საპარტნიორო ფონდმა YTONG-ის ენერგოეფექტური სამშენებლო ბლოკის ქარხნის პროექტი დაიწყო

საპარტნიორო ფონდმა YTONG-ის ენერგოეფექტური სამშენებლო ბლოკის ქარხნის პროექტი დაიწყო

access_time2016-06-14 15:23:33

საპარტნიორო ფონდმა ადგილობრივ კომპანია Ytong Capital-თან და გერმანულ კომპანია Xella-თან ხელი მოაწერა ხელშეკრულებას და წარმოების სექტორში ახალი პროექტი - იტონგის (Ytong) ენერგოეფექტური სამშენებლო ბლოკის პროექტის განხორციელება ოფიციალურად დაიწყო.


პროექტი ითვალისწინებს იტონგის ბრენდის (Ytong) ენერგოეფექტური ბლოკის ქარხნის მშენებლობას თბილისის შემოგარენში, რომელიც აშენდება 2017 წლის ბოლომდე. ხოლო პირველ სერტიფიცირებულ პროდუქციას ქარხანა 2018 წლის დასაწყისში გამოუშვებს.


„ეს არის ენერგოეფექტური სამშენებლო მასალების პროექტი, რომელიც 80 წელზე მეტია წარმატებით გამოიყენება მსოფლიოს წამყვან ქვეყნებში სამშენებლო სფეროში, მათ შორის მრავალბინიანი და კერძო საცხოვრებელი სახლების მშენებლობისას. Ytong-ის ბლოკის დაბალი თბოგამტარობის საშუალებით მომხმარებელს საშუალება ეძლევა 20-30 პროცენტით დაზოგოს შენობის გათბობა-გაგრილებისათვის საჭირო ენერგიის მოხმარება. ამასთან, თავისუფალი ვაჭრობის შესახებ ევროკავშირთან გაფორმებული შეთანხმების ფარგლებში ჩვენს ქვეყანას აღებული აქვს ვალდებულება განახლებადი ენერგიის და ენერგოდამზოგავი მასალის გამოყენებისთვის ხელშეწყობა, და ეს პროექტიც სწორედ ამ მიზნის მიღწევაში დაგვეხმარება,“ განაცხადა საპარტნიორო ფონდის აღმასრულებელმა დირექტორმა დავით საგანელიძემ.


ბლოკის წარმოებისთვის საჭირო ნედლეული საქართველოში მოიპოვება, რაც პროდუქციას ადგილობრივ ბაზარზე კონკურენტულს გახდის. Ytong-ის ენერგოეფექტურ ბლოკს სხვა სამშენებლო მასალებთან შედარებით რიგი უპირატესობები გააჩნია, მისი თბოგამტარობა 5 ჯერ უფრო უკეთესია ბეტონის ბლოკის ანალოგიურ მაჩვენებელთან შედარებით. იგი არის ბევრად უფრო მსუბუქი რაც საშუალებას იძლევა მნიშვნელოვნად შემცირდეს შენობა- ნაგებობების მშენებლობაში გამოსაყენებელი არმატურის რაოდენობა დასაგრძნობლად დაჩქარდეს სამშენებლო პროცესი. Ytong-ის ბლოკი არის მაღალტექნოლოგიური ინოვაციური პროდუქტი, რომელიც სრულად შეესაბამება ევროპულ სამშენებლო სტანდარტებს და არის აბსოლუტურად ეკოლოგიურად სუფთა, რაც დასტურდება ევროპული ინსტიტუტების მიერ გაცემული სერტიფიკატებით.


საწარმოო ხაზის სიმძლავრის გათვალისწინებით, ქარხანა მიზნად ისახავს წლიურად 160 000 კუბური მეტრი საკედლე ბლოკის წარმოებას. მიღებული ექსკლუზიური ლიცენზიის თანახმად, პროდუქციის ნაწილი საქართველოში გაიყიდება, ხოლო დარჩენილი ნაწილი ექსპორტზე გავა აზერბაიჯანში, სომხეთსა და რუსეთის სამხრეთ ნაწილში.


პროექტის საინვესტიციო მოცულობა 14 მლნ აშშ დოლარამდეა. საპარტნიორო ფონდთან ერთად პროექტში მონაწილეობენ ქართული კომპანია - Ytong Capital და მსხვილი გერმანული კომპანია - Xella.


