საქართველო დიდი ხანია წარმოადგენს პროგრესის შუქურას რეგიონში და ამ პროგრესის დაჩქარებამ ბოლო წლებში ბიძინა ივანიშვილის ხელმძღვანელობით ყველა მოლოდინს გადააჭარბა, - ამის შესახებ გამოცემა New Europe-ში გამოქვეყნებულ სტატიაში „ორი ჯორჯიის ამბავი“ პოლონელი ევროპარლამენტარი, რიჩარდ ჩარნეცკი წერს.
სტატიაში აღნიშნულია, რომ საქართველოს ერთ-ერთი ყველაზე ძლევამოსილი და შეძლებული ადამიანის მიერ საკუთარი ნებით ძალაუფლების დათმობა სამოქალაქო და დემოკრატიულ სიმწიფეზე მიუთითებს, რომელიც ევროკავშირის წევრობაზე 2024 წელს ქართული ოცნების მიერ დააგეგმილი განაცხადის შეტანის კუთხით კარგი პროგნოზების გაკეთების საშუალებას იძლევა.
„ტრამპის პრეზიდენტობის დასრულების შემდეგ გასარკვევია, გაწყვეტს თუ არა მასთან რესპუბლიკური პარტიის ელიტა კავშირს. მსოფლიოს ბევრი კონსერვატიული პარტია (თუმცა ყველა არა) იმედოვნებს, რომ ძველი ყაიდის , საბაზრო ურთიერთობების, თავისუფლების მომხრე და დასავლური დემოკრატიული ინსტიტუტების უპირობოდ ერთგული რესპუბლიკური პარტია ფეხზე კვლავ წამოდგება.
ევროპაში ბევრი კონსერვატორის ცნობიერებაში პრეზიდენტი ტრამპი, როგორც მომგებიან, ისე წამგებიან ფაქტორებს წარმოადგენდა. მძიმე რიტორიკის მიუხედავად, მან ზოგიერთი მნიშვნელოვანი კონსერვატიული პრინციპი მოქმედებაში მოიყვანა.
ჩინეთიდან მომავალი საფრთხის მიმართ უფრო მკაცრი მიდგომა მისასალმებელი და დიდი ხნის განმავლობაში სასურველი გახლდათ ისევე, როგორც ევროპის სახელმწიფოების მიმართ თავდაცვის ხარჯების გაზრდისკენ გაჟღერებული მოწოდება.
მის მიერ გადასახადების შემცირებამ აშშ-ის ეკონომიკას უდიდესი ბიძგი მისცა .
ბოლო დღეებში ხშირად დასმული კითხვა ასეთია: შეიძლება მსგავსი რამ აქაც მოხდეს? ზრდასრულობით სულ რამდენიმე ევროპული დემოკრატია თუ გაუტოლდება ამერიკულს.კონკრეტულად აღმოსავლეთ პარტნიორობის ქვეყნები კი შიდა თუ გარე შოკებისგან, რომელთაც შეუძლია ბოლო ათწლეულებში მიღწეული პროგრესის დესტაბილიზაცია დღესაც დაუცველნი არიან.
ამ კონტექსტში საქართველოს ყოფილი პრემიერ-მინისტრის, ბიძინა ივანიშვილის განცხადება საზოგადოებრივი ცხოვრებიდან წასვლის და ყველა პოლიტიკური თანამდებობის დატოვების შესახებ იმედისმომცემი იყო.
ბატონი ტრამპის მსგავსად, ივანიშვილიც პოლიტიკაში მოსული მილიარდერი ბიზნესმენი გახლავთ, რომელმაც 2012 წელს არჩევნებში ყველა პროგნოზის საწინააღმდეგოდ გაიმარჯვა. საბედნიეროდ, მსგავსებები მათ შორის ამით ამოიწურება. - ნათქვამია სტატიაში.
სტატიაში ასევე ნათქვამია, რომ მიუხედავად ბიძინა ივანიშვილის ოპონენტების „ტრამპის სტილის“ პრეტენზიებისა არჩევნების გაყალბებასთან დაკავშირებით ევროკავშირის და სხვა საერთაშორისო დამკვირვებლებმა აღიარეს, რომ საქართველოში ჩატარებული არჩევნები საერთაშორისო სტანდარტებს პასუხობდა და შედეგებიც ზუსტი იყო.
სტატიის ავტორი წერს, რომ ამ კონტექსტში ივანიშვილის წასვლა ახალგაზრდა ევროპული დემოკრატიებისთვის წინსვლის მაგალითია.
მისივე განმარტებით აღმოსავლეთ ევროპის ქვეყნებმა ნ შთაგონების წყარო საკუთარ სამეზობლოში , ქართველი მილიარდერის სახით უნდა ეძებონ, რომელმაც არჩევნებში გამარჯვების მოპოვების შემდეგ საკუთარი ნებით დათმო ძალაუფლება.
2012 წლიდან მოყოლებული ივანიშვილი იყო ქართული პოლიტიკის მამოძრავებელი ძალა, რომელიც თავდაპირველად პრემიერ-მინისტრის თანამდებობას, ხოლო ბოლო პერიოდში - ქართული ოცნების თავმჯდომარის პოსტს იკავებდა.
