„საპენსიო ფონდში აკუმულირებულ თანხას 58 მილიონზე მეტი სარგებელი დაერიცხა“ - გიორგი ჭიჭინაძე

„საპენსიო ფონდში აკუმულირებულ თანხას 58 მილიონზე მეტი სარგებელი დაერიცხა“ - გიორგი ჭიჭინაძე

access_time2020-07-01 18:30:38

საპენსიო სააგენტოს დირექტორის მოვალეობის შემსრულებელმა გიორგი ჭიჭინაძემ, 30 ივნისს საქართველოს პარლამენტის საფინანსო-საბიუჯეტო კომიტეტს საპენსიო სააგენტოს 2019 წლის ანგარიში წარუდგინა. მან ასევე ისაუბრა იმ წარმატებებზე, სიახლეებზე და სარგებელზერაც ამ მომენტისთვის  საპენსიო რეფორმას გააჩნია ყველა მონაწილისთვის.


„ფონდში აკუმულირებულ თანხას 58 მილიონზე მეტი სარგებელი დაერიცხა. საპენსიო სააგენტოს სქემიდან გამსვლელთა რაოდენობა მინიმუმამდეა დასული გასული თვეების მანძილზე, ახლადჩართულ მონაწილეთა რაოდენობა რადიკალურად აღემატება სქემიდან გასულთა რიცხვს, რაც ხაზს უსვამს სანდოობის ზრდას და ეფექტურ მუშაობას. ასევე, პანდემიის დროს ხარისხიანი სერვისის მიწოდების გამო არ გვქონია არსებითი შეფერხება, ყველა პროცესი იყო მართული და დახვეწილი საერთაშორისო სტანდარტის შესაბამისად. ვფიქრობ, შედეგები საკმაოდ საიმედოა“ აცხადებს გიორგი ჭიჭინაძე.


საპენსიო სააგენტოს დირექტორის მოვალეობის შემსრულებლის თქმით, 2020 წელი საპენსიო სააგენტოსთვის პროდუქტიული და წარმატებული იყო. რადგან სააგენტოში მოხდა ყველა მნიშვნელოვანი პროცესის დოკუმენტაცია, კონკურსის წესით დაინიშნა უფროსი საინვესტიციო ოფიცერი და მისი მოადგილე, ასევე, შეირჩა საინფორმაციო უსაფრთხოების ოფიცერი და მომავალი წლის განმავლობაში დაინერგება ინფორმაციული უსაფრთხოების სისტემები საერთაშორისო სტანდარტის ISO 27001 მიხედვით. მიმდინარეობდა აქტიური მუშაობა საინვესტიციო პოლიტიკის დოკუმენტზე და უახლოეს პერიოდში ის გამოქვეყნდება სააგენტოს ოფიციალურ ვებ-გვერდზე. თიბისისა და საქართველოს ბანკებთან შედგა მოლაპარაკება, კერძოდ მათ ინტერნეტ და მობაილ ბანკებში დაემატა საპენსიო დანაზოგების ნახვის ფუნქციონალი, გაუმჯობესდა და გაიმართა საპენსიო სააგენტოსა და ხაზინის სისტემას შორის სერვისები, კერძო სექტორის პორტალზეგანხორციელებული ტრანზაქციების ნახვის და კონტროლის ფუნქციონალი დაემატადა დასრულდა დამსაქმებლებისა და დასაქმებულებისათვის  შეტყობინებების გაგზავნის სერვისი.



დღეის  მდგომარეობით, საპენსიო საგენტოს დანაზოგი შეადგენს  - 832 მლნ ლარს, ხოლო დარიცხულიამონაგები - 58 მილიონლარამდეა. სქემაში ჩართულია 1,030,000 მონაწილე და 65,838 ორგანიზაცია. აქედან, კერძო სექტორიდან 798,121, ხოლო საჯარო სექტორიდან231,493 მონაწილე. კერძო სექტორიდან მამაკაცების რაოდენობა 445,306 შეადგენს, ხოლო ქალბატონების 352,815-ს. საჯარო სექტორიდან მამაკაცები - 140,553, ქალბატონები - 90,940-ს. 30 ივნისის მდგოამრეობით სულ სქემიდან გასულია რეგისტრირებული მონაწილეთა საერთო რაოდენობის 16%, ხოლო სულ გასვლის უფლების მქონე პირთა შორის გასულია მონაწილეთა 45%, ხოლო სქემაში დარჩა 55%, სულ სქემიდან 166,261 მოქალაქე გავიდა. საჯარო სექტორიდან გასულთა რაოდენობა სამჯერ ნაკლები მაჩვენებალია კერძო სექტორთან შედარებით.


30 ივნისის მდგომარეობით, საპენსიო სააგენტოშისაპენსიო დანაზოგით ისარგებლა 343  მონაწილემ. აქედან, ასაკის საფუძვლით 175, შშმ პირის სტატუსით 142, ქვეყნის დატოვები საფუძვლით 1-მა და მემკვიდრის უფლებით ისარგებლა 25 ადამიანმა. სულ საპენსიო სააგენტომ სქემის მონაწილეთა სასარგებლოდ გადაიხადა240 ათას ლარზე მეტი.





