საქართველო და აზარტული თამაშები - როგორ უნდა გადაიჭრას პრობლემა

საქართველო და აზარტული თამაშები - როგორ უნდა გადაიჭრას პრობლემა

access_time2019-04-14 14:00:08

ბოლო მონაცემებით, საქართველოში სათამაშო ინდუსტრიის ბრუნვა 2019 წელს სავარაუდოდ მიაღწევს 10 მლრდ. ლარს. პარალელურად იზრდება ამ სექტორის წილი მთლიან ბიზნეს-ბრუნვაში - საკმარისია იმის აღნიშვნა, რომ 2018 წლის ქვეყნის უმსხვილეს 50 კომპანიას შორის 4 წარმოადგენს სწორედ სათამაშო ინდუსტრიას, მათ შორის ერთ-ერთი- მე-3 ადგილზეა.

ციფრები ნათლად მეტყველებს ქართული ეკონომიკის უკუღმართი განვითარების შესახებ - უმუშევრობა, წარმოების არარსებობა და კადრების დეფიციტი პირდაპირ კავშირშია აზარტული თამაშების პოპულარობასთან. ასევე სწორედ ეს დარგია ჭარბვალიანობის ერთ-ერთი უმნიშვნელოვანესი წყარო.

მიუხედავად იმისა რომ, თავად ციფრი - 10 მლრდ. ლარი - უზარმაზარია, ის არ გვაძლევს რეალური სურათს. არავინ არ იცის ამ 10 მლრდ.-დან რამდენი მოდის უცხოელ ტურისტებზე, და რამდენი - ადგილობრივ მოსახლეობაზე. ანუ, დღემდე არ გვაქვს ზუსტი პასუხი კითხვაზე - რამდენს ხარჯავენ ქართველები აზარტულ თამაშებზე?

თანაც, უნდა გვახსოვდეს, რომ ამ შემთხვევაშია საუბარია მთავრობის მიერ კონტროლირებად სეგმენტზე. ვინ იცის რამდენი უბედურება ხდება ინტერნეტში, რამდენი ფული მიდის საიტებზე, რომლების საერთოდ არ კონტროლდება მაშინაც კი, როდესაც გვაქვს საქმე ადგილობრივ კომპანიებთან?

ხოლო რამდენი ფული მიდის უცხოურ ტოტალიზატორებზე და ონლაინ-კაზინოებში - ვერ გავიგებთ ძალიანაც რომ მოვინდომოთ. 

ასეა თუ ისე, პრობლემის მასშტაბი მეტ-ნაკლებად გასაგებია, აი გამოსავალი კი არ ჩანს.

პირველ რიგში საჭიროა პრობლემის სწორი იდენტიფიცირება და გააზრება - რაც ასევე არაა ადვილი საქმე. კერძოდ, არასწორია ის, რომ აზარტული თამაშები საზოგადოებაში აღიქმება როგორც რაღაც ერთიანი სისტემა, რომელიც ან უნდა აიკრძალოს მთლიანად, ან მთლიანად  უნდა დარჩეს უცვლელი.

ნებსით თუ უნებლიედ პოლიტიკოსები, მედია და ექსპერტები ნერგავენ საზოგადოებაში არასწორი არჩევანის განცდას, რომელიც ხელს უშლის პრობლემის მოგვარებას.

ხშირად გავიგონებთ, რომ აზარტული თამაშები ცუდია, თუმცა, ის არის ტურისტული ბიზნესის ნაწილი, რომელიც იზიდავს საქართველოში უცხოელებს, და ეხმარება ქვეყანას ფინანსური პრობლემების დაძლევაში. ხვალ რომ აიკრძალოს აზარტული თამაშები - ქვეყანას იმ წამსვე მოაკლდება ათობით, ან შეიძლება ასობით ათასი ტურისტი.

შესაბამისად, მოსახლეობის ცნობიერებაში დგას უმძიმესი არჩევანი - ან ადამიანების მორალური  ჯანმრთელობა და სოციალური სტაბილურობა - ან ტურისტული შემოსავლები.

ერთი შეხედვით, მართლაც ასეა - იმ შემთხვევაში, თუ ჩვენ ვუყურებთ სათამაშო ბიზნესს, როგორც ერთიან სისტემას.

სინამდვილეში ეს ალტერნატივა მცდარია - შიდა ქართული სათამაშო უბედურება არაფერ შუაშია საერთაშორისო ტურიზმთან - ეს 2 სეგმენტი არის ცალ-ცალკე, და ერთმანეთთან შეხება აქვთ მხოლოდ სტატისტიკის დონეზე.


