Samsung Galaxy S10 სმარტფონები უკვე საქართველოშია!

Samsung Galaxy S10 სმარტფონები უკვე საქართველოშია!

access_time2019-03-07 17:00:49

6 მარტს სამსუნგის წარმომადგენლობამ საქართველოში, ქართული სახვითი ხელოვნების მუზეუმში უახლესი Galaxy S10-ის პრეზენტაცია გამართა, რომელსაც პარტნიორი ტექნიკის მაღაზიების წარმომადგენლები, ტექნოლოგიური ბლოგერები, მედია და Galaxy-ის ერთგული მომხმარებლები ესწრებოდნენ. სტუმრებს საშუალება მიეცათ მოესმინათ დეტალური ინფორმაცია, ადგილზე დაეტესტათ უახლესი ფლაგმანები და მონაწილეობა მიეღოთ გათამაშებაში - სადაც მთავარი პრიზი სწორედ, რომ Galaxy S10 იყო.



Galaxy S სერიის პირველი სმარტფონის გამოჩენიდან ათწლეულის შემდეგ, 20 თებერვალს Samsung Electronics-მა Galaxy S10 სერიის ახალი ფლაგმანი მოწყობილობები წარადგინა და საფუძველი ჩაუყარა მობილური ინოვაციების განვითარების ახალ დეკადას. პრემიალური სიახლეების ჩამონათვალშია - ძირითადი მოდელი Galaxy S10, გაზრდილი ზომის მოდელი Galaxy S10+ - მათ შორის კერამიკული კორპუსით და 1 TB შიდა მეხსიერებით, Galaxy S10e კომპაქტური კორპუსითა და ბრტყელი ეკრანით.


დღეს კი ეს სმარტფონები უკვე საქართველოშია და ოფიციალური გაყიდვები 8 მარტიდან იწყება. მომხმარებელს შეუძლია შეიძინოს Galaxy S10e|S10|S10+ სამსუნგ ელექტრონიქსის ბრენდ მაღაზიასა და ოფიციალური პარტნიორების (ალტაოქეი, ელიტ ელექტრონიქსი, მეტრო მარტი, მაგთი, არაი-სმაილი) მაღაზიათა ქსელებში ოფიციალური ჰოლოგრამით.



Galaxy S10 სერიის მოდელებში Samsung Electronics-მა შემოგვთავაზა სრულიად ახალი ეკრანისა და დიზაინის კონცეფცია. ეს არის სინემატიკური ე.წ. Infinity O-ტიპის ეკრანი, რომელიც გამოირჩევა თითქმის გამქრალი ჩარჩოებით და ეკრანში ინტეგრირებული ფრონტალური კამერით, რომელიც სმარტფონებს ინოვაციურ დიზაინს სძენს. ამ შთამბეჭდავი ეკრანის დასაცავად პირველად სმარტფონებში გამოიყენება Corning Gorilla Glass 6 თაობის დაცვა.


ეფექტური დიზაინის გარდა Galaxy S10-ის ეკრანი გამოირჩევა იმით, რომ აქვს საუკეთესო გამოსახულების ხარისხი დღეს: ყველაზე მაღალი სიმკვეთრის მაჩვენებელი, 2K+ რეზოლუცია, Dynamic AMOLED ტექნოლოგია და ასევე მსოფლიოში პირველად HDR10+ის მხარდაჭერა, რაც უზრუნველყოფს მილიარდზე მეტი ფერის გადმოცემის შესაძლებლობას და მუდმივად ფერების გრადაციის კორექტირებას. 
Galaxy S10 | S10+ში გამოიყენება უსაფრთხოების თანამედროვე მექანიზმი: თითის ანაბეჭდის სკანერი ეკრანში. ეს სმარტფონის უბრალო განბლოკვასაც კი ეფექტურად წარმოაჩენს. Galaxy S10 | S10+ ში მსოფლიოში პირველი თითის ანაბეჭდის ულტრაბგერითი სენსორი გამოიყენება, რომელიც უფრო დაცულია და სველ თითსაც კი აღიქვამს.



