სამშენებლო კომპანიებმა მოსახლეობა მილიარდი დოლარით აზარალეს

სამშენებლო კომპანიებმა მოსახლეობა მილიარდი დოლარით აზარალეს

person access_time2016-07-19 14:30:19

"სამშენებლო კომპანიებმა მოსახლეობა მილიარდ დოლარამდე აზარალეს. მარტო "ცენტრ პოინტის" მიერ მიყენებული ზარალი რამდენიმე ასეულ მილიონ დოლარს ცდება. აქედან გამომდინარე, სახელმწიფოსთვის ამ ადამიანებისთვის ქონების დაბრუნება საკმაოდ რთული იქნება. ამის შესახებ გამოცემა „რეზონანსი“ წერს და აღნიშნავს, რომ კომპანიების მიერ დაზარალებულთა რაოდენობა 20 ათას ოჯახს აღწევს. არასამთავრობო ორგანიზაცია "საერთაშორისო გამჭვირვალობა - საქართველოს" მიერ ჩატარებული კვლევის მიხედვით, მარტო "ცენტრ პოინტმა" კლიენტების მიერ სახლების ასაშენებლად გადახდილი 310 მილიონი დოლარი არამიზნობრივად დახარჯა. "ცენტრ პოინტის" დაზარალებულ ოჯახთა რიცხვი 6200-ს აღწევს. უხეში დათვლებით, თუ 310 მილიონ დოლარს 6200-ზე გავყოფთ, მივიღებთ, რომ ერთი ოჯახის ზიანი, დაახლოებით, 50 ათასი დოლარია (თუმცა არის ოჯახები, რომლებმაც დაკარგეს 100 ათას დოლარზე მეტი). თუკი ერთი ბინის საშუალო ღირებულებას - 50 ათას დოლარს - 20 ათას დაზარალებულ ოჯახზე გავამრავლებთ, ვნახავთ, რომ მოსახლეობისთვის მიყენებული ზარალი 1 000 000 000 დოლარს აღწევს", - წერს გაზეთი "რეზონანსი".

 

 "სხვადასხვა დროს თაღლითურ გარიგებებსა და მომხმარებელთა მოტყუებაში მხილებული კომპანიების რაოდენობა საკმაოდ დიდია, თუმცა საზოგადოებას რამდენიმე მათგანმა თავი ხმაურიანი საქმეებით დაამახსოვრა. ცხადია, პირველობას "ცენტრ პოინტი" არავის უთმობს, მაგრამ მობინადრეების წინაშე არანაკლები ბრალი მიუძღვით დანარჩენებსაც - "ევორდს", "ოლიმპიურ ვარსკვლავს", "მოდულს", "ივერია სითის". ცხადია, გაცილებით მეტია თაღლითი მცირე კომპანიები თუ ამხანაგობები. თითოეულთა საქმიანობა, მინიმუმ ორ დაუმთავრებელ საცხოვრებელ კორპუსს და ასეულობით დაზარალებულს ითვლის. არასამთავრობო ორგანიზაცია "სამშენებლო ინსპექციაში" აცხადებენ, რომ ზუსტი სტატისტიკა უძრავი ქონების ბაზრის დაზარალებულთა შესახებ არ არსებობს. მსგავსი კვლევა არ ჩატარებულა, მაგრამ არსებობს არაოფიციალური მონაცემები, რომლის საფუძველზეც შეიძლება ვთქვათ, რომ დაზარალებულთა რაოდენობა დედაქალაქში 20 000 ოჯახს აღწევს. კარგად დამუშავებული თაღლითური სქემის გამო, მოსახლეობა ბევრი სამშენებლო კომპანიის მსხვერპლი გამხდარა, მაგრამ მასშტაბურობიდან გამომდინარე სხვადასხვა ორგანიზაციისთვის "ცენტრ პოინტის" სქემის გაიშფვრა უფრო მისაღები აღმოჩნდა", - აღნიშნავს გამოცემა. 


