Samsung–ის სმარტფონების შემდეგ მომხმარებელს Samsung-ის სარეცხი მანქანაც აუფეთქდა – ბრენდი ნდობას კარგავს

Samsung–ის სმარტფონების შემდეგ მომხმარებელს Samsung-ის სარეცხი მანქანაც აუფეთქდა – ბრენდი ნდობას კარგავს

access_time2016-12-14 13:50:30

მსოფლიოში Samsung–ის ბრენდის მიმართ Note7–ის და მაცივრების აფეთქების შემდეგ ნდობა მცირდება. როგორც republic.ru წერს, სამხრეთ კორეული კაპიტალიზმის სიმბოლოს, ქვეყნის მთავარ ეროვნულ სიამაყეს - კორპორაცია Samsung-ს - ბოლო დროს აშკარად არ უმართლებს, მის ირგვლივ ხმაურიანი სკანდალები არ წყდება.


კომპანიამ ფეთქებადი სმარტფონების პრობლემასთან გამკლავება ვერ მოასწრო რომ ახალი სირთულე გამოუჩნდა - ამერიკაში მომხმარებელს სარეცხი მანქანა აუფეთქდა. შედეგად სასამართლოში ასობით საჩივარი შევიდა, კორპორაციამ კი რამდენიმე მილიონი სარეცხი მანქანა ბაზრიდან გამოიწვია.


ამას შემდგომ ჩინეთში Samsung-ის მენეჯერების არაეთიკურ საქციელში დადანაშაულება მოჰყვა, შემდეგ კი სამხრეთ კორეის პრეზიდენტის მეგობრის სახლში ჩხრეკა და ბრალდება Samsung-თან დაკავშირებულ მექრთამეობაში.


დანაკარგების შეფასება არაა ადვილი - მხოლოდ სმარტფონების გამოწვევა კომპანიას 6 მლრდ. დოლარი დაუჯდება. კორპორაციის გარშემო განვითარებულმა მოვლენებმა კი Samsung-ის აქციების ფასი მინიმუმამდე შეამცირა.


ჩინურ სკანდალს არ მოუტანია პირდაპირი ფინანსური დანაკარგები, თუმცა მას საერთაშორისო რეპუტაცია ძალიან შეულახა.


კორპორაციისთვის არანაკლებ სერიოზული შეიძლება გახდეს სკანდალი ქვეყნის შიგნით. Samsung-ს ბრალს სდებენ, რომ კორპორაცია აფინანსებდა ქვეყნის პრეზიდენის მეგობარ-ქალს ჩხე სუნ სულსა, რომელიც იყენებდა თავის გავლენას სახელმწიფო საქმეებში ჩარევისთვის და მათ შორის, Samsung-ის სასარგებლოდ.


ამჟამად პრეზიდენტს ემუქრება იმპიჩმენტი, Samsung-ის ოფისებში კი ჩატარდა რამდენიმე მასშტაბური ჩხრეკა.


Samsung - არის სამხრეთ კორეის უმსხვილესი ე.წ. „ჩებოლი" - ანუ მრავალპროფილური საოჯახო კორპორაცია. ასევე ისაა ქვეყნის უმსხვილესი ექსპორტიორი. მისი აქტივები შეადგებს 529 მლრდ. დოლარს, შემოსავლები 2015 წელს - 170 მლრდ. Samsung-ზე მოდის სამხრეთ კორეის მშპ-ს 8%, კორპორაციის კაპიტალიზაცია შეადგენს 214 მლრდ. დოლარს. Samsung-ის მოწინავე ქვეგანყოფილება Samsung Electronics-ში მხოლოდ სამხრეთ კორეაში მუშაობს 100 000 კაცი, ქვეყნის ფარგლებს გარეთ - კიდევ 200 000. კორპორაციის სხვა ქვეგანყოფილებები კი მუშაობს სხვა და სხვა დარგებში.


