„საპარტნიორო ფონდის“ დელეგაცია ესპანეთის საქმიანი წრეების წარმომადგენლებთან შეხვედრებს მართავს

„საპარტნიორო ფონდის“ დელეგაცია ესპანეთის საქმიანი წრეების წარმომადგენლებთან შეხვედრებს მართავს

access_time2019-02-06 16:03:40

„საპარტნიორო ფონდის“ აღმასრულებელი დირექტორი დავით საგანელიძე ოფიციალური ვიზიტით ესპანეთში იმყოფება და საქმიანი წრეების წარმომადგენლებთან შეხვედრებს მართავს. ოფიციალურ დელეგაციაში ფონდის აღმასრულებელი დირექტორის მოადგილე გიორგი დანელია და სააგენტო „აწარმოე საქართველოს“ ხელმძღვანელი მიხეილ ხიდურელი შედიან. მადრიდში დაგეგმილ შეხვედრებში მონაწილეობას იღებს საქართველოს სრულუფლებიანი ელჩი ესპანეთში ილია გიორგაძე.



ვიზიტის მიზანი ესპანეთის ბიზნეს კომპანიებთან დაგეგმილ შეხვედრებზე საქართველოს საინვესტიციო პოტენციალის გაცნობა, „საპარტნიორო ფონდის“ პროექტების პრეზენტაცია და პოტენციური ინვესტორების მოზიდვაა.


„საპარტნიორო ფონდის“ ოფიციაური დელეგაცია ვიზიტის ფარგლებში „CEOE International“- ის პრეზიდენტს მარტა ბლანკო კესადას შეხვდა. „CEOE International“-ი სხვადასხვა ბიზნეს სექტორის 2 მილიონზე მეტ მსხვილ კომპანიას, მცირე და საშუალო ბიზნეს საწარმოებსა და თვითდასაქმებულ მეწარმეეებს აერთიანებს. ესპანეთის დამსაქმებელთა და მრეწველთა გაერთიანება ( CEOE ) 40-ზე მეტ წელს ითვლის და რეგიონში უმსხვილეს ორგანიზაციას წარმოადგენს.



„საპარტნიორო ფონდის“ დელეგაციისთვის „CEOE International“-ში მრგვალი მაგიდის ფორმატის შეხვედრა გაიმართა, რომელსაც ესპანეთის 50-მდე სხვადასხვა სექტორში მოღვაწე ბიზნეს კომპანიის წარმომადგენელი ესწრებოდა. ფონდის დელეგაციამ „საპარტნიორო ფონდის“ საქმიანობის შესახებ პრეზენტაცია მოაწყო. „საპარტნიორო ფონდის“ ხელმძღვანელმა ესპანეთის საქმიანი წრეების წარმომადგენლებს ფონდში მიმდინარე პროექტები, საქართველოს ბიზნეს კლიმატი, მთავრობის ეკონომიკური პოლიტიკა და რეგიონის მასშტაბით, ქვეყნის კონკურენტული უპირატესობები გააცნო. მრგვალი მაგიდის ფორმატში გაიმართა B2B შეხვედრები.




ფონდის დელეგაცია მადრიდში სამხრეთ-ამერიკულ კომპანია „Research pharmaceutical“-ის გენერალურ მენეჯერს ხუან პენიალვერს შეხვდა. კომპანია საქართველოში სოფლის მეურნეობის, ტექსტილისა და ფარმაციის სფეროებში ინვესტირებით არის დაინტერესებული. მხარეებმა ერთობლივი პროექტების განხორციელების შესაძლებლობები განიხილეს.



„საპარტნიორო ფონდის“ მადრიდში ვიზიტისა და საქმიანობის შესახებ ცნობილი ესპანური მედია გამოცემა „EL PAIS“-ი დაინტერესდა. ფონდის ხელმძღვანელმა დავით საგანელიძემ გამოცემას საქართველო-ესპანეთს შორის ურთიერთთანამშრომლობისა და ერთობლვი პროექტების შესახებ ესაუბრა.



ვიზიტის ფარგლებში ფონდის დელეგაცია, ასევე, მადრიდში მცხოვრებ ქართველებს შეხვდა და საქართველოში მიმდინარე რეფორმები გააცნო. შეხვედრაზე საქართველოს წინაშე მდგარ ახალ გამოწვევებზე იმსჯელეს. საუბარი შეეხო პროექტ „სტარტაპ საქართველოს“ და იმ ბიზნეს შესაძლებლობებს, რაც ქვეყნის მთავრობის მხრიდან მხარდაჭერილია. „საპარტნიორო ფონდის“ დელეგაცია ესპანეთში საქმიან შეხვედრებს აგრძელებს. მადრიდში დაგეგმილ შეხვედრებს ორგანიზებას ესპანეთში საქართველოს საელჩო უწევს.


