"საპარტნიორო ფონდში" ცვლილებები დაიწყო - სამეთვალყურეო საბჭოდან ბანკები გაუშვეს

access_time2019-06-12 23:16:43

“საპარტნიორო ფონდის” კრიტიკა თანამდებობიდან გათავისუფლებულმა ეკონომიკის მინისტრმა გიორგი ქობულიამ დაიწყო და მოქმედმა პრემიერმა მამუკა ბახტაძემ დაასრულა. შემდეგ იყო პარტია “ქართული ოცნების” თავმჯდომარის ბიძინა ივანიშვილის ვიზიტი საპარტნიორო ფონდში და მეორე დღეს ახალი დადგენილება, რომელმაც „საპარტნიორო ფონდის“ წესდების დამტკიცებისა და კაპიტალის ფორმირების შესახებ“ მთავრობის ძველი დადგენილება შეცვალა. 6 ივნისით დათარიღებულ დადგენილებას საქართველოს პრემიერმინისტრი მამუკა ბახტაძე აწერს ხელს.


ცვლილებების შედეგად, გაიზარდა ფონდის მუშაობაში მთავრობის ჩართულობა. ამასთან, “საპარტნიორო ფონდში” განმარტავენ, რომ სამეთვალყურეო საბჭოში აღარ იქნებიან კომერციული ბანკების წარმომადგენლები და მათ ბიზნესასოციაციები ჩაანაცვლებენ. კერძო სექტორის წარმომადგენლები სამეთვალყურეო საბჭოში ისევ მაქსიმუმ 4 ადამიანით იქნებიან წარმოდგენილი.


ფონდის განმარტებით, ბანკების ხელმძღვანელების ნაწილი, რომლებიც შედიოდნენ სამეთვალყურეო საბჭოში, აღარ ცხოვრობენ საქართველოში, ამასთან, პროექტების განხილვის დროს იქმნებოდა ინტერესთა კონფლიქტი, რამდენადაც სამეთვალყურეო საბჭოში კონკურენტი ბანკების ხელმძღვანელები შედიოდნენ.


სამეთვალყურეო საბჭოს შემადგენლობაში კერძო სექტორის ახალი წარმომადგენლების შეყვანამდე კერძო სექტორის წარმომადგენელთა მოქმედ შემადგენლობას შეუწყდება უფლებამოსილება. სამეთვალყურეო საბჭოს შემადგენლობაში კერძო სექტორის წარმომადგენელთა შეყვანის მიზნით კი, სს „საპარტნიორო ფონდმა“ 3 თვის ვადაში უნდა წარუდგინოს სამეთვალყურეო საბჭოს წინადადებები შერჩევის პროცედურებთან დაკავშირებით.


ცვლილებების მიხედვითვე, სამეთვალყურეო საბჭოს წევრი აღარ იქნება იუსტიციის მინისტრი და მის ადგილს რეგიონული განვითარებისა და ინფრასტრუქტურის მინისტრი დაიკავებს. ფონდში განმარტავენ, რომ ეს სამინისტრო ეკონომიკურ გუნდთან და ფონდის საქმიანობასთან უფრო მეტად არის კვეთაში.


ამასთან, ფონდი გადადის უფრო მეტად გამჭვირვალე და მოქნილ პროცედურებზე და ელექტრონულად პროექტების განხილვაზე. სამეთვალყურეო საბჭოს წევრები საკუთარ შენიშვნებს ელექტრონულად წარადგენენ, რაც საპარტნიორო ფონდის განმარტებით, გაამარტივებს გადაწყვეტილების მიღების პროცედურებს. საბოლოო გადაწყვეტილებები ისევ შეხვედრების საფუძველზე სამეთვალყურეო საბჭოს წევრების მიერ იქნება მიღებული.


საპარტნიორო ფონდში აცხადებენ, რომ ცვილებები არის ფონდის რეფორმირების შემადგენეი ნაწილი, რაზეც მათი ხელმძღვანელობა დიდი ხანია საუბრობს.



სამეთვალყურეო საბჭოს გაეზარდა უფლებამოსილებებიც, მაგალითად მას მიეცა დამატებითი უფლებები:


მისცეს გენერალური სავაჭრო მინდობილობა (პროკურა) ამა თუ იმ პირს. პროკურა შეიძლება ორ ან რამდენიმე პირს ერთობლივად მიეცეს და განისაზღვროს, რომ ისინი ცალ-ცალკე ან ყველა ერთად წარმოადგენენ საწარმოს (საერთო მინდობილობა);


მიიღოს გადაწყვეტილება ფონდის წილობრივი მონაწილეობით დაფუძნებულ კომპანიაში პარტნიორულ უფლებამოსილებათა გადანაწილების, პროექტში ფონდის წილობრივი მონაწილეობის ფორმისა და წილის ოდენობის შესახებ. სამეთვალყურეო საბჭო უფლებამოსილია, აღნიშნული საკითხი შესათანხმებლად წარუდგინოს პარტნიორს;


