„საპარტნიორო ფონდი“ - მთავრობის წარუმატებელი პროექტი

„საპარტნიორო ფონდი“ - მთავრობის წარუმატებელი პროექტი

access_time2020-08-18 13:10:41

მთავრობამ „საპარტნიორო ფონდისთვის“ კიდევ ვერ მოიცალა. ზარალიანი ფონდის რეფორმაზე საუბარი ჯერ კიდევ ირაკლი ღარიბაშვილის პრემიერ-მინისტრობის დროს დაიწყო, თუმცა დღემდე არ განხორციელებულა.


მიუხედავად იმისა, რომ ბიძინა ივანიშვილის მთავრობა მოსვლის დღიდან დიდ იმედებს ამყარებდა „საპარტნიორო ფონდზე“, საბოლოოდ მაინც მის არაეფექტურობაზე ალაპარაკდნენ. ერთი წლის წინ ყოფილმა პრემიერ-მინისტრმა მამუკა ბახტაძემ განაცხადა, რომ ბიზნესმოდელი, რაც „საპარტნიორო ფონდს“ აქვს, არაეფექტურია და უნდა შეიცვალოს. ეკონომიკის ყოფილი მინისტრი გიორგი ქობულია კი ამბობდა, რომ მისი მინისტრობისას შეისწავლეს და დაასკვნეს, რომ წლების განმავლობაში ფონდი არაეფექტიანად იმართება და ბევრი გადაწყვეტილება პოლიტიკური კუთხით მიიღება.


„საპარტნიორო ფონდის“ მდგომარეობას არასახარბიელოდ მიიჩნევს პრემიერ-მინისტრი გიორგი გახარიაც. სწორედ ასე უპასუხა მან პარლამენტის დამოუკიდებელი დეპუტატის ლევან კობერიძის კითხვას, რომელიც ფონდის რეფორმირების პროცესის მიმდინარეობას შეეხებოდა. ლევან კობერიძე ერთ-ერთია იმათგან ვინც „საპარტნიორო ფონდის“ რეფორმირებას „ქართული ოცნების“ შეუსრულებელ დაპირებად, ეკონომიკის შემაფერხებელ ფაქტორად და პოლიტიკური კორუფციის კერად მიიჩნევს.


„ბოლო 2 წლის განმავლობაში აქტიურად ვსვამ კითხვებს და ვაყენებ საკითხს იმასთან დაკავშირებით, რომ საპარტნიორო ფონდში არათუ რეორგანიზაციაა საჭირო, არამედ უნდა გამოიკვეთოს ხელმძღვანელი პირების პასუხისმგებლობის საკითხი. ჩვენ ვსაუბრობთ არა კერძო საინვესტიციო ფონდზე, არამედ სახელმწიფო საინვესტიციო ფონდზე და შესაბამისად, იგი ვერ ახერხებს მისი მთავარი ამოცანის  - ეკონომიკის ზრდის დაჩქარების განხორციელებას. ამ ყოველივეს ნაცვლად, რამდენიმე წლის განმავლობაში მას უკვე ორ მილიარდამდე ზარალი აქვს. მიუხედავად ამისა, დღემდე არ დამდგარა არცერთი ხელმძღვანელი პირის პასუხისმგებლობის საკითხი.


ვერ ვხედავთ რეფორმირების ვერანაირ შედეგს. ამ ფონდის საქმიანობა კონტრპოდუქტიულია. სავალუტო ფონდმა მოითხოვა, რომ მან ნებისმიერი ახალი პროექტი შეაჩეროს. პარტნიორი საერთაშორისო ინსტიტუტები ხედავენ, რომ მათი მხრიდან, ქვეყნის ეკონომიკური დახმარების მიზნით გაღებული თანხები რეალურად, იფლანგება ან არამიზნობრივად და არაპროფესიონალურად ხდება ინვესტირება.



