სამეგრელოში წარმოებული ლოკოკინა ექსპორტზე იტალიაში გავიდა  - კომპანია „ნადი გრუპი“ ლოკოკინის ლორწოს გადამუშავებას გეგმავს

სამეგრელოში წარმოებული ლოკოკინა ექსპორტზე იტალიაში გავიდა - კომპანია „ნადი გრუპი“ ლოკოკინის ლორწოს გადამუშავებას გეგმავს

access_time2019-10-08 18:00:54

სამეგრელოში წარმოებული ლოკოკინები იტალიაში ექსპორტზე გავიდა. საუბარია, სამეგრელოში, კომპანია „ნადი გრუპის“ მიერ წარმოებულ 5 ტონა ლოკოკინაზე. ამის შესახებ „კომერსანტს“ კომპანიის ერთ-ერთმა დამფუძნებელმა მერაბ ნადარაიამ განუცხადა. მისი ინფორმაციით, წლის ბოლოს დაგეგმილია მეორე პარტიის გატანა, საუბარია 15 ტონაზე.



 როგორც ნადარაია აცხადებს,  ქართული წარმოების ლოკოკინა საერთაშორისო ბაზარზე კონკურენტუნარიანია, რადგან ჩვენი პროდუქცია ხარისხითაც და ფასითაც მიმზიდველია, გამომდინარე დაბალი თვითღირებულებიდან. ამის მიზეზია ევროპისგან განსხვავებით იაფი მუშა-ხელი და საქართველოში არსებული საგადასახადო კოდექსით განსაზღვრული გადასახადების დაბალი  განაკვეთი.


„დღეს ევროპის ბაზარზე მაგალითად, 1 კილო ლოკოკინის ფასი 5 ევროა, სამაგრელოში წარმოებული კი 3 ევრო ღირს,“ აღნიშნავს ნადარაია. 


6 ჰექატრზე გაშენებული ფერმაში წელიწადში საშუალოდ 50 ტონა ლოკოკინის წარმოებაა დაგეგმილი. პროდუქციის რეალიზაცია კი 100%-ით საექსპორტო ბაზრებზე, კერძოდ იტალიაში მოხდება. მიმდინარეობს მოლაპარაკებები საფრანგეთთან და პოლონეთთანაც.



„გვყვავს იტალიელი პარტნიორი, რომელიც ჩვენგან შეისყიდის ლოკოკინას ხორცს და მოამარაგებს როგორც რესტორნებს, ისე სუპერმარკეტებს, ეს პარტნიორი უშვებს მედიკამენტებს და პარფიუმერულ მალამოებსაც,“ აღნიშნავს ნადარაია.




ნადარაია „კომერსანტთან“  სამომავლო გეგმებზეც საუბრობს და აცხადებს, რომ კომპანია ინვესტიციების დაფარვის პარარელურად, გაფართოებასაც გეგმავს. კომპანიამ ამ დრისთვის უკვე განახორციელა ნახევარი მილიონი ევროს ინვესტიცია, მომავალი წლისთვის კი, 70 000 ევროს ინვესტირებას გეგმავს.



მისი განმარტებით, დაგეგმილია ფარმაცევტული და კოსმეტიკური საშუალებების მწარმოებელი კომპანიებისთვის საჭირო ნედლეულის წარმოებაც. საუბარია, ლოკოკინის ლორწოზე, რომელსაც სამედიცინო დანიშნულება აქვს.


„ჩვენ ლო­კო­კი­ნის ხორ­ცის გარ­და, მისი ლორ­წოს წარ­მო­ე­ბა­საც ვა­პი­რებთ, რაც გა­მო­ი­ყე­ნე­ბა კა­ნის მოვ­ლის სა­შუ­ა­ლე­ბებ­სა და მე­დი­ცი­ნა­ში. შე­მო­სავ­ლე­ბით, ის ხორ­ცის შე­მო­სა­ვალს უტოლ­დე­ბა. ეს მი­მარ­თუ­ლე­ბა  შეს­წავ­ლილია და დაკ­ვე­თი­ლია შე­სა­ბა­მი­სი აპა­რა­ტე­ბიც. საკ­მა­ოდ ძვი­რად­რი­რე­ბუ­ლია და უკვე მზად­დე­ბა. ჩა­მოგ­ვაქვს  და მო­მა­ვა­ლი წლის გა­ზა­ფხულ­ზე და ვი­წყებთ ლორ­წოს წარ­მო­ე­ბა­საც. იმ­დე­ნად მო­თხოვ­ნა­დია ეს ბა­ზარ­ზე, რომ მისი გა­სა­ღე­ბა არა­ნა­ირ პრობ­ლე­მას არ წარ­მო­ად­გენს , -“-აღნიშნავს ნადარაია.


კომპანია „ნადი გრუპის“ ერთ-ერთ დამფუძნებელთან ვრცელ ინტერვიუს “კომერსანტი“ მოგვიანებით შემოგთავაზებთ. 




