„ახალ პროექტებს ვერ ვაფინანსებთ, თუმცა განვიხილავთ“ - რა მოლოდინი აქვს რეფორმირების პროცესში მყოფ ზარალიან საპარტნიორო ფონდს

„ახალ პროექტებს ვერ ვაფინანსებთ, თუმცა განვიხილავთ“ - რა მოლოდინი აქვს რეფორმირების პროცესში მყოფ ზარალიან საპარტნიორო ფონდს

access_time2020-10-12 11:00:03

მიუხედავად იმისა, რომ საპარტნიორო ფონდს თითქმის 2 წელიწადია შეზღუდული აქვს ახალ საინვესტიციო პროექტებში დაფინანსებით შესვლა, მის არაეფექტიანობაზე წლებია საუბრობენ მთავრობის წარმომადგენლები და საერთაშორისო ორგანიზაციებიც კი - ფონდში სერიოზული გეგმები აქვთ და ახალი პროექტების განხილვის პროცესიც აქტიურად მიმდინარეობს. ამის შესახებ „კომერსანტს“ საპარტნიორო ფონდის საზოგადოებასთან ურთიერთობის სამსახურში განუცხადეს.


„ახალ პროექტებს ვერ ვაფინანსებთ, რადგან რეფორმირების რეჟიმში ვართ, თუმცა პროექტების განხილვა ხდება.


რა თქმა უნდა გვსურს, რომ რაც  შეიძლება მალე დასრულდეს ეს ეტაპი და ფონდი გაორმაგებული ძალით დაუბრუნდეს თავის წარმატებულ საინვესტიციო  საქმიანობას.  ფონდის საინვესტიციო საქმიანობა წარმატებული იყო და პორტფელი ყოველთვის მომგებიანი, ფონდის  მიერ ინვესტირებულმა ერთმა დოლარმა ქვეყანაში შვიდი მილიონი დოლარის ინვესტიცია მოიტანა,“ - აცხადებს საპარტნიორო ფონდის საზოგადოებასთან ურთიერთობის სამსახურის ხელმძღვანელი ნინო ქვარიანი.


რეფორმირების ეტაპზე მყოფ ფონდში გარკვეული სტრუქტურული ცვლილებები იგეგმება, მათ შორის, ფონდის დაფინანსებასთან დაკავშირებით და ასევე, მიმდინარეობს პროცესი მის საკუთრებაში არსებული ზოგიერთი სახელმწიფო კომპანიის ფონდის კაპიტალიდან გასვლის შესახებ.

ბოლო თვეებია „საპარტნიორო ფონდი“ საჯარო აუქციონზე თავის საკუთრებაში მყოფი არაერთი კომპანიის აქტივებს ჰყიდის. „საპარტნიორო ფონდმა“ „თელასის“ აქციების გასხვისების გადაწყვეტილება მიიღო. ივლისში კი ცნობილი გახდა, რომ ფონდმა სახელმწიფო ელექტროსისტემა და „ესკო“ ეკონომიკის სამინისტროს გადასცა. რამდენიმე თვეა ორგანიზაცია ასევე სასტუმრო „ბორჯომი-ლიკანს“ ჰყიდის. ეს მხოლოდ ობიექტების ნაწილია რომლის გაყიდვას ან გასხვისებას „საპარტნიორო ფონდი“ ახორციელებს.


„პანდემიამ ერთადერთ პროექტზე, რომელიც არის ბორჯომი-ლიკანის სასტუმრო, რა თქმა უნდა იქონია გავლენა, რადგან ისევე  როგორც ყველა ტურისტულ  ობიექტს, ბორჯომი-ლიკანსაც ვიზიტორები შეუმცირდა და ამან იმოქმედა.



სერიოზული გეგმები გვაქვს ფონდს და დარწმუნებულები ვართ, რომ დიდ წვლილს  შევიტანთ მნიშვნელოვანი პროექტების განვითარებაში. ახალ  პროექტებზე საუბრისგან თავს  შევიკავებ, რადგან ჯერ დავუბრუნდეთ ჩვეულებრივ რეჟიმს,  წინასწარ დაუმტკიცებელ პროექტებზე ვერ ვისაუბრებთ.

