საგანელიძე TBC-ის საქმეზე: ხაზარაძეს და ჯაფარიძეს კანონის გაყალბება აზრადაც არ მოუვიდოდათ

საგანელიძე TBC-ის საქმეზე: ხაზარაძეს და ჯაფარიძეს კანონის გაყალბება აზრადაც არ მოუვიდოდათ

access_time2019-01-12 12:44:57

საპარტნიორო ფონდის ხელმძღვანელი დავით საგანელიძე დარწმუნებულია, რომ მამუკა ხაზარაძეს და ბადრი ჯაფარიძეს „კანონის გაყალბებით სიარული, აზრადაც არ მოუვიდოდათ“. 

ამის შესახებ საგანელიძემ bm.ge-ის TBC ბანკის ირგვლივ შექმნილი ვითარების და პროკურატურის მიერ დაწყებული გამოძიების კომენტირებისას განუცხადა. 

„მამუკა ხაზარაძეს და ბადრი ჯაფარიძის მიმართ იყო რაღაც კითხვები... მე ორივეს ძალიან კარგად ვიცნობ და თავიდან ბოლომდე დარწმუნებული ვარ, რომ არც - ერთს და არც - მეორეს თავში აზრადაც არ მოუვიდოდა, კანონის გაყალბებით სიარული და თანხების გადამალვა თუ რაღაც... ვიცი ამ ადამიანების განვლილი გზა და მათი მოქალაქეობრივი მრწამსი“, - განაცხადა საგანელიძემ, თუმცა იქვე აღნიშნა, რომ თუ რამეა შესასწავლი, პროკურატურამ უნდა შეისწავლოს და ყველა კითხვას პასუხი გასცეს.

„ვინაიდან, კითხვები გაჩნდა, ალბათ პროკურატურას ვიღაცამ არასწორი თუ არაკორექტული ინფორმაცია მიაწოდა, ამიტომ პირიქით, კარგია, რომ ყველა კითხვას გაეცეს პასუხი. აქ ადამიანურ ღირსებაზეც არის საუბარი, ასევე იმ სტრუქტურების ღირსებაზე, რომელიც ამ ადამიანებმა შექმნეს და სადაც შრომობენ“, - აღნიშნა საპარტნიორო ფონდის ხელმძღვანელმა. 

დავით საგანელიძე ფიქრობს, რომ ხელშეუხებელი სტრუქტურა და ადამიანები არ არსებობენ. 

„პროკურატურამ ყველა არსებულ კითხვაზე უნდა გასცეს პასუხი და თუ რამეა შესასწავლი, უნდა შეისწავლოს. არ არსებობს არცერთი ბარიერი, არცერთი სტრუქტურა, ეს იქნება კერძო თუ სახელმწიფო, რომელსაც ხელშეუხებლობის მომენტი უნდა ჰქონდეს იმის გამო, რომ მან შეიძლება რამე გამოიწვიოს; არ არსებობს ხელშეუხებელი არც ადამიანები, მაგრამ როცა საუბარი ეხება ისეთ ორგანიზაციას, როგორიც ბანკია, ბანკის მდგრადობა ძალიან მნიშვნელოვან გავლენას ახდენს ზოგადად, საზოგადოების წევრების, საბანკო სისტემის და ეკონომიკური სიტუაციის მდგრადობაზე, ეს მეტად სენსიტიური თემაა, მაგრამ მეორეს მხრივ, საზოგადოებამაც უნდა გაიგოს, რმ ბანკის საქმიანობა არაა კავშირში რომელიმე პიროვნების - ეს იქნება ბანკის თანამშრომელი თუ გარე პირი, მიმართ დასმულ კითხვებთან. ამდენად, ვფიქრობ, რომ ეს საქმე უნდა იყოს შესაწავლილი და საზოგადოებამ ყველაფერი კარგად გაიგოს. მე დარწმუნებული ვარ, რომ იქ არანაირი პრობლემა არ იქნება და ეს კიდევ უფრო განამტკიცებს ფინანსთა სექტორის მიმართ საზოგადოების დამოკიდებულებას“, - განაცხადა მან. 

რაც შეეხება, TBC ბანკის ირგვლივ შექმნილი ვითარების გავლენას ანაკლიის ღრმაწყლოვანი პორტის განხორციელებასთან, დავით საგნელიძე ფიქრობს, რომ მიმდინარე გამოძიება და კითხვები ვერანაირ გავლენას ვერ მოახდენს ისეთ უმნიშვნელოვანეს პროექტზე, როგორიც ანაკლიის პორტია. 

