„სამრეწველო საწარმოების 50%-მა გარემოს დაცვითი ვალდებულების შესახებ არ იცის“

„სამრეწველო საწარმოების 50%-მა გარემოს დაცვითი ვალდებულების შესახებ არ იცის“

access_time2019-02-12 21:35:52

სამრეწველო საწარმოების 50%-მა გარემოს დაცვითი ვალდებულების შესახებ არ იცის, - ამის შესახებ გარემოს დაცვის და სოფლის მეურნეობის სამინისტროს გარემოს ზედამხედველობის დეპარტამენტის თავმჯდომარის მოადგილემ ნელი კორკოტაძემ „საქმიან დილაში“ განაცხადა.


როგორც ის ამბობს, საწარმოები, რომლებიც ამ მიმართულებით, ვალდებულებებს არღვევენ, კანონმდებლობას არ იცნობენ.


მისი თქმით, კანონპროექტზე მუშაობა, რომელიც სამრეწველო ემისიებს ეხება, წელს დასრულდება.


გაზრდილ სანქციებთან ერთად სამრეწველო კომპანიები ვალდებულები იქნებიან, საწარმოები მაღალი ეფექტურობის მქონე მტვერდამჭერი მოწყობილობებით აღჭურვონ; ასევე საწარმოებისთვის აუცილებელი იქნება 24-საათიანი თვითმონიტორინგის სისტემის შემოღება, რომელიც როგორც კორკოტაძე ამბობს, ამ ეტაპზე ქვეყანაში არ გვაქვს.



“ჩვენ ვაძლიერებთ კონტროლს ატმოსფერული ჰაერის დამაბინძურებელი ობიექტების მიმართ. ერთის მხრივ, სანქციების შემოღებით და ამავდროულად სამინისტრო მუშაობს კანონპროექტზე, რომელიც სამრეწველო ემისიებს ეხება და ჩვენ ვიმედოვნებთ, რომ ამ წელს უკვე დასრულდება. ეს გულისხმობს იმას, რომ საწარმოებმა უნდა აღჭურვონ საკუთარი საწარმოები მაღალი ეფექტურობის მქონე მტვერდამჭერი მოწყობილობებით. მათ უნდა ჰქონდეთ თანამედროვე, ხელმისაწვდომი და ძალიან მაღალი დონის ტექნიკა.


ასევე უნდა ჰქონდეთ ონლაინ რეჟიმში 24-საათიანი თვითმონიტორინგის სისტემა, დღეს ჩვენ მსგავსი სისტემები სამწუხაროდ, არ გვაქვს. ეს ეტაპობრივად მოხდება იმისთვის, რომ საწარმოებზე არ მოხდეს მნიშვნელოვანი დარტყმა. ეს ყველაფერი კი, წყალსა და ჰაერში ემისიების შემცირებას შუეწყობს ხელს. დაახლოებით, 50% შემთხვევაში ვაწყდებით სამართალდარღვევებს, არა იმიტომ რომ ის განზრახ სჩადის ამას, არამედ იმიტომ რომ მან არ იცის გარკვეული ვალდებულებების შესახებ, თუმცა ბოლო პერიოდში გაიზარდა ცნობადობა გარემოს დაცვითი კანონმდებლობის მიმართულებით. კომპანიებმა დაიწყეს შესაბამისი კადრების აყვანა, მათ შორის გარემოს დაცვითი მმართველების, რომლებიც ამ კანონმდებლობაში კარგად ერკვევიან“, - ამბობს გარემოს დაცვის და სოფლის მეურნეობის სამინისტროს გარემოს ზედამხედველობის დეპარტამენტის თავმჯდომარის მოადგილე.


შეგახსენებთ, რომ “ადმინისტრაციულ სამართალდარღვევათა კოდექსში’’ შესატანი ცვლილებების პროექტით, რომელიც მალე მთავრობას განსახილველად გადაეგზავნება, დარღვევისთვის ჯარიმები 20-30 ათას ლარამდეა გაზრდილი, მაშინ როცა დღეს მოქმედი კანონით ჯარიმა 500-1000 ლარი იყო; ხოლო კანონდარღვევის განმეორების შემთხვევაში, სანქციები ორმაგდება. გარემოს ზედამხედველობის დეპარტამენტის მონაცემებით, 2018 წელს ატმოსფერული ჰაერის დაცვის კანონმდებლობის დარღვევის 412 შემთხვევაა გამოვლენილი; დაკისრებულმა სანქციამ კი, 166 300 ლარი შეადგინა.


