„საქართველო არ არის მზად კორონავირუსის გამოწვევისათვის და რჩება მხოლოდ იღბალის იმედად“

„საქართველო არ არის მზად კორონავირუსის გამოწვევისათვის და რჩება მხოლოდ იღბალის იმედად“

access_time2020-01-29 18:30:16

ამერიკაში მოღვაწე ქართველი ექიმი ზურაბ გურული, სოციალური ქსელში ვრცელ სტატუსს ავრცელებს, რომელსაც „კომერსანტი“ უცვლელად გთავაზობთ:„დღეს რამდენიმე ადგილას წავაწყდი საქართველოს ერთერთი უძლიერესი პედიატრის, საერთაშორისო კლასის პროფესიონალის, თამარ ობგაიძის კრიტიკას, რომ თითქოს ის პანიკას თესავს კორონავირუსის გავრცელების შესახებ.

 

 ცნობილმა ქართველმა სამედიცინო ჩინოვნიკებმა რაღა თქმა უნდა მსოფლიო ჯანდაცვის ორგანიზაციის WHO-ს იდიოტური განცხადება მოიყვანეს მთავარ არგუმენტად. განცხადება, რომელიც მსოფლიოს ყველა ცნობილი და მოაზროვნე ექიმისათვის მასხარად ასაგდები გახდა და საოცრად ნეგატიური გამოხმაურება ჰპოვა ყველა ნორმალურ ქვეყანაში.


ქართველი სამედიცინო ჩინოვნიკები ცხადია არ აპირებენ იმის გააზრებას, რომ WHO-ს დირექტორის მოადგილე რენ მინგუი ჩინელია და რომ WHO კოლოსალურ პოლიტიკურ და ეკონომიკურ წნეხს განიცდის ჩინეთის სახელმწიფო ლიდერებისაგან ( და არამარტო), რომ კორონავირუსის მომაკვდინებელი აფეთქება არ გამოცხადდეს გლობალური მასშტაბის კატასტროფად.


WHO-მ გასულ დეკადაში ხუთჯერ გამოაცხადა საერთაშორისო განგაში, მაგრამ არცერთ მათგანს არ გამოუწვევია მსოფლიო მასშტაბის პანდემია.  (ღორის გრიპი 2009; ებოლა - 2013; პოლიო 2014; ზიკა 2016 და ისევ ებოლა 2019 ). ეს აფეთქებები ძირითადად აფრიკის უღარიბეს ქვეყნებში ხდებოდა და მათ არ შეეძლოს WHO-ზე არც პოლიტიკური, არც ეკონომიკური ზეგავლენის მოხდენა, შესაბამისად WHO-ს რეაქცია იყო ადექვატური.



კორონავირუსი არის ჯერ კიდევ გამოუკვლეველი სიძლიერისა და საფრთხის შემცველი მომაკვდინებელი ვირუსი. დღევანდელი მონაცემებით ჩინეთმა უკვე 60 მილიონი ადამიანი მოათავსა უმკაცრესი კარანტინის ზონაში. ვუჰანის პროვინციაში უკვე მეორე ჰოსპიტალი შენდება ბოლო ორი კვირის განმავლობაში. და რაც მთავარია, ამ საზარელი საფრთხის ეპიცენტრი არის გასაიდუმლოებულ, კომუნისტურ, ჩამორჩენილ ქვეყანაში, საიდანაც პრაქტიკულად შეუძლებელია რეალური ინფორმაციის მიღება. მაგრამ, საკმარისია ჩინეთის პრეზიდენტის რეაქციებზე დაკვირვება, რომ მოაზროვნე ადამიანი მიხვდება რა კატასტროფის წინაშე დგას ეს მილიარდიანი ქვეყანა და მთელი პლანეტაც.

 

ამ ყველაფრის ადექვატური გააზრება და წინასწარ თადარიგის დაჭერა არ წარმოადგენს პანიკის დათესვას. ყველა შეგნებული პროფესიონალი ექიმი ( და არა გაპოლიტიკოსებული ჩინოვნიკი ) ვალდებულია გასაგებად აუხსნას რისკები და პრევენციის მეთოდები მოსახლეობას. ეს მათი ვალია!
დიახ, საქართველო არანაირად არ არის მზად ამ გამოწვევისათვის და რჩება მხოლოდ იღბალის იმედად.

 

ვისაც ამ თემაზე კამათი სურს, ჯერ დამისახელოს რამდენი ბრიგადა და კლინიკა გვაქვს აღჭურვილი შესაბამისი ეკიპირებითა და საიზოლაციო ბოქსებით და დანარჩენზე მერე ვისაუბროთ.
სიცხის საზომებით უხერხულად მოხეტიალე, ალმაცერად მოქცეული ნიღბებჩამოფხატული ექიმების ყურყუტი აეროპორტში უბრალოდ დაცინვაა ქართული სამედიცინო ინტელექტის, სხვა რომ არაფერი.