„სამხრეთ კორეაში მთელმა სიცოცხლემ შეიძლება ჩაიაროს Samsung-ის გარემოცვაში. ადამიანი შეიძლება დაიბადოს Samsung-ის კლინიკაში, დაამთავროს Samsung-ის სკოლა და უნივერსიტეტი, გაატაროს თაფლობის თვე Samsung-ის სასტუმროში, იყიდოს Samsung-ის აშენებული ბინა, მოაწყოს ის Samsung-ის ტექნიკით, რომელსაც შეიძენს Samsung-ის საკრედიტო ბარათით, ატაროს ბავშვები Samsung-ის გასართობ ცენტრში, ხოლო სიკვდილის შემდეგ მას დაასაფლავებს Samsung-ის რიტუალების კომპანია" - წერს „New York times" - ის ჟურნალისტი ჯეფრი გრინი.


ამჟამად პრობლემები გასცდა ერთ კონკრეტულ პროდუქტს - საუბარია მთელი კორპორაციის რეპუტაციაზე, რაც გაცილებით უფრო მეტია, ვიდრე ერთი ფეთქებადი სმარტფონის ირგვლივ დატრიალებული გაუგებრობა.


თუმცა, Samsung-ის ისტორია არც აქამდე იყო კრისტალურად სუფთა. მას არაერთხელ მოუწია პროდუქციის გაწვევა - ეს იყო სარეცხი მანქანები, მაცივრები, მიკროტალღური ღუმელები, ახლა კი სმარტფონები.


კორპორაცია არაერთხელ დაადანაშაულეს ბავშვთა შრომაში. Samsung-ის ასობით თანამშრომელი ავადდებოდა ონკოლოგიური დაავადებებით იმის გამო, რომ მათ ჰქონდათ ახლო კონტაქტი წარმოებაში გამოყენებულ მავნე ქიმიურ ნივთიერებებთან. მოგვიანებით კოპმანიამ ბოდიშიც კი მოიხადა, და გამოყო ათეულობით მილიონი დოლარი დაზარალებულთა დასახმარებლად. კორპორაციის გენერალური დირექტორი ლი გონ ხი გაასამართლეს ფინანსური მაქინაციების ბრალდებით, თუმცა მოგვიანებით ის შეიწყალეს.



ექსპერტები ზოგიერთ ზემოთჩამოთვლილ სკანდალს „ჩებოლებს" უკავშირებენ, რომლებიც აკონტროლებენ სამხრეთ კორეის ეკონომიკის 50%-ს. მათ გააჩნიათ რამდენიმე თანდაყოლილი ნაკლი - მაგალითად, ძალიან დახურული კორპორაციული სტრუქტურა და ზედმეტად ახლო კონტაქტები სახელმწიფოსთან.


„ჩებოლები"-ს რეპუტაცია არაერთგვაროვანია - ისინი არიან ქვეყნის ეკონომიკის საფუძველიც და ამავე დროს, 90-იანი წლების კრიზისის მიზეზიც - დიდი ვალების გამო. „ჩებოლები" ქმნიან ასობით ათას სამუშაო ადგილს, თუმცა მათ აკრიტიკებენ გაუმჭვირვალობის და ბაზრიდან საშუალო ბიზნესის განდევნის გამო.

 

საერთო აზრი გამოთქვა სამხრეთ კორეის სამრეწველო ფედერაციის პრეზიდენტმა ლი ჩხოლ ჰენმა: „მეზიზღება ჩებოლები, მაგრამ მინდა ჩემმა შვილმა იმუშაოს ჩებოლში".


„ჩებოლების" მიმართ კიდევ ერთი პრეტენზია - მართვის ავტორიტარული სტილია, რაც შეიძლებოდა ფეთქებადი სმარტფონის გაყიდვამდე მისვლის მიზეზი გამხდარიყო. 


„რასაც გეტყვის უფროსი - ბრძანებაა, როგორც ჯარში. Samsung-ის ხელმძღვანელს აღმერთებენ თითქმის ისევე, როგორც ჩრდილოეთ კორეაში ქვეყნის ლიდერს. ყოველი ახალი მთავრობა იწყებს იმით, რომ ცდილობს „ჩებოლების" გავლენის შემცირებას, თუმცა ყოველთვის - უშედეგოდ" - ამბობს Samsung-ის ყოფილი მენეჯერი მაიკლ კიმი.


