საპენსიო სააგენტო ფასიან ქაღალდებში ინვესტირებას იწყებს - სამიზნე თეგეტა და ნიკორაა

საპენსიო სააგენტო ფასიან ქაღალდებში ინვესტირებას იწყებს - სამიზნე თეგეტა და ნიკორაა

access_time2021-11-30 16:55:10

საქართველოს საპენსიო სააგენტო ადგილობრივ ბაზარზე კომპანიების ფასიან ქაღალდებში ინვესტირებას იწყებს. ამის შესაძლებლობა ფონდს, 1-ელ ოქტომბერს, სპეცდეპოზიტარად საქართველოს ბანკის შერჩევის შემდეგ მიეცა.



სააგენტო პირველ ინვესტიციას, სავარაუდოდ, წლის ბოლომდე განახორციელებს.



როგორც „ბიზნესპარტნიორს“ საპენსიო სააგენტოს CIO-მ გოგა მელიქიძემ განუცხადა, სამიზნე ორი კომპანიის ნიკორას და თეგეტას ემისიებია.



ნიკორას შემთხვევაში საუბარია მეორად ბაზარზე, თეგეტას შემთხვევაში კი 35 მლნ ლარიან ემისიაზე, სადაც სააგენტოს მანდატის მიხედვით, მხოლოდ 10%-ში ინვესტირება შეუძლია.



თეგეტას ემისია დეკემბერშია დაგეგმილი. ემისიების აგენტი TBC Capital-ია.



TBC Capital-ის მმართველი დირექტორის, მერი ჩაჩანიძის ცნობით, ახალი ემისიები ასევე დაგეგმილია მომდევნო წლის პირველ და მეორე კვარტალშიც. წლის ბოლომდე კი ადგილობრივი კომპანიების ჯამური განთავსებები, ევროობლიგაციების ჩათვლით 4 მლრდ ლარს მიაღწევს.



გასათვალისწინებელია, რომ სააგენტოს ერთი კომპანიის რამდენიმე ემისიაში 20%-ზე მეტად ინვესტირების უფლება არ აქვს.




ამავდროულად, მელიქიძის ცნობით, სააგენტო მომდევნო წლიდან საერთაშორისო ბაზარზე გადის და ინვესტირებას ინდექსებში იწყებს. საუბარია მორგან სტენლის აიშეარის ინდექსზე, რომლის მეშვეობითაც, პასიური ინვესტიციები დაიწყება ისეთ კომპანიებში, როგორიცაა JP Morgan, მაიკროსოფტი, ფეისბუქი, ტესლა და სხვა. ინვესტირება ინდექსებში უახლოეს კვირებში დაიწყება, ხოლო 2023 წლისთვის პორტფელში მისი წილი 20%-მდე გაიზრდება.



მიმდინარე კვირას ბიზნესწრეების წარმომადგენლებთან საპენსიო სააგენტოს შეხვედრები დაიწყო. თავის მხრივ, კომპანიების მხრიდან ლარში საინვესტიციო კაპიტალზე საკმაოდ დიდი ინტერესია, განსაკუთრებით იმ შემთხვევაში, თუ რესურსი ლარში ბანკებთან შედარებით უფრო იაფი იქნება.



ფასიან ქაღალდებსა და ინდექსებში ინვესტირებამდე, საპენსიო დანაზოგები ამ ეტაპზე 8 კომერციულ ბანკშია განთავსებული.



აქტივების 70% დეპოზიტებსა და სადეპოზიტო სერტიფიკატებშია დაბანდებული, 30% კი მიმდინარე სარგებლიან ანგარიშებზე დევს.



სააგენტოს დირექტორის, გიორგი დანელიას განცხადებით, საპენსიო აქტივები დღეის მდგომარეობით 1.9 მლრდ ლარის ფარგლებშია, რომელიც მომგებიანობაც 30%-მდეა, რაც თავის მხრივ ფარავს ინფლაციის მაჩვენებელს და წმინდა მომგებიანობა ინფლაციის გარეშე 6%-ის ფარგლებშია.



