საგზაო დეპარტამენტის ყოფილი მაღალჩინოსანი ირაკლი ხერგიანი   ბრალდებებს   „კომერსანტთან“  პასუხობს

საგზაო დეპარტამენტის ყოფილი მაღალჩინოსანი ირაკლი ხერგიანი ბრალდებებს „კომერსანტთან“ პასუხობს

access_time2018-04-13 09:00:39

 საგზაო დეპარტამენტის თავმჯდომარის ყოფილი მოადგილე ირაკლი ხერგიანი „კომერსანტთან“  მის წინააღმდეგ გაჟღერებულ ბრალდებებს უარყოფს. როგორც ცნობილია, რამდენიმე კვირის წინ მედიაში გაჟღერდა ინფორმაცია იმის შესახებ, რომ   ინფრასტრუქტურისა და რეგიონული განვითარების სამინისტროში ის კორუფციის სავარაუდო სქემებში მონაწილეობდა.


გავრცელებული ინფორმაციით, სავარაუდო სქემა, რომლითაც სამინისტროს მიერ კონკრეტულ კომპანიებზე ტენდერების განაწილება და მათი შესრულება ხდება გამოიყურება ასე: 1) მაღალჩინოსნები, რომლებიც სატენდერო კომისიების წევრები არიან გადადიან იმ კერძო კომპანიებში მაღალანაზღაურებად პოსტებზე, რომელთა გამარჯვებასაც ხმა მისცეს. 2) იმ კომპანიების ხელმძღვანელები, რომლებიც ტენდერებს იგებენ სამუშაოდ სამინისტროში გადადიან.


ერთ-ერთ მაგალითად, კი საგზაო დეპარტამენტის სამსახურის უფროსის ყოფილი მოადგილე ირაკლი ხერგიანიცაა დასახელებული, რომელიც  სამუშაოდ გადავიდა კომპანია „დოჰვა ინჟინერინგში“.  გავრცელებული ინფორმაციით, აღნიშნული კომპანია  საგზაო სამუშაოების შესრულებას უწევს მონიტორინგს. სატენდერო დოკუმენტების მიხედვით ხერგიანი იყო იმ კომისიის წევრი, რომელმაც აღნიშნულ კომპანიას ტენდერები მოაგებინა.



ხერგიანი დღეს „კომერსანტთან“ აცხადებს, რომ ის საგზაო დეპარტამენტის თავმჯდომარის მოადგილე 2015 წლის ოქტომბრიდან 2017 წლის დეკემბრამდე პერიოდში იყო. შესაბამისად, ინფორმაცია   და პასუხის გაცემა მხოლოდ დასახელებულ პერიოდში არსებულ საკითხებზე და „ქეისებზე“  შეუძლია.


ბრალდება N1 -საგზაო დეპარტამენტში ტენდერები მიკერძოებულად ტარდებოდა


ხერგიანის განცხადებით, საგზაო დეპარტმანეტში ტენდერები ელექტრონულად ტარდება და ასეთ პირობებში რთულია ისაუბრო მიკერძოებაზე. ხერგიანის განცხადებით,  ყველაფერი გამჭირვალეა, არის ელექტრონული სისტემა და საეჭვოა იქ კორუფციული სქემები მოქმედებდეს. რაც შეეხება საერთაშორისო ტენდერებს, ეს ხორციელდება  დონორების დახმარებით, რაც კორუფციულ სქემებს მითუმეტეს გამორიცხავს.


 

„დონორი როდესაც ამ შესყიდვას ახორციელებს მშენებლობის მონიტორინგსაც ის ახორცილებს. შესაბამისად, დონორის წარმომადგენელ კონსულტანტს პასუხისმგებლობა აქვს შესყიდვაზე საგზაო დეპარტმანეტის თანამშრომლებთან ერთად. სატენდერო დოკუმენტაციის განხილვის შემდეგ  იგზავნება დონორთან, რომელიც ამოწმებს იმას, თუ რამდენად სწორადაა შესყიდვა განხორციელებული. საკმაოდ რთული სისტემაა და ჩემი აზრით, იმ კონკრეტულ პერიოდში, როდესაც მე ვმუშაობდი, კორუფციის რისკები საკმაოდ იყო შემცირებული“-აცხადებს ხერგიანი.


