საპარლამენტო უმრავლესობის წევრები არ აღიარებენ, რომ საქართველოში საკვებზე წვდომის პრობლემაა

საპარლამენტო უმრავლესობის წევრები არ აღიარებენ, რომ საქართველოში საკვებზე წვდომის პრობლემაა

person access_time2016-06-21 09:52:09

საერთაშორისო საქველმოქმედო ორგანიზაცია „ოქსფამი" საგანგაშო დასკვნას აქვეყნებს. ორგანიზაციის კვლევებმა გამოავლინა, რომ საქართველოში ადამიანების დიდ ნაწილს საკვების ხელმისაწვდომობის პრობლემა აქვს. მკვლევარების ყველაზე საგანგაშო დასკვნა ისაა, რომ ამ პრობლემის გამო მომავალი თაობის ფიზიკური და გონებრივი ჯანმრთელობა საფრთხის ქვეშ დგება.


კერძოდ, 10 კატეგორიის სასურსათო პროდუქტიდან, რომელიც ადამიანმა უნდა მიიღოს იმისათვის, რომ უზრუნველყოს ჯანმრთელობა, ხელმისაწვდომი მხოლოდ 5 პროდუქტია.

 

„ოქსფამის" საქართველოს წარმომადგენლობის სოფლის მეურნეობისა და სასურსათო უსაფრთხოების პროექტის მენეჯერი ლევან დადიანი „კომერსანტთან" ამბობს, რომ კვლევაში საგანგაშო შედეგია, რადგან რეალურად ვიტამინებით მდიდარ საკვებზე, ხორცზე, თევზზე წვდომა შეზღუდულია,  განსაკუთრებით ბავშვებში და მოზარდებში. 


ავტორიტეტული საერთაშორისო ორგანიზაციის კვლევის შედეგების თანახმად, რთული მდგომარეობაა ქალების კატეგორიაშიც, რომელიც არის ნუტრიციული გადაწყვეტილების მთავარი მიმღები ოჯახში – ის შეგნებულად იკლებს საკვებს იმისთვის, რომ გამოკვებოს ოჯახის წევრები.


„კომერსანტმა" ეს მაჩვენებლები ექსპერტებს და პარლამენტარებს წარუდგინა და დაუსვა შეკითხვა: რატომ ვერ ახერხებს ხელისუფლება თუნდაც მოზარდების უზრუნველყოფას ჯანმრთელობისთვის აუცილებელი საკვებით.

 

საერთაშორისო ორგანიზაცია „ოქსფამის" საქართველოს წარმომადგენლობაში ამბობენ, რომ კვლევა 2015 წლის პერიოდს ასახავს. რაც შეეხება გასული წლებს, ორგანიზაციაში ამბობენ, რომ კვლევა ერთჯერადი იყო და ის წინა წლებში არ ჩატარებულა.

 

„ოქსფამის" შედეგებს არ იცნობს გაეროს ბავშვთა ფონდის, Uniсef-ის კომუნიკაციის პროგრამის ხელმძღვანელი მაია ქურციკიძე, თუმცა ზოგად შეფასებას აკეთებს და აცხადებს, რომ აუცილებელია ქვეყანაში იმაზე ძლიერი სოციალური პოლიტიკა არსებობდეს, ვიდრე დღეს არის.


მისი განცხადებით, დღეს ქვეყანაში არსებობს მიზნობრივი პროგრამები, რომლებიც უკიდურესად გაჭირვებულ ოჯახებს ეხმარება, მაგრამ ეს ვითარების შესამსუბუქებლად საკმარისი არ არის. აქედან გამომდინარე, აუცილებელია გაგრძელდეს მიზნობრივი სოციალური დახმარებები, რომლებიც უკიდურესად გაჭირვებულებისკენაა მიმართული, თუმცა აუცილებელია, მოხდეს სხვა ჯგუფების დახმარებაც, რომლებიც არიან პოტენციურად მოწყვლადი და ღარიბი ჯგუფების, ანუ მათი ხელშეწყობა, ვინც შეიძლება ხვალ უკიდურეს სიღარიბეში აღმოჩნდნენ.

