ინვესტორი და ნუშის გამოცდილი მწარმოებელი აშიშ კაპური საქართველოში 2018 წელს ჩამოვიდა.
სიტუაციის შესწავლის შემდეგ მან კახეთში ფერმის შექმნა გადაწყვიტა - სწორედ ეს რეგიონი მიიჩნია მან ნუშის მოყვანისთვის იდეალურ ადგილად, პირველ რიგში შედარებით მშრალი და უნალექო კლიმატის გამო.
ამავე დროს, ნალექის ნაკლებობის კომპენსირებას მდინარე იორი ახდენს, რაც კახეთს ნუშის მოყვანისთვის იდეალურ ადგილად აქცევს. აქვე მშრალი კლიმატი კარგია პროდუქტის შენახვისთვის, რაც თავის მხრივ, მაღალ ხარისხს უზრუნველყოფს.
აშიშ კაპური დღეისთვის 120 ჰექტარის ფართობის ნუშის ფერმას მართავს და საქართვლოში ამ პროდუქტის მოყვანის ზრდისთვის საუკეთესო პერსპექტივებს ხედავს.
„მომავალ წელს ჩვენ 40 ჰექტარს ორგანულ წარმოებაზე გადავიყვანთ, რადგანაც ევროპაში სწორედ ორგანულ პროდუქტზეა დიდი მოთხოვნა და ფასიც უფრო მაღალია. დღეისთვის, ნუშის მსოფლიო წარმოების 80% კალიფორნიაზე მოდის, თუმცა, ყველაზე მსხვილი მომხმარებელი ევროკავშირია“ - ამბობს ინვესტორი.
მისი თქმით, ნუში ბიოლოგიურად სუფთა კვების პროდუქტების წარმოებაში აქტიურად გამოიყენება, ამიტომაც ორგანულ ნუშზე მოთხოვნა იმდენად მაღალია, რომ აშშ-ს მას ვერ აკმაყოფილებს.
მსოფლიო ბაზარზე საქართველოს სწორედ ამ სეგმენტის დაკავება შეუძლია.
აშიშ კაპურის თქმით, მხოლოდ ბიოლოგიური საშუალებებით ნუშის ბაღის დაცვა რთული ამოცანაა, მაგრამ საქმე იმდენად პერსპექტიულია, რომ მოგება დანახარჯებს ამოიღებს.
ეს საკმაოდ მაღალტექნოლოგიური საქმეა - ამ დროისთვის კაპური წარმოებაში მზის ბატარეების გამოყენების საკითხს იკვლევს - როგორც საირიგაციო სისტემის ამუშავებისთვის, ასევე ელექტროენერგიის დეფიციტის აღმოფხვრისთვის.
„მე ვისურვებდი, რომ ირგვლივ ორგანული ნუშის რაც შეიძლება მეტი მწარმოებელი იყოს, რადგანაც ჩვენ ჩაბარების სისტემის მოწყობა გვსურს, რომლის წყალობითაც მცირე მწარმოებლები მეტ მოგებს მიიღებენ“ - ამბობს კაპური.
.
მისი თქმით, საქართველოში სოფლის მეურნეობის განვითარებას ცუდი ინფრასტრუქტურა აფერხებს.
„მიწა - საქართველოს ნამდვილი საგანძურია, თუმცა, გზების და მდგრადი ენერგომომარაგების არარსებობა უცხოელი ინვესტორების მხრიდან ინტერესს ამცირებს. ეს ძალიან სამწუხაროა, რადგანაც ასეთი მსხვილი პროექტების ადგილობრივი მოსახლეობის დასაქმების და მათ მიერ საჭირო უნარ-ჩვევების ათვისების საუკეთესო საშუალებაა“ - ამბობს ინდოელი ინვესტორი.
east-fruit.com
თენგიზ აბლოთია
ნუში
