„სამუშაოები,რომლებსაც სახელმწიფო ქმნის, სინამდვილეში ანადგურებს დოვლათს“ - გიორგი ლომინაძე

„სამუშაოები,რომლებსაც სახელმწიფო ქმნის, სინამდვილეში ანადგურებს დოვლათს“ - გიორგი ლომინაძე

access_time2019-05-26 16:00:44

რადიო კომერსანტზე, გადაცემაში „პროფესიონალები“, არასამთავრობო ორგანიზაცია „თავისუფალი ბაზრის“ დამფუძნებელმა და თავმჯდომარემ, გიორგი ლომინაძემ საქართველოში შრომის ბაზარზე დერეგულაციის პოლიტიკის მნიშვნელობაზე ისაუბრა.

„ადამიანები უნდა მუშაობდნენ იმისთვის, რომ შექმნან დოვლათი. საქართველოში კი ადამიანები მუშაობის პროცესში დოვლათს ანადგურენებ, ამიტომაც   ყველა ვღატაკდებით.სტატისტიკის თაყვანისმცემელი არ ვარ, ის არ ასახავს რეალობას, არა იმიტომ,რომ  მაგალითად, დასამებულის განსაზღვრებაა პრობლემატური, არამედ იმიტომ,რომ პირველ რიგში,არ ხდება იმის განსაზღვრა, თუ რომელი სამუშაოები ქმნიან დოვლათს და სად ხდება მომხმარებლის ნება-სურვილის ნებაყოფლობითი დაკმაყოფილება. იდეა მდგომარეობს შემდეგში, ერთი ადამიანი ყიდის შრომას და მეორე ყიდულობს მისგან ამ სერვისს. ის სამუშაოები,რომლებსაც სახელმწიფო ქმნის, სინამდვილეში ანადგურებს დოვლათს. ესეთი სამსახურები მაქსიმალურად უნდა შემცირდეს, მიუხედავად იმისა,რომ ამან შეიძლება დასაქმებულთა რიცხვი შეამციროს. ის სამუშაოები,რომლებიც დოვლათს არ ქმნიან უნდა გაქრნენ, რაც მეტად შემცირდება ასეთი სამუშაოების რიცხვი, მით უფრო სწრაფად შეიქმნება ისეთი,რომელიც დოვლათს შექმნის. სახელმწიფო სერიოზულ ტვირთს წარმოადგენს თავისუფალ ბაზარზე, თავისუფალი ბაზარი კი სწორედ ისეთ სამუშაო ადგილებს გააჩენს,რომლებიც აუცილებლად შექმნიან დოვლათს.

ჯანდაცვა და განათლება,  საქართველოში და ასევე მსოფლიოშიც, ყველაზე მეტად რეგულირებული სფეროებია, რისი საჭიროებაც სრული აბსურდია. რეგულირება ნიშნავს იმას,რომ ადამიანებს ვუკრძალავთ ნებაყოფლობითი ქმედების განხორციელებას. სწორედ ამიტომ, აღარ იდება ზუსტად ისეთი შრომითი ხელშეკრულებები,რომლებიც სიკეთის, დოვლათის მომტანი იქნება და გაგვამდიდრებს. ჩვენ არ უნდა ვიმტვრიოთ თავი იმაზე, თუ რამდენი ექიმი და ექთანი უნდა გვყავდეს, ან რამდენი პაციენტი უნდა მოდიოდეს ერთ ექთანზე. ჩვენი აზრით,  შეუძლებელია, რომ ეს რაოდენობა სწორად გადაწყვიტოს ვიღაც ჩინოვნიკმა, რაც არ უნდა ჭკვიანი იყოს ის. ამას წყვეტს მხოლოდ თავისუფალი ბაზარი და ჩვენი მომხმარებლები,რომლებიც ყიდულობენ სერვისებს ერთმანეთთან შეუზღუდავი კონკურენციაში მყოფი კომპანიებისგან. რომ არა სახელმწიფოს ძალადობრივი მონოპოლია,  გვექნებოდა კონკურენცია,რომელიც შექმნიდა მაღალ ხარისხს და დაბალ ფასებს. შრომის პირობებს რაც შეეხება, მონური პირობებით არავინ არ უნდა მუშაობდეს, მაგრამ სახელმწიფოს მიერ დაწესებული რეგულაციები მაიძულებს,სწორედ ამ პირობებში მუშაობას. რაც უფრო შეზღუდულია კონკურენცია, მით უფრო ნაკლები სამუშაო ადგილია და მით უფრო დაბალხელფასზე მიწევს მუშაობა.