შეგახსენებთ, პროკურატურის ოფიციალური ვერსიით, გამოძიებით დადგენილია, რომ 2008 წლის აპრილში და მაისში, შპს „სამგორი თრეიდმა“ და შპს „სამგორი M”-მა, ,,თიბისი ბანკი“-სგან, სათანადო უზრუნველყოფის გარეშე, დაჩქარებული წესით მიიღეს საერთო ჯამში 17 მილიონ აშშ დოლარამდე სესხი. კომპანიების ანგარიშებზე სესხის თანხის განთავსებისთანავე, მამუკა ხაზარაძემ და ბადრი ჯაფარიძემ, ამავე კომპანიებიდან, როგორც ფიზიკურმა პირებმა, ისესხეს ზუსტად იმ ოდენობის თანხა, რაც ,,თიბისი ბანკმა“ საბრუნავი საშუალებების შევსების მიზნობრიობით ასესხა დასახელებულ კომპანიებს. 2008 წლის ბოლოს, თიბისი ბანკმა, აღნიშნული სესხები, საბანკო რეგულაციებით დადგენილ ვადაზე ადრე, დაუსაბუთებლად ჩამოწერა და გარე საბალანსო ანგარიშზე გადაიტანა, ხოლო 2012 წელს საერთოდ გაათავისუფლა ეს კომპანიები ბანკის წინაშე არსებული სასესხო ვალდებულებისგან, როდესაც დათანხმდა ამ ვალდებულებების ოფშორულ კომპანიაზე გადატანას. 

„საგულისხმოა, რომ „სამგორი თრეიდს“ და შპს „სამგორი M”-ს სესხები ისე ჩამოიწერა, რომ ამ კომპანიებს სესხის მომსახურებისთვის თანხა საერთოდ არ გაუღიათ და აღნიშნული სესხები ბანკს დღემდე არ დაბრუნებია. გარდა ამისა, დადგენილია, რომ მამუკა ხაზარაძეს და ბადრი ჯაფარიძეს ასევე არ გაუსტუმრებიათ შპს „სამგორი თრეიდისა“ და შპს „სამგორი M” - ს, ვალი. 

გამოძიების ფარგლებში ჩატარდა არაერთი საგამოძიებო და საპროცესო მოქმედება, გამოიკითხნენ ფაქტთან შემხებლობაში მყოფი პირები, მათ შორის გამოკითხულია მამუკა ხაზარაძეც. გამოძიების ამ ეტაპზე, შესაძლო დანაშაულებრივი ფაქტების სრულყოფილად შესწავლისთვის, აუცილებელია დამატებითი დოკუმენტაციის და ინფორმაციის მოპოვება და შესწავლა, რისთვისაც საქართველოს გენერალურმა პროკურატურამ 2019 წლის 4 იანვარს შუამდგომლობებით მიმართა თბილისის საქალაქო სასამართლოს სს ,,თიბისი ბანკი“-დან ინფორმაციის გამოთხოვის თაობაზე. სასამართლოს მიერ დაკმაყოფილებული შუამდგომლობები შესასრულებლად ჩაბარდა სს ,,თიბისი ბანკს“. საქმეზე საჯარო ინტერესის გათვალისწინებით, გენერალური პროკურატურა საზოგადოებას პერიოდულად მიაწვდის ინფორმაციას გამოძიების შესახებ", - ნათქვამია პროკურატურის განცხადებაში. 

აღსანიშნავია, რომ პროკურატურის მიერ ოფიციალური განცახდების გავრცელებამდე, საქმეს თავად „თიბისი ბანკი“ გამოეხმაურა ასევე საჯარო განცხადებით, რომელშიც ნათქვამი იყო, ბანკის მენეჯმენტი კატეგორიულად უარყოფს „ორკესტრირებული შავი პიარის ავტორების მიერ შეთითხნილ ბრალდებებსა და შეგნებულად დამახინჯებულ ფაქტებს“. 

რაც შეეხება პროკურატურის მიერ გაკეთებულ კომენტარს დოკუმენტების ამოღებასთან დაკავშირებით, საკითხი ეხება 2008 წლის რიგით, კანონიერ საბანკო ოპერაციას, რომელიც: 

· არაერთხელ იქნა სახელმწიფო სტრუქტურების და ეროვნული ბანკის მიერ შესაბამის პერიოდებში შემოწმებული, როგორც მოქმედი ისე წინა ხელისუფლების დროს; 
· არაერთხელ იქნა საერთაშორისო აუდიტორების მიერ შემოწმებული და მათი სისწორე დადასტურებული; 
· ამასთან, მოცემული ტრანზაქცია ხანდაზმულია. 

თიბისი ბანკი ვერ შეეგუება მიზანმიმართული დისკრედიტაციისა და რეპუტაციის შელახვის მცდელობას, ვისგანაც არ უნდა მომდინარეობდეს ის, და საჭიროების შემთხვევაში გამოიყენებს მის ხელთ არსებულ ყველა ადგილობრივ და საერთაშორისო სამართლებრივ ბერკეტს თიბისი ბანკის, მისი დამფუძნებლებისა და საერთაშორისო აქციონერების კანონიერი ინტერესების დასაცავად", - ნათქვამია განცხადებაში.