უცხოელი ტურისტები თამაშობენ დიდ კაზინოებში, 5-ვარსკლავიან სასტუმროებში. ჩამოდიან, ქირაობენ ნორმებს, აგებენ ათობით ათასებს, და ბრუნდებიან უკან - თურქეთში, ირანში, საუდის არაბეთში, რუსეთში, ან კიდევ სადმე.

ადგილობრივები იქ ძირითადად არ შედიან, თუ შედიან - ძირითადად შეძლებულები, რომლებსაც ასევე აქვთ ამის ფუფუნება. ჩვეულებრივი, საშუალო და საშუალოზე დაბალი ფენის წარმომადგენელი იქ არც შევა, და რომც მოინდომოს  - არავინ არ შეუშვებს.

ეს არის მსხვილი, სერიოზული ბიზნესი, რომელსაც ჩვენ უნდა ვუმადლოდეთ თბილისში და ბათუმში ლუქს-კლასის სასტუმროების გახსნას, და არასაზღვაო სეზონში უცხოელი ტურისტების ჩამოსვლას.

ამ სეგმენტის დახურვა ან შეზღუდვა შეუძლებელიცაა და დაუშვებელიც.

გვერდით არსებობს მეორე, პარალელური სამყარო, სწორედ ის, რომელიც სპობს და ანადგურებს საქართველოს მოსახლეობას - ქუჩის სათამაშო სალონები, ტოტალიზატორები და ონლაინ-კაზინოები თუ ტოტალიზატორები. აქ არ დადიან უცხოელები, ისინი არ იზიდავენ ტურისტებს, რომელიც აქ ჩამოდიან არა ფულის მოსაგებად, არამედ დროის კარგად გასატარებლად.

გაიარეთ ნებისმიერ სათამაშო სალონთან ან ტოტალიზატორთან, და ვერ დაინახავთ იქ ვერც ერთ ტურისტს, ან უბრალოდ უცხოელს. მათი ძირითადი აუდიტორიაა - საქათველოს ღარიბი ფენა..

ეს წვრილ-წვრილი, მთელი ქვეყნის მასშტაბში, ყველა კუთხეში დაბუდებული ობიექტებია სწორედაც მთავარი პრობლემა, და არა 5-ვარსკალავიანი სასტუმროების გიგანტური კაზინოიები.

არაფერს არ ვამბობ, სრულიად უკონტროლო, თითქმის იატაკქვეშა ონლაინ კაზინოებზე და ტოტალიზატორებზე, სადაც ვინ და რამდენს ხარჯავს - არავინ იცის.

შესაბამისად, არჩევანი, რომლის წინაშე თითქოს და დგას საქართველო, სინამდვილეში არ არსებობს.

აზარტული თამაშები უცხოელი ტურისეტებისთვის - ერთია - გლამურულ სასტუმროებში, მდიდრულ ატმოსფეროში, ყველაზე ძვირ რაიონებში, ქალაქების ცენტრში, და ზღვის სანაპიროზე.

მეორეა - აზარტული თამაში ადგილობრივი ღარიბი ფენისთვის - მიწისქვეშა გადასასვლელებში, ბინძურ მიწრულებში, ჩაბნელებულ ოთახებში გაცვეთილი მწვანე ხალიჩებით იატაკზე.

პოლიტიკური ნების არსებობის შემთხვევაში სრულიად შესაძლებელია ერთი დარჩეს ხელშეუხებელი, მეორე კი - აიკრძალოს, ან, როგორც მინიმუმ შეიზღუდოს.

რა თქმა უნდა, არც ეს არის მარტივი საკითხი - ჯერ ერთი რას უშვებით ონლაინ-თამაშებს? მათი კონტროლი ხომ ბევრად უფრო რთულია, ვიდრე რეალური სლოტ-კლუბის დახურვა.

კიდევ ერთი პრობლემა, რომელიც პირდაპირ ეხება სამართალდამცავ სტრუქტურებს - ამ ტიპის აზარტული თამაშების შეზღუდვის ან აკრძალვის შემთხვევაში აუცილებლად გაჩნდება შავი ბაზარი  - გაცილებით უფრო კრიმინალური, სასტიკი, და დაუნდობელი.

თუმცა, ყველა ეს პრობლემა არ ამართლებს უმოქმედობას - ბოლოს და ბოლოს, არ ცდება მხოლოდ ის, ვინც არაფერს არ აკეთებს. მოვიდა დრო, რომ სახელმწიფოს სცადოს მაინც ამ უმწვავესი პრობლემის თუნდაც ნაწილობრივ გადაწყვეტა.

