დღეიდან ამოქმედდა ფინანსთა სამინისტროს საგამოძიებო სამსახურის განახლებული, ორენოვანი ქართულ-ინგლისური, მობილურ მოწყობილობებთან თავსებადი და სხვადასხვა სოციალურ პლატფორმასთან ინტეგრირებული ვებ-გვერდი - IS.GE
უწყების ოფიციალურ გვერდზე ვიზიტორებს შეეძლებათ გაეცნონ საფინანსო-ეკონომიკურ სფეროში ჩადენილ დანაშაულთა წინააღმდეგ ბრძოლაში საგამოძიებო სამსახურის საქმიანობას, სხვა სიახლეებსა და აქტივობებს, სამსახურის ყოველწლიურ ანგარიშებს, ასევე ფოტო და ვიდეო გალერეას.
განახლებულ ვებ-გვერდზე განთავსებული ელექტრონული აპლიკაციის მეშვეობით, საქართველოს მოქალაქეები, სხვადასხვა რეგიონებიდან, დისტანციურად, დოკუმენტბრუნვის გარეშე შეძლებენ მონაწილეობის მიღებას უწყების მიერ გამოცხადებულ სტაჟირების პროგრამის პირველად შესარჩევ ეტაპზე.
სხვადასხვა სიახლეებთან ერთად, ინტერნეტმომხმარებელთათვის კიდევ უფრო მეტადაა გამარტივებული საგამოძიებო სამსახურის რეგიონული თუ ცენტრალური სამმართველოს ოფისების ვიზუალური იდენტიფიცირება და მათ შესახებ საკონტაქტო ინფორმაციის მოძიება.
უწყების ვებ-გვერდის განახლება განხორციელდა ფინანსთა სამინისტროს სსიპ საფინანსო-ანალიტიკური სამსახურის ტექნიკური მხარდაჭერით.
საგამოძიებო სამსახური
