საპენსიო ფონდს ცენტრალური დეპოზიტარის მომსახურება გაცილებით იაფი დაუჯდებოდა, ვიდრე საქართველოს ბანკის - ლევან სურგულაძე

საპენსიო ფონდს ცენტრალური დეპოზიტარის მომსახურება გაცილებით იაფი დაუჯდებოდა, ვიდრე საქართველოს ბანკის - ლევან სურგულაძე

access_time2021-10-14 10:00:04

საქართველოს საპენსიო სააგენტოს სპეციალიზებული დეპოზიტარი “საქართველოს ბანკი” იქნება. მხარეებს შორის შესაბამის ხელშეკრულებას ხელი 1-ელ ოქტომბერს მოეწერა. ხელშეკრულების ხელმოწერის შემდეგ საპენსიო სააგენტოს ქართულ საფონდო ბირჟაზე არსებულ ფინანსურ აქტივებში შეუძლია ინვესტირება.



საპენსიო სააგენტოს უფროსი საინვესტიციო ოფიცერი გიორგი მელიქიძე ამბობს, რომ „დაგროვებითი პენსიის შესახებ“ კანონის ამოქმედებიდან 5 წლის განმავლობაში საპენსიო აქტივების ინვესტირება განხორციელდება მხოლოდ ნაკლებად რისკიან საინვესტიციო პორტფელში. თუმცა, მანამდე რა მოვალეობის შესრულება მოუწევს სპეციალიზებულ დეპოზიტარს და რამდენად მნიშვნელოვანია მისი არსებობა, ამ თემაზე „კომერსანტთან“ საპენსიო სააგენტოს ყოფილმა ხელმძღვანელმა და ფინანსისტმა ლევან სურგულაძემ ისაუბრა.



ლევან სურგულაძის თქმით, იქედან გამომდინარე რომ  საპენსიო სააგენტოს, სხვადასხვა ფასიან ქაღალდებში ინვესტიციის განხორციელების პროცესი არ დაუწყია და უახლოეს პერიოდში არც გეგმავს, დღეს სპეციალურ დეპოზიტარს „საქმე არ აქვს“.




„დღეს სპეციალურ დეპოზიტარს საქმე არ აქვს. ის ფული რაც ბანკს დეპოზიტზე უდევს ისედაც იცის და ითვლის კიდეც და სარგებელსაც არიცხავს სპეც დეპოზიტარის მოვალეობაა შეინახოს და აღრიცხოს ფასიანი ქაღალდები, რომლებიც, როგორც წესი, დემატერიალიზებული ფორმით არსებობს და ფიზიკური შენახვა არ ესაჭიროება. ისინი აღირიცხებიან შესაბამისი რაოდენობით და ღირებულებით  და ინახებიან ელექტრონულ სისტემაში, რომელიც საკმაოდ ძვირადღირებულია და ის საქართველოს ბანკმა უნდა შეიძინოს ან შეიძინა. ასეთი ფუნქციონალობის სისტემა  უკვე აქვს ეროვნულ ბანკს და ცენტრალურ დეპოზიტარს. თუ ფასიან ქაღალდებში ინვესტირება არ მოხდება, სპეც დეპოზიტარის მიერ არც შესანახი იქნება რამე და არც აღსარიცხი. რა თქმა უნდა, საპენსიო სააგენტოს, რომელიც, კანონის შესაბამისად, საბიუჯეტო დაფინანსებიდან საპენსიო ფონდიდან მიღებული თანხით დაფინანსებაზე გადადის, ნებისმიერ შემთხვევაში მოუწევს სპეციალური დეპოზიტარის მომსახურების ღირებულების გადახდა.


თავდაპირევლად როდესაც მოლაპარაკებებს ვახორციელებდით საქართველოს ბანკთან და თიბისი ბანკთან, საუბარი იყო იმაზე, რომ უნდა შეექმნათ ცალკე დეპარტამენტი, უნდა მომხდარიყო შესაბამისი სისტემის შეძენა და ინფრასტრუქტურის შექმნა რაც საკმაოდ დიდ თანხებთან არის დაკავშირებული. არ ვიცი რატომ არ მისცეს ეს ფუნქცია ცენტრალურ დეპოზიტარს, რომლის მომსახურებაც გაცილებით იაფი დაჯდებოდა, ვიდრე ამ შემთხვევაში საქართველოს ბანკის მომსახურება ღირს. ცენტრალური დეპოზიტარი უკვე აღჭურვილია შესაბამისი სისტემებით და 20 წლიანი მუშაობის გამოცდილებაც აქვს“,  აღნიშნავს ლევან სურგულაძე.



სპეციალიზებული დეპოზიტარის შესარჩევი კონკურსი საპენსიო სააგენტომ ჯერ კიდევ 2020 წლის იანვარში გამოაცხადა, მასში მონაწილეობა სამმა ფინანსურმა ორგანიზაციამ მიიღო: “Central Depository of Armenia OJSC”; “ საქართველოს ბანკი”; “ თიბისი ბანკი”. თუმცა საპენსიო სააგენტოს სპეციალიზებული დეპოზიტარის შერჩევის პროცესი 2020 წელს ჩაიშალა. სააგენტოს საინვესტიციო საბჭომ წინა წლის იანვრიდან მიმდინარე ტენდერი კორონავირუსის პანდემიით გამოწვეული შეზღუდვების გამო 29 სექტემბერს შეწყვიტა. გაჭიანურებულ პროცესს თან დაერთო მარტში განხორციელებული საკანონმდებლო ცვლილებებიც, რომლითაც სპეციალიზებული დეპოზიტარისთვის ფინანსურ ინსტრუმენტებში არსებული შეზღუდვები მოიხსნა.



