საპარლამენტო უმრავლესობა არაკვალიფიციური გადაწყვეტილების გამოსწორებას ცდილობს

საპარლამენტო უმრავლესობა არაკვალიფიციური გადაწყვეტილების გამოსწორებას ცდილობს

access_time2017-09-08 10:00:34

„კომერსანტი“ აგრძელებს „სასოფლო-სამეურნეო დანიშნულების მიწის საკუთრების შესახებ“ საქართველოს კანონში შესატან ცვლილებების ექსპერტებთან განხილვას. პარლამენტმა „სასოფლო-სამეურნეო დანიშნულების მიწის საკუთრების შესახებ“ საქართველოს კანონში ცვლილების შეტანის თაობაზე“ კანონპროექტი პირველი მოსმენით განიხილა. სასოფლო-სამეურნეო დანიშნულების მიწის ნაკვეთებზე საკუთრების უფლების შეძენის შეჩერების შესახებ დადგენილი მორატორიუმი გარდამავალ ეტაპზე არ გავრცელდება ბანკებსა და მიკროსაფინანსოებზე. საევე, გათვალისწინებულია საქართველოს მთავრობისათვის დისკრეციული უფლებამოსილების მინიჭება, მორატორიუმიდან გამონაკლისის დაშვებასთან დაკავშირებით მიიღოს შესაბამისი გადაწყვეტილება.

 

საკითხზე მომხსენებელმა, პარლამენტის წევრმა ანრი ოხანაშვილმა განაცხადა, რომ ამ კანონპროექტით ნარჩუნდება ის პრინციპი, რომ მიწა არის განსაკუთრებული რესურსი და მისი მესაკუთრე უნდა იყოს საქართველოს მოქალაქე. მისი თქმით, კანონპროექტის მიღება ხდება იმის გამო, რომ რომ არ შეიქმნას სამართლებრივი ვაკუუმი, და საკუთრების კონსტიტუციური უფლება იყოს დაცული. ოხანაშვილის თქმით, კანონპროექტი მიიღება გარდამავალი ეტაპისთვის, სანამ არ იქნება მიღებული ორგანული კანონი, რომელიც დაარეგულირებს მიწის საკითხს.

 

 კანონპროექტით კომერციულ ბანკებს და მიკროსაფინანსო ორგანიზაციებს ეძლევათ ვალდებულება შესაბამისად ორი და ერთი წლის ვადაში გაასხვისონ მათ საკუთრებაში არსებული მიწები მხოლოდ საქართველოს მოქალაქეებზე.

 

„კომერსანტი“ დაინტერესდა რატომ შევიდა საფინანსო სექტორი გამონაკლისებს შორის და რა ეკონომიკური ეფექტი ექნება მთავრობის ამ გადაწყვეტილებას?

 


„საქართველოს რეფორმების ასოციაციის“ ეკონომისტი ბესო ნამჩავაძე განმარტავს, რომ მთავრობამ ეს გადაწყვეტლება სავარაუდოდ იმიტომ მიიღო, რომ ბანკებში სესხის უზრუნველყოფა მიწით მოხდეს. ანუ, სახელმწიფომ ამით ერთგავარად დააინტერსა საბანკო-საფინანსო სექტორი. 

 

„ჩვენთან ბანკებში და მიკროსაფინანსო ორგანიზაციების მფლობელობაში ძალიან დიდია უცხოელების წილი, მხოლოდ 1-2 ბანკია, სადაც უცხოური კაპიტალის წილი მცირეა. რომ არა ეს ცვლილება მიწის მფლობელს ბანკში გაუჭირდებოდა მიწა უზრუნველყოფის ფორმით ჩაედო და ასე გამოეტანა სესხი. ეს სოფლის მეურნეობის განვითრებას ხელს შეუშლიდა. ისედაც, ბანკი მოხარული არ არის ხოლმე, რომ მიწა ჩაიდოს უზრუნველყოფაში თუ ის არ არის რამე სტრატეგიული. ამით ერთგვარად ბანკები დააინტერესეს. წინააღმდეგ შემთხვევაში, სასოფლო-სამეურნეო მიწაზე ადამიანი ვეღარ აიღებდა სესხს, ანუ ბანკი მიწას უზრუნველყოფაში აღარ ჩაიდებდა. ფაქტობრივად, აზრი არ ექნებოდა, რადგან, ფერმერი თუ სესხს ვერ დაფარავდა, ბანკი მიწას მფლობელობაში ვერ წამოიღებდა და გაიზრდებოდა რისკი. შედეგად, თუ 10 პროცენტად სესხს აძლევდნენ ფერმერს, ამის შემდეგ საპროცენტო განაკვეთი გაიზრდებოდა. მიწა როგორც უზრუნველოყოფის აქტივი მაღალრისკიანი გახდებოდა“, - აცხადებს ნამჩავაძე. 

 

რაც შეეხება უკუეფექტს, ნამჩავაძე სრულიად იზიარებს მთავრობის ამ გადაწყვეტილებას და თვლის, რომ კანონში შესატანი ცვლილება აბსოლუტურად დადებითი ეფექტის მომტანი იქნება. 

 

როგორც ცნობილია, “ქართული ოცნების“ მიერ წარმოდგენილი პროექტი დაჩქარებული წესით განიხილება. „ნაციონალური მოძრაობის“ წევრების განცხადებით, მმართველი გუნდი გადაწყვეტილებას ქვეყნის ეკონომიკური განვითარების საწინააღმდეგოდ იღებს.

