OECD-ს კვლევით საქართველო ლიდერია - მცირე და საშუალო ბიზნესის რეალური პრობლემები - საპენსიო რეფორმა, „ოქროს სიაში“ შემავალი კომპანიებისთვის საგადასახადო შეღავათების გაუქმება და ა.შ.

OECD-ს კვლევით საქართველო ლიდერია - მცირე და საშუალო ბიზნესის რეალური პრობლემები - საპენსიო რეფორმა, „ოქროს სიაში“ შემავალი კომპანიებისთვის საგადასახადო შეღავათების გაუქმება და ა.შ.

access_time2019-07-03 16:30:47

 „საპენსიო რეფორმას ჯობდა 5 პროცენტით გაგვეზარდა საშემოსავალო გადასახადი და გამოგვეყენებინა პენსიის მოსამატებლად, ეს ისევ ადგილობრივ წარმოებასაც წამოწევდა. ფული ავიღოთ და დავდოთ თაროზე ან ქვეყნის გარეთ გავიტანოთ,  Apple-ის და  Google-ის აქციები ვიყიდოთ და ამერიკის ეკონომიკა განვანვითაროთ, საქართველოს ამის ფუფუნება არ აქვს. გამოდის, რომ სახელმწიფო ისესხებს ამ ფულს  საპენსიო სააგენტოდან და ისევ   ბიუჯეტში მოხვდება.“ - მცირე და საშუალო ბიზნესის ასოციაციის თავმჯდომარე მიხელ ჭელიძე მცირე და საშუალო ბიზნესში არსებულ პრობლემებზე საუბრობს.



OECD-ს მიერ პარიზში ორგანიზებულ სამუშაო შეხვედრაზე ცნობილი გახდა, რომ საქართველო აღმოსავლეთ პარტნიორობის ქვეყნების მცირე და საშუალო მეწარმეობის პოლიტიკის ინდექსში ლიდერია. ეკონომიკური თანამშრომლობისა და განვითარების ორგანიზაციის (OECD) ეგიდით ჩატარებული კვლევის თანახმად მომზადებულ რეიტინგში საქართველო პირველ პოზიციაზე დასახელდა. საქართველომ 12 ინდიკატორიდან 9 ინდიკატორში საუკეთესო შეფასება მიიღო. ამასთან, 2018 წლის რეიტინგთან შედარებით ქვეყნის შეფასება და სარეიტინგო ქულა 11 ინდიკატორში გაუმჯობესდა.



„კომერსანტი“ დაინტერესდა მცირე და საშუალო მეწარმეობის სფეროში არსებული რეალური მდგომარეობით და იმით, თუ რამდენად ნიშნავს აღმოსავლეთ პარტნიორობის წევრ 6 ქვეყანას შორის ლიდერის პოზიციის დაკავება, მცირე და საშუალო ბიზნესისთვის ხელსაყრელი პირობების არსებობას ქვეყანაში.


მცირე და საშუალო ბიზნესების ასოციაციის თავმჯდომარე მიხეილ ჭელიძე მიიჩნევს, რომ სახელმწიფო პროგრამები სამეწარმეო გარემოს შესაქმნელად კარგია, თუმცა არსებობს რამდენიმე საკვანძო საკითხი, რაც ბიზნესის წარმომადგენლებს ტვირთად დააწვათ და სახელმწიფოს მხრიდან უნდა დარეგულირდეს. მისივე თქმით, ეს საკითხებია პირველ რიგში საპენსიო რეფორმის შემოღება, „ოქროს სიაში“ შემავალი კომპანიებისთვის საგადასახადო შეღავათების გაუქმება და წინასწარი დეკლარირების სისტემის გაუქმება.


„საქართველო ყოველთვის ლიდერი იყო აღმოსავლეთ პარტნიორობის ქვეყნებში. აუმჯობესებს სახელმწიფო ამ კუთხით  თავის პოლიტიკას და კარგია, რომ დადასტურდა ამ კვლევითაც, რომ წინსვლა გვაქვს. სამეწარმეო გარემო კარგია ქვეყანაში, ფინანსებზე ხელმისაწვდომობაც კარგია, სახელმწიფო პროგრამებიც გვაქვს ქვეყანაში...




