“სახელმწიფოს უჭირს ეკონომიკური ძალაუფლების დათმობა“ - სამთავრობო პროგრამის მუდმივი დილემა

“სახელმწიფოს უჭირს ეკონომიკური ძალაუფლების დათმობა“ - სამთავრობო პროგრამის მუდმივი დილემა

access_time2019-09-12 10:00:31

“სამთავრობო პროგრამა 2019-2020“ ოფიციალურად უკვე დამტკიცებულია.  საქართველოს ახალი პრემიერ-მინისტრის გიორგი გახარიას მთავრობამ სწორედ ამ დოკუმენტის მიხედვით უნდა იხელმძღვანელოს. თუმცა, როგორც ირკვევა, პროგრამა ყოველწლიურად თითქმის უცვლელია და იდენტური გზავნილებია. ასევე ძალიან ხშირად გეგმა განუხორციელებელი რჩება და პრობლემების დიდი ნაწილი  ისევ მოუგვარებელია, რასაც დარგის სპეციალისტების თქმით, ერთადერთი ახსნა აქვს -  სახელმწიფოს უჭირს ეკონომიკური ძალაუფლების დათმობა.


ამას ადასტურებს პროგრამის ერთ-ერთ ყველაზე მნიშვნელოვანი მიმართულება  - ეკონომიკური განვითარება.


„კომერსანტი“ ეტაპობრივად გაგაცნობთ დოკუმენტის ფარგლებში სხვადასხვა საკითხის შეფასებით ნაწილს. ამჯერად ბიზნესგარემოს იმ პუნქტზე გავამახვილებთ ყურადღებას, სადაც მთავრობა ამბობს:


„2.4 აქტიური და ქმედითი ნაბიჯები გადაიდგმება, სახელმწიფო საკუთრებაში არსებული ქონების ეკონომიკურ აქტივობაში ჩართვისთვის“...


ეს ძალიან მნიშვნლოვანი გზავნილია და როგორც დარგის სპეციალისტები ამბობენ, პირდაპირ მიუთითებს ქვეყანაში ბიზნესგარემოს გაუმჯობესებაზე; ინვესტიციების მოცულობის ზრდაზე; საკუთრების დაცვაზე და საბოლოოდ,  ეკონომიკის განვითარებაზე.


თუმცა როგორც ეკონომისტი ზვიად ხორგუაშვილი “კომერსანტთან“ აცხადებს, ის, რაც სამთავრობო პროგრამაშია ხაზგასმული, რეალობაში სულ სხვაგვარად ხდება. 


მისი თქმით, ხელისუფლება ამბობს, რომ სახელმწიფო ქონების პრივატიზება აუცილებელია, მაგრამ სინამდვილეში ეს პროცესი ძალიან ნელი ტემპით მიმდინარეობს, რაც ადეკვატურად აისახება  ბიზნესგარემოზე. ზოგადად პრივატიზება უნდა გავყოთ სამ ნაწილად: მიწა, სახელმწიფო კომპანიები და სხვა აქტივები:



„მიწების შემთხვევაში გასხვისების ტემპი საკმაოდ ნელია. ძირითადი პრივატიზება მოხდა 2012 წლამდე, ამის მიუხედავად კი დღესაც ბევრი მიწაა დარჩენილი, მათ შორის დაურეგისტრირებელი. 2013 წელს მიწის რეგისტრაციის შესახებ მთავრობამ თითქოს აქტიური მუშაობა დაიწყო, მაგრამ შემდგომ ესეც დაპაუზდა. ყველაფერს ისიც დაემატა, რომ უცხოელებზე მიწის გაყიდვა აიკრძალა. საბოლოოდ, გვაქვს დიდი ალტერნატიული ხარჯი, რომელიც საერთოდ არ გამოიყენება.


რაც შეეხება სახელმწიფო კომპანიებს, მუდმივად წაგებაზე მუშაობს და შარშან ამ ციფრმა ნახევარ მლრდ. ლარსაც კი გადააჭარბა.  ასეთი კომპანიებია, საქართველოს რკინიგზა, საქართველოს ფოსტა და ა.შ. იმიტომ, რომ ყველა სახელმწიფოს საკუთრებაა, ეკონომიკა ამით ზარალდება და ზარალდება მოსახლეობაც“.


