სალომე სამადაშვილი - მმართველი უმრავლესობა ცდილობს, ამნისტიის კანონპროექტთან დაკავშირებით გაექცეს შეთანხმების სულისკვეთებას და კანონპროექტი საკუთარ ინტერესებს მოარგოს

სალომე სამადაშვილი - მმართველი უმრავლესობა ცდილობს, ამნისტიის კანონპროექტთან დაკავშირებით გაექცეს შეთანხმების სულისკვეთებას და კანონპროექტი საკუთარ ინტერესებს მოარგოს

access_time2021-05-14 13:10:00

ძალიან კარგად ვხედავთ, რომ მმართველი უმრავლესობა ცდილობს, რომ ამნისტიის კანონპროექტთან დაკავშირებით გაექცეს შეთანხმების სულისკვეთებას და კანონპროექტი საკუთარ ინტერესებს მოარგოს, ამის წინააღმდეგ გამოვიყენებთ შესაბამის ბერკეტებს, – ამის შესახებ „ნაციონალური მოძრაობის“ ყოფილმა წევრმა, სალომე სამადაშვილმა განაცხადა.


მისი თქმით, პარლამენტის თავმჯდომარესთან, კახა კუჭავასთან შეხვედრაზე ამნისტიის კანონპროექტთან დაკავშირებით ოპოზიციასა და ხელისუფლებას შორის არსებული ხედვები განიხილეს.


„კონკრეტული საკითხი, რომელიც დღეს არის შეთანხმების ფარგლებში და იწვევს აზრთა სხვადასხვაობას ეს არის, ამნისტიის კანონპროექტი. ამიტომ, ჩვენ პარლამენტის თავმჯდომარესთან დეტალურად განვიხილეთ ხედვებში არსებული ის განსხვავებები, რომელიც არსებობს ოპოზიციასა და ხელისუფლებას შორის ამნისტიის კანონპროექტთან დაკავშირებით. ჩვენი სურვილი და მცდელობა იქნება მიმართული იქეთკენ, რომ მოხდეს საბოლოო ჯამში ისეთი კანონპროექტის შეთანხმება, რომელიც იქნება კონსენსუსზე დაფუძნებული. დღევანდელი მდგომარეობით ჩვენ, ძალიან კარგად ვხედავთ, რომ ხელისუფლების მმართველი უმრავლესობა ცდილობს, რომ ამნისტიის კანონპროექტთან დაკავშირებით გაექცეს შეთანხმების სულისკვეთებას და მოარგოს ეს კანონპროექტი საკუთარ ინტერესებს თუ საკუთარ პოლიტიკურ დღის წესრიგს. ჩვენ ამის წინააღმდეგ გამოვიყენებთ შესაბამის ბერკეტებს, როგორც პარლამენტში ასევე ჩვენს საერთაშორისო პარტნიორებთან შესაბამისი კომუნიკაციით“, – განაცხადა სალომე სამადაშვილმა.


მისივე თქმით, შეხვედრაზე საუბარი შეეხო საარჩევნო კანონმდებლობასაც.



„გვქონდა საუბარი ყველა იმ პრობლემაზე, რაც შეეხება ამნისტიის კანონპროექტს, თუმცა ასევე ვისაუბრეთ არჩევნებთან დაკავშირებით. ყველას ესმის, რომ საარჩევნო კანონმდებლობაში ცვლილებები, რომელიც უახლოეს მომავალში იქნება მიღებული, უნდა სარგებლობდეს სრული ნდობით, როგორც ხელისუფლების ასევე ოპოზიციის მხრიდან. წინააღმდეგ შემთხვევაში, ადგილობრივი არჩევნებისთვის ჩვენ ვერ მივაღწევთ იმ მთავარ ამოცანას, რაც არის საარჩევნო გარემოს შეცვლა იმგვარად, რომ ყველას, ოპოზიცია იქნება თუ ხელისუფლება, ჰქონდეს ნდობა არჩევნების მიმართ. ეს გამოიწვევს კიდევ ერთ და შესაძლოა, კიდევ უფრო ღრმა განგრძობად პოლიტიკურ კრიზისს ქვეყანაში. საუბარი გვქონდა ერთის მხრივ, კონსტრუქციულ საკითხებზე, მაგრამ ასევე გვქონდა საუბარი ძალიან პრობლემატურ საკითხებზე, რომელიც უნდა მოგვარდეს უახლოეს მომავალში, თუ გვსურს, რომ მიშელის დოკუმენტის იმპლემენტაცია იყოს მართლაც წარმატება და წავიდეთ წინ“, – განაცხადა სალომე სამადაშვილმა.