„ჩებოლებს" ასევე აკრიტიკებდნენ კორუფციის მაღალი დონის გამო - Samsung-ის ტოპ-მენეჯმენტში საკმაოდ ხშირია სკანდალები, არაერთი მენეჯერი მსჯავრდებულ იქნა სხვადასხვა ბრალდებით.

 

 

ამის მიუხედავად, Samsung-ის ძლევამოსილება არსად არ ქრება. არც არის გასაკვირი. ის ხომ სახელმწოფი სახელმწიფოშია". ის ხომ Samsung-ია.

 

რა სიტუაციაა საქართველოში? დაფიქსირდა თუ არა მომხმარებლის მხრიდან Samsung-ის ტექნიკასთან დაკავშირებით რაიმე პრეტენზია? 

 

ტექნიკის მაღაზიათა ქსელ „სმაილში" აცხადებენ, რომ მათ კომპანიაში და არც საქართველოში „სამსუნგის" ბრენდის სარეცხი მანქანების აფეთქების შემთხვევები არ დაფიქსირებულა. მათი თქმით, ინფორმაცია „სამსუნგის" სარეცხის მანქანების აფეთქებასთან დაკავშირებით უფრო ჭორია, ვიდრე რეალობა. „სამსუნგის" სარეცხის მანქანები ხარისხით ერთ-ერთი გამორჩეულია. ზოგადად,ტექნიკა იმდენნაირად იტესტება, რომ მეეჭვება რამე გაპარვოდათ და რეაგირება არ ჰქონოდათ. როდესაც Note7-ზე პრობლემა იყო, მაშინ ოფიციალურად მოიწერეს, ამ შემთხვევაში მათგან არანაირი შეტყობინება არ მოსულა"-აცხადებენ „სმაილში"

 

„სამსუნგის" სარეცხის მანქანების აფეთქების შემთხვევი არ დაფიქსირებულა არც ტექნიკის მაღაზიათა ქსელ "გრანდ ელექტრონიქსში". კომპანიის კომერციული მენეჯერი გიორგი ჭედია აცხადებს, რომ როდესაც კონკრეტულ ბრენდზე პრობლემაა, ამ დროს მომხმარებელი სერვის ცენტრს მიმართვს, თუმცა, მათთან ინფორმაცია მსგავსი ხარვეზის შესახებ მაინც დაფიქსირდებოდა.

 

 

 ავტორი: "კომერსანტი", გამოყენებულია republic.ru-ს მასალები.



ნათია თურნავა - მიუნხენში რეგულარული ფრენები 2 აგვისტოდან დაიწყება

ნათია თურნავა - მიუნხენში რეგულარული ფრენები 2 აგვისტოდან დაიწყება
access_time2020-07-14 14:36:50
„ლუფთანზას“ შეუძლია, მიუნხენის მიმართულებით ნებისმიერ დროს აღადგინოს მიმოსვლა - ჩვენ შევეხმიანებით, თუ არის შესაძლებელი, რომ უკვე ივლისში დაიწყოს ფრენები, - ამის შესახებ ჟურნალისტებს ეკონომიკისა და მდგრადი განვითარების მინისტრმა, ნათია თურნავამ განუცხადა.   მისი თქმით, მიუნხენის აერპორტზე შეზღუდვა მოხსნილია და ყველაზე გვიან, რეგულარული ფრენები 2 აგვისტოდან დაიწყება.   „გერმანიის მიმართულება არის ერთ-ერთი პირველი, ვისთანაც აღვადგენთ რეგულარულ ფრენებს....

