როგორც საქართველოს პრემიერ-მინისტრმა ირაკლი ღარიბაშვილმა აღნიშნა, საბანკო და საფინანსო სექტორი ე.წ. ესტონურ მოდელზე აღარ გადადიან. გარდა ამისა მთავრობამ საბანკო სექტორისთვის მოგების გადასახადის 15-დან 20%  მდე გაზრდის გადაწყვეტილება მიიღო, რა  გავლენა ექნება  ამ  პროცესს საბანკო სექტორზე და მომხმარებელზე,  ამ  და  სხვა თემებზე,  რადიო „კომერსანტის„ გადაცემაში „კომერსანტის დილა“  საბანკო ასოციაციის  ხელმძღვანელმა ალექსანდრე  ძნელაძემ ისაუბრა, მისი  თქმით აღნიშნული საკანონმდებლო ცვლილების რეალიზაციასა და იმპლემენტაციისთვის ძალიან მცირე დროა დარჩენილი, თუმცა ლოგიკა იმაშია, რომ აღნიშნული ცვლილებების შეტანა საანგარიშგებო წლამდე უნდა მოხდეს და დამატებით პრობლემები არ გამოიწვიოს. 

„კიდევ ერთი ცვლილება არის ის, რომ მომავალი წლიდან საბანკო სექტორი, მიკრო საფინანსო და სესხის გამცემი სუბიექტების აღრიცხვიანობა AFRS სტანდარტით იქნება, ანუ რეალურად სესხების აღრიცხვა საერთაშორისო სტანდარტით მოხდება, რაც საბანკო სექტორისთვის დამატებითი ხარჯია.

ესტონური მოდელზე ერთი თვით ადრე იყო გაჟღერებული, რომ შესაძლოა ბანკი ამ მოდელზე არ გადასულიყო და მისი ამოქმედება გადავადებულიყო. ცალსახად შეგვიძლია ვთქვათ, რომ სამივე გადაწყვეტილება საბანკო სექტორს ფისკალურ ხარჯს უზრდის“, - აღნიშნა ალექსანდრე ძნელაძემ.

ძნელაძის თქმით როდესაც საუბარია იმაზე, რომ საბანკო სექტორს ხარჯი ეზრდება, ამ დროს კონკრეტულად ბიზნესთან მიმართებაში გარკვეული ხარჯების კომპენსირება და სხვადასხვა მეთოდით ხარჯების ოპტიმიზირება ხდება.

„ამ კონკრეტულ შემთხვევაში საუბარია იმაზე, რომ ესტონური მოდელი საბანკო სექტორისთვის აქამდე არ მოქმედებდა და იმედი გვქონდა რომ ამოქმედდებოდა და ეს ნამეტი მოგება კაპიტალში აკუმულირდებოდა , მეორე გადაწყვეტილება  ეს  არის მოგების  გადასახადის 15% - იდან 20 % - მდე ზრდა, მაგრამ პარალელურად  უქმდება დივიდენდის გადასახადი, დივიდენდის გადასახადი არ იყო ბანკის გადასახადი , ეს იყო ინვესტორის გადასახადი და  ესტონური მოდელის  შემთხვევაშიც და ისეც მხოლოდ იმ შემთხვევაში ხდება მისი გადახდა თუ ხდება დივიდენდის გაცემა.  ამ  შემთხვევაში  15- და 20 % მდე  ზრდა და ესტონური მოდელის გაუქმება საბანკო  სექტორისთვის საგადასახადო ხარჯს ავტომატურად ზრდის“, - აღნიშნა ალექსანდრე ძნელაძემ.

თაკო კვაჭანტირაძე