საქართველოში აშშ-ს საელჩოს მხარდაჭერით და საინვესიტიციო კომპანია საქართველოს კაპიტალის დაფინანსებით, ფულბრაიტის სამაგისტრო პროგრამაზე კიდევ ერთი ქართველი ისწავლის. საქართველოს კაპიტალი რამდენიმე წელია მჭიდროთ თანამშრომლობს ფულბრაიტის სასტიპენდიო პროგრამასთან, რომელსაც საქართველოში ამერიკის შეერთებული შტატების საელჩო ახორციელებს და ყოველწლიურად ნიჭიერ ახალგაზრდებს შესაძლებლობას აძლევს, მიიღონ დაფინანსება აშშ-ს წამყვან უნივერსიტეტებში ორ წლიან სამაგისტრო პროგრამაზე.

ამ დრომდე, ფულბრაიტის სასტიპენდიო პროგრამის ფარგლებში სამაგისტრო პროგრამაზე სრული დაფინანსებისთვის საქართველოს კაპიტალმა 150.000 აშშ დოლარზე მეტი გამოყო და 2 ადამიანის სწავლა სრულად დააფინანსა. კომპანიისთვის მნიშვნელოვანია, განათლების მხარდაჭერა როგორც საქართველოში ასევე მის ფარგლებს გარეთ და ამ მიმართულებით არაერთი ინვესტიცია აქვს განხორციელებული.

რაც შეეხება 2021 წლის ფულბრაიტის სასტიპენდიო კონკურსს, განაცხადების მიღება მიმდინარეობს და 2020 წლის 1 აგვისტოს, 18:00 საათზე დასრულდება.
დეტალური ინფორმაცია იხილეთ აშშ-ს საელჩოს ვებგვერდზე:  

საქართველოს კაპიტალის შესახებ:

საქართველოს კაპიტალი (Georgia Capital) არის საინვესტიციო პლატფორმა საქართველოში, რომელიც ახორციელებს ინვესტიციებს სხვადასხვა სექტორებში, კონკრეტული ბიზნესის განვითარების მიზნით. ამჟამად განხორციელებული აქვს არაერთი ინვესიტიცია ქვეყნის წყალმომარაგების, განახლებადი ენერგიის, საცხოვრებლის განვითარების, სტუმართმოყვარეობის და კომერციული უძრავი ქონების ბიზნესის მიმართულებით. ასევე, ქონებისა და შემთხვევების დაზღვევის, სასმელების და საგანმანათლებლო ბიზნესში. საქართველოს კაპიტალის აქციები განთავსებულია ლონდონის საფონდო ბირჟაზე, პრემიუმ სეგმენტში. საინვესტიციო კომპანია მუდმივად ეძებს შესაძლებლობას მოიზიდოს და განახორციელოს ინვესტიცია საქართველოში, განვითარების პოტენციალის მქონე ბიზნეს მიმართულებებში.

ფულბრაიტის საგამისტრო პროგრამის შესახებ:

ფულბრაიტის სამაგისტრო პროგრამა ღია კონკურსია, რომელსაც ადმინისტრირებას უწევს თბილისში აშშ საელჩო. ფულბრაიტის სტიპენდია წარმოადგენს აშშ-ის მთავრობის ერთ-ერთ ყველაზე პრესტიჟულ პროგრამას მთელს მსოფლიოში. პროგრამის კურსდამთავრებულებს შორის არიან სახელმწიფოთა ნობელის პრემიის ლაურეატები, სახლემწიფოთა ლიდერები და საერთაშორისო ორგანიზაციების ხელმძღვანელები. პროგრამაში მონაწილეობა შეუძლია საქართველოს ნებისმიერ მოქალაქეს.