მიიღოს გადაწყვეტილება ფონდის საკუთრებაში არსებული წილის/აქციების გასხვისების შესახებ, ხოლო ფონდის საკუთრებაში არსებული იმ წილის/აქციების გასხვისების შესახებ, რომელიც ფონდის კაპიტალში შეტანილია სახელმწიფოს მიერ ამ წესდების ან/და საქართველოს მთავრობის ან მის მიერ უფლებამოსილი ორგანოს გადაწყვეტილების შესაბამისად, გადაწყვეტილება მიიღოს პარტნიორთან შეთანხმებით.


წინა რედაქციისგან გასხვავებით, ახლა სამეთვალყურეო საბჭოს უფრო მეტი წევრის თანხმობაა საჭირო გადაწყვეტილების მისაღებად. თუ აქამდე სამეთვალყურეო საბჭოს სხდომა გადაწყვეტილებას იღებდა თუ მას ესწრებოდა წევრთა არანაკლებ 25%-ისა, ახლა ეს რიცხვი 50%-მდეა გაზრდილი.


5 ივნისს, “ქართული ოცნების” თავმჯდომარე ბიძინა ივანიშვილი საპარტნიორო ფონდში იმყოფებოდა. ივანიშვილი ფონდის მენეჯმენტს შეხვდა და მიმდინარე საინვესტიციო პროექტებს გაეცნო. შეხვედრის მონაწილეებმა ფონდის საქმიანობისა და სამომავლო გეგმების შესახებ ისაუბრეს.


მანამდე, 31 მაისს პრემიერ-მინისტრმა მამუკა ბახტაძემ განაცხადა, რომ “ის ბიზნესმოდელი, რაც აქვს „საპარტნიორო ფონდს“, არაეფექტურია და უნდა შეიცვალოს”.


თემაზე კომენტარი თავად საპარტნიორო ფონდის ხელმძღვანელმა დავით საგანელიძემაც გააკეთა. მისი თქმით, „საპარტნიორო ფონდის“ რეფორმას, რომელიც 2016 წელს დაიგეგმა, იმ დროს მოქმედი პრემიერ-მინისტრის, გიორგი კვირიკაშვილის მთავრობამ მხარი არ დაუჭირა.


სს „საპარტნიორო ფონდი" არის სახელმწიფო საინვესტიციო ფონდი რომელიც დაარსდა 2011 წელს.„საპარტნიორო ფონდის" საქმიანობა ხორციელდება ორი ძირითადი მიმართულებით:


1. აქტივების მართვა - ფონდის აქტივების პორტფელი შედგება შემდეგი სტრატეგიული მნიშვნელობის კომპანიებისგან:

საქართველოს რკინიგზა - 100% წილი
საქართველოს ნავთობისა და გაზის კორპორაცია - 100% წილი
საქართველოს სახელმწიფო ელექტროსისტემა - 100% წილი
ელექტროენერგეტიკული სისტემის კომერციული ოპერატორი - 100% წილი
სს თელასი - 24.5% წილი


საქართველოს რკინიგზა და ნავთობისა და გაზის კორპორაცია წარმოადგენენ „საპარტნიორო ფონდის" საინვესტიციო საქმიანობის დაფინანსების მთავარ წყაროს.


2. საინვესტიციო საქმიანობა - ამჟამად ფონდის პორტფელშია რამდენიმე პროექტი ეკონომიკის სხვადასხვა სექტორში, რომელთა ჯამური ღირებულება აღემატება 2.5 მილიარდ აშშ დოლარს. ფონდი უფლებამოსილია განახორციელოს ინვესტიცია მხოლოდ საქართველოში და მისი სტრატეგია მიმართულია კერძო ინვესტორების მოზიდვასა და მხარდაჭერაზე. ფონდისთვის მნიშვნელოვანია კომერციულად მომგებიანი პროექტების მხარდაჭერა საქართველოს ეკონომიკის პრიორიტეტულ სექტორებში, რომლებიც გამოირჩევა განვითარების დიდი პოტენციალით. მათ შორის შემდეგ სექტორებში: ენერგეტიკა, სოფლის მეურნეობა , წარმოება, უძრავი ქონება და ტურიზმი, ინფრასტრუქტურა და ლოგისტიკა.