"საერთაშორისო გამჭვირვალობა - საქართველოს" კვლევის მიხედვით, სამშენებლო სექტორი მნიშვნელოვნად გაიზარდა 2000 წლის დასაწყისში, როდესაც ქვეყანამ ნელ-ნელა დაიწყო 1990-იანი წლების კონფლიქტების შედეგებიდან გამოსვლა. კომპანიები დაზიანებულ ან პატარა სახლებში მცხოვრებ მოქალაქეებს სთავაზობდნენ, ფული ჩაედოთ ახალი და თანამედროვე ბინების აშენებაში. ზოგიერთი სამშენებლო პროექტი მოიცავდა მასობრივი საცხოვრებელი კომპლექსების მშენებლობას, რომელიც ითვალისწინებდა რამდენიმე ათასი ადამიანის განსახლებას, ასევე მრავალი სავაჭრო ცენტრისა და გასართობი ობიექტის არსებობას. სამშენებლო ინდუსტრიაში ერთ-ერთი პირველი მერცხალი იყო "ცენტრ პოინტი ჯგუფი", რომელიც 70 სხვადასხვა კომპანიის გაერთიანებას წარმოადგენს და რომელიც საქართველოში ყველაზე დიდ სამშენებლო სკანდალში გაეხვია. კომპანია დააარსეს ყოფილმა პარლამენტარებმა, ვახტანგ რჩეულიშვილმა და რუსუდან კერვალიშვილმა. "საერთაშორისო გამჭვირვალობაში" აღნიშნავენ, რომ დახვეწილი სქემის მეშვეობით, "ცენტრ პოინტი ჯგუფმა" დაარწმუნა ათასობით კლიენტი ჯერ კიდევ არაშენებული ბინები შეესყიდათ, შემდეგ კი, როგორც უკვე აღვნიშნეთ, მათ მიერ მშენებლობაში გადახდილი 310 მილიონი დოლარი არამიზნობრივად გამოიყენა. შედეგად თითქმის 6 200-მა ოჯახმა (დაახლოებით 30 000 ადამიანი) დაკარგა მათ მიერ გადახდილი აღნიშნული თანხა და ასევე ბინები, რომელთა უმეტესობაც ჯერ კიდევ აუშენებელი ან დაუსრულებულია", - წერს სტატიის ავტორი. 


 


"ცენტრ პოინტი ჯგუფის" დამფუძნებლების სტატუსი და კავშირები წინა მთავრობაში, რომელიც გამყარებული იყო მსხვილი შემოწირულობებით, იმ დროისთვის მმართველ პარტიას, "ერთიან ნაციონალურ მოძრაობას" უკავშირდება. ჩნდება ეჭვი, რომ ეს კავშირები მათ დაეხმარა თავიდან აეცილებინათ პირადი პასუხისმგებლობა კლიენტებისთვის მიყენებული ზარალისთვის", - აღნიშნავენ საერთაშორისო გამჭვირვალობაში". 2010 წლის 10 სექტემბერს მაია და ვახტანგ რჩეულიშვილებმა საჯაროდ განაცხადეს, რომ "ცენტრ პოინტი ჯგუფი" ვერ შეძლებდა მძიმე ფინანსური კრიზისიდან გამოსვლას გარე ჩარევის გარეშე. ამიტომ, მათ "ცენტრ პოინტი ჯგუფის" კომპანიებისა და სამშენებლო პროექტების მმართველობის უფლება კომპანია "დექსუსს" გადასცეს. ოფიციალური სარეგისტრაციო მონაცემების თანახმად, კომპანიის საწყისი კაპიტალი მხოლოდ 100 ლარს შეადგენდა.

 

"დექსუსი" სათავეში ჩაუდგა "ცენტრ პოინტი ჯგუფის" ქონების მართვას, სამშენებლო კომპანიებს კლიენტებისადმი დიდი ოდენობით დავალიანება ჰქონდათ დაგროვილი.

 

"დექსუსმა" უარი განაცხადა ამ დავალიანების დაფარვაზე და ამის ნაცვლად კლიენტებს დღგ-ს გადახდა მოსთხოვა, რაც თითოეული ასაშენებელი ბინის საერთო ღირებულების 18 პროცენტს შეადგენდა. ეს ნიშნავდა იმას, რომ მაგალითად ადამიანმა, რომელმაც 50 000 დოლარი გადაიხადა ბინაში, დამატებით კიდევ 9 ათასი დოლარი უნდა გაეღო საკუთარი ბინის მშენებლობის დასამთავრებლად. არ არსებობდა გარანტია, რომ მისი სახლის მშენებლობას "დექსუსი" მაინც დაამთავრებდა", - ნათქვამია სტატიაში.


იურისტების აზრით, კომპანიას ბინის გარდა დაზარალებული ადამიანებისთვის, პირიქით, კომპენსაცია უნდა მიეცა, ვინაიდან ისინი დაუმთავრებელი მშენებლობების გამო, წლების განმავლობაში ქირით ცხოვრობდნენ. პროექტების დასასრულებლად უფულო "დექსუსის" მცდელობა ასევე კრახით დასრულდა. 