 

პროექტის ინიციატორები არიან დეპუტატები ანრი ოხანაშვილი, ეკა ბესელია, ვანო ზარდიაშვილი, დავით მათიკაშვილი, გურამ მაჭარაშვილი და ილია წულაია. კომერსანტი ცდილობდა კანონპროექტის ყველა ინიციატორთან დაკავშირებას, თუმცა, უშედეგოდ. 

 

 

 ავტორი: კომერსანტი



Forbes: აპრილის ეკონომიკა და გადასახადების გრძელი სია

Forbes: აპრილის ეკონომიკა და გადასახადების გრძელი სია
access_time2020-04-01 20:00:58
1 აპრილს მილიონობით ამერიკის მაცხოვრებლისთვის იჯარის გადახდის ბოლო ვადა ყველაზე დამამძიმებელი აღმოჩნდა. უძრავი ქონების ყოველი მეოთხე მოქირავნე ახლა შემოსავლის მეოთხედზე მეტს საცხოვრებელზე იხდის. საცხოვრებლის ქირა კი მხოლოდ პირველია იმ გადასახადების რიგში, რისი მოგვარებაც აპრილში ხალხს მოუწევს -  კომუნალური გადასახადები, საკრედიტო ბარათები, დაზღვევა, იპოთეკა, სტუდენტური გადასახადი - ბევრი რამ რასაც არაერთი ამერიკელი უბრალოდ ვერ გასწვდება. კარგი ამბავი ისაა, რომ აპრილიდან სექტემბრის...

ლიბერთი მომხმარებელზე ზრუნვას განაგრძობს

ლიბერთი  მომხმარებელზე ზრუნვას განაგრძობს
access_time2020-04-01 17:50:52
დღეიდან, 1 აპრილიდან, ლიბერთის გადაწყვეტილებით, არაასაკობრივი პენსიონერები „პენსია ჩარიცხვამდე“ სერვისით უფასოდ ისარგებლებენ. ,,ჩვენ ვაგრძელებთ მომხმარებელზე ზრუნვას და მათ უსაფრთხოებასა და საჭიროებებზე მორგებულ კიდევ ერთ სიახლეს ვთავაზობთ. დღევანდელი გადაწყვეტილებით, არაასაკობრივ პენსიონერებს შეეძლებათ შეუფერხებლად და რაც მთავარია, ნულოვანი ტარიფით გაიაქტიურონ ‘პენსია ჩარიცხვამდე’ სერვისი სერვისცენტრებსა და ლიბერთის ნებისმიერი ბანკომატის საშუალებით. გვინდა, ვთხოვოთ...

1 აპრილი - ქართული ლარი მყარდება, თურქული ლირა მცირედით გაუფასურდა

1 აპრილი - ქართული ლარი მყარდება, თურქული ლირა მცირედით გაუფასურდა
access_time2020-04-01 19:00:37
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდება, სამეზობლოში ვალუტის კურსები ან მცირედით და ეტაპობრივად უფასურდება, ან მყარდება.    ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 4 თეთრით გამყარდა და ერთი აშშ დოლარის ღირებულებამ 3.2413 ლარი შეადგინა. Bloomberg-ზე დილიდან ვაჭრობა...

საქართველოს მთავრობამ ყველა დეველოპერული მშენებლობა შეაჩერა

საქართველოს მთავრობამ ყველა დეველოპერული მშენებლობა შეაჩერა
access_time2020-04-01 18:10:11
საქართველოს მთავრობამ ყველა დეველოპერული მშენებლობა შეაჩერა. როგორც „კომერსანტმა“  გაარკვია, შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა.    ინფორმაციის გადამოწმება მთავრობის ცხელ ხაზზეც ვცადეთ, სადაც განგვიცხადეს, რომ დეველოპერული საქმიანობა ქვეყანაში გუშინ აიკრძალა. 144-ზე გვითხრეს, რომ შპს-ს იმ შემთხვევაში აქვს მუშაობის უფლება...

ხელისუფლების სახიფათო გადაწყვეტილება - ზემო რაჭა ტურისტულ დანიშნულებას დაკარგავს

 ხელისუფლების სახიფათო გადაწყვეტილება - ზემო რაჭა ტურისტულ დანიშნულებას დაკარგავს
access_time2020-04-01 17:50:09
„თუ იქნება ჰესი, არ იქნება მდინარე აქ. კარგად დაიმახსოვრეთ, რომ აქ იქნება პატარა, რუჩუაზე ოდნავ დიდი ნაკადული“, - ეს სიტყვები მოძრაობა „არა ონის კასკადის“ ერთ-ერთ აქტივისტს ეკუთვნის, რომელიც მან რაჭის სოფელ ნიგავზების მდინარის ვიდეოკადრებთან ერთად გამოაქვეყნა. ასე გააპროტესტა მან რაჭაში ჰიდროელექტრო სადგურის მშენებლობა. გარემოს დაცვის სამინისტროსგან მშენებელი კომპანიისთვის რამდენჯერმე შენიშვნებით უკან დაბრუნებული პროექტი მოწონებულია - 2020 წლის 17 მარტს, როცა ქვეყანა მთლიანად...


მსგავსი სიახლეები

up