სამტრედია-გრიგოლეთის გზა სურამის ციხესავით ვერ აშენდა

სამტრედია-გრიგოლეთის გზა სურამის ციხესავით ვერ აშენდა

access_time2020-07-03 16:00:19

სამტრედია-გრიგოლეთის გზის მონაკვეთის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB). აღნიშნული გზის მშენებლობა 2014 წელს დაიწყო. უნდა აღინიშნოს, რომ სამტრედია-გრიგოლეთის გზის ოთხივე მონაკვეთის მშენებლობა შეფერხებით მიმდინარეობდა. განსაკუთრებით პრობლემური გზის მეორე მონაკვეთი აღმოჩდა, სადაც პროექტის დასრულების შემდეგ გზაზე ჯდენები წარმოიშვა, რამაც გზის საფარის მოწყობა შეაფერხა და შესაბამისად, აუცილებელი გახდა ხარვეზის აღმოფხვრა. ამ ეტაპზე გზის პირველ და მეორე მონაკვეთზე სამშენებლო სამუშაოები ინტენსიურად მიმდინარეობს და საავტომობილო გზების დეპარტამენტის ინფორმაციით, უახლოეს მომავალში დასრულდება. იგივე ტიპის პრობლემები გზის მეოთხე მონაკვეთზეც იყო, სადაც ხარვეზები უკვე გასწორებულია. ასევე უნდა აღინიშნოს, რომ გარდა ტექნიკური ხარვეზებისა, აღნიშნული გზის მშენებლობისას ორ შემთხვევაში კონტრაქტორი კომპანიის შეცვლა გახდა აუცილებელი. ერთ შემთხვევაში კონტრაქტორმა (კომპანია „ალტკომი“) სამუშაოების მხოლოდ 24% შეასრულა, მეორე შემთხვევაში კი, იტალიურმა კომპანიამ „ტოდინმა“ სამუშაოები არც კი დაიწყო. „ალტკომთან“ საავანსო თანხის (18 338 910 ევრო) დაბრუნების იურიდიული პროცედურები დღემდე ხორციელდება. რაც შეეხება მესამე მონაკვეთს, პროექტის განხორციელების ვადა 24 თვით განისაზღვრა და შესაბამისად, ორი წელი ვერ დასრულდება.


აღნიშნულიდან გამომდინარე, შეიძლება ითქვას, რომ სამტრედია-გრიგოლეთის გზის მონაკვეთი ერთ-ერთი ყველაზე გაჭიანურებული და პრობლემური პროექტია. მისი დასრულება 6 წლის განმავლობაში ვერ მოხერხდა და როგორც აღვნიშნეთ, სულ მცირე კიდევ ორი წელი ვერ დასრულდება.



ანალიზი


ფრაქცია „ნაციონალური მოძრაობის“ თავჯდომარე რომან გოცირიძემ „რადიო პალიტრის“ გადაცემა „შუადღის სტუდიაში“ სამტრედია-გრიგოლეთის გზის შესახებ ისაუბრა და აღნიშნა: „სამტრედია-გრიგოლეთის გზა სურამის ციხესავით გადაიქცა. სანამ გზაზე არ ჩააბეტონებენ ინფრასტრუქტურის შვიდ მინისტრს (მხოლოდ ერთი დღით, მერე უნდა გაასუფთავო), რომელიც ამ შვიდ წელიწადში შეიცვალა, გზა ვერ დასრულდება“.


სამტრედია-გრიგოლეთის საავტომობილო გზა ჩქაროსნული ავტომაგისტრალის ერთ-ერთი მნიშვნელოვანი მონაკვეთია. აღნიშნული გზის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB).


სამტრედია-გრიგოლეთის გზა - ლოტი I

სამშენებლო მონაკვეთის სიგრძე - 11.5 კმ.


პროექტით გათვალისწინებულია 26 მიწისქვეშა გასასვლელის და წყალგამტარი მილის მოწყობა და 8 სახიდე გადასასვლელის მშენებლობა, მათ შორის 3 ხიდი და 1 რკინიგზაზე გასასვლელი ხიდი-ესტაკადა.


ლოტი II



სამშენებლო მონაკვეთის სიგრძე -18.5 კმ.

უნდ აშენდეს: 9 ხიდი, 3 სატრანსპორტო კვანძი, 76 სწორკუთხა მილი (მიწისქვეშა გასასვლელები, საქონლის და საველე გასასვლელები).


ლოტი III

სამშენებლო მონაკვეთის სიგრძე - 12 კმ.

უნდა აშენდეს: 4 ზოლიანი ასფალტ-ბეტონის გზა, 6 სახიდე გადასასვლელი, 2 სატრანსპორტო კვანძი, 65 სწორკუთხა მილი (მიწისქვეშა გასასვლელები, საქონლის და საველე გასასვლელები).

სამტრედია-გრიგოლეთის საავტომობილო გზის მე-3 მონაკვეთი გურიის რეგიონში ქ. ლანჩხუთსა და ლანჩხუთის მუნიციპალიტეტის სოფლებს გაივლის.