Ytong Capital -ის შესახებ


Ytong Capital-ი ადგილობრივი კერძო კომპანია. იგი იტონგის (Ytong) ენერგოეფექტური სამშენებლო ბლოკის პროექტის განხორციელების მიზნით შეიქმნა. კომპანიის ამოცანაა ქვეყანაში ევროპული სამშენებლო სტანდარტების დანერგვა.


Xella-ს შესახებ


Xella სამშენებლო მასალებისა და ნედლეულის მწარმოებელი წამყვანი გერმანული კომპანიაა. Xella მსოფლიოს 20 ქვეყანაში ფლობს 90-ზე მეტ ქარხანას და ჰყავს წარმომადგენლობა 30-ზე მეტ ქვეყანაში. Xella-ს საკუთრებაში არსებულ სამშენებლო მასალების ბრენდებს შორის გამორჩეულია Ytong, რომელიც მსოფლიო ლიდერია აირბეტონის პროდუქციის წარმოებაში.


საპარტნიორო ფონდის შესახებ


სააქციო საზოგადოება საპარტნიორო ფონდი საქართველოს მთავრობის მიერ 2011 წელს დაარსდა. სახელმწიფო ფლობს ფონდის 100 პროცენტს.


საპარტნიორო ფონდის აქტივები 5 მილიარდ ლარს აჭარბებს. ფონდი ფლობს „საქართველოს რკინიგზის“, „საქართველოს ნავთობისა და გაზის კორპორაციის“, „საქართველოს სახელმწიფო ელექტროსისტემის“, ელექტროსისტემების კომერციული ოპერატორისა“ და ნაწილობრივ, „თელასის“ აქციებს. ფონდის ერთ-ერთი მთავარი ამოცანაა საინვესტიციო მიმართულებებთან ერთად, ამ სახელმწიფო სტრატეგიული აქციების სწორი კორპორატიული მართვა.



ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ

ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ
access_time2020-06-06 21:27:10
„გვექნება ძალიან გამჭვირვალე, მკაფიო კრიტერიუმები და პირველ რიგში იმ ქვეყნებიდან დავიწყებთ ტურისტების მიღებას, რომლებიც ამ კრიტერიუმებს უპასუხებენ“, - ამის შესახებ ეკონომიკის მინისტრმა ნათია თურნავამ „ქრონიკაში“...

იაპონია საქართველოს სამედიცინო დანადგარებით დაეხმარება

იაპონია საქართველოს სამედიცინო დანადგარებით დაეხმარება
access_time2020-06-06 17:31:53
დღეს იაპონიის მთავრობამ მიიღო გადაწყვეტილება საქართველოს აღმოუჩინოს მხარდაჭერა სამედიცინო დანადგარებით. დეტალები დაზუსტდება ორმხრივი შეთანხმების შედეგად. ამჟამად მიმდინარეობს სამუშაო პროცესი იაპონიისა და საქართველოს მთავრობებს შორის რათა დროულად მოეწეროს ხელი ორმხრივ შეთანხმებას. საქართველოს მოსახლეობა გაერთიანებულია ახალი კორონავირუსის საფრთხის წინაშე და შედეგიც შთამბეჭდავია. იაპონიის მთავრობამ გადაწყვიტა საქართველოს აღმოუჩინოს სამედიცინო მხარდაჭერა მსოფლიოში ახალი კორონა ვირუსის...

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ
access_time2020-06-06 16:00:33
...

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია
access_time2020-06-06 13:00:27
ლიბერთი აგრძელებს ზრუნვას სოციალური პასუხისმგებლობის...

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც
access_time2020-06-06 13:38:15
დაბალბიუჯეტიანი ავიაკომპანია Wizz Air ქუთაისის აეროპორტიდან ფრენებს ამცირებს. საუბარია 19 მარშრუტზე, მათ შორის შარლერუას და ეინდჰოვენის მიმართულებაზე. დაბალბიუჯეტიანი გადამზიდველის ოპერირების გეგმები აღმოსავლეთ ევროპის სხვა ბაზირების აეროპორტებთან...


მსგავსი სიახლეები

up