მაგრამ ბიზნესისთვის რამდენიმე ძირითადი პრობლემა იკვეთება და ერთერთია საპენსიო რეფორმის შემოღება. თუ ევროპისკენ მივდივართ, ბუნებრივია, რეგულაციები მეტი და მეტი შემოვა, რომელიც ბიზნესს ხარჯებს გაუზრდის ან რაღაც შეფერხებას გამოიწვევს. რეგუალციის შემოღება დაფიქრებულად, გარდამავალი პერიოდების შემდეგ და გაფრთხილებებით უნდა ხდებოდეს. ამ რეფორმის სარგებელს მე ბიზნესისთვის ვერ ვხედავ, მათ მხოლოდ სახელფასო ბიუჯეტი 4 პროცენტით გაეზარდათ. ჩემი აზრით, საპენსიო რეფორმა საქართველოში არც უნდა მიღებულიყო, არ ვართ მზად, ჩვენ არასტაბილური ვალუტა გვაქვს და 30 წლის მერე ეს ლარი რამდენად შეძლებს ამ ინფლაციას მოერიოს, ჯერ კიდევ გასარკვევია. ასევე რამდენად გაუძლებს საპენსიო ფონდის ძვრადღირებული ექსპერტების ხელფასებს და მერე რამდენად დარჩება  თანხა პენსიონერისთვის ღირსეული პენსიის გადასახდელად. მგონია, რომ მსოფლიო ფინანსური სისტემა გადაიხედება და შეიძლება საერთოდ აღარ იყოს ლარი.  ამას სჯობდა საშემოსავლო გადასახადი 25 პროცენტი გამხდარიყო და დღევანდელ პენსიონერებს მომატებოდათ ეს თანხა და ,შესაბამისად, გაეზრდებოდა მომავალ პენსიონერებსაც.  ეს არის ირიბად გადასახადების აზრდა.



„ოქროს სიაში“ შემავალი კომპანიებისთვის საგადასახადო შეღავათების გაუქმება გულისხმობს, რომ  218 წევრ კომპანიას იმპორტის გადასახადის 30–დღიანი ვადა გაუუქმდა და 5 დღემდე შეუმცირდა; ასევე, ყველა სხვა დანარჩენი ბიზნესისთვის გაუქმდა წინასწარ დეკლარირების შემთხვევაში, გადახდის 15-დღიანი პერიოდი. ამასთან დაკავშირებით მიხეილ ჭელიძე მიიჩნევს, რომ მრავალრიცხოვანი რეგულაციების შემდეგ მსხვილი და საშუალოს საწარმოებისთვის მსგავსი ცვლილება დიდი დარტყმა აღმოჩნდა და მთავარ პრობლემად ბიზნესის წარმომადგენლების ინტერესების არ გათვალისწინებას ასახელებს.



 „ოქროს სიის“ შეღავათებისა და წინასწარი დეკლარირების მოულოდნელად გაუქმებაც ძალიან ცუდი იყო და ამაშიც დიდ პრობლემას ვხედავ ბიზნესისთვის. ბიზნესები ამ სისტემას იყენებდნენ და დაგეგმილი ჰქონდათ საქმიანობა ამის შესაბამისად, უცებ მეორე დღეს კი გაიგეს, რომ ამას ვერ გამოიყენებენ.  როდესაც საქმე ნაღდ ფულს ეხება, უნდა აცადო ბიზნესს, რომ გადაწყობა მოახდინოს. მნიშვნელოვანი რეგულაციები შემოვიდა, “ოქროს სია“ და წინასწარი დეკლარირების სისტემა გაუქმდა, ამის გამო ბიზნესებს თანხების სესხება მოუწიათ. ის პათოსი, რომ ყველა გავაერთიანოთ და ყველას ერთი ვადა ჰქინდეს, ამას შეიძლება დავეთანხმოთ. მაგრამ ხომ შეიძლებოდა  გაეერთიანებინათ ყველა და მიეცათ 30 დღინი ვადა გადასახადისთვის.  დღეს გეუბნებინ,  რომ მოდი 5 დღეში გადამიხადე გადასახადი, როცა გათვლილი გაქვს ყველა შენი ხარჯი, ეს რთულია.



წინასწარი დეკლარირების სისტემას არავინ  ახსენებს და ეს უფრო პრობლემატურია.  როცა 15 დღეში იხდიდი იმპორტის გადასახადებს და ახლა 5 დღეში გადმოგიწიეს, ამას მცირე ბიზნესიც და საშუალო ბიზნესიც აქტიურად იყენებდა და რატომ შეიზღუდა ეს? რატომ მოიხსნა, აზრს ვერ ვხვდები.  მუშაობდა ეს სისტემა და გაიტესტა, რომ კარგია, თუმცა რა პრობლემა დაინახა სახელმწიფომ, რომ დაუყოვნებლივ ვადებში მიიღო მისი გაუქმების გადაწყვეტილება,  ამას ვერ ვხვდები უბრალოდ.



რაც შეეხება რუსეთისგან ტურისტულ ემბარგოს,  ბიზნესს ეს ცვლილებაც აუცილებლად დააწვება, მაგრამ რამდენად კატასტროფული იქნება შედეგი არ ვიცით. მოხმარება შემცირდება და ეს ბიზნესისთვის,რა თქმა უნდა, ცუდია. ძალიან რთული წელი გვაქვს, მნიშვნელოვანი რეგულაციები შემოვიდა ქვეყანაში და შეიქმნა ნაღდი ფულის დეფიციტი, ბოლო მოვლენების შემდეგ კი ეს დეფიციტი უფრო შესამჩნევი იქნება,“ - აცხადებს ჭელიძე

 

OECD-ს კვლევის მიხედვით, საქართველო ლიდერია რეიტინგის შემდეგ 9 ინდიკატორში, როგორიცაა: მარეგულირებელი გარემო, სამეწარმეო გარემო, დამხმარე სერვისები მცირე და საშუალო საწარმოებისთვის და start-up-ებისთვის, სახელმწიფო შესყიდვები, ფინანსებზე ხელმისაწვდომობა, სტანდარტები და ტექნიკური რეგულაციები, სამეწარმეო უნარები, ინოვაციები, მცირე და საშუალო საწარმოების ინტერნაციონალიზაცია.