 

თენგიზ აბლოთია






უკრაინის ახალ პრეზიდენტს „ტრამპის ეფექტი“ ელის

უკრაინის ახალ პრეზიდენტს  „ტრამპის ეფექტი“ ელის
access_time2019-04-22 20:00:50
მაშ ასე, უკრაინას  ახალი პრეზიდენტი ჰყავს - კომიკოსი და მსახიობი ვლადიმერ ზელენსკი. მისი დამანგრეველი გამარჯვების მიზეზი გახდა ის, რომ უკრაინული საზოგადოება ნათლად დარწმუნდა იმაში, რომ დღეს არსებული პოლიტიკური სისტემის რეფორმა შეუძლებელია და ის უნდა დაინგრეს. უნდობლობამ მიაღწია ისეთ მაღალ წერტილს, რომ უკვე ძირმომპალი სისტემის დასანგრევად ბულდოზერის როლის შესრულება უკრაინელმა ამომრჩეველმა მიანდო მსახიობს და შოუმენს, რომელიც...

აშშ ირანული ნავთობის იმპორტიორ 5 ქვეყანას შეღავათების გაუქმებით ემუქრება

აშშ ირანული ნავთობის იმპორტიორ 5 ქვეყანას შეღავათების გაუქმებით ემუქრება
access_time2019-04-22 19:00:41
აშშ-ს პრეზიდენტმა დონალდ ტრამპმა გადაწყვიტა, რომ ირანული ნავთობის იმპორტიორ  5 ქვეყანას აღარ ექნება შეღავათები, თუ ისინი ირანული ნავთობის იმპორტს გააგრძელებენ....

ეროვნული ბანკი საბანკო/საფინანსო მომსახურების ყალბ ვებგვერდებთან დაკავშირებით გაფრთხილებას ავრცელებს

ეროვნული ბანკი  საბანკო/საფინანსო მომსახურების ყალბ ვებგვერდებთან დაკავშირებით გაფრთხილებას ავრცელებს
access_time2019-04-22 18:00:34
საქართველოს ეროვნული ბანკი აფრთხილებს და მოუწოდებს მოქალაქეებს ფინანსური და პირადი მონაცემების ინტერნეტ სივრცეში გამოყენებისას   განსაკუთრებული ყურადღება გამოიჩინონ. ბოლო პერიოდში გახშირდა თაღლითების მიერ ყალბი ვებგვერდების საშუალებით ფინანსური ინსტიტუტების მომხმარებლების პირადი მონაცემების მოპარვის ფაქტები. საუბარია ისეთი მონაცემების მოპოვებაზე, რომელთა საშუალებით შესაძლებელია მომხმარებლის ფულად სახსრებზე წვდომის და ინტერნეტ-გადახდების...

დაივიწყეთ - MacBook-ი -Acer-ი ახალ ხაზს უშვებს შემოქმედებითი ადამიანებისთვის

დაივიწყეთ -  MacBook-ი -Acer-ი ახალ ხაზს უშვებს შემოქმედებითი ადამიანებისთვის
access_time2019-04-22 16:30:47
Acer-მა პროდუქტის ხაზები განაახლა გაძლიერებული მოდელებით და რამდენიმე სიახლეც შემოგვთავაზა. განსაკუთრებულ ყურადღებას იმსახურებს სპეციალურად შემოქმედებით სფეროებში მომუშავე ადამიანებისთვის შექმნილი ხაზი - Concept D.Concept D-ს პერსონალური კომპიუტერები, ლეპტოპები და ეკრანები სპეციალურად მორგებულია გრაფიკული დიზაინერების, ვიდეო-მემონტაჟეების, ინჟინრების, არქიტექტორებისა და პროგრამისტების საჭიროებებს. Concept D-ს ტექნიკა შექმნილია...

კომპანია „ფერის“ დირექტორი - „ცალსახად პასუხიმგებლობას არასამთავრობო ორგანიზაციას ვაკისრებ, „მწვანე ალტერნატივას“ ვგულისხმობ“

კომპანია „ფერის“ დირექტორი - „ცალსახად პასუხიმგებლობას არასამთავრობო ორგანიზაციას ვაკისრებ, „მწვანე ალტერნატივას“ ვგულისხმობ“
access_time2019-04-22 13:55:58
ჩვენ ხეობაში შევედით მხოლოდ საპატრულო პოლიციის სამი მანქანით და რომ არა დამატებითი პოლიციის ნაწილები, რომლებმაც წკიპზე მოუსწრეს, დამერწმუნეთ, გაცილებით ცუდი შედეგებით დასრულდება პროცესი, – ამის შესახებ კომპანია „ფერის“ აღმასრულებელმა დირექტორმა, ლაშა იორდანიშვილმა განაცხადა.მისივე განცხადებით, პანკისის ხეობაში ჰიდროელექტროსადგურის მშენებლობის დაწყების დღიდან მოსახლეობა ინფორმირებული იყო და როგორც იორდანიშვილი ამბობს, არავის პროტესტი არ გამოუთქვამს. „მაშინ,...


მსგავსი სიახლეები

up