 

ბრალდება N2 - საავტომობილო გზების დეპარტამენტის კომისია ერთპიროვნულად იღებდა გადაწყვეტილებას და ახდენდა ცვლილებებს უკვე არსებულ ტენდერში

 

ხერგიანის განცხადებით, საგზაო დეპარტამენტში კონტრაქტები ხორციელდება დონორების წესებით, ინჟინერ კონსულტანტთა საერთაშორისო ფედერაციის (FIDIC) წითელი წიგნის მიხედვით. FIDIC-ის კონტარქტით, პროექტების განხორციელება განსხვავდება საქართველოს ბიუჯეტით დაფინანსებული მშენებლობის პროცედურებისგან. შესაბამისად, გადაწყვეტილებების მიღების პროცედურა FIDIC-ის კონტარქტშია ჩადებული.


„კონტარქტორს უფლება აქვს წარმოადგინოს ალტერნატიული შემოთავზება, რაც შეიძლება დამკვეთმა და ზედამხედველმა განიხილოს. ის ეთანხმება იმ შემთხვევაში თუ ის ხედავს რომ არის ეკონომია, ან მშენებლობის ვადის შემცირება. სამტრედია-გრიგოლეთის მონაკვეთის მშენებლობაც ამ კონტრაქტით ხორციელდება“-აცხადებს ხერგიანი.




ბრალდება N3 - სინოჰიდროს“  მიერ საქართველოში საერთაშორისო მნიშვნელობის გზების მშენებლობის პროცესში  უხეში დარღვევები


 

ხერგიანის განცხადებით, სამტრედია-გრიგოლეთის მონაკვეთის შემთხვევაში საუბარი იყო იმაზე, რომ გზის პროექტში შეიცვალა ხიმინჯები  იმიტომ, რომ ხიმინჯები ძვირია, შედეგად, გამოყენებული იქნა  და   უფრო იაფი ვარიანტი. ხერგიანი აცხადებს, რომ არსებულ პროექტში გარკვეული ხარვეზები იყო, რაც პროექტის განხორციელებას პრობლემას უქმნიდა (დროში გაჭიანურდებოდა). ხერგიანის ონფორმაციით,  სავარაუდოდ, გზების დეპარტამენტი მაშინ ცვლილების განხორციელებას დათანხმდა. „როდესაც საგზაო დეპარტამენტში ვმუშაობდი  ბენეფიტი იყო ის, რომ მშენებლობის პროცესი წარიმართებოდა გაცილებით სწრაფად, ხარისხიანად და ნაკლები დანახარჯებით. რაც შეეხება ვერტიკალურ დრენაჟებს მათი გამოყენება სწორი გადაწყვეტილება იყო ამას ამტკიცებენ საერთაშორისო კომპანიებიც. 


მისივე განცხადებით, „სინოჰიდროს„ საქართველოში  საქმიანობის გააქტიურებიდან ის საგზო დეპარტმანეტში აღარ მუშაობდა.  


ბრალდება N4 - კომპანია „Sinohydro Corporation Limited“-ის მიერ 2016 წლიდან სამტრედია-გრიგოლეთის საავტომობილო გზის მონაკვეთზე მშენებლობა საქართველოს კანონმდებლობით დადგენილი სავალდებულო ნებართვებისა და საექსპერტო დასკვნის გარეშე დაიწყო


ხერგიანის განმარტებით, სამშენებლო ობიექტის ნებართვა  თავიდანვე გაიცემა. კონკრეტულ  სამშენებლო ობიექტს მშენებლობის ნებართვა მიღებული აქვს და პროექტი ფიდიკის მიხედვით ხორციელდება“-აცხადებს ხერგიანი.

 

 

არსებობს ტექნიკური საბჭო,სადაც გაწვრიანებულია ქართული საპროექტო კომპანიები, დამოუკდიებელი ექსპერტებისგან, ტექნიკური უნივერსიტეტის წარმომადგენლები.


