საპოლიციო გამოსახლების გაუქმება - ცვლილება, რომელმაც დღის წესრიგში სასამართლო რეფორმის აუცილებლობა კიდევ ერთხელ დააყენა

საპოლიციო გამოსახლების გაუქმება - ცვლილება, რომელმაც დღის წესრიგში სასამართლო რეფორმის აუცილებლობა კიდევ ერთხელ დააყენა

person access_time2016-05-31 09:00:48


სასამართლოს რეფორმის აუცილებლობა დღის წესრიგში კიდევ ერთმა ცვლილებამ დააყენა. ამჯერად გაჭიანურებული სამართლებრივი პროცესების წინაშე ბანკები დადგნენ - მიზეზი კი, საპოლიციო გამოსახლების ინსტიტუტის გაუქმებაა, რის გამოც გამოსახლების პროცესი სასამართლოს გადაწყვეტილების გარეშე ვერ სრულდება, სასამართლოები კი თვეობით ჭიანურდება.

 

საპოლიციო გამოსახლების ინსტიტუტის გაუქმების შედეგად დამდგარ ნეგატიურ შედეგებზე სპეციალისტები უკვე საუბრობენ.

 

საპოლიციო გამოსახლების ინსტიტუტის გაუქმება რამდენიმე დღის წინ ბიზნესომბუდსმენმა გიორგი გახარიამაც გააკრიტიკა და აღნიშნა, რომ ცვლილებამ საფინანსო სექტორში პრობლემები გააჩინა. მისი ინფორმაციით, საბანკო სექტორმა უკვე დააფიქსირა საჩივრები იმასთან დაკავშირებით, რომ გამოსახლების პროცესი ჭიანურდება.

 


გახარიას თქმით, სასამართლო გადაწყვეტილებების დაგვიანების გამო გამოსახლების მექანიზმები დროულად ვერ ხორციელდება. ბიზნესომბუდსმენი არ გამორიცხავს, რომ აღნიშნულმა საკითხმა, გრძელვადიან პერიოდში, გავლენა საპროცენტო განაკვეთებზეც მოახდინოს.


„კომერსანტი" დაინტერსდა რა შედეგი გამოიღო საკანონმდებლო ცვლილებებამ, რომლებსაც ბიზნესასოციაცია, ბიზნესომბუდსმენი, ბანკების ასოციაცია, ასევე არასამთავრობო სექტორის ნაწილი ეწინააღმდეგებოდნენ და რომელსაც პარლამენტის უმრავლესობამ მხარი გასული წლის 11 დეკემბერს მესამე მოსმენით დაუჭირა?

 

ჩვენს მიერ გამოკითხული პრაქტიკულად ყველა ექსპერტი თანხმდება იმაზე, რომ საპოლიციო გამოსახლების გაუქმებამ პრობლემები შექმნა როგორც საზოგადოებაში, ისე საფინანსო სექტორსა და ბიზნესში. ეს პრობლემები კი, უპირველესად, სასამართლო სისტემის გაუმართავობას უკავშირდება.

 

ბანკების ასოციაციის ხელმძღვანელი ზურაბ გვასალია ამბობს, რომ პრობლემები შეექმნათ როგორც იურიდიულ, ისე ფიზიკურ პირებს. საუბარია, სასამართლოებში რიგებზე და საქმის განხილვების გაჭიანურებულ ვადებზე.

 

„პროცესი სასამართლოს გამო არ სრულდება, გამოსახლებამდე ჯერ არც კი მისულა საქმე, რადგან სასამართლოებში დიდი რიგებია, არ არის მოსამართლეთა საკმარისი რაოდენობა. აღსრულების სამსახურსაც არ აქვს ამის განსახორციელებლად რესურსი, რასაც თავიდანვე ამბობდა აღსრულების ბიუროც, იუსტიციის და ეკონომიკის მინისტრებიც", - აცხადებს გვასალია.

 

საპოლიციო გამოსახლების ინსტიტუტის გაუქმების შემდეგ ბიზნესში არსებულ პრობლემებზე საუბრობს „პირადი ბანკირის" აღმასრულებელი დირექტორი ირაკლი ბერძენაძეც. მისი თქმით,როდესაც ქვეყანაში საკმაოდ ბევრი ვადაგადაცილებული სესხია, ხოლო მათი განხილვა სასამართლოში ჭიანურუდება, ეს ბიზნესს მძიმე ტვირთად აწვება.

