Samsung-ის ვიცე-თავმჯდომარე საპატიმროს პირობითი მსჯავრით დატოვებს

Samsung-ის ვიცე-თავმჯდომარე საპატიმროს პირობითი მსჯავრით დატოვებს

access_time2021-08-11 16:10:00

სამხრეთ კორეის იუსტიციის სამინისტროს განცხადებით, ქრთამის აღებასა და ფინანსების გაფლანგვაში მსჯავრდებული Samsung Electronics-ის ვიცე-თავმჯდომარე ჯეი ლი საპატიმროს პირობითი მსჯავრით პარასკევს დატოვებს. სამინისტროს განცხადებაში ნათქვამია, რომ უწყების გადაწყვეტილება ტექ-კომპანიის ვიცე-თავმჯდომარის გათავისუფლებასთან დაკავშირებით სხვადასხვა ფაქტორთა ერთობლიობას ეფუძნება, რომელთა შორისაც საზოგადოების თანაგრძნობა და სასჯელის მოხდის დროს კარგი ქცევაც შედის.


ჯეი ლის ბრალი სამხრეთ კორეის ყოფილი პრეზიდენტის მეგობრისათვის ქრთამის შეთავაზებაში ედება. 53 წლის ლიმ 30-თვიანი სასჯელიდან 18 თვე ციხეში მოიხადა. თავდაპირველად იგი 5 წლიან სასჯელს იხდიდა, რომელიც 2017 წლის აგვისტოში შეუჩერეს. ამის შემდეგ აღნიშნული სასამართლო გადაწყვეტილება გააუქმეს და მსჯავრდებულს სასჯელი შეუმცირეს, ციხეში კი მიმდინარე წლის იანვარში დააბრუნეს.


საინტერესოა, რომ მსოფლიოში სმარტფონებისა და ჩიპების უმსხვილესი მწარმოებლის, Samsung-ის ყოველდღიური მუშაობის გრაფიკზე ჯეი ლის არყოფნას გავლენა არ მოუხდენია. თუმცა, კომპანიის მესვეურების განცხადებით, სწორედ ლი არის პასუხისმგებელი კორპორაციის მთავარ ინვესტიციებზე.



კორეული ინდუსტრიის ფედერაციამ, ბიზნესგაერთიანებამ საკუთარ განცხადებაში აღნიშნა, რომ მიესალმება სამხრეთ კორეის იუსტიციის სამინისტროს გადაწყვეტილებას ჯეი ლის პირობითი მსჯავრით გათავისუფლებასთან დაკავშირებით.


თუმცა, ჯერ-ჯერობით იუსტიციის მინისტრს მსჯავრდებულისათვის სამუშაო გარემოში დაბრუნების შესაძლებლობა არ მიუცია. სამხრეთ კორეული სისხლის სამართლის კანონმდებლობა პირს, რომელიც მსჯავრდებულია კონკრეტული დანაშაულისათვის, 5 წლის განმავლობაში უკრძალავს ამ დანაშაულთან დაკავშირებულ კომპანიაში საქმიანობას. თუმცა სამართლის ექსპერტების მოსაზრებით, ჯეი ლი იუსტიციის მინისტრისაგან ამ ნებართვას მიიღებს.


forbes.ge

თეგები:
ჯეი ლი



სამეზობლოში ეკონომიკის ზრდის ტემპით საქართველო ლიდერია

სამეზობლოში ეკონომიკის ზრდის ტემპით საქართველო ლიდერია
access_time2021-10-24 12:00:04
მიმდინარე წელს საქართველო ეკონომიკის ზრდის ტემპით ახალ-ახალ რეკორდებს ამყარებს. ოფიციალური სტატისტიკის მიხედვით, 2021 წლის პირველ 6 თვეში საქართველოს ეკონომიკა საშუალოდ 12.7%-ით გაიზარდა. აღსანიშნავია ისიც, რომ პირველ კვარტალში უშუალოდ ჩვენი ეკონომიკა 4.5%-ით შემცირდა, თუმცა უკვე მეორე კვარტალში საკმაოდ მაღალი 29.8%-იანი ზრდა...

სად არის "შავი ოქროს" ყველაზე დიდი მარაგი

სად არის
access_time2021-10-24 18:00:28
საუდის არაბეთი მეორე ქვეყანაა მსოფლიოში ნავთობის დადასტურებული მარაგებიით. მის ტერიტორიაზეა 267,1 მლრდ. ბარელი, რაც მსოფლიო მარაგების 17, 2%- ს შეადგენს.   ამ დროისთვის მსოფლიოში ნავთობის დადასტურებული მარაგი 1,5 ტრლნ.ბარელს შეადგენს.   საუდის არაბეთის ენერგეტიკის სამინისტროს მონაცემებით, ქვეყნის ტერიტორიაზე ნავთობის მოპოვების პოტენციალი 2020 წელს 0, 003%, ანუ, 9 მლნ. ბარელით გაიზარდა. მთელი ამ ნავთობის მხოლოდ ნაწილია დღეს აქტიური მოპოვების...

ავტოსადგურების სერტიფიცირება ამ დრომდე ვერ ხერხდება

ავტოსადგურების სერტიფიცირება ამ დრომდე ვერ ხერხდება
access_time2021-10-24 16:00:46
ქვეყანაში უკანონო ავტოსადგურების არსებობაზე დიდი ხანია საუბრობენ ტრანსპორტისა და ლოგისტიკის ექსპერტები, თუმცა პრობლემა ამ დრომდე...

თბილისისთვის საბაგირო გზების განვითარება გამოწვევად რჩება

თბილისისთვის საბაგირო გზების განვითარება გამოწვევად რჩება
access_time2021-10-23 19:00:43
ბოლო სამი წელის თბილისის მერიამ გააქტიურა მუშაობა დედაქალაქის საბაგირო გზების მიმართულებით, თუმცა თბილისისთვის საბაგირო გზების განვითარება ჯერ კიდევ გამოწვევად რჩება.  2019 წელს დედაქალაქის მერმა კ. კალაძემ დაანონსა - თბილისში სამი მიმართულებით სამგორი-ვაზისუბანი, ახმეტელი-თემქა და სამება-მახათის მთა საბაგირო ხაზების პროექტების განხორციელება. იმ დათქმით, რომ პროექტების განხორციელების პრიორიტეტულობას ტექნიკურ-ეკონომიკური კვლევის შედეგის შემდეგ გადაწყვეტდნენ; 2019 წელსვე  „თბილისის...

თბილისის ლოგისტიკური ცენტრის პროექტი დაპირებად დარჩა

თბილისის ლოგისტიკური ცენტრის პროექტი დაპირებად დარჩა
access_time2021-10-24 14:00:26
საქართველო კვლავ ძლიერი და გამართული ლოგისტიკური ცენტრების გარეშეა. არადა, ჯერ კიდევ 2017 წელს ეკონომიკის მინისტრმა გიორგი გახარიამ ტექნოპარკში  კერძო სექტორისა და საერთაშორისო საფინანსო ინსტიტუტების წარმომადგენლებს გააცნო ჯამურად 152.8 მლნ დოლარის ღირებულების ახალი საინვესტიციო პროექტი, რომელიც მიზნად თბილისსა და ქუთაისში ლოგისტიკური ცენტრების განვითარებას ისახავდა. გეგმით, ორივე ლოგისტიკურ ცენტრში ჯამურად 800-ზე მეტი ახალი სამუშაო ადგილი შეიქმნებოდა. ამ პროექტის განსახორციელებლად...


მსგავსი სიახლეები

up