15 იანვრიდან სამშენებლო პროდუქტების ტექნიკური რეგლამენტი ამოქმედდება - დეველოპერები პროდუქციის გაძვირებას აანონსებენ

15 იანვრიდან სამშენებლო პროდუქტების ტექნიკური რეგლამენტი ამოქმედდება - დეველოპერები პროდუქციის გაძვირებას აანონსებენ

access_time2019-01-14 09:00:46

„რეგულაციებთან დაკავშირებით ინფორმირებულობა და კომპანიების ჩართულობა დაბალ დონეზეა,“-ასე აფასებს „სამშენებლო პროდუქტების შესახებ ტექნიკურ რეგლამენტს“ სამშენებლო კომპანია „ივერონის“ დამფუძნებელი არჩილ ჯაყელი.


მისი თქმით, რეგულეციები კარგია, თუმცა იმდენად სწრაფად ხდება მათი მიღება, რომ სამშენებლო ბიზნესს დამატებით წნეხად აწვება.



„მსგავსი შეზღუდვების შემოღებამდე უნდა მიმდინარეობდეს განხილვები ყველა ზომის ბიზნესის დონეზე. მე პირადად, ამ რეგლამენტის შესახებ ინფორმაცია მედიის საშუალებით შევიტყვე. არ შეიძლება ეს საკითხები მხოლოდ სამი-ოთხი ლიდერი კომანიის დონეზე იყოს განხილული.


ხარისხის კონტროსლს და რეგულაციებს ზოგადად მივესალმები, თუმცა, ერთი წლის განმავლობაში უამრავი შეზღუდვა შემოვიდა, კარგი იქნება სამშენებლო ბიზნესი ცოტა ამოასუნთქონ. უმჯობესია ჯერ არსებული რეგულაციებს მოვერგოთ სრულყოფილა უსაფრთხოებისა და გარემოს დაცვის მიმართულებით და მერე ეტაპობრივად შემოვიდეს ახალი ცვლილებები. ამასთან საჭიროა კომპლექსური მუშაობა, ერთი მხრივ სამშენებლო კომპანიების მხრიდან და მეორე მხრივ კარგი იქნება მერიამ დახვეწოს და დააჩქაროს სამშენებლო ნებართვების გაცემის მექანიზმი,“
-განაცხადა არჩილ ჯაყელმა.



როგორც კომერსანტმა გაარკვია, ცვლილებების შესახებ სრულყოფილ ინფორმაციას არც სამშენებლო პროდუქტების იმპორტიიორები ფლობენ.




„ვიცოდი რომ რეგლამენტი 2018 წლის ნოემბრიდან უნდა ამოქმედებულიყო, მაგრამ შეზღუდვების შესახებ დეტალური ინფორმაციის საქმის კურსში ახლაც არ ვარ.


ნოვას მუშაობის პრინციპი ისაა, რომ ბაზრიდან გამომდინარე შეძლებისდაგვარად ხარისხიანი პროდუქტი შევთავაზოთ მომხმარებლებს. ამაში სახელმწიფოს ჩართვა და ხელშეწყობა ნამდვილად კარგი იქნება, თუმცა მეორე მხრივ ეს პროდუქციის გაძვირებას გამოიწვევს, ცხადია მაღალი ხარისხი მაღალ ფასს უკავშირდება,“
-აღნიშნავს სამშენებლო პროდუქციის ერთ-ერთი უმსხვილესი მწარმოებელი და იმპორტიორი კომპანიის „ნოვასს“ დამფუძნელბელმა ჯემალ ბოლქვაძემ.


რეგლამენტის მიმართ დადებით პოზიციას აფიქსირებს სამშენებლო-სარემონტო მასალების საბითუმო ვაჭრობით დაკავებული კომპანია „გორგია“.


„მსგავსი რეგლამენტის ამოქმედება ძალიან კარგია, რადგან უკვე ყველა იზრუნებს, რომ ბაზარზე ხარისხიანი პროდუქცია იყოს, რაც მომხმარებლის ინტერესებშია. გორგიაში აქამდეც ყველა პროდუქტი მსგავსი ტიპის შემოწმებით შემოდიოდა. ვაკონტრლებთ ხარისხს და მხოლოდ სერტიფიცირებული პროდუქცია შემოგვაქვს,“-განაცხადეს გორგიაში.


კომპანიები რეგლამენტს დადებითად აფასებენ, თუმცა თანხმდებიან იმაზე, რომ ცვლილებები სამშენებლო პროდუქციისა და მშენებლობის გაძვირებას გამოიწვევს.


ცნობისთვის: ტექნიკური რეგლამენტი ისეთი ტიპის სამშენებლო პროდუქტებს ეხება, როგორიცაა ცემენტი, არმატურა, ელექტროკაბელები, პლასტმასის მილები.


რეგლამენტის მიხედვით, სამშენებლო პროდუქტების მწარმოებელებს, მწარმოებლის ავტორიზებული წარმომადგენელებს, იმპორტიორებსა და დისტრიბუტორებს გარკვეული სტანდარტების დაკმაყოფილება მოუწევთ, ამის მონიტორინგს კი ეკონომიკისა და მდგრადი განვითარების სამინისტროს ტექნიკური და სამშენებლო ზედამხედველობის სააგენტო განახორციელებს.


რეგლამენტში ის ძირითადი მოთხოვნებიცაა გაწერილი, რომელთა დაკმაყოფილებაც მშენებლებს სამშენებლო ობიექტებზე მოუწევთ.