 

„მოქალაქეებს აქვთ შეგრძნება, რომ ისინი აიღებენ სესხს, ჩადებენ რამეს და მათ უბრალოდ არავინ არ გამოასახლებს. როდესაც არ არის შიში იმისა, რომ ვინმე გამოასახლებს, სესხის გადახდის პასუხისმგბელობა მცირდება, რაც ძალიან აწვება ბიზნესს. გარდა ამისა, გასათვალისწინებელია მოახლოებული არჩევნების ფაქტორი. ადამიანებში აღარ არის იმის შიში, რომ განსაკუთრებით არჩევნების პერიოდში, მათ ვინმე გამოასახლებთ. ერთი კუთხით გამოსახლება ცივილური მეთოდი არ არის, თუმცა, ამ ყველაფრის გაუქმება, ზოგადად, ცუდად აისახება, მეტი დანაკარგები და მეტი პრობლემებია"-აცხადებს ბერძენაძე.

 

პარლამენტის მიერ დამტკიცებული ცვლილებების მიხედვით, პირის საცხოვრებელი ფართიდან გამოსახლება მხოლოდ სასამართლოს გადაწყვეტილების საფუძველზე ხდება შესაძლებელი. გაუქმდა ნორმები, რომლებიც პირის გამოსახლება-გამოყვანას იძულების წესით ითვალისწინებდნენ.

 

ამ კომპეტენციის სასამართლოსთვის გადაცემა მსოფლიოში გავრცელებული პრაქტიკაა. თუმცა საქართველოში აღნიშნულ ინიციატივას არაერთი მოწინააღმდეგე გამოუჩნდა, განსაკუთრებით საბანკო სექტორიდან. კანონპროექტის მომხრეების განცხადებით კი, ბანკების შეშფოთება გამოწვეული იყო იმით რომ საპოლიციო გამოსახლების გაუქმების შემდეგ, მათ გაურთულდებათ სესხის უზრუნველყოფის სახით ჩადებული უძრავი ქონების რეალიზაცია. ექსპერტებისა და ბიზნესმენების ეს ნაწილი აცხადებდა, რომ საპოლიციო გამოსახლების გაუქმება ბანკებს აიძულებს, ორიენტირებულნი იყვნენ არა ჩადებული ქონების რეალიზაციაზე, არამედ საბანკო სერვისებზე ამ სიტყვის ცივილიზებული გაგებით.

 

სასამართლოს მიერ პროცესების წლობით გაჭიანურებაზე "კომერსანტი" არაერთხელ წერდა. ბიზნესმენები მუდმივად საუბრობენ იმის შესახებაც, რომ მოსამართლებს არ ჰყოფნით კვალიფიკაცია ბიზნესდავების განსახილველად, რის გამოც ბიზნესი ზარალდება. 

 

 



საქართველოს ბიზნეს ასოციაცია მიესალმება ეკონომიკის გახსნის ტემპების დაჩქარებას

საქართველოს ბიზნეს ასოციაცია მიესალმება ეკონომიკის გახსნის ტემპების დაჩქარებას
access_time2020-05-27 15:00:56
„საქართველოს ბიზნეს ასოციაცია“ ეკონომიკის გახსნასტან დაკავშრიებით სპეციალურ განცხადებას ავრცელებს,რომელსაც „კომერსანტი“ უცვლელად გთავაზობთ: „ასოციაცია მიესალმება ქვეყანაში დაწესებული შეზღუდვების შემსუბუქების მორიგ ეტაპს, რომლის მიზანია, აღდგეს ეკონომიკური აქტივობა და ბიზნესი დაუბრუნდეს ცხოვრების მეტ-ნაკლებად ჩვეულ რიტმს. დღეს, საბედნიეროდ, საქართველოში გვაქვს ვითარება, როდესაც სამედიცინო პერსონალისა და ეპიდემილოგების ძალისხმევით, მთავრობის საკოორდინაციო საბჭოს ეფექტური მუშაობის, ბიზნეს...