ლოტი IV

სამშენებლო მონაკვეთის სიგრძე - 9.5 კმ.

აშენდება: 2 გზაგამტარი, ერთი სატრანსპორტო კვანძი, 42 მიწისქვეშა გასასვლელი და წყალგამტარი მილი.

პროექტის განხორციელება ჯერ კიდევ 2014 წელს დაიწყო და დღემდე არ დასრულებულა.


სამტრედია-გრიგოლეთის მონაკვეთის ოთხივე ლოტის მშენებლობა შეფერხებით მიმდინარეობდა. განსაკუთრებულად პრობლემური გზის მეორე მონაკვეთი აღმოჩდა, რომელსაც კომპანია „სინოჰიდრო“ ახორციელებს. გზის თავდაპირველი პროექტის მიხედვით, გზა ბეტონის ხიმინჯებზე უნდა აშენებულიყო (რადგან ტერიტორია ჭაობიან ადგილს წარმოადგენს). კომპანიამ სამუშაოების მსვლელობისას პროექტის შეცვლა მოითხოვა და ტერიტორიაზე ფითილები დაამონტაჟა. თუმცა, ფითილების გამოყენებით გზის მშენებლობამ შედეგი არ გამოიღო და და გარკვეულ ადგილებში ჯდენები (დეფორმაცია, ზედაპირის დაწევა) წარმოიშვა, რამაც გზის საფარის მოწყობა შეაფერხა. იგივე სახის პრობლემა გზის მეოთხე მონაკვეთზეც წარმოიშვა, რომლის მშენებლობა ჯერ კიდევ 2016 წელს უნდა დასრულებულიყო. სამუშაოებს ჩინური კომპანია „China Railway 23rd“ ახორციელებს.


სამუშაოები სამტრედია-გრიგოლეთის გზის პირველ მონაკვეთზეც ასევე შეჩერებული იყო. გზის მშენებლობას უკრაინული კომპანია „ალტკომი“ ახორციელებდა და მშენებლობა ასევე 2016 წლის ზაფხულში უნდა დასრულებულიყო. კომპანიამ ხელშეკრულებით გათვალისწინებული სამუშაოების მხოლოდ 24% შეასრულა. დეპარტამენტმა კომპანიას ხელშეკრულება შეუწყვიტა და საავანსო თანხის ამოსაღებად ( 18 338 910 ევრო) სამართლებრივ პროცედურებს ახორციელებს. მონაკვეთის დარჩენილ სამუშაოებს კომპანია „აკორდი“ ახორციელებს.


სამუშაოები სამტრედია-გრიგოლეთის მესამე მონაკვეთზეც 2018 წელს უნდა დასრულებულიყო, სადაც მშენებლობა იტალიურ კომპანია „ტოდინს“ უნდა ეწარმოებინა. ისე რომ გზის მშენებლობა არც დაუწყია, კომპანიასთან დადებული კონტრაქტიც შეწყდა.


საავტომობილო გზების დეპარტამენტის ინფორმაციით (12 მაისის ინფორმაცია), ამ ეტაპზე სამტრედია-გრიგოლეთის პირველ და მეორე მონაკვეთებზე სამშენებლო სამუშაოები აქტიურად მიმდინარეობს. მეორე მონაკვეთზე, ჯაპანა-ლანჩხუთის 15 კმ-მდე გზის მშენებლობა დასრულების ეტაპზეა. აღნიშნულ მონაკვეთზე ასფალტ-მეტონის საფარის, საგზაო ნიშნების მოწყობისა და გზის სავალი ნაწილის მონიშვნის სამუშოები ხორციელდება. ასევე არსებულ გზასთან შემაერთებელ 2.7 კმ-იან მონაკვეთს რეაბილიტაცია უტარდება, სადაც მიწის ვაკისის სამუშაოები, გაბიონების და კიუვეტების მოწყობა მიმდინარეობს. სამტრედია-გრიგოლეთის მე-2 მონაკვეთის პროექტის სახელშეკრულებო ღირებულება 254 მლნ ლარს შეადგენს. აღნიშნული მონაკვეთი ქ. ლანჩხუთის მუნიციპალიტეტის სოფლებს: ჯაპანას, ქვიანს, ნიგოითსა და ქვემო შუხუთს გაივლის.


დეპარტამენტისვე ინფორმაციით, სამტრედია-გრიგოლეთის პირველ 11.5 კმ-იან მონაკვეთზეც სამუშაოები ინტენსიურად მიმდინარეობს. ამ დროისთვის, ხიდების მშენებლობა, წყალგამტარი მილების, მიწისქვეშა გასასვლელების მოწყობა და მიწის ვაკისის სამუშაოები ხორციელდება. გზის მონაკვეთი ქალაქ სამტრედიას, სამტრედიისა და აბაშის მუნიციპალიტეტის სოფლებს: ტოლებს, გორმარალას, პირველ მაისსა და გაუწყინარს გაივლის. სამუშაოების ღირებულება 89 მილიონი ლარია.