როგორც ხორგუაშვილი ამბობს, სახელმწიფო ბიუჯეტის მიხედვით ყოველწლიურად პრივატიზაციის პუნქტში დაახლოებით 60-70 მლნ. ლარია გათვლილი, რაც არასწორია. ხელისუფლებას ამ ციფრის გაზრდა მარტივად შეუძლია და შესაბამისად ეკონომიკური განვითარების დაჩქარებაც, მაგრამ ამას გამიზნულად არ აკეთებს:


სახელმწიფო აქტივები რაც შეიძლება სწრაფად რომ გასხვისდეს, რის შედეგადაც მკვეთრად გაიზრდება საბიუჯეტო შემოსავლები და რაც ისევ მოსახლეობაზე აისახება დადებითად. მიუხედავად იმისა, რომ ამ თემაზე საქართველოს ყველა პრემიერი საუბრობდა და ახლა გახარიასაც იგივე პათოსი აქვს, პრაქტიკა გამიზნულადაა საპირისპირო. რატომ? - სამი მიზეზია:


პირველი - სახელმწიფო ვერ თმობს ეკონომიკურ ძალაუფლებას, რადგან საუბარია მსხვილ ფინანსურ წყაროებზე. მეორე - ძალიან ბევრი სიპპ-ები და ააიპ-ებია, მათ შორის სახელმწიფო კომპანიები, სადაც მკვეთრად გაზრდილია პარტიული დასაქმება. მესამე - არ არსებობს ერთი ხედვა და მიმართულება. ყველა ზევიდან ელოდება ბრძანებას და თავის ინიციატივით ვერაფერს შვრება, ზევიდან კი პოლიტიკური ნება არ არის“.


ამ მოცემულობაში ზვიად ხორგუაშვილს ბიზნესგარემოების გაუმჯობესების მოლოდინი ნაკლებად აქვს. იგი დარწმუნებულია, რომ გახარიას პრემიერობის შემთხვევაშიც მნიშვნელოვანი ცვლილება არ განხოციელდება. მეტიც, სამთავრობო პროგრამის არ შესრულების პარალელურად, ახლა სრულიად საპირისპირო ქმედებებია დაწყებული:


„მნიშვნელოვან ცვლილებებს ნამდვილად არ ველოდები, მათ შორის არც ეკონომიკის ნაწილში. დიახ, ვთანხმდებით რომ აუცილებელია სახელმწიფო აქტივების გასხვისება, მაგრამ შედეგად ვიღებთ საპირისპიროს - მაგალითად, სულ ახლახანს გადაწყდა სამედიცინო სფეროს ნაციონალიზაცია. მედიკამენტების ფასების რეგულირება ხომ სრული კატასტროფაა და პირდაპირ ჯანსაღი ბიზბესგარემოს საწინააღმდეგოა. ამიტომ, რა თქმა უნდა, სამთავრობო პროგრამა ამჯერადაც ფურცელზე დაწერილი ფორმალობაა და მეტი არაფერი“.


ის რომ სახელმწიფო აქტივების პრივატიზება ნელი ტემპით მიმდინარეობს და წლიურად მისი ოდენობა 70 მლნ. ლარს ნამდვილად არ აღემატება, ამას ოფიციალური სტატისტიკაც ადასტურებს. რაც შეეხება გასხვისებულ ქონებას, რეიტინგი ამგვარად ნაწილდება :


  • 2019 წლის 1-ელ კვარტალში -  403 აუქციონის შედეგად 21.2 მლნ ლარის ღირებულების სახელმწიფო ქონება გაიყიდა.(აღსანიშნავია, რომ გასული წლის პირველ კვარტალთან შედარებით წელს სააგენტომ მეტი აუქციონი გამოაცხადა, თუმცა გაყიდული სახელმწიფო ქონების ღირებულება დაახლოებით 13 მლნ ლარითაა შემცირებული. გაყიდულ ობიექტებს შორის ჯერჯერობით არ მოხვედრილა სახელმწიფო საწარმო);


  • 2018 წელს 988 სახელმწიფო ქონება გადავიდა კერძო სექტორში, რითაც სააგენტომ სახელმწიფო ბიუჯეტში 115 600 000 ლარზე მეტის მობილიზება უზრუნველყო. გაყიდულ ობიექტებზე მოსალოდნელი ინვესტიციის ოდენობა დაახლოებით  68 000 000 ლარია. 

(წყარო: ეკონომიკისა და მდგრადი განვითარების სამინისტროს სსიპ „სახელმწიფო ქონების ეროვნული სააგენტო).


„კომერსანტი“ აგრძელებს სამთავრობო პროგრამის მიმოხილვას. უახლეს დღეებში ჩვენ სხვა საკითხზე გავამახვილებთ ყურადღებას.


სალომე ლემონჯავა




ჩვენ არ გვაქვს ცუდი შედეგები, 5%-იან ეკონომიკურ ზრდას უამრავი ქვეყანა ინატრებდა-დეპუტატები IRI-ს კვლევას აფასებენ

ჩვენ არ გვაქვს ცუდი შედეგები, 5%-იან  ეკონომიკურ ზრდას უამრავი ქვეყანა ინატრებდა-დეპუტატები IRI-ს კვლევას აფასებენ
access_time2019-11-19 20:10:10
„IRI- კვლევებს დიდ პატივს ვცემ მაგრამ იმ ხალხს ვინც საქართველოში სამუშაოებს ასრულებს მე მათი კვლევების არ მჯერა, რადგან შედეგები არასდროს გამართლებულა“ -ასე აფასებს საფინანსო-საბიუჯეტო კომიტეტის თავმჯდომარის პირველი მოადგილე პაატა კვიჟინაძე საერთაშორისო რესპუბლიკური ინსტიტუტის კვლევას, რომლის მიხედვითაც გამოკითხულთა 80% მიიჩნევს, რომ მათი უმთავრესი პრობლემებად უმუშევრობა, საცხოვრებელი ხარჯები და სიღარიბეა.   რატომ ვერ მიიღო მოსახლეობამ...