„სმარტმა“ „ხაჭაპურის ფესტივალი“ გამართა

„სმარტმა“ „ხაჭაპურის ფესტივალი“ გამართა
access_time2020-08-14 12:55:34
„სმარტმა“ ზესტაფონსა და ქუთაისს შორის, სოფელ არგვეთას მონაკვეთზე მდებარე „ვისოლ ჯგუფის“ დასვენებისა მომსახურების კომპლექსში „ხაჭაპურის ფესტივალი“ გამართა და ამიერიდან მომხმარებლებს „სმარტის“ ქსელში ყველაზე გემრიელი „დედა ხაჭაპურის“ დაგემოვნება გამარჯვებული ხაჭაპურის ავტორის რეცეპტით შეეძლებათ. „დედა ხაჭაპური“ იგივე იმერული ხაჭაპურია, რომელიც კონკურსის მონაწილე „სმარტის“ თანამშრომლემა კომპეტენტური ჟიურის რეკომენდაციებით და წინასწარ განსაზღვრული კრიტერიუმების მიხედვით მოამზადეს. „გასტრონავტის“...

რუსეთმა შესაძლოა, ვაშლისა და ქლიავის იმპორტზე კვოტები დააწესოს - რა რაოდენობის პროდუქტი გადის საქართველოდან

რუსეთმა შესაძლოა, ვაშლისა და ქლიავის იმპორტზე კვოტები დააწესოს - რა რაოდენობის პროდუქტი გადის საქართველოდან
access_time2020-08-14 14:10:52
რუსეთმა შესაძლოა, ვაშლისა და ქლიავის იმპორტზე კვოტები დააწესოს. სწორედ ამ მოთხოვნით მიმართეს ადგილობრივმა ფერმერებმა სოფლის მეურნეობის სამინისტროს. მათ აზრით, იმპორტირებული ხილის დიდი რაოდენობა, ადგილობრივი პროდუქციის ფასებს ამცირებს. ამის შესახებ ინფორამციას AgroTimes ავრცელებს. აღსანიშნავია, რომ საქართველოსთვის რუსეთი მთავარი სავაჭრო პარტნიორია. მეტიც, გასულ წელს იმპორტირებული ვაშლის 87,2 %, ხოლო ქლიავის 89,2% სწორედ რუსეთში...

„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე

„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე
access_time2020-08-14 13:00:41
„საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით, ბირჟიდან მოხსნის შემდეგ ლიკვიდურობა შენარჩუნებულ იქნა, GHG კერძო კომპანია გახდა და მისი აქციები Georgia Capital-მა გამოისყიდა, რომელიც აქამდე „საქართველოს ჯანდაცვის ჯგუფის“ 70.6%-იანი წილის მფლობელი იყო. ბოლო დღეებში ქართულ მედიაში საქართველოს საფონდო ბირჟის დირექტორი გიორგი ფარესიშვილის და რამდენიმე ექსპერტის მიერ გამოთქმული გამამართლებელი არგუმენტების...

ივლისში ფულადი გზავნილები 22.1%-ით გაიზარდა

ივლისში ფულადი გზავნილები 22.1%-ით გაიზარდა
access_time2020-08-14 15:20:52
2020 წლის ივლისში ქვეყანაში შემოსული ფულადი გზავნილების ნაკადების მოცულობამ 188.7 მლნ აშშ დოლარი (578.0 მლნ ლარი) შეადგინა, რაც 22.1%-ით (34.2 მლნ აშშ დოლარით) მეტია 2019 წლის ივლისის ანალოგიურ მაჩვენებელზე. ინფორმაციას ეროვნული ბანკი აქვეყნებს. უცხოეთიდან საქართველოში ფულადი გზავნილების 94.6% იმ 18 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ ივლისში 1 მლნ აშშ დოლარს გადააჭარბა. იმავე 18 ქვეყანაზე გასული წლის ივლისში მთელი ფულადი გზავნილების...

მეწარმეთა შესახებ ახალი კანონის პროექტს საქართველოს ბიზნეს ასოციაცია მნიშვნელოვან წინ გადადგმულ ნაბიჯად აფასებს

მეწარმეთა შესახებ ახალი კანონის პროექტს საქართველოს ბიზნეს ასოციაცია მნიშვნელოვან წინ გადადგმულ ნაბიჯად აფასებს
access_time2020-08-14 11:00:51
საქართველოს ბიზნეს ასოციაციაში აცხადებენ, რომ მიესალმებიან მეწარმეთა შესახებ ახალი კანონის პროექტის ინიციირებას და მას საინვესტიციო გარემოს გაუმჯობესების მიზნით მნიშვნელოვან წინ გადადგმულ ნაბიჯად მიიჩნევენ. როგორც ასოციაციის მიერ გავრცელებულ განცხადებაშია აღნიშნული: „უკვე არაერთი წელია, რაც პროფესიული წრეები, ბიზნესისა და აღმასრულებელი ხელისუფლების სხვადასხვა შტოს წარმომადგენლები თანხმდებიან, რომ დღეს მოქმედი, სამეწარმეო საქმიანობის მარეგულირებელი ძირითადი კანონი მოძველებულია. შესაბამისად,...


მსგავსი სიახლეები

up