როგორც ცნობილია, „აფბა “ აცხადებს, რომ ჩინური კომპანია „ სინოჰიდროს“  მიერ საქართველოში საერთაშორისო მნიშვნელობის გზების მშენებლობის პროცესში  უხეში დარღვევები ფიქსირდება  და საქმნე გვაქვს უხარისხო მშენებლობასთან,  რის გამოც უკვე აშენებული გზების დიდი ნაწილი თავიდან ითხოვს რემონტს და მშენებარე გზებზე კი ექსპერტიზის არგავლის გამო, ხდება ხიდებისა და საგზაო ინფრასტრუქტურის ჩატეხვა, ჭაობში ჩაძირვა და ადგილობრივი მოსახლეობის მოწყვეტა მათი ყანებიდან და საძოვრებიდად. ამის საპასუხოდ ხერგიანი განმარტავს, რომ   სინოჰიდროს საქმიანობის აქტიური დაწყებიდან  მშენებლობის დროს ის საგზო დეპარტმანეტში აღარ მუშაობდა.  

 

„რაც შეეხება სამშენებლო ობიექტის ნებართვას, ეს გაიცემა თავიდანვე.სამშენებლო ობიექტს მშენებლობის ნებართვა მიღებული აქვს. პროექტი FIDIC-ის მიხედვით ხორციელდება“-აცხადებს ხერგიანი.

 

ბრალდება N5 – საგზაო დეპარტამენტის ხელმძღვანელებს ტენდერებში გამარჯვებული კომპანიები ასაქმებენ. ირაკლი ხერგიანი - საავტომობილო გზების დეპარტამენტის თავმჯდომარის ყოფილი მოადგილე, სამუშაოდ გადავიდა საერთაშორისო საზედამხედველო კომპანიადოჰვაინჟინერინგში“, კომპანიაში, რომელიც ზედამხედველობას უწევდა თბილისი-რუსთავის გზას, ქობულეთის შემოვლით გზას და საქართველოს 10 შიდა და მეორადი გზის რეკონსტრუქციის ზედამხედველობა აქვს აღებული.



ხერგიანის განმარტებით, როდესაც რეგიონული განვითარების და ინფრასტრუქრტრის სამინისტროში მინისტრად ზურაბ ალავიძე მოვიდა, მას  დაახლოებით 1.5 თვეში სამსახურის დატოვება მოუწია.



„განათლებით ინჟინერი ვარ და  ერთი პროფესია მაქვს. საჯარო სამსახურიდან წამოსვლის შემდეგ კერძო კომპანიებისგან შემოთავაზება მქონდა. სიცრუეა ის, რომ  ჩემი საგზო დეპატმანეტში მუშაობის დროს, კომპანია „დოჰა ინჟნერიგნს“ გარკვეული ტენდერები მოვაგებინე და მერე მათთან სამუშაოდ გადავედი. ეს სრული აბსურდია.

 

როდესაც მე სატენდერო კომისიის წევრი ვიყავი „დოჰა ინჟნერინგს“  საგზაო დეპარტამენტში არცერთი პროექტი არ მოუგია. ქობულეთის შემოვლითი გზის მშენებლობა 2011 წელს დაიწყო. მაშინ  მე სატენდერო კომისიის წევრი საერთოდ არ ვყოფილვარ.  თბილისის რუსთავის გზა მუნიციპალური განვითარების ფონდის მიერ დაფინანაებული პროექტია და შესაბამისად, მასზე ეს უწყებაა პასუხისმგებელი. ამათთან ვერანაირი კავშირი ვერ მექნებოდა. რაც შეეხება იმ 10 პროექტს და მათზე ზედამხედველობას,  როდესაც „დოჰა ინჟინერინგმა“  ეს პროექტი მოიგო, მე მსოფლიო ბანკის კონსულტანტი ვიყავი სამშენებლო სფეროში. ამ ბრალდებას სრულიად ვემიჯნები“-აცხადებს ხერგიანი.


