„საპარტნიორო ფონდის“ დელეგაცია პეკინში საქმიან შეხვედრებს მართავს

„საპარტნიორო ფონდის“ დელეგაცია პეკინში საქმიან შეხვედრებს მართავს

access_time2019-03-21 16:06:28


 „საპარტნიორო ფონდის“ დელეგაცია პეკინში საქმიანი წრეების წარმომადგენლებს ხვდება. შეხვედრებში მონაწილეობას იღებს ჩინეთში საქართველოს სრულუფლებიანი ელჩი არჩილ კალანდია.



„საპარტნიორო ფონდის“ დელეგაციამ შეხვედრა ჩინეთის სახალხო რესპუბლიკის ეროვნული განვითარებისა და რეფორმების კომიტეტის ხელმძღვანელებთან გამართა. განვითარებისა და რეფორმების კომიტეტი ქვეყნის უმნიშვნელოვანესი მმართველი ორგანოა, რომელიც 21-ე საუკუნის ინიციატივის „ერთი გზა, ერთი სარტყლის“ ფარგლებში, ჩინეთის პოლიტიკას განსაზღვრავს და პარტნიორ ქვეყნებთან კონკრეტულ პროექტებზე მუშაობს.



კომიტეტის ხელმძღვანელობასთან და ჩინეთში საქართველოს სპეციალურ პროგრამებზე მომუშავე ჯგუფთან შეხვედრისას საუბარი შეეხო საქართველო-ჩინეთის თანამშრომლობის პროექტს, რომელიც ხელს შეუწყობს საერთო სფეროების გაფართოებასა და საქართველოს როლის განსაზღვრას „ერთი გზა, ერთი სარტყელის“ ინიციატივაში.




მხარეებმა პროექტის სამუშაო ვერსია განიხილეს. შეხვედრის ფარგლებში, ჩინეთის ეროვნული განვითარებისა და რეფორმების კომიტეტმა დავით საგანელიძე პეკინში დაგეგმილ რიგით მეორე „ერთი სარტყელი, ერთი გზის“ ფორუმზე ოფიციალურად მიიწვია. „საპარტნიორო ფონდის“ ხელმძღვანელი ფორუმზე სიტყვით წარდგება და საუკუნის პროექტის ფარგლებში, საქართველოს როლისა და მნიშვნელობის შესახებ ისაუბრებს.


შეხვედრაზე ჩინური მხრიდან ინტერესი გამოითქვა ინოვაციური და მაღალტექნოლოგიური პროექტების მიმართ. „საპარტნიორო ფონდის“ ხელმძღვანელის ინიციატივით, მხარეებმა ერთობლივი ინოვაციური და მაღალტექნოლოგიური პროექტების ხელშეწყობისა და „სტარტპ საქართველოში“ ინოვაციური პროექტების მიმართულებით გამარჯვებულების ჩინეთში ვიზიტისა და გამოცდილების გაზიარების საკითხების შესახებ იმსჯელეს. ინიციატივა სტარტაპ პროექტების ჩინეთის ბაზარზე კომერციალიზაციის შესაძლებლობების განხილვას გულისხმობს.


კომიტეტის ინიციატივით, დავით საგანელიძეს ჩინეთის ტექნოლოგიური ბაზრის განვითარების ასოციაციის, ჩინეთის საერთაშორისო ახალგაზრდულ საქმეთა ცენტრისა და ჩინეთის საერთაშორისო კვლევითი ინსტიტუტის უფროსი მრჩევლის ტიტული მიენიჭა.


ვიზიტის ფარგლებში, შეხვედრა გაიმართა, ასევე, სპეციალური დაგეგმარებისა და რეგიონული განვითარების კვლევითი ინსტიტუტის ხელმძღვანელებთან. შეხვედრაზე „ერთი სარტყელი, ერთი გზის“ ინიციატივის ფარგლებში, საქართველოს როლის შესახებ ისაუბრეს.


„საპარტნიორო ფონდის“ დელეგაცია პეკინში საქმიან შხვედრებს აგრძელებს. ოფიციალურ დელეგაციას ფონდის აღმასრულებელი დირექტორი დავით საგანელიძე ხელმძღვანელობს. დელეგაციის შემადგენლობაში არიან ფონდის დირექტორის მოადგილე გიორგი დანელია, ფინანსური დირექტორი გიორგი ციმაკურიძე და ფონდის წარმომადგენელი ცისია ფანჩვიძე.