 

ქურციკიძე ამბობს, რომ სახელმწიფომ უნდა მოახდინოს ისეთი ოჯახების იდენტიფიცირება, რომლებიც გაღარიბების რისკის ქვეშ არიან.


„ჩვენი კვლევებიდან დასტურდება, რომ სიღარიბე საქართველოში დინამიურია, ოჯახები ადვილად ღარიბდებიან, შემდეგ გარკვეული პერიოდი იშოვიან შემოსავალს, გამოვლენ გაჭირვებიდან, თუმცა, ძალიან მალე ისევ უკიდურეს მდგომარეობაში ვარდებიან. ეს არასტაბილურობა და გარკვეული ეკონომიკური შოკები იწვევს მოსახლეობის გაღარიბებას. ამიტომ, აუცილებელია უფრო მძლავრი და ქმედითი სოციალური პოლიტიკის არსებობა. ამასთან დაკავშირებით ჩვენ ვმუშაობთ სახელმწიფოსთან და გარკვეული ნაბიჯები უკვე გადაიდგა: მოხდა სოციალური დაცვის სისტემების რევიზია, 2015 წლიდან ახალი მეთოდოლოგიით ხდება ქულების მინიჭება, თუმცა, ესეც გათვლილია უკიდურესად გაჭირვებულ ოჯახებზე. ამოქმედდა ორსულთა მედიკამენტებით უზრუნველყოფის პროგრამა, რომელიც გულისხმობს ყველა ორსულის უზრუნველყოფას ფოლიუმის მჟავით და რკინადეფიციტური ანემიის დიაგნოზის არსებობის შემთხვევაში, ორსულთა უზრუნველყოფას რკინის პრეპარატებით.

ასევე სოციალურად დაუცველი ოჯახების 6-24 თვემდე ახალშობილებს მიეწოდება საკვები დანამატი, სადაც შედის მნიშვნელოვანი ვიტამინები და მიკროელემენტები, " - აცხადებს ქურციკიძე.


მისივე ინფორმაციით, Uniсef-ს 2010 წელს ჰქონდა კვლევა, რომლის მიხედვით, საქართველოში ნახევარ მილიონზე მეტ ქალს და ბავშვს აღენიშნებოდა საკვების დეფიციტით გამოწვეული დარღვევები, როგორიცაა რკინა-დეფიციტური ანემია, ზრდაში ჩამორჩენა, ჭარბწონიანობა. მისი განმარტებით, საკვების დეფიციტში იგულისხმება საკვები ნივთიერებების, ვიტამინებისა და მიკროელემენტების დეფიციტი.

 

საერთაშორისო ორგანიზაციის წარმომადგენლისგან განსხვავებულად ხედავენ რეალობას "ქართული ოცნების" პარლამენტარები:


პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე დიმიტრი ხუნდაძე აცხადებს, რომ ოქსფამის" მიერ გამოქვეყნებული კვლევა 2014 წელს, უფრო კონკრეტულად კი ზაფხულიდან არის ჩატარებული, მას შემდეგ კი ორი წელი გავიდა და ამ პერიოდში ხელისუფლებამ სოციალური მიმართულებით საკმაოდ ბევრი სახელმწიფო პროგრამა აამოქმედა, ამის გათვალისწინებით, ხუნდაძის თქმით, დღეს არ გვაქვს ისეთი სურათი, რაც „ოქსფამის" კვლევაშია ასახული.

 

 

პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილე მირიან წიკლაური კი საერთოდ არ იცნობს საერთაშორისო საქველმოქმედო ორგანიზაცია „ოქსფამის" მიერ გამოქვეყნებულ კვლევის შედეგებს, და მცირე კომენტარით შემოიფარგლა:

„არ ვიცი რამდენად კომპეტენტურია ეს ორგანიზაცია, რაც არ უნდა საერთაშორისო იყოს. სჯობს უკეთესი მდგომარეობა იყოს, ვიდრე დღეს არის, თუმცა გაცილებით უკეთესი მდგომარეობაა ვიდრე ვთქვათ 4-5 წლის წინ იყო,"-აცხადებს წიკლაური.


