მშენებლები ახალაშენებულ ბინებში ჭერის სიმაღლეს ამცირებენ  - სამშენებლო რეგულაციების მორიგი უარყოფითი გავლენა

მშენებლები ახალაშენებულ ბინებში ჭერის სიმაღლეს ამცირებენ - სამშენებლო რეგულაციების მორიგი უარყოფითი გავლენა

access_time2019-02-25 12:00:38

ბოლო პერიოდში ამოქმედებული სამშენებლო რეგულაციების შედეგად, მშენებლები ხარჯების ეკონომიას აკეთებენ. მათ შორისაა, ბინებში ჭერის სიმაღლის 10-20- სანტიმეტრიანი შემცირება. „საქართველოში არასაბანკო ფინანსურ დაწესებულებათა ასოციაციის“ დამფუძნებელი გივი კორინთელი „კომერსანტთან“ აცხადებს, რომ იმას, რაც ხდება სამშენებლო ბაზარზე, ერთი სიტყვით შეიძლება, ეწოდოს მოთხოვნისა და მიწოდების ხელოვნური შემცირება. მისი განმარტებით, სამშენებლო კომპანიები შეეჯახნენ უპრეცედენტო წინაღობებს, რომლისთვისაც მზად არ იყვნენ. გაზრდილმა უსაფრთხოების სტანდარტებმა და ამის გამო სამშენებლო მოცულობების კლებამ, K2 კოეფიციენტის დამატების აკრძალვამ და სხვა რეგულაციებმა სამშენებლო კომპანიები დააყენა რთული არჩევანის წინაშე - ან გაეზარდათ ფასები, ან ეპოვათ გზები მშენებლობის გაიაფებისკენ, ან ჭერის სიმაღლის დადაბლებისკენ. ეს უკანასკნელი სულ უფრო იკიდებს ფეხს თანამედროვე უძრავი ქონების ბაზარზე.


ახალი ბინების მყიდველებს არ უნდა გაუკვირდეთ, როდესაც ახალაშენებულ ბინაში შესვლისას ჭერის სიმაღლე 2,8  ნიშნულზე დახვდებათ. მრავალსართულიანი მშენებლობების დროს მშენებელს ესუჩენსერთ დამატებით სართულს, რომელიც აკომპენსირებს ახალი რეგულაციებით შემცირებულ მოცულობებს და, შესაბამისად, შემოსავალს,“  აღნიშნავს კორინთელი.

 

სამშენებლო კომპანია „არსის“ აღმასრულებელი დირექტორი თორნიკე აბულაძე განმარტავს, რომ ევროპაში 3 მეტრიანი ჭერი არსად  კეთდება იმიტომ, რომ ასეთ დროს მაღალია გათბობის დანახარჯი.

 

„2.8 მეტრიანი  ჭერი ძალიან ნორმალურია. 2017 წლის 1 იანვრის რეგულაცია, რომელიც უსაფრთხოების ნორმებს გულისხმობს, ვრცელდება მაღალ და დაბალ სახლებზე. ანუ, თუ გაქვთ მაღალი სახლი, ეს ნიშნავს, რომ უნდა გქონდეთ საევაკუაციოდ 2 კიბე სადარბაზოში. ზღვარი მაღალ და დაბალ სახლებს  შორის გადის 23 მეტრეზე. ანუ, თუ შენობის ბოლო იატაკი არის 23 მეტრი ან ნაკლები, ეს არის დაბალი, თუ ეს არის 23 მეტრზე მაღალი - მაღალ სახლად ითვლება.


თითო სართულს თუ 10 სანტიმეტრს მოაკლებ, 8 სართული გამოვა 23 მეტრი. შესაბამისად, მშენებლები დაიწყებენ დაბალ განაშენიანებაზე მორგებას. რატომ 23 მეტრი? საქართველოში არსებულ  სახანძრო მანქანებს, ევაკუაციის დროს სიმაღლე  მხოლოდ 23 მეტრამდე აქვს.  25 მეტრი თუ არის შენობა, ჩვენი სახანძრო მანქანა მას ვეღარ მისწვდება. ეს ლოგიკური ჯაჭვია. შესაბამისად, მშენებლებმა დაიწყეს იმაზე ფიქრი, რომ 10-10 სანტიმეტრი მოაკლონ თითო სართულს. ჭერის სიმაღლე შემცირდა, თუმცა, ეს ცუდი არ არის. ეს არის პასუხი გამოწვევაზე, თუმცა, ამის ნეგატიურად დახასიათება არ შეიძლება,“  აღნიშნავს აბულაძე.