გარდა ამისა, ერთი წლის წინ ბიძინა ივანიშვილი ფონდში იმყოფებოდა. მაშინ დავსვი კითხვა, თუ რა სტატუსით და მისიით იმყოფებოდა ის იქ, რა იყო შეხვედრის შინაარსი, რატომ ესწრებოდა პარტიის თავმჯდომარე ამ შეხვედრას და არა პრემიერ-მინისტრი. როდესაც პარტიის თავმჯდომარე ხვდება სახელმწიფო საინვესტიციო ფონდს, ფორმატი აბსოლუტურად გაუგებარია. ნებისმიერ სხვა ქვეყანაში ეს შეხვედრა კითხვის ნიშნებს გააჩენდა. საპარტნიორო ფონდი უკვე გადაქცეულია პრაქტიკულად ხელისუფლების კონიუნქტურასთან ლოიალურად განწყობილ, ან მასზე დაქვემდებარებულ, ან კორუფციულ გარიგებაში მყოფი ჯგუფებისთვის იაფი ფულადი რესურსის და პროექტების თანადაფინანსების წყაროდ. შესაძლებელია, რომ სწორედ საპარტნიორო ფონდიდან არარენტაბელურ პროექტებში ხდება სახელმწიფო თანხების ინვესტირება. ჩემი აზრით, ეს არის ის დანაშაულებრივი ქმედება, რომელსაც დასჭირდება გამოძიება ხელისუფლების ცვლილებისთანავე.


გარდა ამისა, გაჩნდა აზრის, რომ შეცვლილიყო დაფინანსების მექანიზმი და მიბმულიყო ის სახელმწიფო ბიუჯეტს. ნამდვილად მიუღებელია ამგვარი მიდგომა, თუნდაც ერთჯერადად. შესაძლებელია გამოვძებნოთ სხვა მოდელები. არამგონია, ჩვენი პარტნიორი საფინანსო ინსტიტუტების მოსაზრება ამასთან დაკავშირებით დადებითი იყოს. ნებისმიერ შემთხვევაში, მითუმეტეს ასეთი უნდობლობის პირობებში, ეს მოდელი კორუფციული გარიგებების მიზეზად იქცევა“, - აცხადებს ლევან კობერიძე.


რეფორმირების ეტაპზე მყოფი ფონდის გარკვეული სტრუქტურული ცვლილებები იგეგმება, მათ შორის, ფონდის დაფინანსებასთან დაკავშირებით და ასევე, მიმდინარეობს მსჯელობა მის საკუთრებაში არსებული ზოგიერთი სახელმწიფო კომპანიის ფონდის კაპიტალიდან გასვლის შესახებ, რაზეც მუშაობა უკვე დაწყებულია. ამის პარალელურად კი ამ ეტაპზე „საპარტნიორო ფონდს“ ახალ საინვესტიციო პროექტებში შესვლა შეზღუდული აქვს.


„საპარტნიორო ფონდი“ საჯარო აუქციონზე თავის საკუთრებაში მყოფი არაერთი კომპანიის აქციებს უკვე ჰყიდის. ბოლოს „საპარტნიორო ფონდმა“ თელასისაქციების გასხვისების გადაწყვეტილება მთავრობის განკარგულების საფუძველზე მიიღო. ივლისში კი ცნობილი გახდა, რომ ფონდმა სახელმწიფო ელექტროსისტემა და ესკო ეკონომიკის სამინისტროს გადასცა. რამდენიმე თვეა ორგანიზაცია ასევე სასტუმრო ბორჯომი-ლიკანს ჰყიდის. ეს მხოლოდ ობიექტების ნაწილია რომლის გაყიდვას ან გასხვისებას „საპარტნიორო ფონდი“ ახორციელებს.