თეგები:
TBC



"საპენსიო რეფორმას არ აქვს თეორიული შანსი, რომ არ დაასრულოს სრული კატასტროფით“

access_time2019-01-21 19:30:29
"საპენსიო რეფორმას არ აქვს თეორიული შანსი, რომ არ დაასრულოს სრული კატასტროფით, ყველა შემთხვევაში, რაც არ უნდა მოხდეს, საპენსიო რეფორმა ამ ქვეყნისთვის, ანუ ადამიანებისთვის დამაზიანებელი იქნება," — წერს სიციალურ ქსელში  "გირჩის" წევრი ნიკა ობოლაძე და იქვე მიზეზებს განმარტავს: არსებობს 2 ვარიანტი: ა) საპენსიო რეფორმა შემდეგი ათწლეულები უპრობლემოდ მუშაობს შემოთავაზებული სქემით ბ) არსებული...

სამრეწველო ჯოჯოხეთი - საიტი Wired Tesla-ში მუშაობის არაადამიანურ პირობებზე წერს

სამრეწველო ჯოჯოხეთი - საიტი Wired Tesla-ში მუშაობის არაადამიანურ პირობებზე წერს
access_time2019-01-21 20:30:29
2016 წლის მარტში, ილონ მასკი ლოს-ანჯელესის გარეუბანში Tesla-ს ერთ-ერთ სალონში მივიდა. ეს იყო იმ დღეს, როდესაც კომპანიამ დაიწყო შეკვეთების მიღება ახალ მოდელზე - Model 3-ზე, რომელიც უნდა გამხდარიყო ბრენდის პირველი ნაბიჯი მასობრივი მოხმარების სეგმენტში. ტოპ მენეჯერები მარჩიელობდნენ შეკვეთების შესაძლო რაოდენობაზე და ელოდნენ დაახლოებით 50 000-ს, რაც იქნებოდა რეკორდი ელექტრომობილების ინდუსტრიისთვის. თუმცა, რეალობამ გადააჭარბა...

კახა ბექაური : „ოპერატორებს არ მივცემთ უფლებას, რომ საკუთარი ძალაუფლება მომხმარებლებზე ბოროტად გამოიყენონ“

კახა ბექაური : „ოპერატორებს არ მივცემთ უფლებას, რომ საკუთარი ძალაუფლება მომხმარებლებზე ბოროტად გამოიყენონ“
access_time2019-01-21 17:10:48
კომუნიკაციების ეროვნული კომისიის თავმჯდომარე კახა ბექაური ორი კომპანიის მიერ ტარიფების გაზრდასთან დაკავშირებით გავრცელებულ ინფორმაციას აფასებს და ამბობს, რომ კომისიას ყველა კანონიერი ბერკეტი გააჩნია, იმისთვის, რომ კომპანიების მხრიდან განხორციელებული არაკანონზომიერი ქმედებები აღკვეთოს. კახა ბექაური იმედს იტოვებს, რომ კომისიის განცხადების შემდეგ კომპანიები წინდახედულობას გამოიჩენენ და კომისიასთან საკითხის გავლის გარეშე გადაწყვეტილებას არ მიიღებენ....

პანორამა თბილისის შენობაში კერძო პირებმა ფართების გაყიდვა-გაქირავება დაიწყეს

პანორამა თბილისის შენობაში კერძო პირებმა ფართების გაყიდვა-გაქირავება დაიწყეს
access_time2019-01-21 16:00:10
პანორამა თბილისის ფარგლებში თაინვესტირების ფონდი „ცეკავშირის“ ყოფილ შენობაში მრავალფუნქციური კომპლექსის მშენებლობას 2019 წლის ბოლოს დაასრულებს. როგორც „კომერსანტს“ „თანაინვესტირების ფონდში“ განუცხადეს, ამ ეტაპზე კომპანიის მიერ ფართების გაქირავება-გაყიდვის პროცესი დაწყებული არ არის. რაც შეეხება შენობის ქვედა სართულზე რამდენიმე ფართის გაყიდვა-გაქირავებას, როგორც კომპანიაში აცხადებენ, ამ ფართების მფლობელები კერძო პირები არიან, ვინც ჯერ კიდევ „თანაინვესტირების ფონდის“ მიერ შენობის შეძენამდე...

,,ბლაუენშტაინ საქართველო“ რაჭაში ფერმერების დახმარების ახალ პროექტს იწყებს

,,ბლაუენშტაინ საქართველო“ რაჭაში ფერმერების დახმარების  ახალ პროექტს იწყებს
access_time2019-01-21 18:15:28
,,ბლაუენშტაინ საქართველო“ რაჭაში ფერმერების დახმარების ახალ პროექტს იწყებს. ამის შესახებ „კომერსანტს“კომპანიის დირექტორმა, თათია არაბიძემ განუცხადა. მისი განმარტებით, ,,ბლაუენშტაინ საქართველოში“ პარტნიორ ფერმერთა პროექტი გაზაფხულიდან განახლებული პირობებით გაგრძელდება და მასში ფერმერის თანამონაწილეობაც იგულისხმება. პროექტი გულისხმობს არსებული საქონლის ჯიშის გაუმჯობესებას და მასში ფერმერი დაახლოებით, 50%-იანი თანამონაწილეობით შევა,...


მსგავსი სიახლეები

up