კითხვაზე მრავალსართულიანი მშენებლობების დროს, ჭერის დაწევა მშენებელს უჩენს  თუ არა ერთ დამატებით სართულს, რომელიც აკომპენსირებს ახალი რეგულაციებით შემცირებულ მოცულობებს და, შესაბამისად, შემოსავალს?   აბულაძე განმარტავს, რომ ეს ასეა, თუმცა, მისი თქმით, წავა ტენდენცია, რომ აღარ იქნება უაზროდ მაღალი შენობები და რეალურად, 8 სართულიანი განაშენიანება დაიწყება. ეს კი თბილისისთვის სწორი მიმართულებაა.


რაც შეეხება იმას, ხომ არ მოხდება სხვა კუთხით თანხების დაზოგვა, აბულაძე აცხადებს, რომ დაზოგვა მოხდება ყველაფერზე, რისი საშუალებაც იქნება.  მისივე შეფასებით, მასალების ხარისხზე თანხები არ დაიზოგება, რადგან  2019 წლის 15 იანვარს შემოვიდა ასევე ახალი რეგულაცია, რომელიც მასალების ხარისხთან შესაბამისობას გულისხმობს.



 აბულაძის განცხადებით, ამ დროისთვის ჯერ 4-5 მასალაა (ცემენტი, არმატურა,მეტალოპლასტიკის მილები,ელექტროსადენები) განსაზღვრული, თუმცა ეს არის ხელშეკრულება,რომელშიც პერიოდულად  სხვადასხვა სამშენებლო მასალები შევა.როგორც აბულაძე განმარტავს, საბოლოო ჯამში, გარკვეული გაძვირებებია მოსალოდნელი.  ამის მიზეზი კი ერთ-ერთი სამშენებლო რეგულაციაა. საუბარია, მთავრობის 41-ე დადგენილებაზე, რომელიც 2017 წლის 1 იანვრიდან  ამოქმედდა. კონკრეტულად კი, შენობის უსაფრთხოების მოთხოვნებზე, როგორიცაა გასასვლელების სათანადოდ დაპროექტება, ხანძრისა თუ სხვა საფრთხეებისგან დაცვა, კიბეებისა თუ ლიფტების შესაბამისი წესების დაცვით მოწყობა და ა.შ. 

 

 აბულაძე აცხადებს, რომ აღნიშნული ტექნიკური რეგლამენტის ამოქმედების შედეგებს სამშენებლო-დეველოპერული ბიზნესი ახლა მიიღებს. მისი განმარტებით, უახლოეს პერიოდში კვადრატული მეტრი ბინის ფასი დაახლოებით 100 -120 დოლარით გაძვირდება.  მისივე მტკიცებით, ახლა-ახალ რელობასთან მორგება ხდება. 


განსხვავებული პოზიცია აქვს სამშენებლო კომპანია „ივერონის“ დამფუძნებელ არჩილ ჯაყელს. მისი განმარტებით, ისეთი ქმედება, როგორიცაა, მაგალითად, ჭერის სიმაღლის შემცირება, მისთვის მიუღებელია. შედეგად, მის არც ერთ პროექტში ამ მიმართულებით თანხების დაზოგვა არ მოხდება. თუ ამის საჭიროება  დადგა, ჯაყელი ბაზრიდან გასვლასაც არ გამორიცხავს.


