„საქართველო ერთ-ერთი ყველაზე საშიში ქვეყანაა სიცოცხლისათვის, რომელშიც მე ვყოფილვარ“

„საქართველო ერთ-ერთი ყველაზე საშიში ქვეყანაა სიცოცხლისათვის, რომელშიც მე ვყოფილვარ“

access_time2017-11-27 10:00:22

„საქართველო ერთერთი ყველაზე საშიში ქვეყანაა სიცოცხლისათვის, რომელშიც მე ვყოფილვარ“,  ამის შესახებ „ფეისბუქის“ საკუთარ გვერდზე მწერალი პაატა ქურდაძე წერს:


„ყოველთვის, როდესაც ქართველი ღირსშესანიშნავი ჩინოვნიკები და პოლიტიკოსები ამტკიცებენ, რომ საქართველო ერთერთი ყველაზე უსაფრთხო ქვეყანაა მსოფლიოში, ვფიქრობ რომ კარგი იქნებოდა ეკლესიური ვყოფილიყავი და მათი სულების გადასარჩენად დღე და ღამე მხურვალე ლოცვით საკუთარი ცოდვილი სულისთვის რაღაც შანსი მაინც მიმეცა...


საქართველო ერთერთი ყველაზე საშიში ქვეყანაა სიცოცხლისათვის რომელშიც მე ვყოფილვარ.


ის რაც ბათუმში მოხდა, მხოლოდ ერთერთი ეპიზოდია ხიფათისა და ფათერეაკების გრძელ რიგში, რომელში ცხოვრებაც გვიწევს. თითქმის არ არსებობს სფერო, რომელიც პოტენციურად საშიში არ იყოს - სახანძრო უსაფრთხოებიდან დაწყებული კვების პროდუქტებით დამთავრებული... მშენებარე ობიექტები, ავტომობილების სრულიად ქაოტური მოძრაობა.. მე ვიტყოდი ავტო -ტერორიზმი! არაკვალიფიციური სამედიცინო მომსახურეობა, ჩახერგილი ტროტუარები..დაუცველი მშენებარე ობიექტები, საზოგადოებრივი ტრანსპორტის გაუმართაობა და მათი სრულიად დანაშაულებრივი და დაუსჯელი ანარქია, უკიდურესად დაბინძურებული ჰაერი, ადამიანების განადგურებული ნერვიული სისტემა, მათი სისასტიკე, აგრესიულობა, ბოროტი და უსაფუძვლო ვერბალური აგრესია...რომელი ერთი ჩამოვთვალო! თუმცა - მარტო ღამის ხმაურის მაგალითი საკმარისი იქნებოდა ჩემთვის იმის დასადასტურებლად, რომ ყველაზე მთავარი მაინც კანონის და მისი აღმსრულებელი შესაბამისი სტრუქტურების გულგრილობა და არაკვალიფიციურობაა, მაგრამ არ მინდა ტენდეციურობაში ჩამომართვათ. ამის შესახებ სრულიად უშედეგოდ უკვე იმდენი ვიყეფე რომ მენანება ჩემი ნერვების საცოდავი ნარჩენები ამ სრულიად უიმედო პრობლემას დავახარჯო. მხოლოდ ერთს ვიტყვი - გროტესკული კანონი ხმაურის შესახებ და მისი კიდევ უარესი აღსრულების ფარსი, ჩემთვის იმ უამრავი პრობლემის ილუსტრაციაა, რომელებიც საქართველოში იმდენად ბანალური გახდა, რომ ყურადღებასაც კი აღარ ვაქცევთ და ვცხოვრობთ, უპერსპექტივო ზომბებივით.


ორი სამი მაგალითის მოყვანაც საკმარისია:


სულ რამდენიმე დღის წინ სრულიად ერი აღაშფოთა H&M ის მიერ ტროტუარის გადაკეტვამ. არავის გახსენებია , რომ ამ უზარმაზარი მშენებარე კომერციული ცენტრისგალერეის წინ თვეების მანძილზე მთელი ტროტუარი გადაკეტილია - ფეხითმოსიარულე ადამიანები რუსთაველის გამზირზე აწყვეტილი ავტომობილების გასწვრივ შეშინებულები დალასლასებდნენ , სანამ ახლახანს, ხსენებული სკანდალის წყალობით არ მიხვდნენ და



დროებითი ბარიერები არ დააყენეს. ისიც ნაწილობრივ - ეს ერთგვარი ფოტო -დოკუმენტი, რომელიც ამ სახიფათო სტატუსს ახლავს ორი საათის წინ გადავიღე!


