სამხრეთ კორეამ სამუშაო ოფისებში გასათვალისწინებელი წესები შეიმუშავა – როგორია

სამხრეთ კორეამ სამუშაო ოფისებში გასათვალისწინებელი წესები შეიმუშავა – როგორია "გაიდლაინი“

access_time2020-05-11 15:00:16

სამხრეთ კორეა გვიჩვენებს, თუ როგორი იქნება სამუშაო ოფისები პანდემიის შემდეგ. ქვეყნის მთავრობამ რჩევები და რეკომენდაციები გამოქვეყნა, რაც უნდა გაითვალისწინონ ადამიანებმა სამსახურებში დაბრუნების შემდეგ.რჩევები ეხება დასაქმებულებსა და დამსაქმებლებსაც, რათა მათ შეძლონ სამუშაო გარემოში შეამცირონ ვირუსის გავრცელების შანსები.


აქვე შეგახსენებთ, რომ სამხრეთ კორეის მთავრობამ საერთაშორისო აღიარება მოიპოვა კორონავირუსის წარმატებით შეჩერებისა და კრიზისთან გამკლავების მიზნით მიღებული ღონისძიებებისთვის.


პანდემიის შემდგომი პერიოდისთვის სამხრეთ კორეამ 68–გვერდიანი დოკუმენტი გამოაქვეყნა, რომელიც კონკრეტულ ინსტრუქციებს მოიცავს, თუ როგორ უნდა მოიქცეს თითოეული მოქალაქე ვირუსის გავრცელების პრევენციისთვის ეკლესიებში, მცირე და საშუალო ზომის ბაზრებზე, რესტორნებში, სკოლებში, ინტერნეტ კაფეებში, ასევე ქორწილებისა და დაკრძალვების დროს და საზოგადოებრივი ტუალეტების გამოყენების დროსაც.


გთავაზობთ მთავარ ამონარიდებს სამუშაო სივრცეებთან დაკავშირებით.


დასაქმებულებისთვის:


თუ თავს შეუძლოდ გრძნობთ, წადით სახლში;

აქტიურად გამოიყენეთ მოქნილი სამუშაო საათები, მაგალითად, დისტანციური მუშობის შესაძლებლობის არსებობის შემთხვევაში;

დაიცავით დისტანცია;

„უორქშოფები“ და ტრეინინგები ჩაატარეთ ონლაინ ან ვიდეო კონფერენციის საშუალებით;

პირისპირ შეხვედრისას დაიცავით პირადი ჰიგიენის ნორმები;

თანამშრომელთან ორი მეტრის დაშორებით დასხედით;

არ გააკეთოთ ისეთი რამ, რაც პირიდან წვეთების გამოყოფას იწვევს, მაგალითად არ იმღეროთ;

თუ დახურული სივრცის კაფეტერიას იყენებთ, დასხედით ერთმანეთის ზურგს უკან, ან ზიგზაგისებურად;

რაც შეიძლება ნაკლები ისაუბრეთ: თუ შესაძლებელია დახურეთ პირი;

გაანიავეთ სამუშაო სივრცე და ჩაატარეთ დეზინფენქცია;


რეგულარულად გაწმინდეთ ის ადგილი, რასაც ხშირად ეხებით, მაგალითად მაგიდა, კლავიატურა, ე.წ მაუსი, ტელეფონი და ა.შ;

დაიბანეთ ხშირად ხელი და დაიცავით დახველებისა და დაცემინების დროს შესაბამისი წესები;

თავიდან აირიდეთ ხელების სახეზე შეხება, მით უმეტეს თუ არ გაქვთ დაბანილი ხელი;

თავიდან აირიდეთ ფიზიკური კონტაქტი, მაგალითად ხელის ჩამორთმევა;

გამოიყენეთ მხოლოდ საკუთარი კოვზი, ჭიქა და სხვა პირადი ნივთები;

დაიცავით ფიზიკური დისტანცია, თუმცა, შეინარჩუნეთ სოციალური კავშირი;

თავიდან აირიდეთ ჯგუფური ღონისძიებები, კლუბური შეკრებები, სამსახურიდან დაბრუნდით პირდაპირ სახლში;

ერთდროულად არ შეხვიდეთ რამდენიმე ადამიანი მოსასვენებელ ოთახში.