Galaxy S10 მოდელებში სამსუნგ Samsung Electronics-ი გპირდებათ 24 საათიან მუშაობის ხანგრძლივობას. ამის თქმის საშუალებას რამდენიმე ფაქტორი გვაძლევს: დიდი ზომის აკუმულატორი, ენერგოეფექტური ახალი თაობის პროცესორი, გონიერი ოპერაციული სისტემა და გაგრილების მექანიზმები.





Galaxy S10 მოდელებს აქვთ ენერგიის უსადენოდ გაცემის ფუნქცია. ამ ფუნქციის გამოსაყენებლად უბრალოდ უნდა დაადოთ თქვენს სმარტფონს სხვა სმარტფონი, სმარტ საათი ან უსადენო ყურსასმენები და ისინი მიიღებენ ენერგიას თქვენი Galaxy S10-დან.




Galaxy S10, S10+ ს აქვს 3 ძირითადი კამერა. თითოეულ მათგანს თავისი კონკრეტული დანიშნულება და ფუნქცია აქვს:


*ფართოკუთხოვანი ლინზა, დიაფრაგმის მოძრავი მექანიზმით და ორმაგი პიქსელების ტექნოლოგიით, იღებს იდეალურ სურათს ღამით და აქვს ძალიან სწრაფი ფოკუსი;


*ტელეფოტო ტიპის ლინზა, იდეალური პორტრეტისათვის ფონის გაბუნდოვნებით და ოპტიკური მოახლოვებისათვის ხარისხის დაკარგვის გარეშე;
*ულტრა განიერი ლინზა, სპეციალურად ლამაზი პეიზაჟებისათვის ან ჯგუფური ფოტოებისათვის. იდეალურია მოვლენის აღსაბეჭდად ვიდეო გადაღებით. 
ფრონტალურ კამერას რაც შეეხება, აქაც გვაქვს საინტერესო სიახლეები. Galaxy S10 მოდელები პირველია, რომლებსაც შეუძლიათ 4K (UHD) რეზოლუციის ვიდეოგადაღება ფრონტალური კამერით. Galaxy S10 მოდელების ფრონტალური კამერა აღჭურვილია Dual Pixel ტექნოლოგიით, რაც უზრუნველყოფს მაქსიმალურად სწრაფ ფოკუსირებას და მკვეთრ სელფის.



ათი წლის წინ პირველი მოდელის გამოჩენისთანავე Galaxy S სერია პრემიალური ინოვაციების სახე გახდა და მომხმარებლებს სთავაზობდა წარმოუდგენელ შთაბეჭდილებებს, რომელიც კონკრეტულად მათზე იყო მორგებული - განაცხადა DJ Koh-მ Samsung Electronics-ის პრეზიდენტმა და IT და მობილური კომუნიკაციების ხელმძღვანელმა - Galaxy S10 ეფუძნება S სერიის მდიდარ მემკვიდრეობას და ასახავს ინოვაციებს ეკრანის, კამერისა და მწარმოებლურობის მიმართულებით. ოთხი პრემიალური მოწყობილობა, რომელთაგან თითოეული განკუთვნილია კონკრეტული ტიპის მომხმარებლისთვის, საშუალებას მისცემს Samsung- ს გააძლიეროს საკუთარი პოზიცია სმარტფონების ტექნოლოგიების ახალი ეპოქის გახსნით.



სამსუნგი გირჩევთ, შეიძინოთ სმარტფონები მხოლოდ სამსუნგის ოფიციალური ჰოლოგრამით; ჰოლოგრამა გიცავს!



(R)






გურამიშვილის გამზირზე საცხოვრებელ კორპუსში აფეთქება მოხდა, არის ნგრევა

გურამიშვილის გამზირზე საცხოვრებელ კორპუსში აფეთქება მოხდა, არის ნგრევა
access_time2019-10-19 09:21:35
ურამიშვილის გამზირის #34-ში, საცხოვრებელ კორპუსში აფეთქება მოხდა. არის ნგრევა. როგორც ინტერპრესნიუსს საგანგებო...