მისმა პარტიამ მორიგი დამაჯერებელი გამარჯვება გასული წლის ნოემბერში გამართულ არჩევნებში მოიპოვა. მიუხედავად მისი ოპონენტების „ტრამპის სტილის“ პრეტენზიებისა არჩევნების გაყალბებასთან დაკავშირებით, ევროკავშირის და სხვა საერთაშორისო დამკვირვებლებმა აღიარეს, რომ საქართველოს არჩევნები ყველა საერთაშორისო სტანდარტს პასუხობდა და შედეგები ზუსტი იყო.
ამ კონტექსტში ივანიშვილის წასვლა წინსვლის ახალგაზრდა ევროპული დემოკრატიებისთვის მაგალითია. დიდი ხნის განმავლობაში ამერიკა - „სინათლის ქალაქი გორაკზე“ აღმოსავლეთ ევროპის დემოკრატიული შთაგონების წყაროს წარმოადგენდა. დღეს კი ჩვენი მეგობრებისა და პარტნიორებისთვის უმჯობესია, არ მიაქციონ ყურადღება აშშ-ის მილიარდერ პრეზიდენტს, რომელიც არჩევნებში დამარცხების შემდეგ სახლიდან გამოსვლაზე უარს ამბობს. ამის ნაცვლად, ეძებონ შთაგონების წყარო საკუთარ სამეზობლოში, კერძოდ ქართველი მილიარდერის სახით, რომელმაც საკუთარი ნებით დათმო ძალაუფლება არჩევნებში გამარჯვების მოპოვების შემდეგ.
ცივი ომის დასრულების შემდეგ ევროკავშირი და აშშ მხარს უჭერენ ევროპაში წარმოქმნილ დემოკრატიებს, იქნება ეს ფინანსური, საგანმანათლებლო თუ უსაფრთხოების სფეროს მხარდაჭერა, რომელიც უნდა გაგრძელდეს და უეჭველად გაგრძელდება კიდეც. მაგრამ კიდევ უფრო აუცილებელია თავად ამ ქვეყნებში ლიდერობის ჩამოყალიბება. საქართველოს ერთ-ერთი ყველაზე ძლევამოსილი და შეძლებული ადამიანის მიერ საკუთარი ნებით ძალაუფლების დათმობა მიუთითებს სამოქალაქო და დემოკრატიულ სიმწიფეზე, რომელიც იძლევა კარგი პროგნოზების გაკეთების საშუალებას ევროკავშირის წევრობაზე 2024 წელს ქართული ოცნების მიერ დაგეგმილი განაცხადის შეტანის კუთხით. - ნათქვამია სტატიაში.
New Europe- ის სტატიაში ავტორი აღნიშნავს,რომ დიდი ხანია, რაც საქართველო რეგიონში პროგრესის შუქურას წარმოადგენს და ამ პროგრესის დაჩქარებამ ბოლო წლებში ივანიშვილის ხელმძღვანელობით ყველა მოლოდინს გადააჭარბა.
მსოფლიო ბანკის „ბიზნესის წარმართვის გლობალურ ინდექსში“ საქართველო მე-7 ადგილზეა და უსწრებს ევროკავშირის 27 წევრი სახელმწიფოდან 26-ს. „ეკონომიკური თავისუფლების ინდექსის“ თანახმად, საქართველო მე-12 ადგილზეა მსოფლიოში და უსწრებს ევროკავშირის წევრთა უმრავლესობას. Fraser Institute-ის „თავისუფლების ინდექსში“ საქართველო მე-8 ადგილზეა და იმყოფება აშშ-ის შემდეგ. ეს გახლავთ შესანიშნავი შედეგი ქვეყნისთვის, რომელიც არც თუ ისე დიდი ხნის წინ დიქტატურის და რეპრესიების პირობებში ცხოვრობდა, და ეს შედეგი იმსახურებს აღიარებას ევროკავშირის ლიდერების მხრიდან - როგორც სიტყვით, ისე საქმით.
დემოკრატია არ არის მმართველობის უზადო სისტემა - არც საქართველოში, არც ევროკავშირში და არც თავად ამერიკის შეერთებულ შტატებშიც კი. ჩვენ, ვინც „რკინის ფარდის“ მეორე მხარეს გავიზარდეთ, კარგად გვესმის ამ თავისუფლებების მყიფე ბუნება. რონალდ რეიგანს თუ დავესესხებით, „თავისუფლება მყიფე რამ არის და მის გასაქრობად მხოლოდ ერთი თაობაა საკმარისი... აუცილებელია, რომ ყველა თაობამ მუდმივად იბრძოლოს მის დასაცავად“. სწორედ ჯორჯიის შტატმა დაუსვა წერტილი ტრამპის პრეზიდენტობას, როცა შტატის ამომრჩევლებმა უარით გაისტუმრეს პრეზიდენტის მცდელობა, საფუძველი შეერყია აშშ-ის არჩევნების დემოკრატიული პროცესისთვის. 10 000 კილომეტრის დაშორებით კი ქვეყანაში სახელად ჯორჯია (საქართველო) ჩვენ თვალწინ მიმდინარეობს ნაკლებად რეკლამირებული, მაგრამ ბევრად უფრო შთამბეჭდავი დემოკრატიული გადასვლა ახალ საფეხურზე“, - ნათქვამია სტატიაში.
(R)