„საპენსიო სააგენტომ უნდა აუხსნას ხალხს, რომ საპენსიო რეფორმა „გრძელვადიანი მოგზაურობაა“

„საპენსიო სააგენტომ უნდა აუხსნას ხალხს, რომ საპენსიო რეფორმა „გრძელვადიანი მოგზაურობაა“

access_time2019-03-05 19:08:05

საპენსიო ფონდში აკუმულირებული აქტივების ანუ საპენსიო შენატანების მართვასთან დაკავშირებით საკუთარი გამოცდილებისა და მოსაზრებების გაზიარების მიზნით, საქართველოში საფრანგეთის ნაციონალური საპენსიო სარეზერვო ფონდის აღმასრულებელი დირექტორი ოლივიერ რუსო იმყოფება.

 

მან აღნიშნა, რომ საქართველოს მოსახლეობამ მოთმინება უნდა გამოიჩინოს, რადგან მინიმუმ 30-40 წელი მაინც იქნება საჭირო, რომ ხალხმა საპენსიო რეფორმის შედეგები ნახოს, ეს ყველაფერი კი, საზოგადოებას საპენსიო სააგენტომ უნდა აუხსნას.

 

„როდესაც ვსაუბრობთ საპენსიო სააგენტოს არსებობაზე, ცხადია, იკვეთება ძალიან ბევრი საკვანძო საკითხი. ინვესტიციების მენეჯმენტის თვალსაზრისით, სააგენტომ უნდა აუხსნას ხალხს, რომ ეს იქნება „გრძელვადიანი მოგზაურობა“ და რომ ხალხმა უნდა გამოიჩინოს მოთმინება. ის ფაქტი, რომ თქვენ მოგეცათ საშუალება გრძელვადიან პერიოდში დააგროვოთ კაპიტალი, ცხადია, არის ძალიან დიდი უპირატესობა ქვეყნისთვის. თქვენ შეგიძლიათ, ეს შესაძლებლობა გამოიყენოთ და ინვესტიციები მიმართოთ ინფრასტრუქტურის განვითარებისკენ, ასევე გარკვეულ ეტაპზე დაიწყოთ კაპიტალის ბაზრის განვითარებაც. საპენსიო რეფორმა არის ძალიან მნიშვნელოვანი ინსტრუმენტი ქვეყნის განვითარებისთვის, თუმცა კიდევ ერთხელ გავიმეორებ, რომ მნიშნელოვანია ხალხმა გააცნობიეროს და არ ელოდოს დაუყოვნებლივ და სწრაფ შედეგებს. ნუ დააკვირდებით ამ რეფორმით გამოწვეულ ყოველდღიურ ან თუნდაც ყოველთვიურ დანაკლისს, იცოდეთ, საპენსიო ინვესტირება მინიმუმ 30 -40 წლიანი პროცესია და მას მოთმინებით უნდა შეხვდეს მოსახლეობა“, - განაცხადა ოლივიერ რუსომ.

 

ოლივიერ რუსოს შეფასებით, საპენსიო რეფორმის განხორციელების პროცესი შთამბეჭდავად განხორციელდა, პირველ რიგში იმიტომ, რომ ეს მოხდა ძალიან მალე.

საფრანგეთის ნაციონალური საპენსიო სარეზერვო ფონდის აღმასრულებელი დირექტორის განმარტებითვე, ასეთი სააგენტოს შექმნა ყოველთვის ძალიან რთულ პროცესებთან არის დაკავშირებული.

 

„მე ვულოცავ ქვეყანას ასეთ შედეგებს, თუმცა ცხადია, კიდევ ძალიან ბევრი რჩება გასაკეთებელი. აქტივების განთავსების კუთხით, ეს სააგენტო ძალიან დიდ შესაძლებლობებს იძლევა. რაც შეეხება ინფრასტრუქტურას, ის არ არის იდეალური არცერთ ქვეყანაში და არც საქართველოა გამონაკლისი. თქვენ გეძლევათ საშუალება დააფინანსოთ ბევრი პროექტი, რაც ამ რეფორმის განხორციელების გარეშე შეუძლებელი იქნებოდა. სწორედ ამიტომ, ვფიქრობ, საპენსიო რეფორმა ძალიან პოზიტიური სიახლეა ქვეყნისთვის“, - აღნიშნა მან.

 

საფრანგეთის განვითარების სააგენტო საქართველოში საპენსიო რეფორმის განხორციელებას აქტიურად უჭერს მხარს. როგორც „საპენსიო სააგენტოს“ დირექტორმა ლევან სურგულაძემ აღნიშნა,საფრანგეთის განვითარების სააგენტოს საკმაოდ დიდი თანხა აქვს გამოყოფილი ზემოთაღნიშნული მხარდაჭერისთვის, ისევე როგორც საპენსიო სააგენტოს ადგილობრივი და უცხოელი ექსპერტებით უზრუნველყოფისთვის.

