კომერციული ბანკების მიერ სამრეწველო სექტორზე გაცემული სესხების რაოდენობამ, 2021 წლის დეკემბრის მონაცემებით, 942,3 მლნ ლარი შეადგინა, მათგან ლარში 509,269,000 ლარი, ხოლო უცხოურ ვალუტაში 433,009,000 ლარი გაიცა. 2021 წლის განმავლობაში, სამრეწველო სექტორზე სულ 6,24 მლრდ ლარის სესხი გაიცა, რაც ამ პერიოდში სხვადასხვა სეტორებზე გაცემული სესხების რაოდენობაში ყველაზე მეტია. საპროცენტო განაკვეთმა აღნიშნულ სექტორში ლარის სესხებზე 13.58%, ხოლო უცხოურ ვალუტაში გაცემულ სესხებზე 6.72% შეადგინა.
2021 წლის განმავლობაში, სავაჭრო სექტორზე სულ 5,79 მლრდ ლარის სესხი გაიცა. 2021 წლის დეკემბრის მონაცემებით, კომერციული ბანკების მიერ სავაჭრო სექტორზე გაცემული სესხების რაოდენობამ კი 676,6 მლნ ლარი ( ლარში 337,731,000 ლარი, ხოლო უცხოურ ვალუტაში 338,916,000 ლარი) შეადგინა, რაც ამ პერიოდში სხვადასხვა სეტორზე გაცემული სესხების რაოდენობით მეორე ადგილზეა. საპროცენტო განაკვეთმა აღნიშნულ სექტორში ლარის სესხებზე 13.24%, ხოლო უცხოურ ვალუტაში გაცემულ სესხებზე 6.49% შეადგინა.
2021 წლის მონაცემებით, მესამე ადგილზე, რომელზეც კომერციულმა ბანკებმა ყველაზე მეტი სესხი გასცეს მშენებლობის სექტორი აღმოჩნდა. გასული წლის განმავლობაში აღნიშნულ სექტორზე კომერციულმა ბანკებმა ლარში 1,111 მლრდ ლარი, ხოლო უცხოურ ვალუტაში 1,815 მლრდ ლარი გასცეს. საპროცენტო განაკვეთებმა ლარის სესხებზე 13.39%, ხოლო უცხოური ვალუტის სესხებზე 7.2% შეადგინა.
აღსანიშნავია, რომ 2021 წლის განმავლობაში კომერციულმა ბანკებმა რეზიდენტ იურიდიულ პირებზე სულ 21 მლრდ ლარის (ლარში 10,6 მლრდ ლარი, ხოლო დოლარში 10,4 მლრდ ლარი) სესხი გასცეს.
სავაჭრო სექტორი