მარიამ მორგოშია





„კომერსანტის“ 29 იანვრის TOP 10 თემა

„კომერსანტის“ 29 იანვრის TOP 10 თემა
access_time2020-01-29 21:30:43
„კომერსანტის“ 29 იანვრის TOP 10 თემა 1.2 თვე 520-ე დადგენილების ამოქმედებიდან - დეპუტატები ჯანდაცვის მინისტრს კომიტეტის სხდომაზე იბარებენ 2.„ენერგეტიკის სექტორის განვითარების ორი ძირითადი პრობლემაა - ინვესტორის მოძიება და მოსახლეობის...

საქართველოში, შესაძლოა, 19 კილოგრამამდე მარიხუანას მოყვანისთვის პატიმრობა გაუქმდეს

საქართველოში, შესაძლოა, 19 კილოგრამამდე მარიხუანას მოყვანისთვის პატიმრობა გაუქმდეს
access_time2020-01-29 19:30:04
შესაძლოა, საქართველოში 19 კილომდე მარიხუანას დათესვა/მოყვანა ნებადართული გახდეს.საქართველოს საკონსტიტუციო სასამართლოში უკვე შესულია პოლიტიკური მოძრაობა “გირჩის” სარჩელი, რომელიც კანაფის კულტივირებისთვის პატიმრობის გაუქმებას ითხოვს.საკონსტიტუციო სასამართლოში „გირჩის“ წევრებმა სარჩელი ბრალდებულ ავთანდილ მეტრეველის სახელით შეიტანეს. ლევან მეტრეველს მარიხუანას  კულტივირებისთვის სასჯელად ციხე ემუქრება. “გირჩი” მიიჩნევს, რომ სასჯელის ეს ზომა...

თბილისში მეორადი საბურავებით ვაჭრობა აიკრძალება

თბილისში მეორადი საბურავებით ვაჭრობა აიკრძალება
access_time2020-01-29 16:25:47
თბილისში აალებადი ნივთიერებებით და მეორადი საბურავებით ვაჭრობა აიკრძალება. აღნიშნულის შესახებ თბილისის მერიამ კანონპროექტი მოამზადა.როგორც დედაქალაქის ვიცე-მერმა, ირაკლი ხმალაძემ ჟურნალისტებს განუცხადა, უახლოეს დღეებში საკრებულო იმსჯელებს კონკრეტულ ადგილებზე, რასაც აკრძალვა შეეხება. „კანონპროექტი მომზადებული და მიღებულია. ის ითვალისწინებს, რომ საკრებულომ წესი დაადგინოს და განსაზღვროს ადგილები, სად არის დასაშვები რეალიზაცია და სად არ არის დასაშვები. ეს წესიც მომზადების...

სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე

სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე
access_time2020-01-29 20:30:47
სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე. ვირუსი მოახდენს ნეგატიურ გავლენას კორპორაციებზე, რომელთა საქმიანობა ასე თუ ისე დაკავშირებულია ტურიზმთან - ნათქვამია Fitch-ის დასკვნაში. თუ ინფექციის გავრცელება გაიზრდება, ყველა საგრძნობლად დაზარალდება.მათ შორის, ტაილანდი, ვიეტნამი, და სინგაპური, რომლებიც ტურიზმისგან სოლიდურ შემოსავალს იღებენ.ასევე დაზარალდებიან ჰონკონგი და მაკაო. აზიურ ქვეყნებს, რომლებსაც...

კობა გვენეტაძე: „ხმები მიკროსაფინანსო სექტორის გარდაცვალებაზე გადაჭარბებულია“

კობა გვენეტაძე: „ხმები მიკროსაფინანსო სექტორის გარდაცვალებაზე გადაჭარბებულია“
access_time2020-01-29 17:30:26
საქართველოს ეროვნული ბანკის პრეზიდენტი კობა გვენეტაძე ფიქრობს, რომ „ხმები მიკროსაფინანსო სექტორის გარდაცვალებაზე გადაჭარბებულია.როგორც კობა გვენეტაძემ მიკროსაფინანსო ორგანიზაციების რაოდენობის შემცირებასა და გასულ წელს მიკროსაფინანსო სექტორის წამგებიან ოპერირებასთან დაკავშირებით განაცხადა, მიკროსაფინანსო სექტორმა უნდა გაიაროს იგივე გზა, რაც გაიარა საბანკო სექტორმა 90-იან წლებში. როგორც ეროვნული ბანკის პრეზიდენტი განმარტავს, მიკროსაფინანსო სექტორი არაჯანსაღად იზრდებოდა და საჭირო იყო შესაბამისი...


მსგავსი სიახლეები

up