რუსეთის საოკუპაციო ძალების მიერ საქართველოს კიდევ ერთი მოქალაქის დაკავების შესახებ დღეს გახდა ცნობილი.
საოკუპაციო ხაზის მიმდებარე ტერიტორიაზე, სოფელ მეჯვრისხევში მცხოვრები 3 ივლისს დააკავეს.
ინფორმაციას სახელმწიფო უსაფრთხოების სამსახურში ადასტურებენ.
შეგახსენებთ, რომ ასეევ დაკავებულია ზაზა გახელაძეც, რომელიც ოჯახის წევრების ინფორმაციით, ახალგორიდან ცხინვალში გადაიყვანეს.
შერიგებისა და სამოქალაქო თანასწორობის საკითხებში სახელმწიფო მინისტრის მოვალეობის შემსრულებელი ლია გიგაური გუშინ აცხადებდა, რომ რუსმა ოკუპანტებმა საოკუპაციო ხაზთან, მსხვილოს ციხის მიმდებარედ სოფელ ქვემო ჭალას მკვიდრი კაცი ჯერ დაჭრეს და შემდეგ გადაიყვანეს ოკუპირებულ ტერიტორიაზე. მისი თქმით, დაჭრილი ახალგორის საავადმყოფოში იმყოფებოდა და მის სიცოცხლეს საფრთხე არ ემუქრება.
საგარეო უწყება საოკუპაციო ძალების მიერ საქართველოს მოქალაქის დაჭრის ფაქტს მორიგ სახიფათო პროვოკაციად აფასებს. სამინისტრო მიმართავს საერთაშორისო თანამეგობრობას, მკაცრი შეფასება მისცეს საოკუპაციო ძალების უკანონო მოქმედებებს და დაუყოვნებლივ მიიღოს ზომები საქართველოს სახელმწიფოს წინააღმდეგ მიმართული პროვოკაციების აღსაკვეთად“.
Imedinews