(R)





“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”

“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”
access_time2020-01-20 15:45:22
2020 წლის მესამე კვარტლიდან სტატისტიკის ეროვნული სამსახური დასაქმებისა და უმუშევრობის შესახებ მონაცემებს ახალი მეთოდოლოგიით შეაგროვებს. საქსტატის აღმასრულებელი დირექტორის, გოგიტა თოდრაძის ინფორმაციით, ახალი მეთოდოლოგიით, დასაქმებულად ჩაითვლება მხოლოდ ის ადამიანი, რომელიც საკუთარ სერვისს ან პროდუქტს ბაზარს სთავაზობს, ანუ საკუთარ შრომას ყიდის. ხოლო ადამიანი, რომელიც საკუთარ ნაკვეთზე სასოფლო-სამეურნეო საქმიანობით არის დაკავებული და მიღებულ მოსავალს მხოლოდ თავად მოიხმარს და არა კომერციული...

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”
access_time2020-01-20 13:37:42
„პირველ ეტაპზე, ფქვილის ფასზე სერიოზულად არ აისახება რუსულ ხორბალზე კვოტირების დაწესების ფაქტორი“ ბოლო წლების განმავლობაში რუსეთში ხორბლის რეკორდული მოსავალი მოდის. 2019 წელს ქვეყანაში 120,7 მლნ ტონა ხორბალი აიღეს, რაც ერთ-ერთი ყველაზე მაღალი მაჩვენებელია ისტორიაში. შედეგად, 2018-2019 წლების სეზონზე რუსეთიდან 35,8 მლნ ტონა ხორბლის ექსპორტი განხორციელდა საქართველოში. აღსანიშნავია, რომ რეკორდული მოსავლების პარალელურად, მზარდია რუსული...

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა
access_time2020-01-20 12:07:34
„საქსტატის“ წინასწარი მონაცემებით, 2019 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 12 834.7 მლნ აშშ დოლარი შეადგინა, რაც წინა წლის შესაბამის მაჩვენებელზე 2.7 პროცენტით მეტია. აქედან ექსპორტი 3 771.5 მლნ აშშ დოლარს (12.4 პროცენტით მეტი), ხოლო იმპორტი 9 063.2 მლნ აშშ დოლარს (0.8 პროცენტით ნაკლები) შეადგენს. საქართველოს უარყოფითმა სავაჭრო ბალანსმა, 2019 წელს, 5 291.8 მლნ აშშ დოლარი შეადგინა, რაც საგარეო სავაჭრო ბრუნვის 41.2...

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები
access_time2020-01-20 11:30:36
„საპარტნიორო ფონდის“ ხელმძღვანელი დავით საგანელიძე მიიჩნევს, რომ „საპარტნიორო ფონდი“ ბიუჯეტიდან არ უნდა ფინანსდებოდეს და მას აქვს საშუალება თავად მოიზიდოს თანხები. ამის შესახებ დავით საგანელიძემ საპარტნიორო ფონდის სტრუქტურულ რეფორმაზე საუბრისას განაცხადა და აღნიშნა, რომ ფონდს დღეს უკვე სხვა გამოწვევები და ამოცანები აქვს, ამიტომ აუცილებელია სტრუქტურული რეფორმა სწრაფად განხორციელდეს. ამასთან, დავით საგანელიძე მიიჩნევს, რომ სახელმწიფო საწარმოები არ უნდა...

სვანეთში ბიტკოინის მაინერების წარმოებას სემეკი მკაცრად გააკონტროლებს

 სვანეთში ბიტკოინის მაინერების წარმოებას სემეკი მკაცრად გააკონტროლებს
access_time2020-01-20 12:30:24
მას შემდეგ, რაც სვანეთის მოსახლეობა ელექტროენერგიის გადასახადისგან განთავისუფლდა, „ენერგო პრო ჯორჯიას“ ზარალი ამ მიმართულებით გაიზარდა. საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) ინფორმაციით, კომპანიის ზარალმა 2019 წლის 9 თვეში,  სვანეთისთვის მიწოდებული და გადაუხდელი ელექტროენერგიის ნაწილში, 7 მლნ. ლარი შეადგინა. მარეგულირებელი კომისიის თავმჯდომარე დავით ნარმანიას  რამდენიმე კვირის წინ გაკეთებული...


მსგავსი სიახლეები

up