bm.ge






New York Times – როდესაც რაიმე მაღალი პროფილის მშენებლობაზეა საუბარი, ივანიშვილის მხარდაჭერა აუცილებელია

New York Times – როდესაც რაიმე მაღალი პროფილის მშენებლობაზეა საუბარი, ივანიშვილის მხარდაჭერა აუცილებელია
access_time2019-08-24 18:00:54
საქართველოს უმდიდრესი მოქალაქე, ბიძინა ივანიშვილი დაიბადა როგორც მშენებელი. ის ქალაქის ყველაზე თვალწარმტაც ფუტურისტულ სასახლეში ცხოვრობს, რომელიც 50 მილიონი ამერიკული დოლარის ღირებულების ფოლადისა და შუშისგან არის აშენებული. სასახლე ქალაქში მდებარე...

რამდენ ადამიანს ამოეწურა მართვის მოწმობაზე მინიჭებული 100 ქულა და შეუჩერდა მისი მოქმედება

რამდენ ადამიანს ამოეწურა მართვის მოწმობაზე მინიჭებული 100 ქულა და შეუჩერდა მისი მოქმედება
access_time2019-08-24 16:25:42
შინაგან საქმეთა სამინისტრომ მართვის მოწმობაზე მინიჭებულ ქულათა 2019 წლის მე-2 კვარტლის მონაცემები გამოაქვეყნა. როგორც სტატისტიკიდან ირკვევა,...

სარეკლამო ბაზარზე აქტივობამ იკლო

სარეკლამო ბაზარზე აქტივობამ იკლო
access_time2019-08-24 16:00:54
საქართველოში სარეკლამო ბიზნესისადმი ინტერესი შემცირდა. ამის მიზეზი, როგორც სპეციალისტები ვარაუდობენ, სეზონური ცვლილებაა და მდგომარეობა შეიძლება შემოდგომიდან შეიცვალოს. ცხადია, გარკვეული გავლენა ბაზარზე პოლიტიკურმა პროცესმაც იქონია. არასაარჩევნო პერიოდში რეკლამის მიმართ მოთხოვნა ისედაც შემცირებულია და სარეკლამო ბაზარზე გარკვეულწილად ამანაც მოახდინა გავლენა. ტენდენცია შეიცვალა და სატელევიზიო რეკლამიდან ინტერესმა სოციალური ქსელებისკენ გადაინაცვლა, რაც წამყვან სატელევიზიო...

რატომ უნდა გადარდებდეთ ამაზონის ჯუნგლები?

რატომ უნდა გადარდებდეთ ამაზონის ჯუნგლები?
access_time2019-08-24 12:00:30
ამაზონის ჯუნგლები იწვის. ეს ტერიტორია სახლია იმაზე მეტი მცენარისა და ცხოველისათვის, ვიდრე ნებისმიერი სხვა ადგილი დედამიწაზე. ცხოველებისა და მცენარეების გარდა, ამ ტერიტორიაზე დაახლოებით 400-მდე ტომიც ცხოვრობს. ამაზონის ჯუნგლები ერთ-ერთი უმნიშვნელოვანესი საგანძურია, არა მარტო ადგილობრივი მოსახლეობისთვის, არამედ მთელი დედამიწისთვის. თანაც, ის, თავისი ზომისა და მასშტაბების გათვალისწინებით, დედამიწის ერთ-ერთი უკანასკნელი...

ჯობსის, გეითსისა და ბეზოსის ტექნოლოგიური წინასწარმეტყველებები, რომლებიც ახდა

ჯობსის, გეითსისა და ბეზოსის ტექნოლოგიური წინასწარმეტყველებები, რომლებიც ახდა
access_time2019-08-24 20:00:24
მომავლის წინასწარმეტყველებისთვის აუცილებელი არაა წარმატებული ბიზნესმენი იყოთ, მაგრამ ეს ნამდვილად დაგეხმარებათ. წარმოგიდგენთ სილიკონ ველის ტექნოლოგიების მაგნატების — სტივ ჯობის, ბილ გეითსისა და ჯეფ ბეზოსის წინასწარმეტყველებებს, რომლებიც მათ ჯერ კიდევ მე-20 საუკუნეში ივარაუდეს. ჯობსმა იწინასწარმეტყველა, რომ მალე გაჯეტებსთან ვატარებდით აგენტებით. ერთი სიტყვით აიფონებს —...


მსგავსი სიახლეები

up