422 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8422 ლარი შეადგინა. კურსი, რომელიც დღეს მოქმედებდა, 2.8631 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0209 ლარი შეადგინა. რაც შეეხება ევროს, მისი კურსი 3.0701 ლარია. მაშინ, როცა დღეს მოქმედი კურსი 3.1010 ლარს შეადგენდა. შესაბამისად, ევროს ცვლილებამ 0.0309...

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა
access_time2020-02-19 17:00:28
საავტომობილო გზების დეპარტამენტმა ნაკისრი ვალდებულებების შეუსრულებლობის გამო უცხოურ კომპანია TODINI COSTRUZIONI GENERALI S.p.A.-სთან ხელშეკრულება მეორედ გაწყვიტა. თავდაპირველად მაშინ, როდესაც კომპანიამ სამტრედია-გრიგოლეთის მესამე ლოტზე სამუშაოები არაჯეროვნად შეასრულა და მეორედ ახლა, როდესაც ხულო-ზარზმის გზის 2 მონაკვეთს რეაბილიტაცია-რეკონსტრუქცია ვერ ჩაუტარა. არადა, TODINI COSTRUZIONI GENERALI S.p.A-სთან ხულო-ზარზმის გზის მშენებლობაზე 110-მილიონიანი ხელშეკრულება მაშინ...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-19 21:30:46
დღის Top-10 საინტერესო ამბავი 1.„საქართველოში რამდენიმე წამყვანი ბანკია, რომლებიც გაცილებით დიდ პორტფელს ფლობენ ვიდრე „ფინკა“ და „კრისტალი“ ერთად, ამიტომ კონკურენციას ვერ...

მიხაილ ხოდორკოვსკი: კრემლმა სასამართლო წააგო

მიხაილ ხოდორკოვსკი: კრემლმა  სასამართლო წააგო
access_time2020-02-19 19:30:28
„კრემლმა წააგო სასამართლო „იუკოსის“ აქციონერებთან. სწორედ კრემლმა და არა რუსეთმა“  -წერს   Twitter-გვერდზე კომპანიის ყოფილი დამფუძნებელი მიხაილ ხოდორკოვსკი.მისი თქმით, ჯერ კიდეც 2005 წელს, ციხეში ყოფნის დროს, მან  თავისი წილები „იუკოსში“ მის პარტნიორს, ლეონიდ ნევზლინს გადასცა, შესაბამისად, მას  ამ საკითხში არავითარი პირადი ფინანსური დაინტერესება არ გააჩნია.   სასამართლოს გადაწყვეტილების გამოცხადების შემდეგ, ნევზლინმა განაცხადა,...

„მარცვლეულის წარმოების განვითარებას საბიუჯეტო რესურსები არ ჰყოფნის“

„მარცვლეულის წარმოების განვითარებას  საბიუჯეტო რესურსები  არ ჰყოფნის“
access_time2020-02-19 16:00:47
მარცვლეულის წარმოების მხრივ ქვეყანაში სერიოზული პრობლემებია. გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი ამბობს, რომ მარცვლეულის წარმოება არის სექტორი, რომელიც სახელმწიფოსგან სათანადო მხარდაჭერას ვერ იღებს. ამ მიმართულების განსავითარებლად სამინისტროს შემუშავებული აქვს შესაბამისი პროექტები, თუმცა საბიუჯეტო რესურსები ყოველთვის საკმარისი არ არის. “ჩვენ ყოველწლიურად დაახლოებით, 50-55 000 ჰექტარი ქერისა და ხორბლის ნათესი ფართობი...


მსგავსი სიახლეები

up