საქართველო განსუს საერთაშორისო საინვესტიციო ფორუმზე მასპინძელ ქვეყნად მიიწვიეს

საქართველო განსუს საერთაშორისო საინვესტიციო ფორუმზე მასპინძელ ქვეყნად მიიწვიეს

access_time2020-01-23 16:23:45

„საპარტნიორო ფონდის“ აღმასრულებელი დირექტორი დავით საგანელიძე ფონდში ჩინეთის სახალხო რესპუბლიკის განსუს პროვინციის სამთავრობო დელეგაციას შეხვდა.


შეხვედრაზე მხარეებმა სავაჭრო-ეკონომიკური ურთიერთობების გაღრმავების შესახებ ისაუბრეს. „საპარტნიორო ფონდის“ აღმასრულებელმა დირექტორმა ჩინეთის დელეგაციას ფონდის საქმიანობის შესახებ დეტალური ინფორმაცია მიაწოდა. ჩინეთის დელეგაციის წარმომადგენლებმა – განსუს პროვინციის კომერციის დეპარტამენტის, ევრაზიის საქმეთა განყოფილების, ასევე, სახმელეთო-საბაჟო ადმინისტრაციული კომიტეტისა და ალკოჰოლური სასმელების ბიუროს ხელმძღვანელმა პირებმა ქართულ მხარესთან ერთობლივი საინვესტიციო პროექტების განხორციელების მზადყოფნა გამოთქვეს.


ჩინური მხარე ოთხი მიმართულებით თანამშრომლობით არის დაინტერესებული, კერძოდ, ლოჯისტიკა, რომელიც სარკინიგზო და სახმელეთო-საბაჟო მიმართულებებს მოიცავს, ასევე, განახლებადი ენერგიები, კულტურულ-საგანმანათლებლო თანამშრომლობა და ალკოჰოლური და ნატურალური პროდუქტების ექსპორტი. ჩინური მხარის განცხადებით, განსუს პროვინციამ მეღვინეობის 3000-წლიანი ისტორიით, ჩინეთში პირველმა დაიწყო ღვინის წარმოება და დელეგაციის წევრებმა აღნიშნეს, რომ ქართული ღვინის ჩინეთის ბაზარზე დასამკვიდრებლად დიდ პოტენციალს ხედავენ.



შეხვედრის ფარგლებში, ჩინეთის დელეგაციამ საქართველო განსუში 2-6 ივლისს დაგეგმილ საერთაშორისო საინვესტიციო ფორუმზე მასპინძელ ქვეყნად მიიწვია, რომლის ფარგლებში, საქართველოს 150 კვმ ფართი დაეთმობა და მონაწილეობას მიიღებს საერთაშორისო გამოფენაში, სადაც საშუალება მიეცემა, საგამოფენო პროდუქტები გაიტანოს, ასევე, გამართოს კულტურული ღონისძიებები. ამას გარდა, ჩინური მხარე საქართველოს სთავაზობს ამავე ღონისძიების ფარგლებში, საქართველოს შესახებ სპეციალური კონფერენციის ჩატარებას, რომელზე დამსწრე „ერთი სარტყელი, ერთი გზის“ ქვეყნებსა და საერთაშორისო საზოგადოებას საშუალება ექნებათ, ქვეყნის საინვესტიციო, ეკონომიკური და ტურისტული პოტენციალის შესახებ დეტალური ინფორმაცია მიიღონ.


„საპარტნიორო ფონდში“ გამართულ სამუშაო შეხვედრაზე განსუს პროვინციის გუბერნატორის აპრილში საქართველოში დაგეგმილი საქმიანი ვიზიტის დეტალები განიხილეს, რომლის ფარგლებშიც ორმხრივი თანამშრომლობის ჩარჩო ხელშეკრულება გაფორმდება. ამასთანავე, განსუს დელეგაცია საქართველოს ერთ-ერთ რეგიონთან, კერძოდ, შიდა ქართლთან დამეგობრების შესახებ მემორანდუმის გაფორმებას გეგმავს, რომლის საშუალებით კიდევ უფრო გააქტიურდება სავაჭრო-ეკონომიკური ურთიერთობები ორ რეგიონს შორის.


(R)




ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი

ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი
access_time2020-02-18 19:32:12
ყველაზე მეტი ქართული ღვინო კვლავ რუსეთში გაიყიდა. „კომერსანტმა“ საქართველოს სტატისტიკის ეროვნული  სამსახურიდან გამოითხოვა ინფორმაცია თუ რომელი ქვეყანა ყიდულობს ქართულ ღვინოს ყველაზე დიდი რაოდენობით. მათ მიერ მოწოდებული ინფორმაციით ირკვევა, რომ 2018 წელთან შედარებით 2019 წელს რუსეთში 4 366,2 ათასი ლიტრით მეტი ღვინის ექსპორტირება მოხდა. ჯამში 2019 წელს რუსეთში 133 251,5 აშშ დოლარის ღვინო...