სამტრედია-გრიგოლეთის გზის მესამე მონაკვეთზე წინა საკვალიფიკაციო შერჩევის ეტაპი 2020 წლის თებერვლის ბოლოს გამოცხადდა, საკვალიფიკაციო წინადადება 24-მა კომპანიამ წარადგინა, შემდგომი ეტაპი წარდგენილი წინადადებების შერჩევა-შეფასება იყო. აღნიშნული მონაკვეთის პროექტის განხორციელების ვადად 24 თვე განისაზღვრა.


ზემოთქმულიდან გამომდინარე, სამტრედია-გრიგოლეთის გზა სულ მცირე 2 წელი კიდევ ვერ დასრულდება.


წყარო:https://factcheck.ge/





27 ოქტომბერი - რეგიონში მხოლოდ ქართული ლარი გამყარდა

27 ოქტომბერი - რეგიონში მხოლოდ ქართული ლარი გამყარდა
access_time2020-10-27 18:05:05
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...

სად გაატარებენ რუსები ახალ წელს? სახლში თუ ოკუპირებულ აფხაზეთში

სად გაატარებენ რუსები ახალ წელს? სახლში თუ ოკუპირებულ აფხაზეთში
access_time2020-10-27 19:00:24
1 აგვისტოდან რუსეთს და ოკუპირებულ აფხაზეთს შორის საზღვარი ოფიციალურად გაიხსნა. მანამდე კი კორონავირუსის გავრცელების თვალსაზრისით თითქმის სტერილურმა არაღიარებულმა რესპუბკლიკამ სწრაფი „დაბინძურება“ დაიწყო.   დიდი ტურისტული ბუმი არ ყოფილა, თუმცა რუსეთის ბევრმა მოქალაქემ ვირუსისგან გაქცევის მიზნით ოკუპირებულ აფხაზეთში სახლები იქირავეს.   თუმცა, გაქცევა არ გამოვიდა - ღია საზღვარმა და ადამიანების უკონტროლო მისვლა-მოსვლამ ეპიდემიის აფეთქებას მაშინ შეუწყო...

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს

სილქფესტის აქციით მომხმარებელი ინტერნეტის და სასაუბრო პაკეტების ხელსაყრელ პირობებს გაიაქტიურებს
access_time2020-10-27 15:20:38
28 ოქტომბერს, სილქნეტი მობილური ქსელის მომხმარებლებს ოთხ სააქციო პაკეტს შეთავაზებს. აქცია ხელმისაწვდომია  ფიზიკური და იურიდიული პირი აბონენტებისათვის.  აქცია საშუალებას მისცემს აბონენტს მინიმალურ ფასად სასურველი პირობა გაიაქტიუროს, ისარგებლოს უსწრაფესი ინტერნეტით და სასაუბრო წუთებით თბილისსა და რეგიონებში.   კომბინაციით *202# მომხმარებელი 30 დღით ჩაირთავს: 2 GB + 100 ლოკალური წუთი - 5...

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“

ჩვენ კოვიდპაციენტის მართვაზე პასუხისმგებელი ვერ ვიქნებით - სადაზღვევო კომპანია უნისონი“
access_time2020-10-27 16:00:27
„ყველაფერი რაღაცის ხარჯზე ხდება, თუმცა, როდესაც უჭირს სახელმწიფოს და სისტემას, ყველა რესურსს გამოყენება უნდა,“ - ასე პასუხობს სადაზღვევო კომპანია „უნისონის“ ხელმძღვანელი ვასილ ახრახაძე კითხვას, ხომ არ მივიღებთ სისტემაში ხარვეზებს და ხომ არ გაუარესედება დაზღვეულთა მომსახურება.   „უნისონის“ რამდენი ოჯახის ექიმია ჩართული COVID-19-ის მართვაში,   როგორც ახრახაძე აცხადებს, რომ COVID-19-ის მართვაში უნისონის ოჯახის ექიმთა მინიმალური რაოდენობაა ჩართული....

„მედიკამენტების მაღალი ფასი ოლოგოპოლიით არაა გამოწვეული - წამლების სიძვირეს მოქმედი კანონი იწვევს“

„მედიკამენტების მაღალი ფასი ოლოგოპოლიით არაა გამოწვეული -  წამლების სიძვირეს მოქმედი კანონი იწვევს“
access_time2020-10-27 15:03:08
პოლიტიკური პარტია „გირჩის“ ლიდერმა, ზურაბ  ჯაფარიძემ საქართველოში მედიკამენტების მაღალ ფასებზე  და მათი სიძვირის მიზეზებზე ისაუბრა. დიდუბის მაჟორიტარი დეპუტატობის კანდიდატი აცხადებს, რომ საქართველოში მედიკამენტების მაღალი ფასი ოლოგოპოლიას და მონოპოლიას ბრალდება, თუმცა მისი თქმით, წამლების სიძვირეს რაელურად სხვა მიზეზი აქვს და მათი გიაფებაც საკმაოდ მარტივია. ზურაბ ჯაფარიძემ საქართველოში არსებული 9 მედიკამენტის ფასი თურქეთში იდენტური მედიკამენტების ფასებს...


მსგავსი სიახლეები

up