რაც შეეხება დაფინანსების საკითხს, „საპარტნიორო ფონდი“ რომელიც არაერთი ზარალიანი სახელმწიფო საწარმოს აქციას ფლობს და ყოველწლიურად მისი წამგებიანობა ხელისუფლებისთვისაც კი აღნიშვნის ობიექტი ხდება, შესაძლოა, რეფორმირების შემდეგ საბოლოოდ მაინც საბიუჯეტო დაფინანსებაზე გადავიდეს. ფონდის აღმასრულებელი დირექტორი დავით საგანელიძე ამბობს, რომ ის ფონდის დაფინანსების არსებული მოდელის შენარჩუნებას არ უჭერს მხარს და მიიჩნევს, რომ უმჯობესი იქნება, თუკი დაფინანსება სახელმწიფო ბიუჯეტიდან მოხდება.


„საპარტნიორო ფონდის“ არაეფექტიანობაზე საერთაშორისო ორგანიზაციებიც ამახვილებდნენ ყურადღებას. რამდენიმე თვის წინ Fitch Ratings-მა გადაწყვიტა „საპარტნიორო ფონდს“ რეიტინგი აღარ მიანიჭოს. როგორც სარეიტინგო კომპანიაში აცხადებდნენ, რეიტინგების მინიჭების შეწყვეტის მიზეზი არასაკმარისი და არასწორი ინფორმაციის მიწოდება გახდა.


სატრანსპორტო, ენერგეტიკისა და ინფრასტრუქტურის სფეროში არსებული მსხვილი სახელმწიფო საწარმოების კონსოლიდაციის ბაზაზე შექმნილი „საპარტნიორო ფონდი“, რომელზეც მთავრობა დიდ იმედებს ამყარებდა, ზარალის და აქტივების გაყიდვის მიუხედავად  შესაძლოა მაინც ბიუჯეტზე მიბმული აღმოჩნდეს. მისმა ხელმძღვანელმა დავით საგანელიძემ კი შესაძლოა საქართველოს რკინიგზა ჩაიბაროს, ამის შესახებ ინფორმაცია მედიაში რამდენიმე დღის წინ გავრცელდა. თუმცა, როგორც „კომერსანტთან“ საუბრისას პარლამენტის დამოუკიდებელი დეპუტატი ლევან კობერიძე ამბობს, ეს ხელისუფლების მხრიდან არაადეკვატური ნაბიჯი იქნება, რადგან როდესაც დავით საგანელიძის ხელმძღვანელობის დროს საპარტნიორო ფონდი კატასტროფულ ზარალზე გადიოდა, იმის ნაცვლად რომ მისი პასუხისმგებლობის საკითხი დაისვას, რკინიგზის მმართველად გადაყვანის შესაძლებლობა განიხილება.


„კომერსანტი“





საქართველოს ბიზნეს ასოციაციის წევრებმა და გარემოს დაცვის და სოფლის მეურნეობის სამინისტროს ხელმძღვანელობამ ატმოსფერული ჰაერის დაცვის შესახებ კანონში დაგეგმილი ცვლილებები განიხილეს

საქართველოს ბიზნეს ასოციაციის წევრებმა და გარემოს დაცვის და სოფლის მეურნეობის სამინისტროს ხელმძღვანელობამ ატმოსფერული ჰაერის დაცვის შესახებ კანონში დაგეგმილი ცვლილებები განიხილეს
access_time2021-01-22 10:55:13
ატმოსფერული ჰაერის დაცვის შესახებ კანონში დაგეგმილი ცვლილებების განსახილველად საქართველოს ბიზნეს ასოციაციის წევრები, გარემოს დაცვის და სოფლის მეურნეობის მინისტრს, ლევან დავითაშვილს შეხვდნენ. შეხვედრაზე სამინისტროს წარმომადგენლებმა ბიზნეს ასოციაციის წევრებს გააცნეს კანონპროექტი, რომელიც ეხება საწარმოების მიერ ჰაერში მავნე ნივთიერებების გაფრქვევების თვითმონიტორინგის გაუმჯობესებას, რაც გულისხმობს გაფრქვევების უწყვეტი მონიტორინგის სისტემის დანერგვას და შესაბამის...