"ცენტრ პოინტის" საქმის გააქტიურების შემდეგ სხვა სამშენებლო კომპანიების მიერ დაზარალებულებიც გააქტიურდნენ. მარტო თბილისში 100-მდე პრობლემური პროექტია, ამას ემატება რეგიონებიც. "სამშენებლო ინსპექციის" მთავარი ინჟინერი პაატა კიკნაძე "ბიზნეს-რეზონანსთან" საუბრისას აღნიშნავს, რომ სახელმწიფოს გამოსავლის მოძებნა შეუძლია, მაგრამ ოპტიმალური სქემის შექმნა ძალიან რთული და ხანგრძლივი პროცესი იქნება. "ძალიან ძნელია ზუსტად იმის თქმა, რამდენი მილიონი დოლარის ზიანი მიადგა მოსახლეობას. ეს არის უზარმაზარი რიცხვი. ახლა მთავარი საკითხია, როგორ გადავჭრათ პრობლემა. ვფიქრობთ, დაზარალებულებთან ერთად გაკეთდეს სპეციალური ჯგუფი. რაღაც შეთავაზება გვაქვს, თუ როგორ შეიძლება ამ საკითხის მოგვარება. მართალია, მოსახლეობისთვის მიყენებული ფინანსური ზარალი ძალიან დიდია, მაგრამ ზოგიერთი ობიექტი ნაწილობრივ აშენებულია და მისი დასრულებისთვის სახელმწიფოს ძალიან დიდი თანხა არ დასჭირდება. მაგალითად, ზოგიერთ ბინა, შეიძლება დასჭირდეს 10 ათასი, ზოგიერთს 50 ათასი. ვებ-გვერდზე გვაქვს დაზარალებულთა გრაფა, ისინი მიუთითებენ ობიექტებს, შემდეგ მივდივართ ადგილზე და ვცდილობთ რაღაც გათვლა გავაკეთოთ", - ამბობს პაატა კიკნაძე.

 

სპეციალისტების განცხადებით, არსებული პრობლემის წარმოშობაში ძალიან დიდი წვლილი მიუძღვის სახელმწიფოს, ვინაიდან სამშენებლო პროცესი თვითდინებაზე იყო მიშვებული და რეგულაციები აღარ გამოიყენებოდა. ამიტომ, აბსოლუტურად გამოუცდელი ბიზნესმენები მარტივად იწყებდნენ სამშენებლო პროექტებს, ჰაერს ყიდდნენ, არასწორი გათვლების გამო, მშენებლობას ვერ ასრულებდნენ და თავადაც ძალიან მძიმე დღეში ვარდებოდნენ. ამას ემატებოდა ისიც, რომ ხელისუფლება კომპანიებს ფულს "აწერდა" და მათი პიარისთვის სხვადასხვა პროექტის განხორციელებას უსასყიდლოდ სთხოვდა. 


„ასე რომ, მდგომარეობა საკმაოდ რთულია. დამნაშავეების მხოლოდ ნაწილი გისოსებს მიღმა რჩება, თუმცა დაზარალებულთათვის გამოსავალი ისევ არ ჩანს", - დასძენს გამოცემა.



საქართველოს დაავადებათა კონტროლის ცენტრის ლიცენზიის მქონე პირბადეები YES Hackathon Contain COVID-19-ის ერთ-ერთი გამარჯვებულია

საქართველოს დაავადებათა კონტროლის ცენტრის ლიცენზიის მქონე პირბადეები YES Hackathon Contain COVID-19-ის ერთ-ერთი გამარჯვებულია
access_time2020-08-13 12:55:55
ავტორი: ანა ბიბილეიშვილი კორონავირუსმა მასშტაბური ნეგატიური გავლენის პარალელურად, გაგვაცნო ინოვაციური იდეების მქონე ახალგაზრდები, რომლებიც დაუღალავად შრომობენ, რათა სამყარო უკეთესი გახდეს და ახალ რეალობაში თითოეული ადამიანი მარტივად ადაპტირდეს. ახალგაზრდული სამეწარმეო პოტენციალის მობილიზებისთვის მარტის თვეში ფონდმა „კრისტალმა“ USAID YES Georgia-სა და ფინანსური ჩართულობის ორგანიზაცია „კრისტალის“ მხარდაჭერით, დაავადებათა კონტროლისა და საზოგადოებრივი ჯანმრთელობის ეროვნულ...