დანელია ამბობს, რომ ინფლაცია დროებითია, გრძელვადიანი გეგმა ინფლაციის დამარცხებაა და შესაბამისად, არსებულ მაჩვენებლებს ფონდის მომგებიანობაზე მნიშვნელოვანი გავლენა არ ექნება, განსაკუთრებით მაშინ, როდესაც ახლა, მაღალი ინფლაციის პირობებშიც კი ფონდის მომგებიანობა ინფლაციას აჭარბებს. 



საერთო ჯამში საპენსიო აქტივებს 265 მლნ ლარის სარგებელი დაერიცხა.



ამავდროულად, მელიქიძის თქმით, ინფლაციის რისკების გათვალისწინებით, პორტფელის 35% რეფინანსირებაზეა მიბრმული.



არსებული კანონმდებლობით, ფონდი მოქნილი 2023 წლიდან უნდა გახდეს, მას შემდეგ რაც გარკვეული თანხების აკუმულირება მოხდება. რა პერიოდისთვისაც დანელია ვარაუდობს, რომ საპენსიო აქტივები 3 მლრდ-ის ფარგლებში იქნება.



თუმცა ბაზარი ფონდის შესაძლებლობების ვადაზე ადრე გაფართოებას ითხოვს. ბოლო რამდენიმე დღეში გამართული შეხვედრების შედეგად, მათ შორის პარლამენტში, ბიზნეს ასოციაციასთან და ეკონომიკის სამინისტროსთან, გაჩნდა ინიციატივა, რომ შემუშავდეს საკანონმდებლო ცვლილებათა პაკეტი, რომლის მიხედვითაც სააგენტო ვადაზე ადრე შეძლებს სხვადასხვა სახის ინვესტირებას შემზღუდველი გარემოებების გარეშე.



სააგენტო ამბობს, რომ კარგი იქნებოდა ამ ეტაპზე ჰქონდეთ იმის შესაძლებლობა რომ კერძო კაპიტალში შევიდნენ, გასცენ პირდაპირი სესხი და დიდ, კერძო პროექტში, სინდიკატში მიიღონ მონაწილეობა. თუმცა, რამდენად მოხეხდება ინიციატივის სწრაფად, 2023 წლამდე შემუშავება და მიღება ჯერ არ ვიცით, თუმცა ვიცით, რომ სააგენტო არსებული კანონდებლობის შესაბამისად, 2023 წლისთვის მზადების პროცესშია, როგორც საინვესტიციო, ისე ინფრასტრუქტურის თვალსაზრისით.


business-partner.ge




2022 წელს ეკონომიკა 5.5%-ზე მეტად გაიზრდება - „თიბისი კაპიტალი“

2022 წელს ეკონომიკა 5.5%-ზე მეტად გაიზრდება - „თიბისი კაპიტალი“
access_time2022-01-24 17:00:17
2022 წელს საქართველოში სავარაუდოდ 5.5%-ზე მაღალი ეკონომიკური ზრდა იქნება, ამის შესახებ თიბისი კაპიტალის მთავარი ეკონომისტის ყოველკვირეულ განახლებაშია აღნიშნული.  "საქართველოში, ინფიცირებისა და სიკვდილიანობის მაჩვენებლები კვლავ პრობლემურია, თუმცა, იანვრის წინასწარი მაჩვენებლების მიხედვით, ტურიზმის აღდგენის დინამიკა მნიშვნელოვნად დაჩქარდა. ეს გვაძლევს საშუალებას ვივარაუდოთ, რომ 2022 წელს, ძირითადად უკვე სწორედ ტურიზმის აღდგენაზე დამოკიდებული ეკონომიკის ზრდა ჩვენს...

