საქართველო და ყაზახეთი საერთაშორისო კომპანიებს ახალ ერთობლივ ლოგისტიკურ პროექტებს შესთავაზებენ

საქართველო და ყაზახეთი საერთაშორისო კომპანიებს ახალ ერთობლივ ლოგისტიკურ პროექტებს შესთავაზებენ

access_time2019-05-15 17:39:56

ყაზახეთი საქართველოსთან ერთად წარმოადგენს ძალიან მნიშვნელოვან სატრანსპორტო ღერძს; მნიშვნელოვანია, ახალი ერთობლივი ლოგისტიკური პროექტები შევთავაზოთ საერთაშორისო კომპანიებს და დღეს ამ მიმართულებით მნიშვნელოვანი გადაწყვეტილებები მივიღეთ,- პრემიერ-მინისტრის პრესსამსახურის ინფორმაციით, ამის შესახებ საქართველოს პრემიერ-მინისტრმა მამუკა ბახტაძემ ყაზახეთში ოფიციალური ვიზიტის ფარგლებში დღეს გამართული შეხვედრების შეჯამებისას განაცხადა.


მთავრობის მეთაურის შეფასებით, ყაზახეთი საქართველოსთვის განსაკუთრებით მნიშვნელოვანი პარტნიორი და მეგობარი ქვეყანაა.


"ჩვენ ერთობლივად ვახორციელებთ ძალიან მნიშვნელოვან რეგიონული დატვირთვის პროექტებს. ყაზახეთი ამავდროულად ჩვენს ეკონომიკაში ერთ-ერთი ყველაზე მსხვილი ინვესტორია. გასულ წელს ჩვენი ვაჭრობა დაახლოებით 35%-ით, ყაზახეთში ჩვენი ექსპორტიც მნიშვნელოვნად იზრდება, რაც მისასალმებელია, თუმცა ვფიქრობთ, პოტენციალი უფრო მეტია. აქედან გამომდინარე, დღეს ხელი მოეწერა ძალიან მნიშვნელოვან ხელშეკრულებას, რომელიც არის გზამკვლევი, შემდეგი 2 წლის განმავლობაში როგორ გავაორმაგოთ ვაჭრობა ორ ქვეყანას შორის", - განაცხადა მამუკა ბახტაძემ.


პრემიერის შეფასებით, მისასალმებელია, რომ ყაზახეთსა და საქართველოს შორის პირდაპირი ფრენებისა და ტურისტების რაოდენობა იზრდება. როგორც მთავრობის მეთაურმა აღნიშნა, დღეს გამართულ შეხვედრებზე საუბარი შეეხო სოფლის მეურნეობის სფეროში მეტ თანამშრომლობას.


"ყაზახეთი დაინტერესებულია, საქართველოში აწარმოოს ხორბლის მეტი ექსპორტი. ამით ჩვენც დაინტერესებული ვართ. გარდა ამისა, საქართველოს პორტების გამოყენება ყაზახეთს მისცემს საშუალებას, გაზარდოს ექსპორტი ხმელთაშუა ზღვის აუზში. ეს არის საკმაოდ რთული პროექტი, რომელსაც კარგი დამუშავება დასჭირდება, თუმცა, დარწმუნებული ვარ, ერთობლივი ძალისხმევით, ეს ყველაფერი გამოგვივა. ამავე დროს, გამოიკვეთა ის მიმართულებები, სადაც შეგვიძლია, საერთაშორისო ბაზარს სრულიად ახალი პროდუქტი შევთავაზოთ, როგორიცაა მაგალითად ქიმიური მრეწველობა და დარწმუნებული ვარ, ამ მიმართულებითაც გვექნება კონკრეტული წარმატებები", - განაცხადა მამუკა ბახტაძემ.


პრემიერ-მინისტრმა ოფიციალური ვიზიტი მთლიანობაში ძალიან ნაყოფიერად შეაფასა და გამოთქვა რწმენა, რომ ის ახალ იმპულსს შესძენს ორ ქვეყნას შორის როგორც ეკონომიკური, ასევე პოლიტიკური ურთიერთობების კიდევ უფრო გაღრმავებას.


მამუკა ბახტაძის ოფიციალური ვიზიტი ყაზახეთის რესპუბლიკაში გრძელდება. მთავრობის მეთაური ხვალ მონაწილეობას მიიღებს "ასტანას ეკონომიკურ ფორუმში", რომელზეც საქართველოს საინვესტიციო პოტენციალზე ისაუბრებს.






იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up