„მეტრო ეიფორია ჰოტელ ბათუმის“ აქციები საქართველოს საფონდო ბირჟაზე დაილისტა

„მეტრო ეიფორია ჰოტელ ბათუმის“ აქციები საქართველოს საფონდო ბირჟაზე დაილისტა
access_time2020-08-13 14:10:52
საქართველოს საფონდო ბირჟაზე თურქი ბიზნესმენის გალიფ ოზთურქის სს  „მეტრო ეიფორია ჰოტელ ბათუმის“ აქციები დაილისტა. B კლასის აქციები (ISIN GE1100003932) დაშვებულ იქნა საქართველოს საფონდო ბირჟის B კატეგორიის ლისტინგში და სავაჭრო სისტემაში. აქციებს საბირჟო კოდი (ტიკერი) - MEHBB მიენიჭა. ბირჟაზე B ჯგუფის 54,476,929 ლარის ჯამური ნომინალური ღირებულების აქცია დაილისტა, თითოს ნომინალის ფასი 1 ლარია. კომპანიას ასევე გამოშვებული აქვს A კლასის 6 052 993 აქცია,...

„ოცნებასთან“ დაკავშირებულმა სასტუმროებმა მილიონები მიიღეს, მაშინ როცა სხვა სასტუმროები უსახსროდ დარჩნენ - გიორგი ვაშაძე

„ოცნებასთან“ დაკავშირებულმა სასტუმროებმა მილიონები მიიღეს, მაშინ როცა სხვა სასტუმროები უსახსროდ დარჩნენ - გიორგი ვაშაძე
access_time2020-08-13 15:20:10
„სტრატეგია აღმაშენებლის“ ლიდერმა გიორგი ვაშაძემ ტურიზმის ინდუსტრიაში არსებულ პრობლემებზე ისაუბრა და განაცხადა, რომ კრიზისის შედეგად უამრავ სასტუმროს დახურვა მოუწია, რის შედეგადაც ათასობის სამუშაო ადგილი დაიკარგა ქვეყნის მასშტაბით. ვაშაძის თქმით, კორონავირუსით შექმნილი კრიზისი „ქართულ ოცნებასთან“ დაახლოებული პარტნიორებისთვის კარგი ბიზნესი აღმოჩნდა, რომლებმაც, მხოლოდ 21 კომპანიისთვის 45 მილიონი ლარის ღირებულების ტენდერი გამოაცხადა, რომელთა მფლობელებიც მმართველი გუნდის...

BAG-ის გამოკითხული წევრების 72.2% მიიჩნევს, რომ არსებობს გარკვეული შემაფერხებელი ფაქტორები, რაც ხელს უშლის მათ ბიზნეს საქმიანობას

BAG-ის გამოკითხული წევრების 72.2% მიიჩნევს, რომ არსებობს გარკვეული შემაფერხებელი ფაქტორები, რაც ხელს უშლის მათ ბიზნეს საქმიანობას
access_time2020-08-13 11:59:16
მიმდინარე წლის მეორე კვარტლის ბოლოს ჩატარებული კვლევის თანახმად, საქართველოს ბიზნეს ასოციაციის გამოკითხული წევრების 72.2% განაცხადა, რომ არსებობს მათი ბიზნეს საქმიანობისთვის ხელისშემშლელი თუნდაც ერთი ფაქტორი. აღსანიშნავია, რომ ეს მაჩვენებელი შემცირებულია პირველი კვარტლის ბოლოს ჩატარებული კვლევასთან შედარებით, როდესაც საქმიანობისათვის ხელისშემშლელი ფაქტორების არსებობაზე გამოკითხულთა 86.5%  საუბრობდა. პირველი კვარტლის მაღალი მაჩვენებელი, სავარაუდოდ, COVID პანდემიით იყო განპირობებული, რაც...

პანდემიის გამო „ვითიბი“ ბანკს „ტოქსიკური“ სესხების ოდენობა გაეზარდა

პანდემიის გამო „ვითიბი“ ბანკს „ტოქსიკური“ სესხების ოდენობა გაეზარდა
access_time2020-08-13 12:00:22
ბანკების ფინანსური ანგარიშგებების 2020 წლის II კვარტლის მონაცემების მიხედვით, „ვითიბი ბანკი ჯორჯიას“ ზარალი სესხების შესაძლოა დანაკარგების მიხედვით წინა წლის ანალოგიურ პერიოდთან შედარებით თითქმის 6-ჯერ გაიზარდა. აღსანიშნავია, რომ მიმდინარე წლის 6 თვეში ეს მონაცემი 37,890,502 ლარი იყო, ხოლო 2019 წლის შესაბამის პერიოდში 6,920,718 ლარი. 2020 წლის II კვარტლის ფინანსური მაჩვენებლების მიხედვით, „ვითიბი“ ბანკის ზარალმა 26,095,611 ლარი შეადგინა, მაშინ როდესაც...


მსგავსი სიახლეები

up