„სამშენებლო პროდუქტების შესახებ რეგლამენტი“ ბინების ფასებს 7-დან 30%-მდე გააძვირებს

„სამშენებლო პროდუქტების შესახებ რეგლამენტი“ ბინების ფასებს 7-დან 30%-მდე გააძვირებს

access_time2018-10-17 19:15:41

მთავრობის მიერ მიღებული „სამშენებლო პროდუქტების შესახებ რეგლამენტი“, რომლის მიხედვითაც მშენებლებს ხმაურის რეგულირება, ენერგოეფექტური და გაცილებით უფრო მდგრადი მასალების გამოყენება ევალებათ, ბინების ფასებს 7-დან 30 %-მდე გააძვირებს. ამის შესახებ „ბიზნესპრესნიუსს“ დეველოპერებმა განუცხადეს.


მათი თქმით, მშენებლებს ენერგოეფექტური მასალების გამოყენება ნაწილობრივ უკვე დაწყებული აქვთ, თუმცა როდესაც საუბარია ყველა მშენებლობაზე ენეროეფექტური მასალების სავალდებულო გამოყენებაზე, ხმის რეგულირებასა და ისეთ სამშენებლო მასალებზე, რომლის დემონტაჟის შემდეგ განმეორებით გამოყენებას ან გადამუშავებას უნდა ექვემდებარებოდეს, ეს მშენებლობის ხარჯებს გაზრდის, რაც პირდაპირ აისახება უძრავი ქონების ფასზე.


როგორც ცნობილია, 15 ნოემბრიდან „სამშენებლო პროდუქტების შესახებ ტექნიკური რეგლამენტი“ ამოქმედდება. რეგლამენტში გაწერილია ის ძირითადი მოთხოვნები, რომელთა დაკმაყოფილებაც მშენებლებს სამშენებლო ობიექტებზე მოუწევთ.


ერთ-ერთი მნიშვნელოვანი სიახლე, რომელიც ამ რეგლამენტის ამოქმედებით შემოვა, ეს არის სამშენებლო პროცესებით გამოწვეული ხმაურის რეგულირება. კერძოდ, დოკუმენტის თანახმად, სამშენებლო ობიექტები უნდა დაპროექტდეს და აშენდეს იმგვარად, რომ მობინადრეების ან მიმდებარედ მცხოვრები ადამიანების ჯანმრთელობას და ნორმალურ საცხოვრებელ პირობებს, მათ შორის, ძილის მოსვენების და მუშაობის პირობებს ხმაურისგან საფრთხე არ უნდა ექმნებოდეს.



ამასთან, როგორც ტექნიკურ რეგლამენტშია აღნიშნული, სამშენებლო სამუშაოები უნდა იყოს ენერგოეფექტური, მათი მშენებლობისა და დემონტაჟის დროს შეძლებისდაგვარად მცირე ენერგია უნდა გამოიყენებოდეს.


„სამშენებლო ობიექტი უნდა დაპროექტდეს და აშენდეს იმგვარად, რომ ექსპლუატაციის პერიოდში არ წარმოშობდეს ისეთ მიუღებელ რისკებსა და საფრთხეებს როგორებიცაა: დაცურება, დაცემა, შეჯახება, დამწვრობა, ელექტროობისგან მიღებული დაზიანება, ასევე აფეთქებისგან მიღებული დაზიანება და ასევე ძარცვასთან დაკავშირებული რისკები. ამასთან, სამშენებლო ობიექტები უნდა უზრუნველყოფდეს შეზღუდული შესაძლებლობის მქონე პირებისთვის სამშენებლო ობიექტებზე შეღწევადობასა და სარგებლობას.




სამშენებლო ობიექტები და მათი გათბობის, კონდიცირების, განათებისა და ვენტილაციის მოწყობილობები უნდა დაპროექტდეს და აშენდეს იმგვარად, რომ მობინადრეების რაოდენობისა და ადგილობრივი კლიმატური პირობების გათვალისწინებით, ექსპლუატაციისთვის აუცილებელი ენერგიის მოცულობა იყოს მინიმალური. სამშენებლო ობიექტების დაპროექტება, აშენება და დემონტაჟი უნდა მოხდეს ბუნებრივი რესურსების ეფექტური გამოყენების პირობებში, კერძოდ, შესაძლებელი უნდა იყოს: ა) დემონტაჟის შემდეგ სამშენებლო ობიექტების ნაწილებისა და მასალების განმეორებით გამოყენება ან გადამუშავება; ბ) სამშენებლო ობიექტების მდგრადობის შენარჩუნება; გ) გარემოსთან თავსებადი ნედლეულის და მეორადი მასალების სამშენებლო ობიექტებში გამოყენება,“-აღნიშნულია რეგლამენტში.