(R)




ეროვნული ორკესტრი საკონცერტო დარბაზის გარეშე - ნიკოლოზ რაჭველი მთავრობას მიმართავს

ეროვნული ორკესტრი საკონცერტო დარბაზის გარეშე - ნიკოლოზ რაჭველი მთავრობას მიმართავს
access_time2019-12-09 21:00:20
ეროვნული ორკესტრის ხელმძღვანელი ნიკოლოზ რაჭველი საკონცერტო დარბაზის უქონლობაზე სოციალურ ქსელში  წერს და მთავრობას მოუწოდებს ამ საკითხის მიმართ მეტი სენსიტიურობა გამოიჩინონ. „კომერსანტი“სტატუსს უცვლელად გთავაზობთ:   "ეჰ, რამდენ რამეზე ვფიქრობ, რამდენ ვინმეზე ვფიქრობ...   მაგრამ ახლა მაინც ყველაზე მეტად ვფიქრობ ჩვენს ქვეყანაზე, მოსაგვარებელ პრობლემებზე და მათ შორის ჩვენი ეროვნული ორკესტრის ისევ გადაუჭრელ და ჩემთვის გულის გახეთქვამდე მტკივნეულ...

არც ერთ ადამიანზე, რა რანგისაც არ უნდა იყოს, ხელის დაფარება არ მოხდება – ივანე მაჭავარიანი დღგ-ს თაღლითობის საქმეზე

არც ერთ ადამიანზე, რა რანგისაც არ უნდა იყოს, ხელის დაფარება არ მოხდება – ივანე მაჭავარიანი დღგ-ს თაღლითობის საქმეზე
access_time2019-12-09 19:15:54
„სრული პასუხისმგებლობით მინდა გითხრათ, რომ არც ერთ ადამიანზე, ვინც არ უნდა იყოს და რა რანგის მატარებელიც, ხელის დაფარება არ მოხდება“, – ამის შესახებ ფინანსთა მინისტრმა, ივანე მაჭავარიანმა დღგ-ს თაღლითობის საქმესთან დაკავშირებით განაცხადა. “გამოძიებაში ყველა საგამოძიებო უწყებაა ჩართული. თემა უმაღლეს პოლიტიკურ დონეზეა აყვანილი, შესაბამისად არანაირი დანდობა ამ მიმართულებით არ იქნება,”-აღნიშნა მაჭავარიანმა. მისივე თქმით, 100-მდე...

ევროკავშირმა Facebook-ის კრიპტოვალუტა აკრძალა

ევროკავშირმა   Facebook-ის კრიპტოვალუტა აკრძალა
access_time2019-12-09 20:00:53
ევროკავშირის ფინანსთა სამინისტროებმა  Facebook-ის ვირტუალური ვალუტის - ლიბრას  მოძრაობა აკრძალეს. აღნიშნული შეეხება ასევე  სხვა „სტებლკოინებს“, ანუ კრიპტოვალუტებს, რომლებიც მიმაგრებულია ან ჩვეულებრვი ვალუტებთან, ამ საქონელთან. მინისტრებმა განაცხადეს, რომ დღევანდელი კანონმდებლობა ჯერ არაა მზად ახალი საგადამხდელო საშუალების მისაღებად. მთავრობების...

„გაუგებარია, რატომ ახდენს ჯანდაცვის სამინისტრო ჰოსპიტალური ბიზნესის მოგების დემონიზაციას“

„გაუგებარია, რატომ ახდენს ჯანდაცვის სამინისტრო ჰოსპიტალური ბიზნესის მოგების დემონიზაციას“
access_time2019-12-09 17:00:10
„ჩემთვის სრულიად გაუგებარია, რატომ ახდენს  ჯანდაცვის სამინისტრო ჰოსპიტალური  ბიზნესის მოგების დემონიზაციას, მითუმეტეს, როდესაც სამედიცინო დაწესებულების მოგების მარჟა არის საკმაოდ დაბალი“,- ასე აფასებს ჯანდაცვის მინისტრის განცხადებას კლინიკა „პინეო სამედიცინო ეკოსისტემის“ დირექტორი იაგო კალანდაძე. ტელეკომპანია იმედის ეთერში ეკატერინემ ტიკარაძემ განაცხადა, რომ მისთვის მიუღებელია, ჯანდაცვა განიხილოს როგორც მომგებიანი...

„სოკარის“ ეკონომიკური ექსპანსია ქართულ ენერგეტიკაში

„სოკარის“ ეკონომიკური ექსპანსია ქართულ ენერგეტიკაში
access_time2019-12-09 15:45:00
აზერბაიჯანული სახელმწიფო კომპანია”სოკარი” ქართულ ბაზარზე უკვე მრავალი წელია ოპერირებს. “სოკარი” მულტინაციონალური კომპანიაა და ის საქართველოს გარდა 5 სხვა ქვეყანაშია წარმოდგენილი. კომპანია საქართველოში”სოკარ ჯორჯია პეტროლიუმი”-ს სახელით 2006 შემოვიდა და მას შემდეგ არაერთ დარგში ოპერირებს. კომპანია პირველ ეტაპზე მხოლოდ ბენზინისა და დიზელის იმპორტს და რეალიზაციას ეწეოდა, თუმცა სხვადასხვა დროს სასათბურე პირობებითა, თუ კანონის გვერდის ავლით, მისი...


მსგავსი სიახლეები

up