მსოფლიოში ფსტის (ფისტის) წარმოება რეკორდულ ნიშნულს უახლოვდება, მასზე მოთხოვნა სულ უფრო იზრდება, წამყვანი ქვეყნები კი წარმოებას აფართოებენ. ფსტის მიმართ ინტერესი მზარდია ჩვენს რეგიონშიც . კერძოდ, საქართველოში უკვე დაფუძნებულია ფსტის ასოციაცია და გაშენებულია ბაღები, რომელთა ფართობი წლიდან წლამდე იზრდება. ფსტის ასოციაციაში განმარტავენ, რომ ქართულ ფსტას მისი ხარისხიდან გამომდინარე ქვეყანაში იმპორტის ნაწილობრივ ჩანაცვლების, ხოლო ქვეყნის ფარგლებს გარეთ ექსპორტის უდიდესი პოტენციალი აქვს.

“ასოციაციის ფარგლებში მოსავალი ორმა კომპანიამ უკვე მიიღო. თუმცა, ეს იმას არ ნიშნავს, რომ ქვეყანაში მხოლოდ ორი ასეთი კომპანიაა, არიან კიდევ სხვა მებაღეები და ფერმერები. ფსტის პირველი ნაყოფი უკვე იმის საფუძველს იძლევა, რომ მომავალში უფრო მეტი პროდუქცია ვაწარმოოთ”, - განაცხადა ოთარ ანგურიძემ “საქართველოს ფისტას ასოციაციის” ვიცე პრეზიდენტმა.

ცნობისთვის, საქართველოს მასშტაბით, პროგრამით „დანერგე მომავალი“ 300ჰა-მდე ფსტის ბაღი გაშენდა, ინვესტიციის ოდენობა 3,7 მლნ ლარია, სოფლის განვითარების სააგენტოს თანადაფინანსება 1,3 მლნ ლარზე მეტია, ხოლო შეღავათიანი აგროკრედიტი 2,9 მლნ ლარს აღემატება. 

წყარო: bm.ge