ეს ამბავი გამონაკლისის შემთხვევაშიც კი ძალიან საგანგაშოა! ქვეყნის ცენტრალურ ქუჩაზე, ქალაქის საკრებულოსა და პარლამენტს შორის სრულიად ღიად შეგიძლიათ თვალი ადევნოთ და დაადგინოთ საქართველოში ადამიანის სიცოცხლის საბაზრო ფასი, რომელიც სადღაც - ჩალისა და ჭიქა მზესუმზირის ღირებულების შორის მერყეობს.


ასეთ, სამშენებლო სარგებლობისათვის წლობით გადაკეტილ ტროტუარებს სამწუხაროდ უთვალავს ნახავთ თბილისში. განსაკუთრებით ძველ უბნებში. არც მშენებარე ობიექტების მეპატრონეები ეჩქარებათ სადმე, არც ქალაქის ხელმძღვანელობას. არავინ უწესებს სანქციებს - ბიზნესი ხომ წმინდაა და ის ქვეყნის განვითარებას ემსახურება! განვითარება და პროგრესი კი როგორც ცნობილია მსხვერპლს მოითხოვს, მხოლოდ.. სხვის მსხვერპლს, არა საკუთარს... ზუსტად ასე ფიქრობს ბიზნესსა და პოლიტიკას შორის საკუთარი მისიის ეგზისტენციალური ძიებით ქანცგაწყვეტილი ქართველ კანონმდებელთა დიდი ნაწილი. აი ისინი, რომლებიც იგონებენ კანონებს, რომლის მიხედვით - ისევ გუშინდელს თუ მივუბრუნდებით - სასტუმროს პატონს ბიუჯეტის სასარგებლოდ დააჯარიმებენ, დაღუპულ ადამიანებს წუთიერი დუმილით მიაგებენ პატივს და ამით ვალს მოიხდიან ქვეყნის წინაშე.


ზუსტად იგივეა ხმაურის შემთხვევაში - რეციდივისტი მეპატრონე ბიუჯეტისთვის მეწველი ბერწი ძროხა ხდება, რომელიც ხანდახან ერთ ჭიქა რძეს იწველება...ასეთ ბერწ რესტორატორს სამასი ათას ევროდ ნაყიდ ლიცენზიას თავზე გადაახევდნენ დასავლეთში. ჩვენთან კი ლიცენზიების შესახებ ჯერ არც კი სმენიათ პარლამენტარებს - მათ ჯერათ, რომ ტაქსისტები, რესტორატორები, ქალაქის დამწიოკებელი კლუბები, მათ მიერ დადგენილი რამდენიმე ასეული ლარის შიშით და კანონის რიდით მოინანიებენ ყველა სისაძაგლეს რაც უკვე ჩადენილი აქცვთ და ჭეშმარიტების გზას დაადგებიან! მგონი მართლა გულწრფელად ჯერათ ამის! ამიტომ ჩვენ, უძილობისგან, ფსიქოპატიამდე მისულებს გვსაყვედურობენ, რა გინდათ, კანონი ხომ მივიღეთო ! ერთმა ასეთმა ვალმოხდილმა და გამოჩენილმა პარლამენტარმა უმადურობაც კი დამწამა ხმაურის შესახებ კანონის კრიტიკის გამო.


ჯარიმების სისტემა ქვეყნის ბიუჯეტის შევსებაზეა ორიენტირებული და არა ადამიანზე, მის სიცოცხლეზე, ჯანმრთელობაზე, უსაფრთხოებაზე, კომფორტზე და ღირსებაზე . ასე რომ არ იყოს არც მკვლელი ავტომობილების ტექ დათვალიერებას გადადებდნენ 2019 წლისთვის, არც ასე ადვილი იქნებოდა მოძრავი ბინძური კუბოების ტაქსებად ტრანსფორმირება,ელიავას ბაზრობაზე ხუთ ლარად ნაყიდი ყვითელი მოჭადრაკებული გირლანდის საშუალებით. არც ნებისმიერ ბინძურ სარდაფში .კვების ობიექტის გახსნა იქნებოდა შესაძლებელი ყოველგვარი ლიცენზიის გარეშე. არც საზოგადოებრივი ტრანსპორტის მართვა სპეციალური ურთულესი მოძრაობის წესების ტესტის ჩაბარების გარეშე ...მაგრამ ეს ყველაფერი ხომ ბიზნესის ხელშეწყობის, ადამიანიების დასაქმების და ქვეყნის უანგარო აღმშენებლობის მოტივით ხდება! - დაავადებული და შეშინებილი ადამიანების ქვეყნის აღმშენებლობის...