 

ფონდში ადგილობრივი ბიზნესმენებისგანაც ძალიან  დიდი იყო დაინტერესება და საერთაშორისო პარტნიორებისგანაც.  საერთაშორისო  პარტნიორებისთვის  ფონდი  სანდრო პარტნიორად აღიქმება და უფრო  თამამად  დგამენ  ნაბიჯებს  ინვესტიციების  განხორციელებისთვის ქვეყანაში.  ისინი თვლიან, რომ  სახელმწიფო ფონდი როცა მათი  პარტნიორია, ეს მნიშვნელოვანი ფაქტორია,“ - აღნიშნავენ ფონდში.


მიუხედავად იმისა, რომ ბიძინა ივანიშვილის მთავრობა მოსვლის დღიდან დიდ იმედებს ამყარებდა „საპარტნიორო ფონდზე“, საბოლოოდ მაინც მის არაეფექტურობაზე ალაპარაკდნენ. ერთი წლის წინ ყოფილმა პრემიერ-მინისტრმა მამუკა ბახტაძემ განაცხადა, რომ ბიზნესმოდელი, რაც „საპარტნიორო ფონდს“ აქვს, არაეფექტურია და უნდა შეიცვალოს. ეკონომიკის ყოფილი მინისტრი გიორგი ქობულია კი ამბობდა, რომ მისი მინისტრობისას შეისწავლეს და დაასკვნეს, რომ წლების განმავლობაში ფონდი არაეფექტიანად იმართება და ბევრი გადაწყვეტილება პოლიტიკური კუთხით მიიღება.


„საპარტნიორო ფონდის“ მდგომარეობას არასახარბიელოდ მიიჩნევს პრემიერ-მინისტრი გიორგი გახარიაც. სწორედ ასე უპასუხა მან პარლამენტის დამოუკიდებელი დეპუტატის ლევან კობერიძის კითხვას, რომელიც ფონდის რეფორმირების პროცესის მიმდინარეობას შეეხებოდა. ლევან კობერიძე ერთ-ერთია იმათგან ვინც „საპარტნიორო ფონდის“ რეფორმირებას „ქართული ოცნების“ შეუსრულებელ დაპირებად, ეკონომიკის შემაფერხებელ ფაქტორად და პოლიტიკური კორუფციის კერად მიიჩნევს.


„აუქციონზე  გამოვიტანეთ ბორჯომი-ლიკანი, ფონდი არ შედის მის მიერ  დაფინანსებული პროექტების მართვაში, საკონტროლო პაკეტს პარტნიორი ფლობს და ის მართავს ამ ბიზნესებს, ჩვენი ფუნქცია არის იმის მონიტორინგი, თუ რამდენად სწორად  იხარჯება ეს თანხა.

მოცვის შემთხვევაში, როცა მონიტორინგის შედეგად დაფიქსირდა, რომ ის ძველი პარტნიორი ფონდისთვის მისაღები არ იყო , ამიტომ გამოვიტანეთ აუქციონზე და ახლა ჰყავს ახალი ინვესტორი, რომელიც  გეგმავს  9 მილიონი დოლარის  ინვესტირებას.

ჩვენ ყველაფერი გავაკეთეთ მოცვის შემთხვევაში, რადგან ბიოლოგიური აქტივია, მაქსიმალური გააკეთა ფონდმა, რომ ბიოლოგიურ აქტივს  არ  შექმნოდა არანაირი  საფრთხე და მოგვეძია  ახალი ეფექტური  ინვესტორი, რომელიც სერიოზული  გეგმებით  შევიდა კომპანიაში და ბევრ  სასიკეთო საქმეს  გააკეთებს,“


 „საპარტნიორო ფონდის“ არაეფექტიანობაზე საერთაშორისო ორგანიზაციებიც ამახვილებდნენ ყურადღებას. Fitch Ratings-მა ცოტა ხნის წინ გადაწყვიტა „საპარტნიორო ფონდს“ რეიტინგი აღარ მიანიჭოს. როგორც სარეიტინგო კომპანიაში აცხადებდნენ, რეიტინგების მინიჭების შეწყვეტის მიზეზი არასაკმარისი და არასწორი ინფორმაციის მიწოდება გახდა.

