„სამომხმარებლო სესხების მიმართულებით რეგულაციების შერბილება ამ ეტაპზე არ იგეგმება“ - „საქართველოს საბანკო ასოციაციის“ პრეზიდენტი

„სამომხმარებლო სესხების მიმართულებით რეგულაციების შერბილება ამ ეტაპზე არ იგეგმება“ - „საქართველოს საბანკო ასოციაციის“ პრეზიდენტი

access_time2019-07-18 11:00:01

„სამომხმარებლო სესხების მიმართულებით რეგულაციების შერბილება ამ ეტაპზე არ იგეგმება,“- ამის შესახებ „კომერსანტს“ „საქართველოს საბანკო ასოციაციის“ პრეზიდენტმა ალექსანდრე ძნელაძემ განუცხადა. მისი განმარტებით, ამ მიმართულებით მიდის მუშაობა, რომ რაიმე საერთო სტატისტიკური მოდელი არსებობდეს შემოსავლებთან მიმართებაში, მაგრამ ეს სიტუაციას არ შეამსუბუქებს.


„ის პრინციპი, რაც რეგულაციაშია მითითებული, თეორიულად ითვალისწიებს იმას, რომ ამ კუთხით რაიმე კონკრეტული მოდელი შეიქმნას და შეფასდეს. თუმცა, იპოთეკურ სესხებთან დაკავშირებით ძველი პროდუქტები უფრო მეტად გულისხმობდა შემოსავლის შესწავლას ან კლიენტის შესწავლას, სამომხმარებლო სესხებზე ასე არ არის. ის მაქსიმალურად გამარტივებული იყო,“ აცხადებს ძნელაძე.


მისი განმარტებით, ეროვნულ ბანკს კომერციული ბანკების ფინანსური ანგარიშების 6 თვის შედეგები ჯერ არ გამოუქვეყნებია, თუმცა, მოლოდინი იპოთეკურ სესხების მცირედით ზრდასთან დაკავშირებით იყო. როგორც ძნელაძე განმარტავს, მოლოდინი არსებობდა სამომხმარებლო სესხების პორტფელის შემცირებაზეც. პირველი კვარტლის მონაცემებით სიტუაცია ამ ნაწილში მკვეთრადაა შეცვლილი.


მისი განცხადებით, ავტოსესხთან დაკავშირებით ეს კანონი ბევრად უფრო ლოილურია, ასევე არსებობს ლიზინგის საშუალებაც. „ავტომანქანის შემთხვევაში,მოძრავი ქონების დაგირავების (ავტომანქანის) შემთხვევაში, ბანკს თუ აქვს სურვილი, შეუძლია საერთოდ არ განიხილოს შემოსავალი. შესაბამისად, მოთხოვნა მხოლოდ ამ ავტომანქანაზე ექნება“-აცხადებს ძნელაძე.


მისი განმარტებით, ავტოსალონებს და ავტოიმპორტიორებს შემოსავალი და გაყიდვები არა უფრო საბანკო რეგულაციებმა, არამედ ქვეყანაში არსებულმა ზოგადმა კლიმატმა შეუმცირა.


„მე არაერთხელ მითქვამს, რომ ეს რეგულაცია რომც არ შემოსულიყო, ზრდის ის ტემპი არ იქნებოდა, რაც შარშან იყო. არსებობს უამრავი სხვა რეგულაციები და უამრავი სხვა ხელისშემშლელი ფაქტორი, რომ შარშანდელი ტემპი საბანკო სექტორში, განსაკუთრებით სამომმხარებლო სექტორში, არ გაგრძელდებოდა,“ აცხადებს ძნელაძე.


2018 წლის 7 მაისიდან ეროვნული ბანკის რეგულაციების ძალაში შესვლის შემდეგ ბანკები სესხებს შემოსავლების დაადსტურების გარეშე ვეღარ გასცემენ. 2019 წლის 1 იანვრიდან საქართველოს საფინანსო ბაზრისთვის “პასუხსიმგებლიანი დაკრედიტების” მოთხოვნები ამოქმედდა.