სოფო ქსოვრელი 





„ვერ გამოვრიცხავ სასამართლო დავას ანაკლიის კონსორციუმის მხრიდან - იმედი ვიქონიოთ, იქნებ მათ ეყოთ ნამუსი, რომ პროცესში არ შევიდნენ, თუნდაც არბიტრაჟის სახით“

„ვერ გამოვრიცხავ სასამართლო დავას ანაკლიის კონსორციუმის მხრიდან - იმედი ვიქონიოთ, იქნებ მათ ეყოთ ნამუსი, რომ პროცესში არ შევიდნენ, თუნდაც არბიტრაჟის სახით“
access_time2019-10-20 20:48:43
ანაკლიის განვითარების კონსორციუმმა თუ ვერ შეასრულა დაფინანსების მოზიდვის ვალდებულება, შესაბამისად, ჩვენ სამწუხაროდ, აღარ გვექნება მეტი საშუალება, რომ გადავდოთ ამ ძალიან მნიშვნელოვანი პროექტის განხორციელება, - ამის შესახებ რეგიონული განვითარებისა და ინფრასტრუქტურის...

The Washington Post: აფხაზეთში ცხოვრობს 400 ჩრდილოეთ კორეელი მიგრანტი

The Washington Post: აფხაზეთში ცხოვრობს 400 ჩრდილოეთ კორეელი მიგრანტი
access_time2019-10-20 22:00:50
ამ დროისთვის აფხაზეთში ცხოვრობს და მუშაობს 400 ჩრდილოეთ კორეელი, რომელსაც შეუძლია დარჩეს არაღიარებულ რესპუბლიკაში საერთაშორისო სანქციების მიუხედავად.   დილით ადრე, ჯერ კიდევ მზის ამოსვლამდე, ჩრდილოეთ კორეელი მუშები გადიან აფხაზეთის ქალაქების ქუჩებში სახლების ასაშენებლად და რკინიგზის გასაყვანად.   ისინი ცხოვრობენ მიტოვებულ საბჭოთა სასტუმროში, რომელიც გარშემორტყმულია პალმებით და მოზაიკებით ლენინის...

რატომ აფეთქდა გურამიშვილის გამზირზე გაზი - ურთიერთ ბრალდებები და რისიკის ქვეშ მყოფი ქალაქი

რატომ აფეთქდა გურამიშვილის გამზირზე გაზი - ურთიერთ ბრალდებები და რისიკის ქვეშ მყოფი ქალაქი
access_time2019-10-20 20:00:27
კიდევ ერთი აფეთქება თბილისში, გურამიშვილის გამზირზე, რომელიც სავარაუდოდ, გაზის გაჟონვის შედეგად მოხდა. სპეციალისტთა შეფასებით, ამისგან თბილისში დაზღვეული პრაქტიკულად არავინაა. ვის ეკუთვნის პასუხისმგებლობა მომხდარზე და რა მექანიზმებს მიმართა ხელისუფლებამ იმისთვის, რომ მსგავსი ფაქტები აღარ განმეორდეს?   აფეთქების შედეგად 4 ადამიანია დაშავებული, რომელთა შორის ერთი არასრუწლოვანია. ხოლო სახლის მეპატრონეს, სადაც აფეთქება მოხდა, მძიმე სახის დამწვრობა აქვს მიღებული. სამაშველო...

Lufthansa-ს სუბსიდირებული ავიაკოპანიების თანამშრომლები გაიფიცნენ

Lufthansa-ს სუბსიდირებული ავიაკოპანიების თანამშრომლები გაიფიცნენ
access_time2019-10-20 19:00:06
გერმანიის ბორტგამცილებლების პროფკავშირმა დღეს გაფიცვა მოაწყო, რის შედეგადაც Eurowings-ის, Germanwings-ის, Lufthansa Cityline-ისა და Sunexpress-ის რეისები არ შესრულდა. გაფიცვა შუა ღამემდე, ადგილობრივი დროით 02:00 საათამდე გაგრძელდება. ამის შესახებ...

ბაკურიანისთვის სამგზავრო ავტობუსების შესყიდვაზე ტენდერი გამოცხადდა

ბაკურიანისთვის სამგზავრო ავტობუსების შესყიდვაზე ტენდერი გამოცხადდა
access_time2019-10-20 17:40:20
საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ბაკურიანის სამგზავრო ავტობუსების შესყიდვაზე ტენდერი გამოაცხადა. ინფორმაციას ფონდი ავრცელებს. შესყიდვა ევროპის რეკონსტრუქციისა და განვითარების ბანკის (EBRD) დაფინანსებით ხორციელდება და ითვალისწინებს 10 ერთეული სამგზავრო ავტობუსის შეძენას. „გარდა სამგზავრო ავტობუსებისა, ფონდს დაგეგმილი აქვს ბაკურიანისთვის თოვლის საწმენდი, სათხილამურო ტრასების მოსაწესრიგებელი, მყარი...


მსგავსი სიახლეები

up