სალომე სამადაშვილმა იმედი გამოთქვა, რომ კახა კუჭავა გაითვალისწინებს ოპოზიციის ხედვებს საკუთარ გადაწყვეტილებებში.


„მან მოუსმინა ჩვენი პოზიცია, ჩვენ ყოველ შემთხვევაში, იმედი გვაქვს, რომ ახლად არჩეული პარლამენტის თავმჯდომარე, რომელიც ასევე იყო არჩეული სწორედ იმ სულისკვეთებით, რომ მან ხელი შეუწყოს მიშელის შეთანხმების განხორციელებას, გაითვალისწინებს ოპოზიციის ხედვებს საკუთარ გადაწყვეტილებებში“, – განაცხადა სამადაშვილმა.


1tv.ge




500 რუსი მილიარდერი ქვეყნის სიმდიდრის 40%-სფლობს

500 რუსი მილიარდერი ქვეყნის სიმდიდრის 40%-სფლობს
access_time2021-06-12 20:00:05
...

Newsweek: რაზე ისაუბრებენ 16 ივნისს ბაიდენი დაპუტინი?

Newsweek: რაზე ისაუბრებენ 16 ივნისს ბაიდენი დაპუტინი?
access_time2021-06-12 20:47:32
...

ლევან სილაგავა – სუბსიდირება ფქვილს გააიაფებს

ლევან სილაგავა – სუბსიდირება ფქვილს გააიაფებს
access_time2021-06-12 19:55:08
მომავალი კვირის ოთხშაბათ-ხუთშაბათს გადაწყდება, გაგრძელდება თუ არა ფქვილის სუბსიდირების პროგრამა. „კომერსანტი“ სუბსიდირების პროგრამის და პურის ბაზარზე არსებული სიტუაციის შესაფასებლად ხორბლისა და ფქვილის მწარმოებელთა ასოციაციის ხელმძღვანელს ლევან სილაგავას დაუკავშირდა. სილაგავა ფიქრობს, რომ დღევანდელი ტენდენცია უფრო დამაიმედებელია და ამის პასუხი არის ის, რომ დღეს ერთი ტონა ხორბლის ფასი 280 $— დან...

აპრილ-მაისში ტურისტული ვიზიტების რაოდენობა 222.8%-ით გაიზარდა

აპრილ-მაისში ტურისტული ვიზიტების რაოდენობა 222.8%-ით გაიზარდა
access_time2021-06-12 18:07:39
...

ვახტანგ კალოიანი: ვერ მივაღწიეთ დოკუმენტის შექმნას, რომელიც კლინიკურ სექტორში არსებულ ვითარებას შეაფასებდა

ვახტანგ კალოიანი: ვერ მივაღწიეთ დოკუმენტის შექმნას, რომელიც კლინიკურ სექტორში არსებულ ვითარებას შეაფასებდა
access_time2021-06-12 12:00:02
„საქართველო სრულიად სხვა  ქვეყნების კეთილ ნებაზე და  საჩუქრებე დამოკიდებული გახდა, ხელისუფლებამ კი ვაქცინების  შეძენის  პროცესის  დაორგანიზება ვერ  შეძლო“ – ამის შესახებ „ანესთეზიოლოგიისა და კრიტიკული მედიცინის ასოციაციის“ დამფუძნებელმა, ვახტანგ კალოიანმა ქვეყანაში მიმდინარე ვაქცინაციის პროცესის შფასებისას განაცხადა. მისივე თქმით, ამ ეტაპზე ქვეყანას ვაქცინები პრაქტიკულად არ აქვს. კალოიანმა აღნიშნა, რომ  მეოთხე...


მსგავსი სიახლეები

up