ჯო ბაიდენის პირველი 100 დღე - აშშ-ს 46-ე პრეზიდენტის დაპირებები

ჯო ბაიდენის პირველი 100 დღე - აშშ-ს 46-ე პრეზიდენტის დაპირებები
access_time2021-01-21 20:00:27
ამერკის 46-ე პრეზიდენტმა ინაუგურაციის ცერემონიაზე ფიცის დადებისას ამერიკის  მოსახლეობას იმ დაპირებების საკმაოდ გრძელი სია წარუდგინა, რომლის შესრლებასაც მისი პრზიდენტობის პირველ 100 დღეში აპირებს.  ამ  დაპირებებში პრიორიტეტული კორონავისურთან ბრძოლაა. ბაიდენი ამერიკელ ხალხს შეპირდა, რომ კრიზისთან გასამკლავებლად 1,9 ტრიოლიონ დოლარს გამოჰყოფს, რომელიც  ამერიკელ ხალხს და პანდემიით დაზარალებულ...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-01-21 21:00:04
დღის TOP 10 საინტერესო ამბავი:   1. საქართველომ რუსეთს სტრასბურგის სასამართლოში მოუგო სტრასბურგის სასამართლოს ოფიციალური ინფორმაციის მიხედვით, საქმეზე „საქართველო რუსეთის წინააღმდეგ“ (II) დამტკიცდა, რომ რუსეთის ფედერაციის გარკვეულმა ადმინისტრაციულმა პრაქტიკამ, 2008 წლის აგვისტოში, დაარღვია კონვენცია, ორ სახელმწიფოს შორის შეიარაღებული...

Handelsblatt: აშშ-ს პრეზიდენტი შეიცვალა, „ჩრდილოეთ ნაკადი-2“ კი პრობლემად რჩება

Handelsblatt: აშშ-ს პრეზიდენტი შეიცვალა, „ჩრდილოეთ ნაკადი-2“ კი პრობლემად რჩება
access_time2021-01-21 19:00:32
შტატებში ძალაუფლება ახალმა პრეზიდენტმა გადაიბარა, მაგრამ დონალდ ტრამპის პერიოდში დაწყებული კონფლიქტი რუსულ გაზსადენ „ჩრდილოეთ ნაკადი-2“-ს ირგვლივ არსად არ გამქრალა. ის ვაშინგტონს და ბერლინს შორის დაპირისპირების საგნად კვლავ რჩება. ახალი რეალობაში ტრანსატლანტიკური საგაზო დიპლომატიის დროც მოვიდა.   ზღვარი იმედსა და თავის მოტყუებას შორის  - ძალიან მყიფეა. თუ ბერლინში აქამდე ვინმეს იმედი ჰქონდა, რომ რუსული გაზსადენის პრობლემა თავისთავად,  ვაშინგტონში...

„ელექტროენერგიის გაძვირების მიუხედავად, ივნისამდე ფასების ზრდას არ ვგეგმავთ“ - „კულა“

„ელექტროენერგიის გაძვირების მიუხედავად, ივნისამდე ფასების ზრდას არ ვგეგმავთ“ - „კულა“
access_time2021-01-22 12:00:14
სემეკის დადგენილებით იანვრიდან მთელი საქართველოს მასშტაბით ელექტროენერგია გაძვირდა. ტარიფის ზრდა შეეხო როგორც ფიზიკურ ასევე იურიდიულ პირებს. პოლიტიკური კონიუქტურის გათვალისწინებით მოსახლეობაზე მეტად კომუნალური გადასახადი ბიზნესს გაეზარდა, რაც პროდუქციის ფასზე აისახება და საბოლოო ჯამში ირიბად, მაგრამ მაინც...


მსგავსი სიახლეები

up