BMG





საქართველოში, შესაძლოა, 19 კილოგრამამდე მარიხუანას მოყვანისთვის პატიმრობა გაუქმდეს

საქართველოში, შესაძლოა, 19 კილოგრამამდე მარიხუანას მოყვანისთვის პატიმრობა გაუქმდეს
access_time2020-01-29 19:30:04
შესაძლოა, საქართველოში 19 კილომდე მარიხუანას დათესვა/მოყვანა ნებადართული გახდეს.საქართველოს საკონსტიტუციო სასამართლოში უკვე შესულია პოლიტიკური მოძრაობა “გირჩის” სარჩელი, რომელიც კანაფის კულტივირებისთვის პატიმრობის გაუქმებას ითხოვს.საკონსტიტუციო სასამართლოში „გირჩის“ წევრებმა სარჩელი ბრალდებულ ავთანდილ მეტრეველის სახელით შეიტანეს. ლევან მეტრეველს მარიხუანას  კულტივირებისთვის სასჯელად ციხე ემუქრება. “გირჩი” მიიჩნევს, რომ სასჯელის ეს ზომა...

თბილისში მეორადი საბურავებით ვაჭრობა აიკრძალება

თბილისში მეორადი საბურავებით ვაჭრობა აიკრძალება
access_time2020-01-29 16:25:47
თბილისში აალებადი ნივთიერებებით და მეორადი საბურავებით ვაჭრობა აიკრძალება. აღნიშნულის შესახებ თბილისის მერიამ კანონპროექტი მოამზადა.როგორც დედაქალაქის ვიცე-მერმა, ირაკლი ხმალაძემ ჟურნალისტებს განუცხადა, უახლოეს დღეებში საკრებულო იმსჯელებს კონკრეტულ ადგილებზე, რასაც აკრძალვა შეეხება. „კანონპროექტი მომზადებული და მიღებულია. ის ითვალისწინებს, რომ საკრებულომ წესი დაადგინოს და განსაზღვროს ადგილები, სად არის დასაშვები რეალიზაცია და სად არ არის დასაშვები. ეს წესიც მომზადების...

სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე

სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე
access_time2020-01-29 20:30:47
სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე. ვირუსი მოახდენს ნეგატიურ გავლენას კორპორაციებზე, რომელთა საქმიანობა ასე თუ ისე დაკავშირებულია ტურიზმთან - ნათქვამია Fitch-ის დასკვნაში. თუ ინფექციის გავრცელება გაიზრდება, ყველა საგრძნობლად დაზარალდება.მათ შორის, ტაილანდი, ვიეტნამი, და სინგაპური, რომლებიც ტურიზმისგან სოლიდურ შემოსავალს იღებენ.ასევე დაზარალდებიან ჰონკონგი და მაკაო. აზიურ ქვეყნებს, რომლებსაც...

კობა გვენეტაძე: „ხმები მიკროსაფინანსო სექტორის გარდაცვალებაზე გადაჭარბებულია“

კობა გვენეტაძე: „ხმები მიკროსაფინანსო სექტორის გარდაცვალებაზე გადაჭარბებულია“
access_time2020-01-29 17:30:26
საქართველოს ეროვნული ბანკის პრეზიდენტი კობა გვენეტაძე ფიქრობს, რომ „ხმები მიკროსაფინანსო სექტორის გარდაცვალებაზე გადაჭარბებულია.როგორც კობა გვენეტაძემ მიკროსაფინანსო ორგანიზაციების რაოდენობის შემცირებასა და გასულ წელს მიკროსაფინანსო სექტორის წამგებიან ოპერირებასთან დაკავშირებით განაცხადა, მიკროსაფინანსო სექტორმა უნდა გაიაროს იგივე გზა, რაც გაიარა საბანკო სექტორმა 90-იან წლებში. როგორც ეროვნული ბანკის პრეზიდენტი განმარტავს, მიკროსაფინანსო სექტორი არაჯანსაღად იზრდებოდა და საჭირო იყო შესაბამისი...

„ეროვნულ ბანკში და მთავრობაში დაინახეს რეალური პრობლემები რაც რეგულაციებმა გამოიწვია“ - სებ-ი რეგულაციების გამარტივებას გეგმავს

„ეროვნულ ბანკში და მთავრობაში დაინახეს რეალური პრობლემები რაც რეგულაციებმა გამოიწვია“ - სებ-ი რეგულაციების გამარტივებას გეგმავს
access_time2020-01-29 14:45:33
ეროვნული ბანკის პრეზიდენტის კობა გვენეტაძის განცხადებით, მარტიდან შესაძლებელია, საბანკო რეგულაციებში გარკვეული ცვლილებები შევიდეს. როგორც გვენეტაძემ მონეტარული პოლიტიკის კომიტეტის სხდომის შემდეგ ჟურნალისტებს საბანკო რეგულაციების შესაძლო გამარტივების შესახებ განუცხადა, ადასტურებს, რომ გარკვეული ცვლილებები იგეგმება, რომელიც ამჟამად დამუშავების პროცესშია. მისივე თქმით,...


მსგავსი სიახლეები

up