თავისუფალი ბაზრის ამოსავალი წერტილი ნებაყოფლობითობაა. ნებაყოფლობითობა ქმნის შეუზღუდავ კონკურენციას და შემდეგ იქმნება სერვისის მაღალი ხარისხი და დაბალი ფასები, ასე ვმდიდრდებით ყველა. თუკი სურთ დასაქმებულ პირებს შექმნან კავშირი, რა თქმა უნდა, პროფკავშირებს უნდა ჰქონდეთ არსებობის უფლება. მაგრამ მათ არ უნდა ჰქონდეთ უფლება, ჩაერიონ ნებაყოფლობით შრომით გარიგებებში. ერთადერთი ვინც მათ ანიჭებთ იმის უფლებას,რომ ჩაერიონ ძალადობრივად ამ შრომით გარიგებებში, სახელმწიფოა.

უდიდესი შეცდომა და ტყუილია,როცა პროპაგანდირებენ,რომ თავისუფალი ბაზარი ბიზნესის მხარესაა და მთავრობა მომხმარებლების. სინამდვილეში, პირიქით არის, თავისუფალი ბაზარი მომხმარებლების ინტერესს წარმოადგეს. ბიზნესი იძულებულია იყვნენ კონკურენციაში ბაზარზე, რაც მას არ აწყობს. ბიზნესი და სახელმწიფო შედიან გარიგებაში და სახელმწიფოს მიერ დაწესებული რეგულაციებით, სუბსიდიებით და ა.შ. იზღუდება კონკურენცია და ხელი ეშლება ახალი კომპანიების წარმოქმნას, რათა ისინი  კონკურენციაში შევიდნენ უკვე არსებულ კომპანიებთან.


სახელმწიფო ქმნის ძალადობრივ ოლიგო და მონოპოლიებს. ანტიმონოპოლისტური სამსახური არის შირმა, ტყუილი,რომელიც ზღუდავს კონკურენციას. თვით სახელმწიფოც ძალადობრივი მონოპოლიაა. პოლიტიკური მონოპოლიაა,რომელსაც ქმნის მთავრობა და არავინ სხვა.

უთანასწორობა შეიძლება ორნაირი იყოს. სამართლიანი და უსამართლო.თუ ჩემი ნიჭით, შრომით მივაღწიე გარკვეულ ქონებრივ მდგომარეობას, ეს სამართლიანია. თუ სახელმწიფომ ჩამაყენა ისეთ მდგომარეობაში,რომ მე გავხდი ძალადობრივი მონოპოლისტი და ამით მივაღწიე სიმდიდრეს, მაშინ ეს უსამართლო უთანასწორობაა. ბოროტება კი მხოლოდ უსამართლო უთანასწორებაა და ისეთი  სიმდიდრე,რომელიც ძალადობრივი გზითაა მოპოვებული,“ - ამბობს გიორგი ლომინაძე.

 






m2-ს გაყიდვების ინოვაციური კულტურა

m2-ს გაყიდვების ინოვაციური კულტურა
access_time2019-09-21 17:01:21
                                                                                              დეველოპერული კომპანია „m2 უძრავი ქონება“ გაყიდვების მიმართულებით მომსახურების კულტურისა და...