 



„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი

„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი
access_time2021-04-16 18:30:56
„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში, რაზეც უკვე წლებია ვსაუბრობთ* - აცხადებს ჰუალინგის თიზ-ის აღმასრულებელი დირექტორი სოსო ნიბლაძე, თუმცა არ ეთანხმება ქეთი ბოჭორიშვილის მოსაზრებას, რომ თიზ-ებში ინვესტორებს პრობლემების მოგვარება თვითონ უხდებათ და თიზ-ებში არ არის მოწესრიგებული ინფრასტრუქტურა. „ჰუალინგის თიზ-ში გასული 5 წლის განმვალობაში განხორციელდა 50 მლნ დოლარზე მეტი ინვესტიცია, როგორც უშუალოდ ინდუსტრიული პროექტების მოზიდვის...

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს
access_time2021-04-16 19:00:31
რუსეთის შინაგან საქმეთა სამინისტრო დსთ-ს ქვეყნებისგან მოითხოვს, რომ მათ რუსეთში არალეგალურად მყოფი თავისი მოქალაქეები 15 ივნისამდე დაუყოვნებლივ გაიყვანონ. ამის შესახებ საპარლამენტთაშორისო ასამბლეაზე უწყების ხელმძღვანელის მოადგილემ ალექსანდრ გორავოიმ განაცხადა. შინაგან საქმეთა სამინისტროს სტატისტიკის მიხედვით, დღეს რუსეთში 332 ათასი არალეგალი მიგრანტი იმყოფება უზბეკეთიდან, 247 ათასი  - ტაჯიკეთიდან, 152 ათასი - უკრაინიდან, 120 ათასი...

16 აპრილი - რეგიონში მხოლოდ თურქული ლირა გაუფასურდა

16 აპრილი - რეგიონში მხოლოდ თურქული ლირა გაუფასურდა
access_time2021-04-16 18:00:21
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 16 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 16 აპრილის ვაჭრობის შედეგად (რომლის ოფიციალური კურსი 19 აპრილისთვისაა) ეროვნული...

დღის Top 10 საინტერესო ამბავი

დღის Top 10 საინტერესო ამბავი
access_time2021-04-16 21:00:47
დღის Top 10 საინტერესო ამბავი: 1.„ახალი ობლიგაციების დაბალი საპროცენტო განაკვეთით ბიუჯეტი 350 მლნ ლარს დაზოგავს“ „ფინანსთა სამინისტრომ წარმატებით დაასრულა 500 მლნ აშშ დოლარის ღირებულების ევრობონდების გამოშვება. საპროცენტო განაკვეთმა (coupon rate) შეადგინა 2,75%. ახალი ობლიგაციებით მოხდა 2011 წელს გამოშვებული ევროობლიგაციების...

„ქართული ოცნება“ საჯაროდ აწერს ხელს შარლ მიშელის ეგიდით შექმნილ დოკუმენტს - არჩილ თალაკვაძე

„ქართული ოცნება“ საჯაროდ აწერს ხელს შარლ მიშელის ეგიდით შექმნილ დოკუმენტს - არჩილ თალაკვაძე
access_time2021-04-16 17:15:15
„ქართული ოცნება“ მედიატორის მიერ შექმნილ დოკუმენტს ხელს საჯაროდ აწერს. ამის შესახებ განცხადება პარლამენტის თავმჯდომარემ არჩილ თალაკვაძემ პარტიის ოფისში გამართულ ბრიფინგზე ცოტა ხნის წინ გააკეთა. „ქართული ოცნება“ საჯაროდ აწერს ხელს ევროკავშირისა და ევროსაბჭოს პრეზიდენტის შარლ მიშელის ეგიდით შექმნილ დოკუმენტს, რომელიც ევროსაბჭოს პრეზიდენტის სპეციალურმა წარმომადგენელმა საქართველოში კრისტიან დანიელსონმა წარადგინა. ჩვენ დიალოგის დასკვნით შეხვედრაზევე დავაფიქსირეთ დოკუმენტის...


მსგავსი სიახლეები

up