დამსაქმებლებისთვის:


უზრუნველყავით თანამშრომლებისთვის ტემპერატურის თერმო სკრინინგის საშუალებით გაზომვა;

თუ რომელიმე თანამშრომელს რაიმე სიმპტომი აქვს, მაგალითად სიცხე, ხველა, ან თუ თანამშრომელი საზღვარგარეთ იმყოფებოდა 14–მდე დღის წინ, დატოვეთ ის სახლში და მიეცით მას შვებულება ან სახლიდან მუშაობის შესაძლებლობა;

შექმენით ისეთი ატმოსფერო, რომელშიც დასაქმებულები თავს თავისუფლად იგრძნობენ ანაზღაურებადი შვებულების ან მოქნილი სამუშაო გრაფიკის გამოყენებით;

დაიცავით დისტანცია;

მინიმუმამდე დაიყვანეთ მივლინებების რაოდენობა ქვეყნის შიგნით და გარეთ;

სამუშაო ოფისში უზრუნველყავით დისტანცია სამუშაო მაგიდებს შორის;

ასევე უზრუნველყავით კაფეტერიაში დისტანცია მაგიდებს შორის, განათავსეთ მკაფიო მინიშნებები დისტანცირების შესახებ მაგიდებსა და სკამებს შორის;

მიაწოდეთ თანამშრომლებს ინფორმაცია ხელის დაბანის პროცედურების, ასევე ხელის სადეზინფექციო საშუალებების გამოყენების, დახველებისა და დაცემინების დროს გასათვალისწინებელი წესების შესახებ;

დაურიგეთ თანამშრომლებს პირბადეები და ჰიგიენის სხვა ნივთები საჭიროებიდან გამომდინარე;

შექმენით ისეთი კორპორატიული კულტურა, რომ მინიმუმამდე იყოს დაყვანილი გაუთვალისწინებელი აქტივობები, თანამშრომელთა სამუშაოს გარეთ შეკრებები, პიკნიკები და ა.შ;

უთხარით თანამშრომლებს რომ ერთი და იგივე სივრცის ერთდროულად გამოყენებისგან თავი შეიკავონ;

დანიშნეთ ერთი ადამიანი, ან დააკისრეთ რომელიმე განყოფილებას კარანტინის წესების დაცვა სამსახურში;

შეხვედრების დროს გასათვალისწინებელი ძირითადი პრინციპები:

გამოიყენეთ ვიდეო კონფერენცია ან სატელეფონო ზარები შეხვედრების ნაცვლად რამდენადაც შესაძლებელია;

დარწმუნდით რომ პირისპირ შეხვედრა განიავებულ სივრცეში ხდება, სადაც ყველას აქვს შესაძლებლობა დაიცვას ფიზიკური დისტანცია;

მინიმუმამდე დაიყვანეთ შეხვედრაზე დამსწრეთა რაოდენობა და მაქსიმალურად შეამცირეთ შეხვედრის ხანგრძლივობა;

მიაწოდეთ ინფორმაცია დამსწრეებს რომ თავი უნდა შეიკავონ შეხვედრაზე მისვლისგან, თუ ისინი 14–მდე დღის წინ საზღვარგარეთ იმყოფებოდნენ ან ჰქონდათ რაიმე სიმპტომები, მაგალითად, სიცხე, ხველა, თავის ტკივილი, კუნთების ტკივილი, დაღლილობა და ა.შ;

თავი შეიკავეთ ფიზიკური კონტაქტისგან, მაგალითად ხელის ჩამორთმევისგან;

საკონფერენციო ოთახში განათავსეთ ხელის სადეზინფექციო საშუალებები, რათა დამსწრეებმა ხშირად გამოიყენონ;

ყოველ ერთ საათში გაანიავეთ სივრცე.



წყარო: forbes.ge




TheTimes: ბიზნესმა ჰაკერებს გამოსასყიდის სახით 2019 წელს 25 მლრდ. დოლარი გადაუხადა

TheTimes: ბიზნესმა ჰაკერებს გამოსასყიდის სახით 2019 წელს 25 მლრდ. დოლარი გადაუხადა
access_time2020-08-03 19:55:48
კიბერ-დამნაშავეებმა 2019 წელს მხოლოდ ბრიტანულ ბიზნეს-კომპანიებს 250 მლნ. დოლარზე მეტი გამოსძალეს. ჰაკერები, ძირითადად  ცნობილ კომპანიებს რუსეთიდან ან აღმოსავლეთ ევროპიდან ვირუსული პროგრამებით უტევენ, შემდეგ კი ქსელებთან წვდომის აღდგენის სანაცვლოდ მათგან მილიონებს ითხოვენ. კომპანიებს მათი პრობლემების გასაჯაროება, მონაცემთა დაკარგვა და რეგულატორების მხრიდან ჯარიმების დაკისრება აშინებთ, ამიტომაც ისინი დღეს უფრო მეტად, ვიდრე გასულ წლებში, ფულის გადახდისთვის მზად...

