საგზაო უსაფრთხოების საკითხებში გაერო-ს ექსპერტი - მოპედებისთვის მართვის მოწმობებისა და რეგისტრაციის პროექტი მნიშვნელოვანია, უამრავი არასრულწლოვანი ჯდება ასეთ სატრანსპორტო საშუალებებზე

საგზაო უსაფრთხოების საკითხებში გაერო-ს ექსპერტი - მოპედებისთვის მართვის მოწმობებისა და რეგისტრაციის პროექტი მნიშვნელოვანია, უამრავი არასრულწლოვანი ჯდება ასეთ სატრანსპორტო საშუალებებზე

access_time2021-05-06 15:10:00

ტრანსპორტის და საგზაო უსაფრთხოების საკითხებში გაერო-ს ექსპერტის, ორგანიზაცია „პარტნიორობა საგზაო უსაფრთხოებისთვის“ თავმჯდომარის გელა კვაშილავას განცხადებით, მოპედებისთვის მართვის მოწმობებისა და სავალდებულო რეგისტრაციის კანონპროექტი ამ სფეროს რეგულაციისათვის ძალიან მნიშვნელოვანია.


როგორც კვაშილავამ მედიაჰოლდინგ „კვირას“ პრესკლუბში განაცხადა, იმის გამო, რომ მართვის მოწმობის მოთხოვნა არ არსებობს, მოპედის ან სკუტერის მძღოლები საკუთარ თავს უფრო მეტ უფლებას აძლევენ, მათი დაფიქსირება შეუძლებელი ხდება და ეს კანონპროექტი არის ინსტრუმენტი, რომ მათი პასუხისმგებლობა გაიზარდოს.


მისივე თქმით, მოპედების ან სკუტერების მძღოლებს, რომლებიც 25კმ/სთ-ის ზემოთ სიჩქარით გადაადგილდებიან საქართველოში თეორიული გამოცდის ჩაბარება მოუწევთ, თუმცა სხვა ქვეყნებში უფრო რთული მოთხოვნებიც არსებობს.


„პარლამენტში შეტანილი კანონპროექტი ძალიან მნიშვნელოვანია. საქართველოში 2019 წელს 20 000-მდე მოპედი, სკუტერი და მსგავსი სატრანსპორტო საშუალება იყო, თუმცა დღეის მონაცემებით, ეს რაოდენობა გასამმაგდა და ყოველწლიურად მატულობს, ამიტომ მნიშნველოვანია ამ სფეროს მოწესრიგება. პრაქტიკაა, რომ 50 კუბური მოცულობის ძრავის მქონე მოპედის მძღოლებს უნდა ჰქონდეთ გავლილი გარკვეული ტრენინგი და საბუთი, რომ შეუძლიათ ატარონ მსგავსი სატრანსპორტო საშუალება, ეს პრაქტიკა მიღებულია ევროპის ყველა ქვეყანაში და არამხოლოდ ევროპაში. ის მოპედები ან სკუტერები, რომლებიც გადაადგილდებიან 25კმ/სთ ზემოთ ყველა ქვეყანაში რეგულირდებიან, საქართველოში მათ თეორიული გამოცდის ჩაბარება მოუწევთ, თუმცა სხვა ქვეყნებში არის უფრო რთული მოთხოვნებიც.



უამრავი ქურდობა ხდება ამ სატრანსპორტო საშუალებების და ფაქტობრივად შეუძლებელია მათი იდენტიფიცირება. თავად მფლობელების ინტერესებშიც შედის, რომ მოხდეს მათი დარეგისტრირება. უამრავი არასრულწლოვანი ჯდება ასეთ სატრანსპორტო საშუალებებზე და ყველასთვის ცნობილია, რომ ეს სატრანსპორტო საშუალებები გადაადგილდებიან ქვეითთა მოძრაობის ზოლზე, ტროტუარებზე, რა პრობლემაც უნდა მოვაგვაროთ, ასევე ხშირად ხდება საგზაო სატრანსპორტო შემთხვევები და ამ მიმართულებით, ამ სფეროს მოწესრიგება, რეგისტრაცია, მძღოლებისადმი მინიმალური მოთხოვნები და ამისთვის თეორიული გამოცდის ჩაბარება არ არის რთული, თუმცა მნიშვნელოვანია, რომ ქვეყანაში მოწესრიგდეს ეს საკითხი.


იმის გამო, რომ მართვის მოწმობის მოთხოვნა არ არსებობს, ეს ადამიანები უფრო მეტ უფლებას აძლევენ საკუთარ თავს, მათი დაფიქსირება შეუძლებელი ხდება და ეს არის ინსტრუმენტი, რომ მათი პასუხისმგებლობა გაიზარდოს. 2020 წელს 450 ადამიანი გარდაიცვალა ავტოსაგზაო შემთხვევის შედეგად, რომელთა დიდი ნაწილიც მოდის სიჩქარის გადაჭარბებაზე. ამაში შედის მსგავსი სატრანსპორტო საშუალებებიც და ეს კანონი ხელს შეუწყობს, რომ გაიზარდოს ჩაფხუტის ტარებაც და ის მოთხოვნებიც, რაც საჭიროა, რომ უსაფრთხოება იყოს დაცული. იმის გამო, რომ რეგისტრაცია არ არსებობს შეუძლებელია ზუსტი სტატისტიკა ვაწარმოოთ“, - აღნიშნა გელა კვაშილავამ.


ცნობისთვის, შინაგან საქმეთა მინისტრის, ვახტანგ გომელაურის განცხადებით, მოპედებით გადაადგილებისთვის მძღოლებს მართვის მოწმობები დასჭირდებათ. გომელაურის თქმით, მოპედების რეგისტრაცია სავალდებულო გახდება.


IPN.GE





საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up