სამშენებლო კომპანია „რედკოს“ პროექტების მენეჯერი მალხაზ კუნელაური ამბობს, რომ ხარისხის გაუმჯობესების თვალსაზრისით, ცვლილებები კარგია, თუმცა ეს ხარჯებს გაზრდის, შესაბამისად, ბინების ფასი 20-30%-ით მოიმატებს.


„ენერგოეფექტური სახლები და ინოვაციური მასალების გამოყენება, რა თქმა უნდა, ცუდი არ არის, მაგრამ თუ ეს სავალდებულო იქნება, ერთმნიშვნელოვნად გამოიწვევს უძრავი ქონების გაძვირებას. ჩვენც ვეცდებით, რომ გადავეწყოთ ახალ სტანდარტებზე. თუმცა გარკვეულწილად ახლაც ვახორციელებთ ენერგოეფექტური სახლების მშენებლობას. ძირითადად, ეს არის გარე ფასადების სამუშაოები, მითუმეტეს ისეთ საკურორტო ტერიტორიებზე, როგორიცაა გუდაური. სადაც ყინვა და ნალექია, ეს აუცილებელიცაა. რაც შეეხება თბილისს, თუ ეს სავალდებულო იქნება ალბათ, მოუწევს ყველა კომპანიას ამ სტანდარტზე გადასვლა. ვინც ვერ შეძლებს, თავს დაანებებს მშენებლობას. მაგრამ, ვფიქრობ ხარისხი გაუმჯობესდება“,-აცხადებს მალხაზ კუნელაური.



რაც შეეხება, ხმაურის რეგულირებასა და ისეთ სამშენებლო მასალებს, რომელიც განმეორებით გამოყენების ან გადამუშავების შესაძლებლობას იძლევა, „რედკოს“ პროექტების მენეჯერი ამბობს, რომ ნებისმიერი მსგავსი ცვლილება, უძრავი ქონების ფასზე აისახება.



„ყველა ასეთი მოცემულობა ფასს ერთმნიშვნელოვნად გააძვირებს. ყველა ახალი სტანდარტი და თანამედროვე, თბოეფექტური და ინოვაციური პროდუქტი გაცილებით ძვირია. დაახლოებით რომ გითხრათ, რასაც გუდაურში ვაკეთებთ, ფასადების დათბუნება ორჯერ უფრო ძვირი ჯდება, ვიდრე სტანდარტული. ვერ ვიტყვი, რომ ბინების ფასსაც გააორმაგებს, რადგან ფასადის ნაწილი სამშნებლო სამუშაოების მხოლოდ ნაწილი, თუმცა ამ კომპონენტის ფასის მატება, საერთო პროდუქტის ფასზე აისახება და დაახლოებით, 20-30%-ით გაზრდის“,-აცხადებს მალხაზ კუნელაური.



რეგულაციებით ხარისხის გაუმჯობესებაზე აკეთებს აქცენტს სამშენებლო კომპანია „ივერიონის“ დამფუძნებელი არჩილ ჯაყელიც. თუმცა, ეს უძრავი ქონების ფასს რომ გაზრდის, არც ამას უარყოფს.



„ენერგოეფექტური მასალები მისაღებიც არის და მთელი მსოფლიო ასეთ მასალაზეა გადასული, თუმცა ფასზე ცვლილება იქნება. ხმაურის რეგულირება ცოტა რთული საკითხია, ისევე, როგორც მასალის ხელმეორედ გამოყენება. მაგალითად, როდესაც კორპუსის დემონტაჟი ხდება, ალმატურას ისედაც იყენებენ ხელმეორედ, მაგრამ ეს მიუღებელია და ასე არ უნდა ხდებოდეს. ასევე ხელმეორედ იყენებენ აგურსაც, მაგრამ ის გამოსადეგი და კარგი მასალაა. ბლოკს ხელმეორედ ვერ გამოიყენებ. ამიტომ, ეს ნაწილი ცოტა ბუნდოვანია. რა თქმა უნდა, ეს უძრავი ქონების ფასს გააძვირებს, მაგრამ ხარისხს აამაღლებს. ჩვენ რეგულაციების გარეშეც ვცდილობთ თბოეფექტურ და ინოვაციურ მასალებზე გადავიდეთ, რადგან მოთხოვნა ასეთ ბინებზეა. საერთო ჯამში, თუ ეს რეგულაციები სავალდებულო იქნება, ბინები სავარაუდოდ 7-10%-მდე გაძვირდება“,-აცხადებს არჩილ ჯაყელი.


