2020 წლის კრიზისის ფონზე, საკრედიტო პორტფელში უმოქმედო სესხების წილი წლის დასაწყისიდან 3.9 პროცენტული პუნქტით გაიზარდა და მიმდინარე მდგომარეობით 8.4%-ს შეადგენს, რაც წინა წელთან შედარებით გაორმაგებული მაჩვენებელია, - ამის შესახებ ინფორმაცია საქართველოს ეროვნული ბანკის ფინანსური სტაბილურობის კომიტეტმა სხდომის გადაწყვეტილების მიხედვით გამოქვეყნდა. დოკუმენტში ნათქვამია, რომ ეროვნული ბანკის პროგნოზით, აღნიშნული მაჩვენებელი 2021 წლის პირველ ნახევარში სავარაუდოდ 10%-საც მიაღწევს.
2020 წლის ფინანსური მაჩვენებლების მიხედვით, უმოქმედო სესხების წილი ყველაზე მაღალი „ქართუ ბანკშია“, სადაც 900-მილიონიანი საკრედიტო პორტფელის 35% უმოქმედოა, თუმცა წლიურ ჭრილში „ქართუ ბანკში“ უმოქმედო სესხების მოცულობა მხოლოდ 2.2 პროცენტული პუნქტით არის გაზრდილი. წლიურ ჭრილში ყველაზე მაღალ მატება „პაშა ბანკის“ აქვს, სადაც უმოქმედო სესხები 7.2 პროცენტული პუნქტით გაიზარდა.
კომერციული ბანკების რეიტინგი უმოქმედო სესხების მიხედვით:
ქართუ ბანკი - უმოქმედო სესხების მოცულობა 35.0%, ზრდა 2.2%, მთლიანი საკრედიტო პორტფელი - 914.4 მლნ ლარი;
სილქ როუდ ბანკი - უმოქმედო სესხების მოცულობა 26.7%, ზრდა 7.2%, მთლიანი საკრედიტო პორტფელი - 10.7 მლნ ლარი;
ხალიკ ბანკი საქართველო - უმოქმედო სესხების მოცულობა 12.0%, ზრდა 2.9%, მთლიანი საკრედიტო პორტფელი - 479.9 მლნ ლარი;
ფინკა ბანკი საქართველო - უმოქმედო სესხების მოცულობა 9.3%, ზრდა 3.4%, მთლიანი საკრედიტო პორტფელი - 183.3 მლნ ლარი;
ზირაათ ბანკი საქართველო - უმოქმედო სესხების მოცულობა 8.4%, ზრდა 6.1%, მთლიანი საკრედიტო პორტფელი - 52.7 მლნ ლარი;
საქართველოს ბანკი - უმოქმედო სესხების მოცულობა 8.4%, ზრდა 4.8%, მთლიანი საკრედიტო პორტფელი - 12.55 მილიარდი ლარი;
ვითიბი ბანკი ჯორჯია - უმოქმედო სესხების მოცულობა 8.0%, ზრდა 1.8%, მთლიანი საკრედიტო პორტფელი - 1.3 მილიარდი ლარი;
თიბისი ბანკი - უმოქმედო სესხების მოცულობა 7.7%, ზრდა 4.6%, მთლიანი საკრედიტო პორტფელი - 13.98 მილიარდი ლარი;
ბაზისბანკი - უმოქმედო სესხების მოცულობა 7.7%, ზრდა 3.8%, მთლიანი საკრედიტო პორტფელი - 1 მილიარდი ლარი;
პაშა ბანკი საქართველო - უმოქმედო სესხების მოცულობა 7.4%, ზრდა 7.2%, მთლიანი საკრედიტო პორტფელი - 312.1 მლნ ლარი;
ტერაბანკი - უმოქმედო სესხების მოცულობა 7.2%, ზრდა 1.7%, მთლიანი საკრედიტო პორტფელი - 872.5 მლნ ლარი;
ლიბერთი ბანკი - უმოქმედო სესხების მოცულობა 6.2 %, ზრდა 1.2 %, მთლიანი საკრედიტო პორტფელი -1.55 მილიარდი ლარი;
პროკრედიტ ბანკი - უმოქმედო სესხების მოცულობა 4.2%, ზრდა 0.7%, მთლიანი საკრედიტო პორტფელი - 1.3 მილიარდი ლარი;
იშ ბანკი საქართველო - უმოქმედო სესხების მოცულობა 2.6%, კლება -1.1%, მთლიანი საკრედიტო პორტფელი - 218.1 მლნ ლარი;
კრედო ბანკი - უმოქმედო სესხების მოცულობა 1.8%, ზრდა 0.8%, მთლიანი საკრედიტო პორტფელი - 1 მილიარდი ლარი;