 

 






Bloomberg: რუსულ ობლიგაციებს შესაძლოა სანქციები დაუწესდეს

Bloomberg: რუსულ ობლიგაციებს შესაძლოა სანქციები დაუწესდეს
access_time2021-04-15 19:00:44
ბოლო თვეებში რუსული სახელმწიფო ფასიანი ქაღალდების შემოსავლიანობა მკვეთრად გაზრდილია, რამაც მათ მიმართ ინვესტორთა ინტერესი გააღვივა. თუმცა, სწორედ დღეს, როდესაც ეს მაჩვენებელი წლიურ მაქსიმუმს მიუახლოვდა, რუსული სახელმწიფო ობლიგაციების წინაამღდეგ სანქციები სრულიად რეალური პერსპექტივა გახდა.   რუსეთის მხრიდან უკრაინის საზღვართან სამხედრო ძალების უპრეცედენტო კონცენტრაციამ ეს იდეა, რომელიც აქამდე დაუჯერებელი ჩანდა, ინვესტორებისთვის რეალური თავის ტკივილად...

Frankfurter Allgemeine: რუსეთი თურქეთს სჯის

Frankfurter Allgemeine: რუსეთი თურქეთს სჯის
access_time2021-04-15 20:00:23
მოსკოვმა თურქეთთან ავიამიმოსვლა 1 ივნისამდე აკრძალა. ამის მიზეზად თურქეთში კორონავირუსით დაავადებულთა რაოდენობის მკვეთრი ზრდა დასახელდა.   შესაძლოა, ეს მართლაც ასე იყოს - ბოლო კვირების მანძილზე ინფიცირების რიცხვი თურქეთში რეკოდრებს ხსნის, თუმცა არის მოსაზრებაც, რომ ეს მხოლოდ საბაბია, რეალურად კი საქმე სულ სხვა რამეშია.   არადა თურქეთის საკურორტო ქალაქ ბოდრუმში  რამდენიმე დღის წინ შვებით ამოისუნთქეს.  აქ ჩამომსვლელ ტურისტთა შორის დიდი წილი...

დღის Top 10 საინტერესო ამბავი:

დღის Top 10 საინტერესო ამბავი:
access_time2021-04-15 21:00:15
დღის Top 10 საინტერესო ამბავი:     1. დაბლოკილი პარალელური იმპორტი და მოსყიდული ექიმები - რატომ ღირს ძვირი წამლები   მედიკამენტების ფასები საქართველოს მოსახლობის ყველაზე დიდი, მოუგვარებელი პრობლემა რომ არის იცის ყველამ. საკითხზე წლებია საუბრობს როგორც მმართველი გუნდი, ისე ოპოზიციური პარტიებიც და თვითონ...

15 აპრილი - რეგიონში ქართული ლარი და თურქული ლირა გამყარდა

15 აპრილი - რეგიონში ქართული ლარი და თურქული ლირა გამყარდა
access_time2021-04-15 18:00:17
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 15 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 15 აპრილის ვაჭრობის შედეგად (რომლის ოფიციალური კურსი 16 აპრილისთვისაა) ეროვნული...

ნიკოლოზ ბასილაშვილს ინვესტორი, ირაკლი კაჭარავა უჩივის

ნიკოლოზ ბასილაშვილს ინვესტორი, ირაკლი კაჭარავა უჩივის
access_time2021-04-15 15:10:27
მსოფლიოს 36-ე ჩოგანს ნიკოლოზ ბასილაშვილს ახალი გრძელვადიანი სასამართლო განხილვა ელოდება. როგორც კომერსანტმა გაარკვია ყოფილი ინვესტორი, ირაკლი კაჭარავა ჩოგბურთელისგან კონტრაქტით გათვალისწინებული საკომისიოს ანაზღაურებას  მოითხოვს. ინფორმაციის გადასამოწმებლად დავუკავშირდით ინვესტორის ადვოკატს, მარიკა არავეძეს, თუმცა მან ჩვენთან საუბრისას განაცხადა, რომ ამ ეტაპზე დავის დეტალებზე საუბრისგან თავს იკავებს და აღნიშნავს, რომ ეს მხარეებს შორის მოლაპარაკების კონფიდენციალურ...


მსგავსი სიახლეები

up