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა
access_time2020-02-18 15:30:46
17 თებერვალს, „m2 დეველოპმენტმა“ ალ. ყაზბეგის #15-ში, გაყიდვების ახალი ოფისი გახსნა. ოფისის გახსნას უკავშირდება უპრეცედენტო ფასდაკლების აქციაც, რომელიც თითო ბინაზე 30 000 ლარამდე ფასდაკლებას ითვალისწინებს, ფასდაკლება გავრცელდება როგორც სტუდიოს ტიპის, ისე ორსაძინებლიან 30 ბინაზე. ოფისი თანამედროვედ მოწყობილი საქმიანი სივრცეა. აქ ბინის შეძენის, მსურველები, მიმდინარე თუ დასრულებული კომპლექსების შესახებ ამომწურავ ინფორმაციას მიიღებენ, გაეცნობიან ამა თუ იმ პროექტის ძირითად...

ბათუმის ნავსადგურის მენეჯმენტს დასაქმებულების შევიწროებაში ადანაშაულებენ

ბათუმის ნავსადგურის მენეჯმენტს დასაქმებულების შევიწროებაში ადანაშაულებენ
access_time2020-02-18 17:30:29
2018 წლის აპრილის მერე, როცა ბათუმის საზღვაო ნავსადგურში თანამშრომელთა გაფიცვის შედეგად მაშინდელმა დირექტორმა თანამდებობა დატოვა, მდგომარეობა არსებითად არ შეცვლილა. ამის თაობაზე „ბანკები და ფინანსებს“ ბათუმის ნავსადგურის ერთ-ერთმა თანამშრომელმა განუცხადა, რომლის ვინაობასაც რედაქცია, გასაგები მიზეზების გამო, ამ ეტაპზე არ ასაჯაროებს. ნავსადგურის თანამშრომლის განცხადებით, თანამშრომელთა დიდ ნაწილს, განსაკუთრებით კი მათ, ვინც 2018 წლის მოვლენებისას...

პასუხი ჯანდაცვის სამინისტროს -„ცხელ ხაზზე ტარიფს სილქნეტი არ განსაზღვრავს“

 პასუხი  ჯანდაცვის სამინისტროს -„ცხელ ხაზზე ტარიფს სილქნეტი არ განსაზღვრავს“
access_time2020-02-18 17:10:54
ჯანდაცვის სამინისტროს მიერ ცხელის ხაზის ტარიფთან დაკავშირებით გავრცელებულ განცხადებას კომპანია „სილქნეტი“ ეხმაურება. „კომერსანტი“ განცხადებას უცვლელად გთავაზობთ:  „დილიდან გავრცელდა ჯანდაცვის სამინისტროს განმარტება, რომ ცხელ ხაზზე ტარიფს განსაზღვრავს „სილქნეტი“.განვმარტავთ, რომ ჯანდაცვის სამინისტროს ცხელ ხაზის - 1505 მიმართულებით სხვა ოპერატორების აბონენტების მიერ განხორციელებულ ზარებზე სააბონენტო ტარიფს არ განსაზღვრავს კომპანია „სილქნეტი“. ყველა სატელეფონო...

დამსაქმებლებს ორსული და ახალნამშობიარები ქალებისთვის უსაფრთხო სამუშაო პირობების შექმნა მოუწევთ

დამსაქმებლებს ორსული და ახალნამშობიარები ქალებისთვის უსაფრთხო სამუშაო პირობების შექმნა მოუწევთ
access_time2020-02-18 17:00:49
დამტკიცდა ორსული, ახალნამშობიარები და მეძუძური ქალების ჯანმრთელობისთვის მავნე ან/და განსაკუთრებული რისკის შემცველი სამუშაოები.აღნიშნულს ჯანდაცვის მინისტრის შესაბამისი ბრძანება ითვალისწინებს, რომელიც ძალაში შევიდა. ბრძანების თანახმად, ორსულობის 27-ე კვირამდე მძიმედ და საშიშად ითვლება რეგულარულად ხუთ კგ-ზე მეტი წონის მქონე ტვირთის გადატანა ან ცალკეულ შემთხვევებში (არარეგულარულად), 10 კგ-ზე მეტი წონის მქონე ტვირთის გადატანა. ორსულობის 27-ე კვირიდან კი...


მსგავსი სიახლეები

up