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ
access_time2020-08-03 15:15:25
საქართველოს საზოგადოებრივი მაუწყებლის ძველი შენობის გასაყიდად გამოცხადებული ელექტრონული აუქციონი კვლავ ვერ შედგა. ის 16 ივლისს დაიწყო და 31 ივლისს უშედეგოდ დასრულდა. ქონების საწყისი ფასი 110 343 600 ლარი იყო. შენობის გასაყიდად ახალი აუქციონი დღეს, 3 აგვისტოს გამოცხადდა. მაუწყებლის ფინანსების და ადმინისტრაციის ბლოკის დირექტორმა ნოდარ ჭიჭინაძემ აღნიშნა, რომ ქონების ფასი 10%-ით შეამცირეს ისევე, როგორც ეს პირველი აუქციონის დასრულების შემდეგ...

„ჩიკორი“ ხეხილის ბაღების გაშენებას გეგმავს

„ჩიკორი“ ხეხილის ბაღების გაშენებას გეგმავს
access_time2020-08-03 16:30:23
კომპანია „ქარელის ხილი“, რომელიც ბაზარზე „ჩიკორის“ ბრენდით არის წარმოდგენილი, სამომავლოდ საკუთარი ბაღების გაშენებას გეგმავს, - განუცხადა „ბიზნესპარტნიორს“ კომპანიის დირექტორმა ანანო ბეჟანიშვილმა. მისი ინფორმაციით, ამ დროისთვის კომპანია ხილს ადგილობრივი ფერმერებისგან იბარებს, პროდუქციის 10% კი საკუთარი ბაღებიდან მიღებული მოსავალია. „ჩვენს საკუთრებაში არსებული ბაღებიდან მაქსიმალურ მოსავალს ვერ ვიღებთ, რადგან ხეხილი ჯერ პატარაა. რამდენიმე წელიწადში მათი მსხმოიარობა...

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს
access_time2020-08-03 10:15:13
რე|ბანკი აგვისტოში 1 წლის ხდება. ბანკმა გასულ წელს მომხმარებლებს სრულიად ინოვაციური საბანკო პროდუქტი შესთავაზა – ტოპ|ქარდი, განვადების შოპინგ ბარათი. ეს რეალურად ეფექტური 0%-იანი განვადების ბარათია, თუკი მყიდველი რე|ბანკის პარტნიორების დაწესებულ ვადებს დაიცავს. ტოპ|ქარდის განვადებით სარგებლობა მხოლოდ რე|ბანკის პარტნიორ ობიექტებში არ არის შესაძლებელი. მომხმარებელს ასევე შეუძლია, 45 დღემდე უპროცენტო გადავადებით, ეფექტური 0%-დან, ივაჭროს ყველგან, მათ შორის, ადგილობრივ და...

საქართველოში უმუშევრობის დონე კორონავირუსის პანდემიის გამო 12%-ით გაიზარდა

საქართველოში უმუშევრობის დონე კორონავირუსის პანდემიის გამო 12%-ით გაიზარდა
access_time2020-08-03 17:40:10
თვითდასაქმებულებზე კომპენსაციის სახით ჯამურად 48 048 300 ლარი, ხოლო დასაქმებულებზე 68 771 800 ლარია გაცემული. ციფრებით ადასტურებს, რომ პანდემიამ, უმუშევრობის დონე 12%-ით გაზარდა. სპეციალისტები ,,რეზონანსთან“ აღნიშნავენ, რომ ეს არ არის სრული სურათი და რეალურად უფრო მძიმე ვითარებაა ქვეყანაში. დასაქმების ხელშეწყობის სახელმწიფო სააგენტოს ინფორმაციით, 31 ივლისის მდგომარეობით, ჯანდაცვის სამინისტროს სარეგისტრაციო პორტალის მეშვეობით სულ დარეგისტრირდა კომპენსაციის მიმღები...


მსგავსი სიახლეები

up