ერთ-ერთი მნიშვნელოვანი სიახლეა სამშენებლო პროცესებით გამოწვეული ხმაურის რეგულირება. ამასთან, სამშენებლო სამუშაოები უნდა იყოს ენერგოეფექტური, მათი მშენებლობისა და დემონტაჟის დროს შეძლებისდაგვარად მცირე ენერგია უნდა გამოიყენებოდეს.



მარიამ ტიტვინიძე





უკრაინის ახალ პრეზიდენტს „ტრამპის ეფექტი“ ელის

უკრაინის ახალ პრეზიდენტს  „ტრამპის ეფექტი“ ელის
access_time2019-04-22 20:00:50
მაშ ასე, უკრაინას  ახალი პრეზიდენტი ჰყავს - კომიკოსი და მსახიობი ვლადიმერ ზელენსკი. მისი დამანგრეველი გამარჯვების მიზეზი გახდა ის, რომ უკრაინული საზოგადოება ნათლად დარწმუნდა იმაში, რომ დღეს არსებული პოლიტიკური სისტემის რეფორმა შეუძლებელია და ის უნდა დაინგრეს. უნდობლობამ მიაღწია ისეთ მაღალ წერტილს, რომ უკვე ძირმომპალი სისტემის დასანგრევად ბულდოზერის როლის შესრულება უკრაინელმა ამომრჩეველმა მიანდო მსახიობს და შოუმენს, რომელიც...

აშშ ირანული ნავთობის იმპორტიორ 5 ქვეყანას შეღავათების გაუქმებით ემუქრება

აშშ ირანული ნავთობის იმპორტიორ 5 ქვეყანას შეღავათების გაუქმებით ემუქრება
access_time2019-04-22 19:00:41
აშშ-ს პრეზიდენტმა დონალდ ტრამპმა გადაწყვიტა, რომ ირანული ნავთობის იმპორტიორ  5 ქვეყანას აღარ ექნება შეღავათები, თუ ისინი ირანული ნავთობის იმპორტს გააგრძელებენ....

ეროვნული ბანკი საბანკო/საფინანსო მომსახურების ყალბ ვებგვერდებთან დაკავშირებით გაფრთხილებას ავრცელებს

ეროვნული ბანკი  საბანკო/საფინანსო მომსახურების ყალბ ვებგვერდებთან დაკავშირებით გაფრთხილებას ავრცელებს
access_time2019-04-22 18:00:34
საქართველოს ეროვნული ბანკი აფრთხილებს და მოუწოდებს მოქალაქეებს ფინანსური და პირადი მონაცემების ინტერნეტ სივრცეში გამოყენებისას   განსაკუთრებული ყურადღება გამოიჩინონ. ბოლო პერიოდში გახშირდა თაღლითების მიერ ყალბი ვებგვერდების საშუალებით ფინანსური ინსტიტუტების მომხმარებლების პირადი მონაცემების მოპარვის ფაქტები. საუბარია ისეთი მონაცემების მოპოვებაზე, რომელთა საშუალებით შესაძლებელია მომხმარებლის ფულად სახსრებზე წვდომის და ინტერნეტ-გადახდების...

დაივიწყეთ - MacBook-ი -Acer-ი ახალ ხაზს უშვებს შემოქმედებითი ადამიანებისთვის

დაივიწყეთ -  MacBook-ი -Acer-ი ახალ ხაზს უშვებს შემოქმედებითი ადამიანებისთვის
access_time2019-04-22 16:30:47
Acer-მა პროდუქტის ხაზები განაახლა გაძლიერებული მოდელებით და რამდენიმე სიახლეც შემოგვთავაზა. განსაკუთრებულ ყურადღებას იმსახურებს სპეციალურად შემოქმედებით სფეროებში მომუშავე ადამიანებისთვის შექმნილი ხაზი - Concept D.Concept D-ს პერსონალური კომპიუტერები, ლეპტოპები და ეკრანები სპეციალურად მორგებულია გრაფიკული დიზაინერების, ვიდეო-მემონტაჟეების, ინჟინრების, არქიტექტორებისა და პროგრამისტების საჭიროებებს. Concept D-ს ტექნიკა შექმნილია...

კომპანია „ფერის“ დირექტორი - „ცალსახად პასუხიმგებლობას არასამთავრობო ორგანიზაციას ვაკისრებ, „მწვანე ალტერნატივას“ ვგულისხმობ“

კომპანია „ფერის“ დირექტორი - „ცალსახად პასუხიმგებლობას არასამთავრობო ორგანიზაციას ვაკისრებ, „მწვანე ალტერნატივას“ ვგულისხმობ“
access_time2019-04-22 13:55:58
ჩვენ ხეობაში შევედით მხოლოდ საპატრულო პოლიციის სამი მანქანით და რომ არა დამატებითი პოლიციის ნაწილები, რომლებმაც წკიპზე მოუსწრეს, დამერწმუნეთ, გაცილებით ცუდი შედეგებით დასრულდება პროცესი, – ამის შესახებ კომპანია „ფერის“ აღმასრულებელმა დირექტორმა, ლაშა იორდანიშვილმა განაცხადა.მისივე განცხადებით, პანკისის ხეობაში ჰიდროელექტროსადგურის მშენებლობის დაწყების დღიდან მოსახლეობა ინფორმირებული იყო და როგორც იორდანიშვილი ამბობს, არავის პროტესტი არ გამოუთქვამს. „მაშინ,...


მსგავსი სიახლეები

up