 

წყარო: Bm.ge





ჯანმო-ს პრეზიდენტად აირჩიეს არაექიმი, საეჭვო რეპუტაციის პოლიტიკოსი მსოფლიოს ერთ-ერთი ყველაზე კორუმპირებული და ჩამორჩენილი ქვეყნიდან

ჯანმო-ს პრეზიდენტად აირჩიეს არაექიმი, საეჭვო რეპუტაციის პოლიტიკოსი მსოფლიოს ერთ-ერთი ყველაზე კორუმპირებული და ჩამორჩენილი ქვეყნიდან
access_time2020-06-01 17:11:59
აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ზურაბ გურული ჯანდაცვის მსოფლიო ორგანიზაციას აკრიტიკებს და გამართლებულად მიიჩნევს აშშ–ს პრეზიდენტის, დონალდ ტრამპის გადაწყვეტილებას ორგანიზაციისთვის დაფინანსების შეწყვეტისა და აშშ–ს ამ ორგანიზაციიდან გამოსვლის შესახებ: “წარმოიდგინეთ უზარმაზარი მსოფლიო ორგანიზაცია, განსაკუთრებულად რთული მისიით, რომლის მართვასაც სჭირდება გამორჩეული ინტელექტუალი, რათა ერთიან ფორმატში გაიაზროს...

ავტომფლობელთა სავალდებულო დაზღვევის შემოღება ისევ გადავადდება

ავტომფლობელთა სავალდებულო დაზღვევის შემოღება ისევ გადავადდება
access_time2020-06-01 17:30:55
არაერთხელ გადავადებული მესამე პირის მიმართ პასუხისმგებლობის სავალდებულო დაზღვევა ვერც წელს ამოქმედდება. საკითხი დღის წესრიგში სავარაუდოდ, მომდევნო წლიდან დაბრუნდება. როგორც დაზღვევის სახელმწიფო ზედამხედველობის სამსახურის უფრომა „ბიზნესპარტნიორს“ განუცხადა, კანონის მიღებას ხელი ახალმა კორონა ვირუსმა შეუშალა. „კოვიდ-19 რომ არ ყოფილიყო, ეს დაზღვევა ახლა უნდა ქონდეს ყველას. მესამე პირის პასუხისმგებლობის დაზღვევა ძალიან ბევრ კარგ შედეგს მოიტანს. თუმცა, ჩემი აზრით, ახლა არც...

ბევრი მომხმარებელი არ ნიშნავს ბევრ მყიდველს- „ლილო მოლმა“ მუშაობა განაახლა

ბევრი  მომხმარებელი არ ნიშნავს  ბევრ მყიდველს- „ლილო მოლმა“  მუშაობა განაახლა
access_time2020-06-01 16:30:25
„1 ივნისიდან  „ლილო  მოლი“ გაიხსნა და დილის 7 საათიდან სავაჭრო ობიექტი სრული დატვირთვით მუშაობს“,- ამის შესახებ „კომერსანტს“ ლილო მოლის გენერალური დირექტორი გიორგი კავარაცხელია ესაუბრა. გიორგი კვარაცხელიას ინფორმაციით, „ლილო...

დღეს გახსნილ „თბილისი მოლს“ ბევრი მომხმარებელი სტუმრობს

დღეს გახსნილ  „თბილისი მოლს“ ბევრი  მომხმარებელი სტუმრობს
access_time2020-06-01 14:30:10
„დღეიდან „თბილისი მოლი“ გაიხსნა და დილის 10 საათიდან მომხმარებლების ძალიან დიდი ნაკადი შეინიშნება, ჩვენს მოლოდინებსაც კი გადააჭარბა“, - ამის შესახებ „კომერსანტს“ „თბილისი მოლის“ კომერციული დეპარტამენტის ხელმძღვანელმა ნატა გოგოლაძემ განუცხადა. ნატა გოგოლაძის ინფორმაციით, „თბილისი მოლმა“ მუშაობა სრული დატვირთვით განაახლა და არც ერთი მაღაზია არ დახურულა. „ყველაფერი ძალიან მშვიდ ვითარებაში მიმდინარეობს, მაქსიმალურად ვიცავთ...

ველოდებით რეკომენდაციებს - ბევჯერ მივმართეთ ხელისუფლებას, თუმცა არ ისმის არაფერი

ველოდებით რეკომენდაციებს - ბევჯერ მივმართეთ ხელისუფლებას, თუმცა არ ისმის არაფერი
access_time2020-06-01 15:30:30
„ფიტნეს დარბაზების რეგულაციებთან დაკავშირებით არის ყველაზე ნაკლები ინფორმაცია“, - ამის შესახებ რადიო „პალიტრასა“ და „პალიტრანიუსის“ გადაცემაში „საქმე“ სნეპ ფიტნესის-ის დირექტორმა სოფო სოლოღაშვილმა განაცხადა. “ჩვენ მივმართეთ მთავრობას, რომ წინასწარ მაინც მოგვცენ რეკომენდაციები რათა მოვემზადოთ. უცხოეთის მაგალითზე, შეიძლება ვისაუბროთ, დაახლოებით რა წესების დაცვა შეიძლება იყოს საჭირო. მაგალითად, ამერიკაში ზოგ შტატში უკვე გაიხსნა ფიტნეს-ცენტრები და ზოგან...


მსგავსი სიახლეები

up