პატივცემულო მოქალაქეებო! პანიკა საჭირო არ არის. იყავით ფრთხილად!


თამარ ობგაიძემ ძალიან საინტერესო და სასარგებლო პრესკონფერენცია ჩაატარა და დიდი მადლობა მას ამისათვის! დაუჯერეთ პროფესიონალ ექიმებს, მაქსიმალურად დაიცავით პირადი და საზოგადოებრივი ჰიგიენა“-წერს გურული.





1 დეკემბერი - რეგიონში მხოლოდ ქართული ლარი გამყარდა

1 დეკემბერი - რეგიონში მხოლოდ ქართული ლარი გამყარდა
access_time2020-12-01 18:10:14
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 1 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3185 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-12-01 21:00:47
დღის Top 10 საინტერესო ამბავი:   1. 2021 წლის 1-ლი იანვრიდან პენსიები იზრდება 2021 წლის ბიუჯეტის პროექტში, რომელიც საქართველოს პარლამენტში უკვე წარდგენილია გათვალისწინებულია პენსიების მატება მომავალი წლის 1-ლი იანვრიდან. ჯამში საპენსიო უზრუნველყოფაზე მიმართულია 2.6 მლნ ლარი (გაზრდილია 370 მლნ ლარით), რაც გამოწვეულია სახელმწიფო პენსიის ზრდის ინდექსაციის წესის...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2020-12-01 15:00:07
თიბისი ფეის თავისი  მომხმარებლებისთვის განსაკუთრებული შეთავაზება აქვს. მთელი დეკემბრის მანძილზე კომპანიის ვებგვერდისა და მობილური აპლიკაციის საშუალებით ნებისმიერი სერვისის გადახდა საკომისიოს გარეშე იქნება შესაძლებელი.   თიბისი ფეის ონლაინ პლატფორმა არის ერთიანი სივრცე, სადაც უამრავი საჭირო და სასარგებლო სერვისია თავმოყრილი. კომპანიის ვებგვერდისა და მობილური აპლიკაციების საშუალებით, შეგიძლიათ შეავსოთ მობილური ბალანსი,  გადაიხადოთ სახელმწიფო, ფინანსური და...

ივანიშვილის 5 - ვარკვლავიანი სასტუმროს მშენებლობა განმუხურში აქტიურ ფაზაშია

ივანიშვილის 5 - ვარკვლავიანი სასტუმროს მშენებლობა განმუხურში აქტიურ ფაზაშია
access_time2020-12-01 15:15:51
„განმუხურში 5 - ვარკვლავიანი სასტუმროს მშენებლობა აქტიურ ფაზაშია“, ამის შესახებ „კომერსანტს“ ბიძინა ივანიშვილის „თანაინვესტირების ფონდში“ განუცხადეს. მათი ინფორმაციით, ამჟამად ტერიტორიაზე რკინა-ბეტონის სამუშაოები მიმდინარეობს. პროექტი, რომლის ჯამური ინვესტიციის მოცულობა 45 მლნ აშშ დოლარს შეადგენს, 2022 წელს დასრულდება.   „საქართველოს ტურიზმის განვითარების ფონდის ფარგლებში, ანაკლიასთან ახლოს მიმდინარეობს მარიოტის საერთაშორისო ქსელის, Tribute Collection-ის ბრენდის სასტუმროს...

Arcadia Group-ი, რომელიც ბრიტანულ ბრენდებს Miss Selfridge-ს, Topshop-ს, Wallis-ს ფლობს, გაკოტრდა

Arcadia Group-ი, რომელიც ბრიტანულ ბრენდებს Miss Selfridge-ს, Topshop-ს, Wallis-ს ფლობს, გაკოტრდა
access_time2020-12-01 16:15:51
Arcadia Group-ი, რომელიც ბრიტანულ ბრენდებს Miss Selfridge-ის, Topshop-ს, Wallis-ის, Dorothy Perkins-ს, Evans-ს და Burton-ს ფლობს, ბრიტანეთის შესაბამის უწყებაში გაკოტრების შესახებ განაცხადი შეიტანა. კომპანიაში აცხადებენ, რომ კორონავირუსის პანდემიის გავლენას ვერ გაუმკლავდნენ.   „ეს ძალიან სამწუხარო დღეა ყველა ჩვენი თანამშრომლისთვის“, - განაცხადა Arcadia Group-ის აღმასრულებელმა დირექტორმა იან გრაბინერმა.   მისივე თქმით, კორონავირუსული პანდემია და...


მსგავსი სიახლეები

up