როდესაც ყვითელი ავტობუსები და მარშუტკები შუა რუსთაველზე ერთმანეთს ეგონკავებიან პატრულის თვალწინ - და თქვენ შიგ იმყოფებით, არ უნდა შეშინდეთ - თქვენ სამშობლოს ემსახურებით - მის ეკონომიურ განვითარებას!... ხომ ხვდებით!.. შეიძლება ვიღაცამ გუშინწინ ათას ლარად ოპელი იყიდოს, გიშინ მართვის მოწმობა, დღეს მის მანქანაში აღმოჩნდეთ ბავშვებთან ერთად, ან თუნდაც მარტო... და თქვენი და თქვენი შვილების სიცოცხლე ამ ახალბედა ულიცენზიო მძღოლის ხელში აღმოჩნდეს, რომელიც ლუკმაპურის საშოვნელად არის გამოსული.. რა ქნას საწყალმა ... ჭეშმარიტად გეუბნებით ! ქართველი მძღოლი ღმერთივით განაგებს თქვენს სიცოცხლეს! მძღოლს ებარებოდეთ!


კიდევ ბევრის თქმა შემიძლია თბილისის და ზოგადად საქართველოს ფათერაკებით აღსავსე საშიშ ცხოვრებაზე, მაგალითად მეორე წელი რომ არის, რაც ქვემო კალას უბანში ვცხოვრობ და ერთი პოლიციელი რომ არ მინახავს თვალით, რადგან მათი ნაცრისფერი ლიმუზინები ძველი თბილისის ვიწრო ქუჩებში არ ეტევა, ფეხოსანი, ამ მოტოციკლიანი.. (ველოსიპედზე, როლერებზე და საერთოდ ყველა შესაზლებელ მოძრავ საშუალებაზე რომელსაც დასავლეთში იყენებენ რომ არაფერი ვთქვათ) პოლიციელი კი, საერთოდ არსად შემხვედრია. მგონი სულ ორი მოტოციკლი ჰყავს შინაგან საქმეთა სამინისტროს და ისიც უმაღლესი რანგის სტუმრების საპატიო ესკორტისთვის.. შემეძლო ჩემს განცდებზეც მესაუბრა - გასულ გვალვიან და ხანძრიან ზაფხულს როგორ ვლოცულობდი ყოველ დღე, რომ ჩემს სახლსა და ბოტანიკურს შორის გადამხმარ ფერდობს ხანძარი არ გასჩენოდა, რადგან ავტომობილებიტ ჩახერგილ მთის ფერდობზე ვარანაირი სახანზრო ეკიპაჟი ვერ ამოარწევს - მთელი უბანი გადაიბუგებოდა... კიდევ იმაზე, ხანდახან ღამე , ყოველ პულსის აჩქარებისას პანიკური შიში რომ მიპყრობს, რადგან ვიცი, ვერასდროს ვერანაირი სასწრაფო არა თუ ვერ მოარწევს ჩემამდე, ქუჩასაც ვერ იპოვის, თბილისში ხომ ქუჩის დასახელებების აბრების გაკვრა ძალიან, ძალიან არ უყვართ ... მაგრამ ზედმეტი სენტიმეტებით აღარ შეგაწყემთ თავს - ისედაც სტატიასავით სტატუსი გამომივიდა.


მოკლედ როგორც განათლებული ხალხი იტყოდა, სრულ ექშენში ვცხოვრობ ისევე როგორც ყოველი თქვენთაგანი..


მხოლოდ იმის შეგნება მამშვიდებს - ჩამოთვლილთაგან, ერთერთი ხიფათის მსხვერპლიც რომ გავხდე, დარწმუნებული ვარ აუცილებლად გამოიძიებენ ''შესაბამისი უწყებები და ასი.. შეიძლება ორასი ლარითაც კი დაჯარიმონ დამნაშავე... პრინციპში ცოტა არ არის, თუ გავითვალისწინებთ, რომ სახანძრო უსაფრთხოების დარღვევისათვის, რომელსაც 12 ადამიანის სიცოცხლე შეიძლება შეეწიროს, ჩვენს უსაფრთხო და ჰუმანურ ქვეყანაში, როგორც გაზეთი ბათუმელები იუწყება, ჯარიმა მთელი 300 ლარი ყოფილა!“,  წერს პაატა ქურდაძე.