„ვფიქრობ, ახალი პროექტის დაწყება განვიხილო თუ არა. ამის მიზეზი ბოლო პერიოდში ამოქმედებული არა ერთი რეგულაციაა. K2-ის კოეფიციენტის გაუქმება მოსახლეობისთვის ისე აღიქმება, თითქოს მაღალი შენობები აღარ აშენდება. ეს ძალიან არასწორი და არაპროფესიონალური მიდგომაა. 2 წელია გენგეგმას ველოდებით, სანამ მივიღებდით, ბევრ უბანში მოხდა  მიღებული კოეფიციენტის შემცირება, ამის შემდეგ კი K2-ის კოეფიციენტს საერთოდ ვაუქმებთ. ასაშენებელი, ძველი თბილისი, მთაწმინდა, სოლოლაკი, ავლაბარი, სვანეთის უბანი. ძალიან ბევრი ამორტიზებული შენობაა, საკმაოდ სერიოზულ პრობლემებია. ხალხი ისეთ გაუსაძლის პირობებში ცხოვრობს, რომ  სახლები თავზე ენგრევათ. მაინტერესებს, როგორ უნდა მოგვარდეს ეს, რადგან ძველ თბილისში კოეფიციენტი 0.8-ა, ეს კი 1-1.5 სართულიანი სახლების მშენებლობას გულისხმობს,“  აღნიშნავს ჯაყელი.

 

სამშენებლო კომპანია „ჰაუსარტის“ მარკეტინგის და გაყიდვების დირექტორი გიორგი ლოლუა განმარტავს, რომ, განხორციელებული რეგულაციების მიუხედვად, კომპანია „ჰაუსარტი“  თანხების დაზოგვას არ აპირებს.


მისი განმარტებით, 2.8 მეტრის ჭერი ძალიან დაბალია. „კომპანიები, რომლის პროფილი არ იყო მშენებლობა და ეს მიმართულება  ალტერნატიულ ბიზნესად ჰქონდათ, ასეთ მშენებლებს პრობლემები ექმნებათ, რადგან  ნაკლები რესურსი აქვთ. ჩემი აზრით, არსებული რეგულაციები აწევს ხარისხს  და შემცირებული მოწოდების გამო უძრავი ქონების ფასი გაიზრდება.


ახალი პროდუქტი იქნება დეფიციტური ისეთ უბნებში, როგორიცაა საბურთალო, ვაკე. ამოიყიდება ძველები,  ახალი მშენებლობების დაწყება კი ძალიან გართულდება. ვისაც ნაკვეთი აქვს უკვე ნაყიდი და  მასზე  K2 კოეფიციენტი აქვს აღებული, ასეთი პროექტები დაიწყება.  ახალ ნაკვეთს K2კოეფიციენტს ვეღარ მიანიჭებ. პირადად  ჩვენ საბანკო რეგულაციებმა უფრო დაგვაზარალა, ვიდრე K2კოეფიციენტების გაუქმება მ, აღნიშნავს გიორგი ლოლუა.


 

სოფო ქსოვრელი 

 

 

 






აშშ-ს საელჩო: მოვუწოდებთ მთავრობას, იმოქმედოს გაწონასწორებულად და თავშეკავებით

აშშ-ს საელჩო: მოვუწოდებთ მთავრობას, იმოქმედოს გაწონასწორებულად და თავშეკავებით
access_time2019-06-27 13:00:01
20 ივნისის საპროტესტო აქციების შემდგომ განვითარებულ მოვლენებს აშშ-ის საელჩო საქართველოში განცხადებით ეხამურება. საელჩო მოუწოდებს მთავრობას, იმოქმედოს გაწონასწორებულად და თავშეკავებით. მათივე განცხადებით, თბილისში განვითარებულ მოვლენებს ყურადღებით აკვირდებიან. “მიუხედავად იმისა, რომ მნიშვნელოვანია დემონსტრანტების მიმართ ძალადობრივი ქმედებებისა და ძალაუფლების გადამეტების ინციდენტების გამოძიება, ჩვენ მოვუწოდებთ მთავრობას, იმოქმედოს გაწონასწორებულად და თავშეკავებით. ახლა...