BPN






საპარლამენტო უმრავლესობის 6 დეპუტატი გიორგი გახარიას ახალ გუნდს უერთდება

საპარლამენტო უმრავლესობის 6 დეპუტატი გიორგი გახარიას ახალ გუნდს უერთდება
access_time2021-04-14 12:09:18
„ქართული ოცნების“ დეპუტატები - გიორგი ხოჯევანიშვილი, ალექსანდრე მოწერელია, ბექა ლილუაშვილი, შალვა კერესელიძე, მიხეილ დაუშვილი და ანა ბუჩუკური მმართველ პარტიას ტოვებენ.   ამის შესახებ დეპუტატებმა განცხადება პარლამენტში გააკეთეს.   „თითოეულმა თქვენგანმა კარგად იცის, რომ ვართ გიორგი გახარიას გუნდი. ვართ თანამოაზრეები და გვაერთიანებს ღირებულებები. გახარიასთან ერთობლივი გადაწყვეტილებით, გადავდივართ პარტიის მშენებლობის ახალ ფაზაზე. ვტოვებთ „ქართულ ოცნებას“ და...

მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 

მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 
access_time2021-04-14 10:00:02
მედიკამენტების ფასები საქართველოს მოსახლობის ყველაზე დიდი, მოუგვარებელი პრობლემაა, პრობლემა რომლის შესახებაც იცის ყველამ. საკითხზე წლებია საუბრობს როგორც მმართველი გუნდი, ისე ოპოზიციური პარტიებიც და თვითონ ფარმაცევტული კომპანიებიც, თუმცა ფაქტი ერთია, საუბართან ერთად ფასები მხოლოდ და მხოლოდ იზრდება. 2011 წლიდან საქსტატის მონაცემებით სისხლძარღვთა გამაფართოებელი მედიკამენტების ფასი 105 პროცენტით, ტკივილგამაყუჩებელი მედიკამენტები 60 პროცენტით, ხოლო ანტიბიოტიკები 78 პროცენტით გაიზარდა. როგორც...

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა
access_time2021-04-13 18:30:53
„სავალუტო ფონდის პროგნოზით საქართველოს მიმდინარე ანგარიშის დეფიციტი 2021 წლიდან გაუმჯობესდება, 2022 წელს 7.98%_მდე დაიწევს, 2024 წლიდან კი 6%_ს ჩამოცდება და 2026 წლისთვის 5.56%_მდე შემცირდება. ერთ სულ მოსახლეზე მშპ აშშ დოლარში 2021-2026 წლებში 60%_ით გაიზრდება და ერთ სულზე 6782 აშშ დოლარი გახდება“ - ამის შესახებ საქართველოს ფინანსთა მინისტრის მოადგილე მიხეილ დუნდუამ „კომერსანტთან“ განაცხადა. მიხეილ დუნდუას განცხადებით, საერთაშორისო სავალუტო ფონდის...

13 აპრილი - რეგიონში მხოლოდ ქართული ლარი გაუფასურდა

13 აპრილი - რეგიონში მხოლოდ ქართული ლარი გაუფასურდა
access_time2021-04-13 18:00:28
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 13 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 15 პუნქტით გაუფასურდა. შედარებისთვის, დაახლოებით 68 პუნქტით არის გაუფასურებული თურქული ლირა, სომხური დრამი 16 პუნქტით გაუფასურდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 13 აპრილის ვაჭრობის შედეგად (რომლის ოფიციალური კურსი 14 აპრილისთვისაა) ეროვნული...

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს
access_time2021-04-13 16:10:00
საქართველოს ფინანსთა სამინისტრომ, შერჩეულ საერთაშორისო და ადგილობრივ საინვესტიციო ბანკებთან (JP Morgan, Goldman Sachs, ICBC Standard, TBC Capital და Galt & Taggart), იურიდიულ მრჩევლებთან (Backer & McKenzie და BLC) და საერთაშორისო ფისკალურ აგენტთან (Citi) ერთად, დაასრულა ევრობონდების ლონდონის საფონდო ბირჟაზე განთავსებისთვის მოსამზადებელი ეტაპი. ინფორმაციას სამინისტრო ავრცელებს. „ტრანზაქცია დღეს ოფიციალურად გამოცხადდა Bloomberg-ის სავაჭრო პლატფორმაზე. 13 და 14...


მსგავსი სიახლეები

up