RealClearEnergy: „ფრონტერას“ მხრიდან საარბიტრაჟო სასამართლოს გადაწყვეტილების შეუსრულებლობა სამართლის ექსპერტების მოსაზრებებს ეწინააღმდეგება

RealClearEnergy: „ფრონტერას“ მხრიდან საარბიტრაჟო სასამართლოს გადაწყვეტილების შეუსრულებლობა სამართლის ექსპერტების მოსაზრებებს ეწინააღმდეგება
access_time2020-07-14 12:00:17
„უჩვეულო დავა მიმდინარეობს ტეხასის ენერგეტიკულ ფირმასა და საქართველოს სახელმწიფო საკუთრებაში არსებულ ნავთობკომპანიას შორის, ბრძოლა, რომელიც აერთიანებს კორპორატიული ინტრიგების, საერთაშორისო სამართლისა და აშშ-ის ეროვნული უსაფრთხოების ელემენტებს. ერთ მხარეს არის საქართველო, აშშ-ის მოკავშირე და ნატოს პარტნიორი, რომელმაც ხელი მოაწერა ნავთობის მოძიების ხელშეკრულებას ტეხასის კომპანიასთან 1990-იანი წლების შუა პერიოდში, საბჭოთა კავშირისგან დამოუკიდებლობის მოპოვებიდან მალევე. მოწინააღმდეგე მხარეა...

„თელიასონერა“ მაგთიკომის მფლობელს პარლამენტის ტრიბუნიდან გაკეთებული სიცრუის ტირაჟირებაში ამხელს

„თელიასონერა“ მაგთიკომის მფლობელს პარლამენტის ტრიბუნიდან გაკეთებული სიცრუის ტირაჟირებაში ამხელს
access_time2020-07-14 13:22:50
„მსურს ხაზი გავუსვა, რომ ჩვენი გადაწყვეტილება რეგიონიდან გასვლის შესახებ, გამომდინარეობს  „თელიასონერას ბიზნეს სტრატეგიიდან და არავითარ შემთხვევაში არ ეხება ცალკეულად თქვენს ქვეყანას, საქართველოს, - ეს ამონარიდია იმ წერილიდან, რომელიც კომპანია „თელიასონერას  პრეზიდენტმა და აღმასრულებელმა დირექტორმა იოჰან დენელინდიმ 2015 წლის 16 ნოემბერს მაშინდელი კომუნიკაციების კომისიის თავმჯდომარეს და ეკონომიკის მინისტრს მიწერა.       როგორც ჩანს,...

პანდემიის მიუხედავად სასტუმროებმა ფასები წინა წელთან შედარებით არ შეამცირეს

პანდემიის მიუხედავად სასტუმროებმა ფასები წინა წელთან შედარებით არ შეამცირეს
access_time2020-07-14 14:00:33
საქართველოში სასტუმროს საშუალო ფასები გაიზარდა. PMCG- ის კვლევითი ცენტრის მიერ მომზადებული კვლევის მიხედვით ირკვევა, რომ 2020 წლის მაისთან შედარებით ივნისის თვეში 5 ვარსკვლავიანი, 4 ვარსკვლავიანი და 3 ვარსკვლავიანი ტიპის სასტუმროების ფასები 2,4%-ით გაიზარდა. ხოლო საოჯახო ტიპის სასტუმროების ფასმა 9.9 % — ით იმატა. 2020 წლის...

ლევან კობერიძე „საზოგადოებრივი ჯანმრთელობის შესახებ“ კანონპროექტის საკონსტიტუციო სასამართლოში გასაჩივრებას გეგმავს

ლევან კობერიძე „საზოგადოებრივი ჯანმრთელობის შესახებ“ კანონპროექტის საკონსტიტუციო სასამართლოში გასაჩივრებას გეგმავს
access_time2020-07-14 13:00:03
პარლამენტის მიერ საზოგადოებრივი ჯანმრთელობის შესახებ კანონში ცვლილებების პროექტის დამტკიცების შემთხვევაში, ფრაქცია დამოუკიდებელი დეპუტატები მას საკონსტიტუციო სასამართლოში გაასაჩივრებს. ამის შესახებ ჟურნალისტებს ფრაქციის წევრმა ლევან კობერიძემ განუცხადა.   ეს კანონი უკვე ანტიკონსტიტუციურია, მაგრამ ის იმ დათქმით არის მიღებული, რომ იმოქმედოს 15 ივლისამდე. ეს კანონი პარლამენტის გვერდის ავლით, მთავრობას აძლევს იმ უფლებების შეზღუდვის საშუალებას, რაც მხოლოდ და მხოლოდ საგანგებო...


მსგავსი სიახლეები

up