ზვიად კორძაძე : რატომ არ დგას ვასაძის პასუხისმგებლობის საკითხი? ხალხს არ უნდა გაუჩნდეს შერჩევითი სამართალის განცდა

ზვიად კორძაძე : რატომ არ დგას ვასაძის პასუხისმგებლობის საკითხი? ხალხს არ უნდა გაუჩნდეს შერჩევითი სამართალის განცდა
access_time2019-06-27 15:00:07
„პირველი, რატომ არ ესწრებოდა პარლამენტში განხილვას გენერალური პროკურორი ? მეორე დეტალი ეხება მტკიცებულებებს, რის საფუძველზეც დებდნენ ბრალს ნიკა მელიას, რატომ არ მიუტანეს ეს მტკიცებულებები პარლამენტს, რატომ არ იყო ის შეფასებული,“ ეს კითხვები რადიო კომერსანტის გადაცემაში „კომერსანტის დილა ნიკა ქავთარაძესთან და სალომე ლემონჯავასთან ერთად“ იურისტამა ზვიად კორძაძემ დასვა და რუსთაველის გამზირზე მიმდინარე მოვლენები სამართლებრივ ჭრილში...

Deutche welle: ევროპაში ქართულ ღვინოზე მოთხოვნა იზრდება

Deutche welle: ევროპაში ქართულ ღვინოზე მოთხოვნა იზრდება
access_time2019-06-27 14:00:09
ქართული ღვინის ხარისხი ბოლო წლებში მკვეთრად გაუარესდა - ამტკიცებს როსპოტრებნადზორი, თუმცა ავსტრიელი და გერმანელი მეღვინეები ამას ვერ ამჩნევენ - ალბათ იმიტომ, რომ ყიდულობენ ყველაზე ხარისხიან ქართულ ღვინოს ევროპული ბაზრისთვის. მოთხოვნა კი სწრაფად იზრდება. „არც ჩვენ, არც მაკონტროლებელ ორგანოებს არ გვაქვს არავითარი პრობლემები ქართულ ღვინოსთან დაკავშირებით,“ - ამბობს ჰამბურგში მდებარე მაღაზია GeoVino-ს თანამფლობელი ანდრე...

გია ხუხაშვილი: ხელისუფლება აღმოჩნდა პოლიტიკურ ბუნკერში, ახალი პოლიტიკური კლასი კი ამოდის ზედაპირზე

გია ხუხაშვილი: ხელისუფლება აღმოჩნდა პოლიტიკურ ბუნკერში, ახალი პოლიტიკური კლასი კი ამოდის ზედაპირზე
access_time2019-06-27 12:30:59
რუსთაველის გამზირზე, პარლამენტის წინ მიმდინარე აქციების პარალელურად, რამდენიმე დღის განმავლობაში ხელისუფლება აანონსებდა, რომ დღეს ქვეყნის პრემიერ-მინისტრი საკანონმდებლო ტრიბუნიდან მთავრობის საქმიანობის ყოველწლიურ ანგარიშს მოგვასმენინებდა. ასევე დაანონსებულია, რომ ხვალ საკანონმდებლო ორგანოში მივა შს მინისტრი გიორგი გახარია. რამდენად სწორად გეგმავს ხელისუფლება პოლიტიკურ ნაბიჯებს და რამდენად...

Bloomberg-ზე 1 დოლარი 2,86 ლარი გახდა - ლარის გაუფასურება გრძელდება

Bloomberg-ზე 1 დოლარი 2,86 ლარი გახდა - ლარის გაუფასურება  გრძელდება
access_time2019-06-27 12:23:14
Bloomberg-ის სავაჭრო პლატფორმაზე 12:00 საათისთვის 1 აშშ დოლარი 2.8603 ლარად ივაჭრებოდა. ეროვნული ბანკის მიერ გუშინ დადგენილი კურსით, 1 აშშ დოლარის ოფიციალური ღირებულება დღეს, 2.8470 ლარია. რაც შეეხება ევროს, მისი კურსი 3.2356 ლარია. ეროვნული ბანკი ახალ კურსს დღეს 17:00 საათზე გამოაქვეყნებს. შეგახსენებთ, რომ ბოლო რამდენიმე დღეა ეროვნული ვალუტა უფასურდება. მეტიც, ორი დღეა ლარი გაუფასურების...


მსგავსი სიახლეები

up