აღსანიშნავია, რომ საინვესტიციო პოლიტიკის დოკუმენტის მიხედვით, საპენსიო სააგენტოს შექმნიდან (2019 წ) 5 წლის განმავლობაში ანუ 2023 წლამდე ინვესტირება მხოლოდ დაბალრისკიან პორტფელში შეეძლება. ასეთ პორტფელად კი მთავარმა საინვესტიციო დოკუმენტმა შემდეგი მიმართულებები განსაზღვრა - უცხოური აქციები (15%), საქართველოს სახაზინო ობლიგაციები (25%) და დეპოზიტები (60%). 2023 წლიდან კი, საპენსიო ფონდის დანაზოგების ინვესტირება შესაძლებელი იქნება საშუალო და მაღალრისკიან პორტფელებშიც. ამასთან, მოქალაქეებს, ვინც პენსიას აგროვებს, შეეძლებათ თვითონ განსაზღვრონ - სად ინვესტირდეს მათი თანხა - დაბალ, საშუალო თუ მაღალრისკიან პორტფელში.


ნინო თამაზაშვილი




ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
access_time2021-10-21 11:55:49
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.   სესხი ევროპის საინვესტიციო ბანკის მცირე და საშუალო ბიზნესის განვითარების ინიციატივის ნაწილია, რომელიც საქართველოში ამ სეგმენტისთვის დაფინანსების ხელმისაწვდომობისა და ადგილობრივი საბანკო სექტორის...

თბილისში ამერიკული ჰოსპიტალი გაიხსნა

თბილისში ამერიკული ჰოსპიტალი გაიხსნა
access_time2021-10-21 15:00:35
American Intercontinental Healthcare Group-ის ოპერატორობით თბილისში მრავალპროფილური სამედიცინო ცენტრი „ამერიკული ჰოსპიტალი თბილისი“ გაიხსნა, რომელიიც აშშ-ის საერთაშორისო განვითარების საფინანსო კორპორაციის მხარდაჭერით საქართველოს სახელმწიფოს ინტერესებით შეიქმნა. პროექტის განხორციელებისთვის გაწეული პირდაპირი ინვესტიცია 50 მილიონ აშშ დოლარს აღემატება.    ჯანდაცვის სექტორისთვის სტრატეგიული ობიექტი წარმოდგენილია 183 საწოლით და სხვადასხვა მიმართულების განყოფილებით, რომელიც...

„კრისტალმა“ ბიზნეს პროცესების მართვის ახალი სისტემა დანერგა

„კრისტალმა“ ბიზნეს პროცესების მართვის ახალი სისტემა დანერგა
access_time2021-10-21 09:55:18
ფინანსური ჩართულობის ორგანიზაცია „კრისტალი“ ციფრული ტრანსფორმაციისკენ მნიშვნელოვანი ნაბიჯების გადადგმას აგრძელებს. სწორედ ამ სტრატეგიის ნაწილს წარმოადგენს ძირითადი ბიზნეს პროცესების მართვის ახალი სისტემა - „ალტას“ პროგრამული უზრუნველყოფა, რომლის დანერგვაც კომპანიამ წარმატებით დაასრულა. „ალტას“ პროგრამული უზრუნველყოფა, რომლითაც მანამდე არსებული ძირითადი ბიზნესპროცესების მართვის სისტემა ჩანაცვლდა, გაცილებით მოქნილი და საბანკო სფეროში აპრობირებულია...

დღის TOP10 საინტერესო ამბავი

დღის TOP10 საინტერესო ამბავი
access_time2021-10-20 21:00:05
დღის TOP10 საინტერესო ამბავი:     1. ინტერნეტ–გადახდების რაოდენობა 100%-ით გაიზარდა - როგორ შეცვალა პანდემიამ მომხმარებლის ქცევა კოვიდ პანდემიის ფონზე საბარათე ოპერაციებისა და ბარათით გადახდების მაჩვენებლები რადიკალურად შეიცვალა, რადგან პანდემიის დასაწყისში ვირუსის შემანელებელ ერთ-ერთ ფაქტორად...

აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს

აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს
access_time2021-10-20 19:00:27
ბოლო 2-3 წელია, აფხაზეთის დე-ფაქტო მთავრობა კრიპტოვალუტის მაინინგს ებრძვის და რამდენიმე ათასი ერთეულის ამოღება ოფიციალურადაც დაადასტურა. თუმცა ქართველი ენერგეტიკოსები ამ პროცესის მიმართ უნდობლობას აშკარად ამჟღავნებენ. ენერგეტიკოს გია არაბიძეს აღსრულების მექანიზმი სუსტი ეჩვენება. თუმცა ოკუპირებულ რეგიონში მაინინგის ამოღების ფაქტების საფუძველზე ასკვნის, რომ აფხაზეთს შესაძლებლობა აქვს ენერგომოხმარება 5-7%-ის ფარგლებში შეამციროს. ,,მაინინგს აფხაზეთი ებრძვის...


მსგავსი სიახლეები

up