რატომ ვერ მოხერხდა, რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი - კაკულიას კითხვები პრემიერს

რატომ ვერ მოხერხდა, რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი - კაკულიას კითხვები პრემიერს
access_time2020-05-27 15:00:24
„რატომ ვერ მოხერხდა, რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი“, - ამ კითხვით მიმართა პარლამენტში ანგარიშის წარსადგენად მისულ საქართველოს პრემიერ მინისტრ გიორგი გახარიას დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ. ამასთან მმართველი გუნდის წევრმა საქართველოს პრემიერს ჰკითხა როგორ დაიხარჯება StopCov ფონდში ჩარიცხული თანხა. „რატომ ვერ მოხერხდა რომ დღეს თქვენ ამ მოხსენების ფონზე გქონოდათ წარმოდგენილი ბიუჯეტი...

ვაკის საცურაო აუზი 6 ივლისს გაიხსნება

ვაკის საცურაო აუზი  6 ივლისს გაიხსნება
access_time2020-05-27 15:30:39
„ვაკის საცურაო აუზი” და მასში შემავალი სხვა სერვისები  6 ივლისიდან იხსნება“-ამის შესახებ „კომერსანტს“  საცურაო აუზის ადმინისტრაციაში განუხადეს.„მოგეხსენებათ,საერთო მსოფლიო პანდემიამ უდიდესი გავლენა მოახდინა გლობალურ ეკონომიკაზე, გამონაკლისი არც ჩვენი ქვეყანაა. დაწესებულმა შეზღუდვებმა კი ყველა კომპანია თავისი გავლენის ქვეშ მოაქცია, თუმცა უსაფრთხოების ნორმების დაცვით, ბიზნესი ჩვეულ სამუშაო პროცესს უბრუნდება. შეიცვალა,  “ვაკის საცურაო...

ბინის შეძენის მსურველებს დღეიდან მთავრობა იპოთეკურ სესხებს დაუსუბსიდირებს

ბინის შეძენის მსურველებს დღეიდან მთავრობა  იპოთეკურ სესხებს დაუსუბსიდირებს
access_time2020-05-27 13:45:31
„მთავრობა დღეიდან და მოახდენს იპოთეკური სესხის სუბსიდირებას ყველი იმ ადამიანისთვის რომელიც გადაწყვეტს წლის ბოლომდე იპოთეკური სესხის აღებას და მისი სახცოვრებელი პირობების გაუმჯობესებას“, - ამის შესახებ პრემიერ-მინისტრმა, გიორგი გახარიამ პარლამენტში სიტყვით გამოსვლისას, სამშენებლო სექტორზე საუბრისას განაცხადა. მისი თქმით, სამშენებლო სექტორს ახალმა კორონავირუსმა მშნივნელოვანი დარტყმა მიაყენა. „სერიოზული ზარალს კიდევ ერთი სექტორი მიიღებს, ეს არის დეველპმენტი და...

ეროვნული ბანკი ლარში უძრავი ქონების ფასების 5%-იან შემცირებას პროგნოზირებს და იპოთეკური სესხების სუბსიდირების პროგრამაზე მუშაობს

ეროვნული ბანკი ლარში  უძრავი ქონების ფასების 5%-იან შემცირებას  პროგნოზირებს და იპოთეკური სესხების სუბსიდირების პროგრამაზე მუშაობს
access_time2020-05-27 13:30:13
საქართველოს ეროვნული ბანკის პრეზიდენტმა კობა გვენეტაძემ დღეს გამართულ ონლაინ პრესკონფერენციაზე ჟურნალისტების კითხვებს უპასუხა. BM.ge-ის ერთ-ერთი კითხვა იპოთეკური სესხების სუბსიდირების პროგრამას შეეხებოდა, რომელიც მთავრობას ოფიაციალურად არ გაუჟღერებია, მაგრამ სამშენებლო კომპანიების ნაწილი და საბანკო ასოციაცია ადასტურებს, რომ აღნიშნულზე მუშაობა მიმდინარეობს. კობა გვენეტაძის თქმით, ეს პროექტი მსესხებელთა ფინანსურ მდგომარეობს გააჯანსაღებს და ხელს შეუწყობს ამ მიმართულებით...


მსგავსი სიახლეები

up