იპოთეკური სესხების მიმართლებით რეგულაციები შერბილდა. გამარტივებულ. ახალ პროდუქტებზე მუშაობა უკვე დაიწყო „თიბისი ბანკმა“ და „საქართველოს ბანკმა“. „საბანკო ასოციაციის“ ხელმძღვანელი ალექსანდრე ძნელაძე აცხადებს,რ ომ ეს პროცესი სხვა ბანკებთანაც გაგრძელდება.


სოფო ქსოვრელი 





StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა

StopCoV ფონდში ჩარიცხული თანხა 23 793 096 ლარიდან 124 543 899 ლარამდე გაიზარდა
access_time2020-04-09 00:50:17
StopCoV ფონდში ჩარიცხული თანხის მაჩვენებელი 124 543 899 ლარამდე გაიზარდა. მონაცემები საქართველოს მთავრობის...

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ

თბილისის სახელმწიფო უნივერსიტეტის სტუდენტებს „გრანთ თორნთონის“ სტიპენდია გადაეცათ
access_time2020-04-08 21:20:49
ივანე ჯავახიშვილის სახელობის თბილისის სახელმწიფო უნივერსიტეტის  3 სტუდენტი კომპანია „გრანთ თორნთონის“ სტიპენდიანტი გახდა.  ეკონომიკისა და ბიზნესის ფაკულტეტის სტუდენტები თამარ ათოშვილი, ანა ბუხრაშვილი და ელენე ცეცხლაძე სპეციალურ სტიპენდიას 2019-2020 სასწავლო წლის გაზაფხულის სემესტრში მიიღებენ.   როგორც „გრანთ თორნთონის“ მმართველმა პარტიორმა ვახტანგ ცაბაძემ განაცხადა,  კომერციული სექტორის ჩართულობა და სტიპენდიების დაწესება სახელმწიფო უნივერსიტეტებში,...

ლიბერთი ბანკის მმართველ გუნდში ცვლილებებია

ლიბერთი ბანკის მმართველ გუნდში ცვლილებებია
access_time2020-04-08 19:50:52
თბილისი, 8 აპრილი, 2020 - დღეს, ლიბერთი ბანკის მმართველ გუნდს, გენერალური დირექტორის მოადგილის, ფინანსური დირექტორის პოზიციაზე, დავით წიკლაური შეუერთდა. დღემდე, ამ პოზიციას ლევან ლეკიშვილი იკავებდა.   დავით წიკლაურს საბანკო სექტორში მუშაობის მრავალწლიანი გამოცდილება აქვს, როგორც საქართველოში ასევე საქართველოს საზღვრებს გარეთ. მას არაერთი პოზიცია ეკავა ქვეყნის წამყვან ბანკებში თიბისი ბანკის გენერალური დირექტორის მოადგილის, კორპორაციული საბანკო საქმიანობის მიმართულებით...

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ

მსოფლიოს მსხვილი რესტორნების ქსელები კრიზისის გადასალახად პროდუქტების მაღაზიებად იქცნენ
access_time2020-04-08 20:00:05
კორონავირუსის პანდემიამ რესტორნების ბიზნესს უმძიმესი დარტყმა მიაყენა. ყველაზე მაღალშემოსავლიანი დაწესებულებები უპრეცედენტო ვარდნის წინაშე აღმოჩნდენ, რამაც თანამშრომლების შემცირება გამოიწვია. გადარჩენის ინსტიქტმა რესტორნები აიძულა შემოსავლის ტემპის შესანარჩუნებლად ახალი გზები მოეძებნათ. ზოგი პროდუქტების მაღაზიად იქცა და ზოგი ფერმერების დახლის ფუნქციას ითავსებს,  სადაც მომხმარებელს ახალ პროდუქტის შეძენა და მისი სახლში მომზადება...

8 აპრილი - ქართული ლარი, თურქული ლირა და სომხური დრამი გაუფასურდა

8 აპრილი - ქართული ლარი, თურქული ლირა და სომხური დრამი გაუფასურდა
access_time2020-04-08 19:00:07
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან მყარდება. ეროვნული ბანკის მიერ გამოქვეყნებული 8 აპრილის ვაჭრობის შედეგად, ქართული ლარის კურსი მცირედით...


მსგავსი სიახლეები

up