იტალია ყავა ესპრესოს „იუნესკოს“ სიაში შეტანას ითხოვს

იტალია ყავა ესპრესოს „იუნესკოს“ სიაში შეტანას ითხოვს
access_time2022-01-24 16:00:00
იტალიის მთავრობა ყავა ესპრესოს „იუნესკოს“ არამატერიალური მემკვიდრეობის სიაში შეტანას ითხოვს. ქვეყნის სოფლის მეურნეობის მინისტრის მოადგილის, ჯანმარკო ჩენტინაიოს განცხადებას ადგილობრივი წამყვანი სააგენტო, ANSA (Agenzia Nazionale Stampa Associata) ავრცელებს. „ყავა იტალიაში უბრალო სასმელზე ბევრად მეტია: ეს არის ნამდვილი რიტუალი, ეროვნული იდენტობის განუყოფელი ნაწილი და სოციალურობის გამოხატულება, რაც იტალიელებს სხვებისგან განასხვავებს,“ - აცხადებს ჯანმარკო...

ვახტანგ კაჭარავა: თეგეტამ პანდემიურ პერიოდში გაყიდვების ზრდა და ახალ ბაზრებზე გასვლა მოახერხა

ვახტანგ კაჭარავა: თეგეტამ პანდემიურ პერიოდში გაყიდვების ზრდა და ახალ ბაზრებზე გასვლა მოახერხა
access_time2022-01-02 12:00:08
პანდემიამ 2020 წელს საქართველოს ეკონომიკა 6.8%-ით შეამცირა. პრობლემები მეტ-ნაკლებად წარმოებისა და მომსახურების ყველა სფეროს შეეხო. გამონაკლისი არც ავტოინდუსტრია ყოფილა. მსუბუქი ავტომობილების რეექსპორტი 45%-ით $733 მლნ-დან $404 მლნ-მდე შემცირდა, 2021 წელს კი მხოლოდ $456 მლნ-მდე აღდგა. გაურკვევლობის, რეცესიისა და შემდეგ უკვე ორნიშნა ინფლაციის მიუხედავად, კომპანიების ნაწილმა გამოწვევები წარმატებით დაძლია, მათ შორის ერთ-ერთი გამორჩეული ადგილი „თეგეტას“ უკავია, რომელმაც 2020 წელსაც გაყიდვების...

რძის და რძის პროდუქტების ფასმა 13%-ით მოიმატა და კიდევ გაძვირდება

რძის და რძის პროდუქტების ფასმა 13%-ით მოიმატა და კიდევ გაძვირდება
access_time2022-01-24 15:00:50
საქართველოში რძისა და რძის პროდუქტების ბაზარზე წარმოებასთან დაკავშირებით დიდი პრობლემაა. ბოლო რამდენიმე თვეა, ფასები მატულობს და 1 ლ რძის ფასი უკვე 5 ლარია, მეტნაკლებად შენარჩუნდა ინდუსტრიული რძის ღირებულება, თუმცა ისიც იმის ხარჯზე, რომ წარმოება თითქმის მასობრივად რძის ფხვნილს იყენებს. როგორც აგროექსპერტთა ასოციაციის თავმჯდომარის მოადგილე მიხეილ ჭიჭაყუა ,,კომერსანტთან“ ამბობს, ფასების ზრდა ძირითადად სეზონურ ცვლილებას უკავშირდება, თუმცა ნედლეული ძვირდება გლობალურ ბაზრებზე. ორივე ფაქტორი ერთად...

საქართველოს მთავრობის წევრთა 1/3 კოვიდინფიცირებულია

საქართველოს მთავრობის წევრთა 1/3 კოვიდინფიცირებულია
access_time2022-01-24 12:55:57
საქართველოს მთავრობის ოთხ წევრს კორონავირუსი დაუდასტურდა. კორონავირუსი დაუდასტურდათ საქართველოს თავდაცვის მინისტრ ჯუანშერ ბურჭულაძეს, განათლების მინისტრ მიხეილ ჩხენკელს, გარემოს დაცვისა და სოფლის მეურნეობის მინისტრ ლევან დავითაშვილს და რეგიონული განვითარებისა და ინფრასტრუქტურის მინისტრ ირაკლი...


მსგავსი სიახლეები

up