Economist-ის დემოკრატიის ინდექსში საქართველოს შეფასება გაუარესდა

Economist-ის დემოკრატიის ინდექსში საქართველოს შეფასება გაუარესდა
access_time2020-01-22 18:30:49
გამოცემა Economist-ის ყოველწლიური, დემოკრატიის ინდექსის მიხედვით, საქართველოში დემოკრატიის ხარიხსი გაუარესდა. 2019 წელს საქართველო კვლავ დარჩა ე.წ. ჰიბრიდული რეჟიმების ჯგუფში, თუმცა შეფასების ქულა 0,08 ქულით გაუარესდა. თუ კი 2018 წელს საქართველოს შეფასებითი ქულა 5,5 ქულა, იყო 2019 წელს 5,42-მდე შემცირდა. უცვლელი დარჩა საქართველოს პოზიცია და წინა წლის მსგავსად კვლავ 89-ე ადგილს ვიკავებთ. ახალი შეფასება 2012 წლის შემდეგ ყველაზე დაბალია. შეფასების...

„სილქნეტმა“ გლობალურ საკომუნიკაციო კომპანიასთან OneWeb თანამშრომლობის მემორანდუმს მოაწერა ხელი

„სილქნეტმა“  გლობალურ საკომუნიკაციო კომპანიასთან OneWeb   თანამშრომლობის მემორანდუმს  მოაწერა ხელი
access_time2020-01-22 14:55:46
წამყვანმა ქართულმა კონვერგენტულმა სატელეკომუნიკაციო კომპანია „სილქნეტმა“ გააფორმა თანამშრომლობის მემორანდუმი გლობალურ საკომუნიკაციო კომპანია OneWeb-თან. OneWeb-ის მიზანია სატელიტური კავშირგაბმულობის გამოყენებით უზრუნველყოს მაღალი სიჩქარის და დაბალი ლატენტობის ინტერნეტ-კავშირი ყველგან და ყველასთვის, დედამიწის ნებისმიერ წერტილში. სილქნეტის სამეთვალყურეო საბჭოს თავმჯდომარემ, გიორგი რამიშვილმა, და OneWeb-ის აღმასრულებელმა დირექტორმა, ადრიან სთექელმა, დავოსში, მსოფლიო ეკონომიკური ფორუმის...

საქართველო ეკონომიკური ზრდის ტემპით რეგიონში ლიდერობას კარგავს

საქართველო ეკონომიკური ზრდის ტემპით რეგიონში ლიდერობას კარგავს
access_time2020-01-22 16:30:30
4.5-5% - ეს ის საპროგნოზო მაჩვენებლებია, რომელსაც ეროვნული ბანკი და უცხოური ორგანიზაციები, საქართველოში 2020 წელს ეკონომიკური ზრდისათვის პროგნოზირებენ. ეკონომიკური ზრდის ტემპით საქართველოს სომხეთი, ტაჯიკეთი, თურქმენეთი და უზბეკეთი უსწრებს. ეროვნული ბანკი ახალ საბაზო სცენარს აქვეყნებს, რომელიც მონეტარული პოლიტიკის ანგარიშის უახლეს გამოცემას ეფუძნება. ამ სცენარის მიხედვით, მომდევნო წლებში ეკონომიკური აქტივობა არსებულ ტენდენციას შეინარჩუნებს. ამასთანავე,...

„მოქალაქეებს უნდა მიეცეთ საშუალება, გახდნენ ანაკლიის პორტის თანამესაკუთრეები“

„მოქალაქეებს უნდა მიეცეთ საშუალება, გახდნენ  ანაკლიის  პორტის თანამესაკუთრეები“
access_time2020-01-22 17:30:33
„სწორი და ერთადერთი გზა ანაკლიის პორტის კერძო მეპატრონის ხელში გადასვლა, მისი აქციებად ქცევა და შესაბამისად, ამ გზით, არა თუ 120 მილიონის, არამედ, 1 მილიარდი დოლარის მოზიდვაა,“-ამის შესახებ რადიო „კომერსანტის“ გადაცემაში „პროფესიონალები“ „ეკონომიკური ტრანსფორმაციის ცენტრის პრეზიდენტმა“, რამაზ გერლიანმა  ისაუბრა და მთავრობის მხრიდან „ანაკლიის განვითარების კონსორციუმთან“ ხელშეკრულების შეწყვეტა შეაფასა.მისი თქმით, მთავრობა და ანაკლიის კონსორციუმი ბოლო პერიოდში ანაკლიის...

ავლაბარში სამვარსკვლავიანი Holiday Inn Express-ის მშენებლობა „ელემენტ ქონსთრაქშენმა“ დაიწყო

ავლაბარში სამვარსკვლავიანი Holiday Inn Express-ის  მშენებლობა „ელემენტ ქონსთრაქშენმა“ დაიწყო
access_time2020-01-22 15:30:21
 Holiday Inn Express-ი დედაქალაქის ისტორიულ ნაწილში, ავლაბარში 2022 წელს გაიხსნება. სამშენებლო ფართობი 7 903 კვ.მ-ს...


მსგავსი სიახლეები

up