ავტორი: სოფო ქსოვრელი 

 

 

 

 

 

 

 




დღის TOP 10 საინტერესო ამბავი

დღის TOP 10 საინტერესო ამბავი
access_time2021-09-23 21:00:22
დღის TOP 10 საინტერესო ამბავი:   1. ბათუმში კუნძულის აშენებას „ამბასადორი“ აპირებს – ახალი მონაცემები აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს.     2. მუნიციპალიტეტების შავი ხვრელი - რატომ...

ლარი დოლართან მიმართებით გაუფასურდა, ევროსთან კი გამყარდა

ლარი დოლართან მიმართებით გაუფასურდა, ევროსთან კი გამყარდა
access_time2021-09-23 18:00:28
23 სექტემბრის ვაჭრობის შედეგად ლარი აშშ დოლართან მიმართებაში 0.24 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1100 შეადგინა. საერთაშორისო ვალუტებიდან ლარი ევროსთან 0.19 თეთრით 3.6532-მდე გამყარდა, ხოლო ბრიტანულ ფუნტთან 1.36 თეთრით 4.2650-მდე გაუფასურდა. თურქულ ლირასთან ლარი 0.01 თეთრით 0.3601-მდე, ხოლო აზერბაიჯანულ მანათთან 0.31 თეთრით 1.8322-მდე გამყარდა. 100 რუსულ რუბლთან კი 0.58 თეთრით 4.2872-მდე, ხოლო 1000 სომხურ დრამთან 3.35 თეთრით...

ბათუმში კუნძულის აშენებას „ამბასადორი“ აპირებს – ახალი მონაცემები

ბათუმში კუნძულის აშენებას „ამბასადორი“ აპირებს – ახალი მონაცემები
access_time2021-09-23 17:20:01
აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს. ეს ინფორმაცია „ბათუმელებმა“ ინფორმირებულ პირებთან კომუნიკაციისა და საჯარო რეესტრის მონაცემებზე დაყრდნობით დაადასტურა. ინვესტორი ელგუჯა ქებურიასთან ერთად ბიზნესმენი ფრიდონ ქათამაძეა, თუმცა მისი წილი კომპანიაში ბევრად მცირე – 18 პროცენტია. ამ პროექტისთვის შპს „ამბასადორ ბათუმი აილენდი“ 2021 წლის ივნისში დააფუძნა ოფშორში,...

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება
access_time2021-09-23 14:30:32
BAG ინდექსის ფარგლებში, საქართველოს ბიზნეს ასოციაცია, წევრებისა და მათი შვილობილი კომპანიების ინვესტიციების ცვლილების ტენდენციასაც აკვირდება. ცხადია, 2020 წელს, მკვეთრად შემცირებული შიდა თუ საგარეო მოთხოვნის, ლოგისტიკური სირთულეებისა და სხვა დაბრკოლებების გათვალისწინებით, კომპანიებმა თავიანთი საინვესტიციო გეგმები მნიშვნელოვნად დააკორექტირეს. მიმდინარე წელს კი, პანდემიის მიუხედავად, ინვესტიციების ზრდის ტემპი კოვიდამდე არსებულ მდგომარეობას უბრუნდება. ცნობისათვის, 2019 წელს ჯამური ინვესტიციები...

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
access_time2021-09-23 14:55:34
ეკონომიკის ექსპერტმა ვლადიმერ პაპავამ სარეკლამო ბიზნესზე ზეწოლის შესახებ „პრაიმტაიმის“ პრეს–კლუბში განცხადება გააკეთა. მისი თქმით, იმაზე საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია. „ქვეყანაში დღეს წინასაარჩევნო პერიოდია. დაძაბული სიტუაციაა. პოლიტიკურად ცხელი შემოდგომაა. ამ პირობებში არის ხშირი ურთიერთბრალდება. ამაში, სამწუხაროდ, ყვება ბიზნესი. ნუ გვავიწყდება, რომ ცხოვრება არჩევნების შემდეგაც გრძელდება და ეს...


მსგავსი სიახლეები

up