შალვა ცხაკაია - „ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება“

შალვა ცხაკაია - „ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება“
access_time2019-10-19 11:00:59
ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება, – ამის შესახებ დამსაქმებელთა ასოციაციის იურიდიული კომიტეტის თავმჯდომარე შალვა ცხაკაიამ საქართველოს პირველი არხის გადაცემა „ბიზნესპარტნიორში“.   გადაცემაში ბიზნესომბუდმენისა და საქართველოს ბიზნესგაერთიანებების შეხვედრა განიხილეს, რომელიც შრომის კოდექსთან დაკავშირებულ საკამათო ცვლილებებს მიეძღვნა. ცვლილებების ინიციატორი დეპუტატი დიმიტრი ცქიტიშვილია და მისი...

„თუ ეკონომიკური შინაარსით შევხედავთ ლარის კურსს, მას აქვს გრძელვადიანად გამყარების ტრენდი“

„თუ ეკონომიკური შინაარსით შევხედავთ ლარის კურსს, მას აქვს გრძელვადიანად გამყარების  ტრენდი“
access_time2019-10-19 10:00:32
„თუ ეკონომიკური შინაარსით შევხედავთ ლარის კურსს, მას  გრძელვადიანად გამყარების  ტრენდი აქვს, მაგრამ დოლართან არის გაუფასურებული. ეს კი ნიშნავს იმას,რომ ქვეყნის ფინანსური სექტორისთვის დოლარიზაცია არის პრობლემა. დოლარიზაცია არის სენი ჩვენი ფინანსური სექტორის, რომლიდანაც ნელ-ნელა გამოვდივართ,“ - განაცხადა  რადიო კომერსანტზე გადაცემაში „ეკონომისტის დრო ლევან ქისტაურთან ერთად“ საქართველოს ეროვნული ბანკის ვიცე–პრეზიდენტმა, არჩილ მესტვირიშვილმა. „ხშირ შემთხვევაში მოსახლეობა...

მთავარი არხის წილი საქართველოს უნივერსიტეტმაც იყიდა

მთავარი არხის წილი საქართველოს უნივერსიტეტმაც იყიდა
access_time2019-10-18 20:37:41
მარი ანნა რურუასა და გიორგი რურუას შემდეგ მთავარი არხის წილი საქართველოს უნივერსიტეტმაც იყიდა. უნივერსიტეტის ერთ-ერთი მეწილე საქართველოს ექსპრეზიდენტის, მიხეილ სააკაშვილის დედა, გიული ალასანიაა. ინფორმაცია ამის შესახებ თავდაპირველად ნეტგაზეთმა გაავრცელა.   ნასყიდობის ხელშეკრულების მიხედვით, კახაბერ ანჯაფარიძის საკუთრებიდან არხის 2-პროცენტიანი წილი 2 ათას ლარად გაიყიდა და საქართველოს უნივერსიტეტს ერთი კვირის ვადაში 200 ათასი...

გიორგი გახარია - ნათია თურნავა არის ამ კაბინეტის ერთ-ერთი ყველაზე ძლიერი მინისტრი, სხვა ყველაფერი არის ჭორაობა

გიორგი გახარია - ნათია თურნავა არის ამ კაბინეტის ერთ-ერთი ყველაზე ძლიერი მინისტრი, სხვა ყველაფერი არის ჭორაობა
access_time2019-10-18 17:55:11
ნათია თურნავა არის ამ კაბინეტის ერთ-ერთი ყველაზე ძლიერი მინისტრი, სხვა ყველაფერი არის ჭორაობა და მის ცვლილებაზე საუბარი პოლიტიკური კონიუნქტურიდან მოგონილი ჭორებია, - ამის შესახებ საქართველოს პრემიერ-მინისტრმა გიორგი გახარიამ ეკონომიკისა და მდგრადი განვითარების სამინისტროს წარმომადგენლებთან სამუშაო შეხვედრისას განაცხადა. მთავრობის მეთაურის განმარტებით, ამ თემაზე კითხვის ნიშნები არ არსებობს და ვერ იარსებებს. „უნდა ვიცოდეთ, რომ ეს არის პოლიტიკური...


მსგავსი სიახლეები

up