„საქართველოს ბანკი“- ახლო მომავალში ლარი იმ ნიშნულს დაუბრუნდება, რომელიც მის გაცვლით კურსს რეალურად ასახავს“

„საქართველოს ბანკი“- ახლო მომავალში ლარი იმ  ნიშნულს დაუბრუნდება, რომელიც  მის გაცვლით კურსს რეალურად ასახავს“
access_time2019-11-19 18:35:56
„საქართველოს ეკონომიკა ბოლო მონაცემებითაც აჩვენებს ისეთ შედეგებს, რომელიც მყარ საფუძველს იძლევა, იმისთვის რომ ლარი ახლო მომავალში დაუბრუნდება ნიშნულს, რომელიც რეალურად ასახავს მის გაცვლით კურსს“--ამის შესახებ „კომერსანტს“  „ საქართველოს ბანკის“ გენერალური დირექტორის მოადგილე სულხან გვალიამ განუცხადა.  მისივე განმარტებით,  ყველა კვლევაც ასე აჩვენებს, ლარის კურსი დაახლოებით 10%-ით მეტადაა გაუფასურებული. „აქვე, ერთმნიშვნელოვნად უნდა...

„ნამახვანი ჰესის მშენებლობა წყალტუბოს განვითარების გეგმას ჩააგდებს“

„ნამახვანი ჰესის მშენებლობა წყალტუბოს განვითარების გეგმას ჩააგდებს“
access_time2019-11-19 18:00:17
„როდესაც ქვეყანაში ისეთი პროექტების მშენებლობა გრძელდება, რომელიც გარემოს აზარალებს, ჩნდება ეჭვი, რომ მსგავსი დიდი პროექტების მეშვეობით ქვეყანაში ფული თეთრდება“- ამის შესახებ „კომერსატს“ არასამთავრობო ორგანიზაცია ”მწვანე ალტერნატივის” ბიომრავალფეროვნების კოორდინატორმა ირაკლი მაჭარაშვილმა განუცხადა. მისი თქმით, წყალტუბოს განვითარებაც შეიძლება ასეთ საკითხად მივიჩნიოთ თუ წინასწარ არ იქნა მისი დადებითი და უარყოფითი შედეგები...

ბრონქიტი -როგორ ავიცილოთ თავიდან გართულებები?

ბრონქიტი -როგორ ავიცილოთ თავიდან გართულებები?
access_time2019-11-19 14:30:24
ბრონქების ლორწოვანი გარსის ანთებას ბრონქიტი ეწოდება, რომელის ყველაზე ხშირი მიზეზიც ვირუსული ინფექციაა. კორონავირუსებს, რომლებიც ამ დაავადებას იწვევენ,ბევრი საერთო აქვთ გრიპისა და ატოპიური პნევმონიის გამომწვევ ვირუსთან. ერთი შეხედვით გარეგნულად სრულიად უწყინარი , თუმცა უკიდურესად სახიფათო არიან. გერმანელი სპეციალისტების გამოთვლით , ზამთრის სეზონზე მხოლოდ გერმანიაში გაციებისა და მისი გართულების შედეგად 12 ათასი ადამიანი იღუპება! ბრონქიტი ნამდვილად ეპიდემიად იქცა, რამდენადაც...

„სოკარს“ არ ვაწყენინოთ? - რატომ გადაიდო დიზელის საწვავზე „ევრო 5“-ის სტანდარტის ამოქმედება?

„სოკარს“ არ ვაწყენინოთ? - რატომ გადაიდო დიზელის საწვავზე „ევრო 5“-ის სტანდარტის ამოქმედება?
access_time2019-11-19 16:10:05
„აქ არ იყო მთავარი მხოლოდ ის, რომ სტრატეგიულ პარტნიორს და „სოკარს“ არ ვაწყენინოთ, აქ მნიშვნელოვანი სოციალურ ეკონომიკური ფაქტორი იკვეთება. „სოკარი“ ცალსახად არის მნიშვნელოვანი ინვესტორი და ეს ფაქტორიც გასათვალისწინებელია, თუმცა ამით ეკოლოგიური მდგომარეობა არ უარესდება“, - ასე აფასებს  „ნავთობპროდუქტების იმპორტიორთა კავშირის“ თავმჯდომარე ვანო მთვრალაშვილი დიზელის საწვავზე „ევრო 5“ სტანდარტის ამოქმედების 2021 წლამდე გადავადებას. დიზელის ახალი „ევრო 5“ სტანდარტის...


მსგავსი სიახლეები

up