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა
access_time2019-09-21 13:00:25
არის მცდელობა იმ პროცესის დისკრედიტაცია მოხდეს, რომელიც ჩვენი მოქალაქეების უფლებების დაცვას ემსახურება, – ამის შესახებ პარლამენტის ჯანდაცვის კომიტეტის თავმჯდომარე აკაკი ზოიძემ განაცხადა შრომის კოდექსში დაგეგმილ ცვლილებებთან დაკავშირებით.   მისი თქმით, ამ საკითხზე აბსოლუტურად დაუსაბუთებელი წუხილებია და საზოგადოებაში მცდარი ინფორმაცია გავრცელდა.   „რატომღაც მცდელობაა, იმ პროცესის დისკრედიტაციის, რომელიც მხოლოდ ჩვენი მოქალაქეების უფლებების დაცვას...

ბეჭდები ქვევრის თემაზე - Tsikolia-ს ახალი ხაზი

ბეჭდები ქვევრის თემაზე - Tsikolia-ს ახალი ხაზი
access_time2019-09-21 11:00:59
დიზაინერი ზვიად ციკოლია ქვევრის თემაზე საიუველირო ნაწარმის შექმნას იწყებს.   როგორც bm.ge-ის დიზაინერმა განუცხადა, ახალ ხაზში თავიდან იქნება ბეჭდები, რომელსაც დაემატება საყურეები, ყელსაბამები და ა.შ.   ბრენდს Tsikolia ერქმევა.   „ქვევრს მე ბევრნაირად ვხედავ. ის არის ჩვენი ერის საიდენტიფიკაციო ატრიბუტი, ამიტომ ვაგრძელებ ქვევრის ხაზს და მალე კიდევ ბევრ სხვა რამეს იხილავთ“, - უთხრა ციკოლიამ bm.ge-ის.   დიზაინერს...

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა
access_time2019-09-21 10:00:49
ხობის მუნიციპალიტეტის სოფელ ახალ ხიბულაში თანამედროვე სტანდარტებით აღჭურვილი ლოკოკინების ფერმა „ნადი გრუპი“ სახელმწიფოს დახმარებით, „ერთიანი აგროპროექტის“ ფარგლებში აშენდა. ფერმის ასაშენებლად ჯამურად 1,410,000 ლარის ინვესტიცია განხორციელდა, საიდანაც 1,260,000 ლარი ბენეფიციარმა შეღავათიანი აგროკრედიტით მიიღო. გარემოს დაცვისა და სოფლის მეურნეობის მინისტრის მოადგილემ, გიორგი ხანიშვილმა, სოფლისა და სოფლის მეურნეობის განვითარების სააგენტოს დირექტორთან ოთარ შამუგიასთან, სამეგრელო ზემო-სვანეთის...

დეზინფორმაციის 72% უცხოეთის ქვეყნებში რუსეთიდან ვრცელდება

დეზინფორმაციის 72% უცხოეთის ქვეყნებში რუსეთიდან ვრცელდება
access_time2019-09-21 16:00:57
პრინსტონის უნივერსიტეტის კვლევის მიხედვით, დღეს მსოფლიო არენაზე მიზანმიმართულ სადეზინფორმაციო კამპანიას უმეტესად 4 ქვეყანა აწარმოებს. 2013 წლიდან 2018 წლის ჩათვლით, ყველაზე აქტიური რუსეთი იყო, რომელზეც დეზინფორმაციის 72% მოდის. შემდეგ თანმიმდევრობით მოდან: ირანი, ჩინეთი და საუდის არაბეთი. მკვლევარებმა 460-ზე მეტი შემთხვევა შეისწავლეს. როგორც გაირკვა, უცხოეთის ქვეყნებზე გავლენის მოხდენის მიზნით გამართული, სადეზინფორმაციო კამპანიების მთავარი სამიზნე ძირითადად დასავლეთის ქვეყნები...


მსგავსი სიახლეები

up