სამშენებლო სექტორი მშენებლობის სამინისტროს აღდგენას ითხოვს

სამშენებლო სექტორი მშენებლობის სამინისტროს აღდგენას ითხოვს

access_time2021-10-12 13:00:24

სამშენებლო სფეროს წარმომადგენლები აცხადებენ, რომ დარგში არსებული პრობლემის მოგვარება მშენებლობის სამინისტროს აღდგენით უნდა დაიწყოს. მათი თქმით,  მშენებლობაზე უკანონო ნებართვა ადვილად მოსაპოვებელ-გასაცემი გახდა სწორედ მშენებლობის სამინისტროს გაუქმების შემდეგ, როცა მიზანმიმართულად დაიწყო ბაზრის ლიბერალიზაცია და კონტროლი მაქსიმალურად შეასუსტეს.



მშენებელთა ლიგის თავმჯდომარის ანზორ საკანდელიძის განცხადებით, დროულად თუ არ მიიღებენ ზომებს და არ იზრუნებენ მშენებლობის სამინისტროს აღდგენაზე, ბათუმის შემთხვევა არ იქნება უკანასკნელი და შეიძლება მსგავსი ფაქტი ნებისმიერ მომენტში მოხდეს სხვა რეგიონებშიც, მათ შორის დედაქალაქში.


 

,,მშენებლობის სამინისტროს გაუქმება იყო დიდი შეცდომა. როდესაც მიხეილ სააკაშვილი ქვეყნის მმართველობაში მოვიდა, პირველი რაც გააკეთა, ამ სამინისტროს გაუქმებაა. იგივე მოხდა იმ პერიოდში უკრაინაშიც - მშენებლობის სამინისტრო გაუქმდა პრეზიდენტ იუშენკოს გადაწყვეტილებით, თუმცა უკრაინელებს  ეყოთ ჭკუა და უწყება წელიწადნახევარში აღადგინეს. ჩვენ შემთხვევაში, 17 წელი გავიდა და ამ საკითხს ვერ მივხედეთ.  სამშენებლო კომპანიების მხრიდან უამრავი შემთხვევაა, რომ გადაიხადეს ფული და იყიდეს მშენებლობის ნებართვა, უსაფრთხოებაზე არავინ იზრუნა. ბათუმში დანგრეული შენობა დაახლოებით 50 წლისაა. ეტყობა, ისე მოხდა დაშენება, მერე კი საყრდენი კედლის დარღვევა, რომ არავინ შეამოწმა წინასწარ, ძველი შენობა იყო, ისედაც ძლივს ედგა სული და ვერ გაუძლო. მშენებლობის სამინისტრო რომ  აქამდე აღედგინათ, პრობლემის დიდი ნაწილი უკვე მოგვარდებოდა და შეიძლება ეს ტრაგედიაც აგვეცილებინა თავიდან“, - ამბობს საკანდელიძე ,,კომერსანტთან“ საუბარში.

 


მშენებელთა ლიგის თავმჯდომარე ირწმუნება, რომ სანამ ეს უწყება არ განაახლებს მუშაობას, თბილისის მოსახლეობა უსაფრთხოდ ვერ იქნება.





მშენებლობის სამინისტროს აღდგენა  ერთ-ერთი საკითხია, რაზეც მენაშენეთა ასოციაციის ხელმძღვანელმა ირაკლი როსტომაშვილმა 11 ოქტომბრის პრეს-კონფერენციაზე ისაუბრა.



,,სპეციალისტებმა, ცხადია, უნდა შეიმუშაონ კანონმდებლობა, მე ვფიქრობ, დაგვიანებულიც კია, მაგრამ სჯობს – დროზე გავაკეთოთ – ეს არის მშენებლობის სამინისტრო. თან ეს მშენებლობა ცუდია თუ კარგია, მთლიანი შიდა პროდუქტის ძალიან დიდ ნაწილს შეადგენს, ამის რეგულაცია და სწორ ჩარჩოებში მოქცევა არის აუცილებელზე აუცილებელი. მე მგონია, რომ ეს არის პრიორიტეტი, რადგან თბილისისთვის ყველაზე სერიოზული საფრთხე ავარიული ფონდია. ზომებს დროულად თუ არ მივიღებთ, რამდენიმე წელიწადში კატასტროფის წინაშე აღმოვჩნდებით“, – განაცხადა როსტომაშვილმა.

 


ცნობისთვის, მშენებლობის სამინისტრო 2004 წელს გაუქმდა. მშენებლობის სამინისტროს გაუქმება იყო ერთ-ერთი პირველი გადაწყვეტილება, რომელიც ქვეყნის სათავეში მოსულმა ნაციონალურმა მიძრაობამ ეკონომიკური რეფორმის ფარგლებში განახორციელა.

 


სამინისტროს შენობა მოგვიანებით  საქართველოს ბანკმა შეიძინა. შენობას მიენიჭა კულტურული მემკვიდრეობის ძეგლის სტატუსი.



რეკონსტრუქციის პროექტის (არქიტექტურული სახელოსნო „დეფანი“) განხორციელების შემდეგ შენობაში განთავსდა საქართველოს ბანკის სათავო ოფისი.

 

მარი ჩიტაია 





რატომ ღირს საკმეველი და მირონი ასე ძვირი

რატომ ღირს საკმეველი და მირონი ასე ძვირი
access_time2021-12-04 11:00:24
საკმეველი და მირონი მთელ მსოფლიოში ერთ-ერთ ყველაზე ძვირად ღირებული და ძვირფასი ნედლეულია. მხოლოდ რომის კათოლიკური ეკლესია წელიწადში დაახლოებით 50 ტონა საკმეველს იყენებს. საკმევლის...

ჩინეთი და რუსეთი ამერიკას კოსმოსში ებრძვიან

ჩინეთი და რუსეთი ამერიკას კოსმოსში ებრძვიან
access_time2021-12-04 15:00:08
როდესაც რუსეთი რაკეტის დარტყმით ანადგურებს კოსმოსში განლაგებულ თანამგზავრს, ან ჩინეთი ახალ ზებგერით რაკეტას ცდის, შეიარაღებათა რბოლა, რომელიც მიმდინარეობს დედამიწის ორბიტაზე, მას-მედიაში ახალი ამბების თემა ხდება, თუმცა, ამ აშკარა ფაქტების და ფართო საზოგადოების ყურადღების მიღმა, აშშ და მისი მოწინააღმდეგეები ერთმანეთს კოსმოსში ყოველდღიურად ებრძვიან. სანამ ვაშინგტონის ოფიციალური პირები და ექსპერტები გაზრდილ საფრთხეებზე საუბრობენ, მოწინააღმდეგეები ამერიკულ თანამგზავრებს თითქმის ყოველდღე...

რა გეკუთვნით სახელმწიფოსგან, როგორც ორსულს

რა გეკუთვნით სახელმწიფოსგან, როგორც ორსულს
access_time2021-12-04 12:00:27
...

Brexit-ის შედეგები გაერთიანებულ სამეფოში

Brexit-ის შედეგები გაერთიანებულ სამეფოში
access_time2021-12-04 17:00:24
...

რა გვიჯდება ბიუროკრატიის შენახვა

რა გვიჯდება ბიუროკრატიის შენახვა
access_time2021-12-04 16:00:11
...


მსგავსი სიახლეები

up